緣聚西日餐廳 (西裕街) (已結業)

今日朋友相約於元朗食放題, 近幾元朗入住了多日式食肆放題是其中之一, 但呢間店食都算是座落市中心位置, 但入口真係幾隠秘係內街稍一不留神就錯過。店舖位於地庫經過一條樓梯後就到了店內, 店內裝修以木質為主, 天花掛咗閃燈好有氣氛。入座後見點茶紙旁邊推介+$98就有生蠔及松葉蟹任食+加埋人頭$228, 每位$326都可以試試。食放題最緊要係由淡味到濃味先能食出食物的味道; 所以今次都唔例外先order生蠔、松葉蟹和刺生, 刺生選擇除主打三文魚和甜蝦外, 還有油甘魚、希靈魚, 鮮帶子和象拔貝刺生; 上菜速度好快, 我哋好快有得食, 刺生賣相好新鮮, 入口鮮甜無雪味, 唯一係象拔貝刺生太細食唔出佢的味道。炸物我哋先order大蝦天婦羅和魷魚花枝, 然後是南瓜天婦羅和蕃薯天婦羅, 呢d都係即叫即整, 上枱後仲有d熱, 粉漿薄食入口唔會一舊舊粉都唔錯。燒物就order黃金燒蠔和鹽燒三文魚頭, 兩樣都做得唔錯. 黃金燒蠔用都芝士個味道好夾; 鹽燒三文魚頭, 外皮有焦香, 但保持到肉汁唔太乾, 調味清清哋又能帶出魚的鮮味。最後叫埋焗薯、枝豆和溫室菠蘿都好滿足, 真係大快朵頤。而最驚喜係發現在韓國的生果

我好少同媽咪入元朗，但記得上次和朋友行街時買了我小狗衫需要換便趁著這次和媽媽一起入元朗，晚上她帶我去「緣聚西日餐廳」食放題。店內裝飾得很別緻，坐位唔迫都幾寬敞，除了刺身，媽媽還點了大大隻長腳蟹和生蠔，任食唔嬲好鲜味啖啖肉，我鍾意食天婦羅所以點了炸蝦、炸番薯、一口芝士等等，嘩！一口芝士D芝士勁香好濃郁我一口氣食咗5粒，好滿足，就連炸番薯都好食過人！串燒雞軟骨、魷魚、煎大蝦、羊架、焗薯容、多春魚、蒜容焗蠔樣樣都好食，簡直食唔停！其實仲可以選擇火煱但我實在太飽喇！食到最後緊喺食甜品，另外一個胃當然可以食得落甜品啦！我食咗多款的甜品包括精緻朱古力蛋糕仔、焦糖芝士雪糕，草莓奶涷，媽咪食榴槤奶凍！實在太滿意！

今晚又同朋友去了緣聚食我最鍾意既放題,有西式,曰式,即叫即做,所有食物好新鮮,通常第一時間會叫沙律和刺身壽司類,由其長腳蟹和生蠔,必食,蠔新鮮即開即食刺身也非常新鮮,大大份絕不老土,各類刺身選擇也非常多壽司選擇就不算多,但勝在即叫那做,一口壽司,飯粒粒明,酸度適中,必食也有大量熟食供應,扒類有水準,南瓜天婦羅,食完再叫過,外脆内嫩,熵生蠔有幾種味選擇,清洒煮蜆,好鮮味再配上sake 好滿足甜品亦應有盡有,呢餐真係超飽好满足

今日專程去元朗行街順道食日式放題因為聽朋友講佢上次食果間放題好唔錯，晚上就入咗「緣聚西日餐廳」試一試朋友的介紹，它是在地庫先入去就有唔錯的感覺，裝修方面幾好尚算有格調；原先只是食放題但我見隔離枱的松葉蟹腳好大隻好粗于是order咗生蠔及松葉蟹腳任食，無所謂啦最緊要開心只附加＄98就可以任食貴嘢而且有質素，相當平宜！刺身好新鮮又多款，壽司好食，我欣賞炸物好出色炸槳控制得很好，好薄好酥脆，熟食方面不得不提果嗰蟹粥好鮮甜我還再order 多一碗，其他仲有煎大蝦、羊架、芝士焗蠔、青酒煮蜆都係我的至愛！原來拉麵都令我有驚喜，叫咗一個义燒拉麵，食得出麵是正宗日本拉麵呀而且還有陣陣麻油香味，好食！我會再去食㗎！

即使住了元朗多年，亦未曾試過此餐廳食物，故昨日與友人一同前行，餐廳舖面裝修不錯，裝廳內部裝修舒適，空間感不錯，食物質素亦多款式及選擇，味道還可以。服務員服務態度有善，而且送餐速度很快。

元朗美食雖多，但質素高的放題就不多了，經常性中伏多過中獎。不過，「 緣聚」是其中一間少有的質素不錯的放題食肆，基本上如果想食放題又不想山長水遠走去市區，我通常都會來這裡。這天就約了好久不見的大學同學來「 緣聚」。基本上價錢、餐牌都沒有怎麼變化，9點前入座成人放題$228，再加$98升級無限食生蠔和松葉蟹。雖則是平日，但基本上座無虛席，好在地方夠大，不會不夠坐。「 緣聚」位處於地下室，G/F門口入去後還要再下一層，而裝修則延續了一貫地下室風格，採用了工業風裝飾，磚牆、塗鴉，與一眾和式裝修的放題食肆相比獨具一格。加$98升級，就是為了滿足我這個「蠔痴」、「蟹痴」。每人每次可以點兩份，食物來得很快，所以不怕食不夠。這裡的生蠔個頭不算太大，但十分新鮮，生蠔的外殼完整無缺。海水味不太重，但肉質肥美，爽中帶脆，滑溜又夠Creamy。松葉蟹更是不得了，一隻就有我一隻手掌那麼大。餐廳有附上蟹剪方便食客拆蟹，蟹肉的肉質很緊實，不會有雪凍太久的霉味，反而甘甜清香。大大根啖啖肉，吃起來非常爽。朋友不好生食，這大大盤的刺身是我一個人的份量。三文魚色澤鮮亮，口感腴滑；帶子雖然size不太大粒，但有彈性之餘又清甜

是日放假又心思思想食，之前一晚見open rice 訂櫃有88折，已經訂了12:00。好日唔去，竟撞啱良景站附近塌樹影響無輕鐵，攪到要轉來轉去才去到，去到足足遲了45分鐘！我哋一去到，安排座位後問我地食乜，我們話訂咗枱，職員跟住就話即係$148那個，跟住就送嗰啲order 紙餐牌上黎俾我哋。上次同個女同她個同學來食，她們叫了很多壽司吃，好像也不錯，今次也試叫下，即刻博命填了先，未有嘢食上，先攞住野飲，今次又有新飲品：Strongbow Apple ciders 有elder flower 同埋honey，老公同我一人一支，飲咗幾啖竟然有D上腦，是因空肚飲啤酒？不過唔錯，我最鍾意呢度成日有新野飲唔駛咁悶! 未有嘢食我們又攞咗啲泡芙、芝士餅同木糠布甸食住先。之後啲野陸續送上來，芥末八爪魚手卷、花之戀啦，乜都有，都唔錯！仲有芝士蒜蓉焗蠔！煎西冷扒、羊扒、大蝦仍然是要點呀！今次剌身叫少了，但見有象拔蚌，味道鮮甜，肉質又嫩又爽脆，品質唔差幾正架！不過再㸃好似漏單。今次又有試蟹粥，都唔錯，又是一人一碗！不過微暖唔夠熱, 熱D仲好!味付螺肉、芝麻八爪魚、螺肉，真係好細碟，每人一嚿咁，比你試下過吓口隱

今日朋友仔話請我食飯，咁緊係任食啦😝我就即刻諗到緣聚西日放題啦，之前食過一次水準不錯，所以就帶朋友仔食啦午時放題$148任飲任食，超級超值😝朋友仔都話抵今次比上一次食多咗好多客人，應該水準保持住打卡仲有芥辣雪糕送，可惜我掛住食唔記得咗😓任你飲，仲有Apple cider 😍刺身夠新鮮壽司🍣都好掂，飯唔會散開至愛，芥辣八爪魚手卷燒三文魚誠意推薦蟹粥粥底夠綿，熱辣辣又鮮味新產品魷魚春卷，又幾脆口喎羊扒都好大件真係超值之選，價錢抵仲要上菜快，唔會漏單👍🏻👍🏻如果晚餐仲可以升級生蠔，長腳蟹任食架，朋友仔話下次要食晚餐時段喎😂

屯門冇放題食，最近就係去元朗揾食，上網見到呢間食評ok，一於入去試下，地方都幾大，裝修有特式，又有卡位坐，唔錯！刺身選擇唔多，但都幾新鮮，唔會出現未溶雪的情況(可惜冇我至愛的吞拿魚同赤貝)壽司細細件，一啖一件！如果上面件刺身切大件D厚身D就好啦！蒜蓉同芝士焗蠔盈盈都好喜歡略嫌厚粉左D都叫鮮甜，但食唔到酒味盈盈冇去雪櫃拿雪糕食，因為都係D超市有售既平價雪條，推薦大家點佢地自制既蕉糖芝士同牛奶雪糕，唔知岩唔岩大家口味，但盈盈超like細細件，一個人KO左四件呢度D扒個人認為一般，因為賣相唔好都冇拍到照整體而言，午市算抵食！大家記得先向App度訂位有88折！

趁學生八達通優惠就嚟完，今日決定去遠d既元朗搵下野食。問咗住元朗嘅朋友，佢推介我哋嚟食呢間抵食放題。但位置確實距離元朗站有少少遠，但好近出名既甜品店，所以開住地圖都唔難搵。價錢果然唔算貴，食物種類都算好多。最令人驚喜就係呢度既飲品有一大個櫃都係罐裝同樽裝啤酒，岩哂酒鬼！刺身就係放題基本，呢度既刺身都好新鮮，象拔蚌同螺都唔會硬到咬唔到，仲好鮮甜。壽司每樣細細件，食多2件都唔怕。蒜蓉帶子壽司係最令我難忘，好香口，帶子size都好夠大，唔會得飯冇餸。呢度仲有2款燒蠔，雖然size唔算好大但每隻都脹卜卜有蠔味，燒完仲好香。熱食方面有2款都好正，包括充滿鹹蛋黃既黃金蝦，d殻都炸到好脆，可以成隻食！另外燒羊架都好值得一食，唔會有"蘇"味，又唔會好多肥膏，冇諗過放題熱食都有質素。食埋甜品就大滿足，呢度有好多款雪條，撻，仲有豆腐花同乳酪。總結，呢間比較隱蔽既放題真係好抵食，食物質素都高上，上菜收碟都好快手冇甩單，去開元朗會再幫襯。

是日day off，入元朗搵食。元朗大大細細要差唔多十間放題韓燒，但是最值得推介就係呢間。第一輪叫左個刺身，份量都算比得足，刺身相比旺角d放題黎講，新鮮好多倍....特別係我至愛既甜蝦，我應該食左30隻...第二輪都叫左刺身，今次既甜蝦竟然係帶頭甜蝦！真係處處有驚喜！呢個香煎大蝦其實好大個，影相唔覺得大。仲以為放題既蝦會好唔新鮮先落咁多黑椒汁，但其實食落d肉好食好正。下次必食！作為蝦迷既我，試左差唔多四款蝦，呢款黃金蝦味道最特別，係鹹蛋黃既味道好特別，第一次食到呢個配搭，都幾好味。沙律和雞軟骨都好正....目前為止未試過食過伏野。原來打算食完放題買個b仔雞翼尖食，但原來呢度都有！味道有b仔8成相似，食左四兜雞翼尖....手卷和壽司都值得推介，雖然會飽肚，但完全值回票價。平時去放題係唔會有凍咖啡飲，今次竟然有凍檸茶和凍咖啡，好飲過出面茶餐廳！最後埋單二人$348.....真心平到無朋友。決定一個禮拜食一次

自從小四出世之後，就好少機會可以同小卷獨處難得六仔要開夜，信義弟有時間，就叫佢好好照顧小四等我同小卷可以出去行個圈不過呢個圈超趕~~~~哈哈哈就揀去食下放題啦HALLOWEEN 報置小卷問................點解HALLOWEEN 骨頭一定有血既呢?點答啫..........唔知呀...........可能恐怖啲啦~~~ 食物選擇多樣化小卷未能食生冷食物所以刺身壽司絶緣啦~但仍然有不少選擇 飲品有兩個凍櫃任你揀由維他奶，乳酸飲品，到酒都可以揀 刺身無雪味新鮮甜美螺有咬口唯獨帶子切得有點兒碎但不失鮮味希靈魚唔會過酸，酸味剛好 芝士焗蠔芝士味香濃配上蛋醬有另一番滋味蠔爽脆，脹卜卜燒多春魚沒有多餘的調味熱呼呼的魚春沒有帶腥小卷不斷ENCORE 燒蝦很大的蝦啊食指都唔夠佢長蝦肉沒有被燒乾肉鮮甜，加上殼上的燒汁味道更佳 印度薄餅有得揀朱古力、煉奶或者咖哩薄餅唔太油，口感酥軟朱古力醬似食梗PANCAKE咖哩醬沒有太大驚喜，唔辣偏向甜口 雞軟骨串小卷一食瘋狂有少量胡椒加准鹽調味當媽的都只能分到一粒又是不斷ENCORE 壽司一啖一口唔會有大大舊飯，得少少餸比例好好信義最欣賞係和牛壽司油分怖

秋天終於都到喇，呢d天氣特別想去郊遊，所以就決定入元朗去南生圍行下。玩之前就梗係要填飽個肚先啦，今次去左呢間出名抵食既放題。適逢就到萬聖節，店內都有好多應節裝飾品，好有氣氛。食物種類好多，基本放題有既食物都有。而飲品櫃都有好多款紙包同罐裝飲品，仲有一邊係啤酒櫃，岩哂鐘意飲酒既朋友。仲有甜品櫃，有唔同雪糕，蛋糕，豆腐花等等。放題必食既刺身都非常新鮮，三文魚，帶子，甜蝦，好鮮甜，特別推介象拔蚌，好爽口。壽司方面，呢度既壽司細細件，食多幾粒都唔會太飽，而自己覺得呢4款最好食，包括火炙三文魚，火炙蒜蓉帶子，黑松露油甘魚同花之戀。呢度仲有焗蠔食！雖然唔係好大隻，但每隻都脹卜卜，都好新鮮。有芝士同蒜蓉2種味，2款都好食！天婦羅都相當唔錯，唔係炸定哂上到枱凍冰冰，每一件都熱辣辣，又唔會太厚粉/油淋淋，有驚喜！至於全場最令我難忘既係個蟹粥，冇諗過可以咁鮮甜，又綿滑，仲有隻小蟹仔，千奇唔好因爲食放題太飽而唔食粥呀！總結，雖然位置真係有d難搵，但呢度既放題好抵食，食物種類都好多，上菜收碟都好快手，又完全冇漏過單，值得一試！

朋友Book咗位食呢間放題所以唔需要等位 但位置有少少偏僻溫馨提示：記得book枱因為有88折之餘又唔需要好似walk-in咁慢慢等呢排仲有halloween佈置 幾有心思估唔到元朗都有放題仲幾好食整體都係幾滿意嘅飲品方面種類相對少啲自助雪櫃一堆啤酒加一啲果汁類 我哋就揀咗Yogurt latte啤酒、蘆薈汁叫咗好多食物 叫咗幾round講啲比較特別嘅包括炸物一大堆 自己覺得炸茄子同炸紫心丸最好食 朋友就話炸蕃薯同天婦羅最好食刺身方面選擇唔算好多 但係分量都唔錯叫咗三文魚、帶子、鮑片等等起碼全部都係新鮮 無雪味食咗蠔 芝士勁好食 但蒜香嗰隻就一般建議大家都係食芝士嗰隻啦壽司首推火焰三文魚 yummy羊扒牛扒都係好值得試叫咗精選汁上好入味好juicy 食落去好腍唔會韌仲有羊扒都幾大塊如果細食嘅朋友可以share一塊就夠我自己就唔食榴槤嘅不過其餘朋友都食就嗌咗啲榴槤嘅食物包括榴槤炸彈同雪條 佢哋話好好食搞到我聞到好大陣榴槤味不過都有漏單嘅情況 但我哋都無催有時無晒貨佢會行埋嚟講聲嘅 服務都正常啦埋單每人$224 仲平過未加一前嘅正價幾蚊所以book定枱著數啲

今天同女友來元朗試一下朋友介紹的放題餐廳,叫做緣聚西日餐廳,名字不是特別的起眼,但竟然意外地出色 餐廳是在地庫的,從樓樓下來便是一堆萬聖節即得服飾裝飾及攞設吅,而入來的餐廳格局是工業風,地很算很大,滿舒服聽說朋友和在網上看到這家放題有生蠔任吃和松葉蟹腳任吃,今天一試確實無錯,生蠔和蟹腳都是大大隻的!鮮甜不在話下,十分新鮮刺身也巾幗不讓蘇眉,同樣出色新鮮,種類是大眾化的選擇,應有的都有!SUSUHI 方面同樣精美,最愛叫北寄貝! 而在這裏的選擇也是滿多的~燒魚胶非常值得推介,吃下去既有口感又不會腥,平時在料理餐廳也是必點的選擇之一,我覺得這裏的味道確實不錯各方面來說,食物的口感味道都很好,沒有因種類多而影響食物味道,在這裏值得一讚炸物及天婦羅,非常鬆脆,不會炸得太過火而到了最後的甜品時間,我們點了在MENU上的特式甜品,牛乳雪糕,非常好吃,奶味濃而且表層有焦糖,口感很好!