緣聚西日餐廳 (西裕街) (已結業)

因為疫情減少了外出用膳，忽然間好想食日式放題，當然要去疫情前經常去嘅緣聚西日餐廳，食番夠本😁價錢平又包羅萬有，最重要有我最愛嘅海膽和三文魚籽手卷任食😍細細件，兩啖食完，廚師確實細心，考慮到客人能夠品嚐不同嘅美食，絕對唔會食兩件就飽肚👍我一次食左六件😄鮮帶子配海膽，帶子和海膽嘅鮮味交融，必食之選清湯煮蜆，明顯係即叫即煮，蜆來到檯上啱啱熟，鮮甜爽口恰到好處👍除咗各樣熟食和刺身吸引外，亦有各式各樣雪糕及甜品，我最鍾意這個乳酪軟雪糕，不太甜，酸酸地，做飯後甜品最佳選擇❤️

周未約了朋友到元朗行山，早上行山過後中午時間就到了緣聚西日餐廳吃日式放題。餐廳雖然位於地下一層，但裝修、燈光都給人一種舒適的感覺，防疫措施亦做得非常好，值得一讚。餐廳食物種類繁多，首先落單的各種魚生刺身。三文魚夠新鮮，口感肥美，而帶子、甜蝦亦非常鮮甜，無雪味。雖然係疫症關係，但餐廳都有8成滿座，出菜也很快。另外，壽司選擇也十分多，最值得推薦的是芒果花之戀壽司，用三塊厚切的三文魚包袱着一小塊壽司飯，中間放上芒果，不但可中和三文魚的油膩感，同時令口感變得更為豐富，味道亦十分甜美。和牛壽司也相當不錯，牛肉多汁嫩滑味鮮，油脂感十足，個人而言非常喜愛。另外，鰻魚和帶子壽司也值得一讚，用料新鮮美味，做工精緻，超正！除主打的刺身和壽司以外，這裡的燒物也是不容忽視。其中以串燒雞軟骨最為令人驚艷，口感香脆、惹味，搭配啤酒食，味道一流。燒大蝦，蝦肉肉質彈牙，燒烤味香氣四溢，同樣值得一點再點。另外，澳洲羊扒，肉嫩多汁，配上醬汁另有一番風味

近期疫情有減弱，今日在元朗行左大半日，行到攰大家就揀左間有放題食既。元朗緣聚店地點方便，與輕鐵站相距5分鐘左右。進入店內，店裡有自助小食/沙律，自助甜品吧，自助飲品吧，坐底後，可以用自己手機掃code黎揀要咩刺身/炸物/天婦羅/火鍋等等，唔使一張一張紙咁搵嚟點嘢食，包唔會漏單和環保。上菜速度快，不會有溜單嘅情況出現。炸物方面，芝麻雞翼的確熱辣辣真係好好味。而天婦羅系列值得推介，炸粉不會過厚。大蝦及南瓜確實抵讚。疫情期間依然要檢查體溫，每人收碟及上菜都分工。防疫措施抵讚。

出開元朗買狗用品順便訂埋位食晚市放題食過屯門分店覺得嘢食唔錯價錢幾抵所以今次試埋元朗呢間刺身刺身大約十款左右除咗三文魚、大甜蝦、鮮帶子等呢啲基本嘢之外仲有啲偏貴價嘅油甘魚、中拖羅同象拔貝；個人覺得刺身厚切新鮮整體質素絕對對得起個價錢壽司/卷物款式都唔少試唔晒咁多揀咗幾樣嚟食；蒜香牛油和牛壽司肉質緊緻；左口魚邊壽司魚油豐腴；火焰京蔥三文魚壽司肥美甘香；心之戀、一口海膽帶子卷同碎蔥拖羅卷都係細細粒咁成啖食落口感豐富同時唔怕飽滯小食餐廳同時供應多款西式扒類以及日式天婦羅同串燒佐酒啱晒火鍋湯底都有幾款可以選擇呢次我哋揀咗嘅喇沙都幾正用嚟煮海鮮同牛肉勁夾自助區都擺咗啲蔬菜同丸類等嘅火鍋配料可以自己拎埋位淥飲品清酒梅酒仲有藍妹同嘉士伯只要夠十八歲都係任飲唔嬲齋坐喺度兩粒鐘飲酒吹水都抵哂餐廳做緊推廣優惠讚好面書專頁以及留言任飲生啤就可以免費升級任飲比利時白啤啱晒女仔口味唔飲酒嘅話餐廳都有提供唔同種類嘅紙包飲品同埋罐裝汽水甜品自家製甜品主要都係啲啫喱奶凍以及糕點凍餅另外仲有個凍櫃擺滿唔同牌子嘅雪糕同埋雪條任君選擇

跟朋友再在光顧緣聚西日餐廳，環境空間及座位相當多，餐廳設計富有格調及街頭氣氛，可輕鬆聊天。員工很友善指示如何用手機落單，過程方便又容易，自助飲品區及小食區選擇頗豐富，炸品小食，以及自助邊爐的配料區，飲品等，冰凍清酒也有！😊燒物類 --燒三文魚骨夠香口，燒羊架輕輕調味，更能帶出羊肉本身鮮味。玉子燒王子夠滑，加上沙律醬搭配，惹味。雞軟骨粒香脆，燒大海蝦必點，夠大隻又彈牙！蒜蓉燒蠔中蒜蓉咸香，蠔滑溜！芝麻雞翼我們重覆再點，香口夠熱，大大隻過癮。😍刺身類 --海蝦、甜蝦口感清新，帶子個人認為最出色，爽滑又甜，鮑魚片彈牙帶鮮味！😋壽司類 --火灸和牛壽司，海膽帶子壽司，燒鰻魚壽司，燒左口魚壽司，一口飯份量，用料新鮮，特別一讚是海膽份量挺多夠鮮味！👍🏻👍🏻其他類 -- 胡椒蜆肉湯，胡椒味濃厚配大大隻清甜蜆。天婦羅系列也是推介，大蝦及南瓜是我的最愛！炸粉不會過厚，抵讚！松菜蟹粥有半隻蟹，粥底棉滑富蟹鮮味。香濃豬骨湯邊爐，到自助區拿了蔬菜來煮一下，蠻清淡健康😎肥牛湯烏冬，牛肉湯底像中式清甜那種。這餐廳食品及飲品種類真的很多！在甜品區拿了益力多味雪條食，為這晚豐富的一餐放題寫下「緣」美晚上！☺️

這間缘聚係一間放題餐廳位於元朗嘉城廣場附近!這間店舖装修格調工業風!係一間放題嘅餐廳!食物方面多元化!感覺都唔錯!用來打咭都幾好!.剌身拼盤:大甜蝦，鮮帶子，希靈魚，三文魚,花之戀，芒之戀!剌身非常之新鮮!食入口味道感覺好鮮味😋😋😋!大甜蝦爽口彈牙!鮮帶子味道鮮甜!希靈魚咬落口十分爽口!三文魚又夠新鮮!芒之戀帶有小小酸食入口好特別!味道唔錯👍👍👍!.天婦羅:大蝦天婦羅，蟹棒天婦羅，南瓜天婦羅，泰式炸蝦餅，越式炸蝦，大蝦天婦羅食入口夠哂鬆脆!外脆內爽口!蝦肉鮮甜!泰式炸蝦餅食入口味道唔錯!外脆內軟!味道好香口!越式炸蝦食入口感帶有小小甜!外皮好香!南瓜天婦羅食入去好有口感!帶有小小甜!外皮鬆脆!.香煎大蝦:賣相十分之吸引😍😍😍!睇見都想食😋😋😋!大蝦蝦身夠哂爽口彈牙!味道夠哂又夠香口!超正👍👍👍!.鹽燒海蝦:味道香濃夠哂濃郁😋😋😋!食入口好惹味!十分之香口😙😙😙!蝦肉肉質夠哂爽口👍👍👍!

第一次寫食評因為真係忍唔住， 一間咁嘅質素嘅放題都可以有咁多個讚大家諗下點解。那天經過 近近哋諗住試下放題 價錢248/1位加118 任食生蠔鵝肝 長腳蟹。生豪非常之唔新鮮。 鵝肝未試過任食， 但好薄好細件好似一蚊銀咁大，仲要煎到牛肉乾咁。今次我覺得比 某kol誤導，大家食之前睇清楚真實食評。

去緣聚開餐全因為跟著個麻煩師兄！問佢食咩就話無意見，去茶檔又話哩間茶檔唔好食，去食日本菜又話唔好，韓國菜又話唔啱食，嫌三嫌四我已經開始著著地火，轉彎見到緣聚就唔理噤多冲咗入去！見到個天開始黑，睇怕好快落雨！唔想再四圍弄，要快快趣搵落腳！入到緣聚，第一件事，冷氣夠！順氣順番不少！另外留意一下環境，極有美國西部 feel.雖然價錢平，但竟然有貴價嘅海膽手卷，而且海膽無偷工減料，有相有真相！我最愛嘅刺生魚生三文魚味道鮮甜，而且餐廳用冰墊底保持新鮮，處理方法當然唔係新鮮事，只係覺得餐廳雖然收費平但無降低食物質素，讚！熱食方面，選擇有3~4款，其中一款係炒蜆，蜆係大大隻，最緊要肉都係大大隻，味道唔會好辣蜆肉鮮甜，唔係殼大肉少！相比起好多只得啤酒汽水嘅火鍋店，緣聚嘅飲品選擇絕對不少.今次亂冲亂撞搵到間性價比高嘅餐廳，絕對滿意，真係多得位麻煩師兄.

今天假期昨晚已諗好瞓醒後，食返個放題午餐🥣，去元朗食返個指定時間內的無限時，12:00開餐用手機掃code自己喜歡食乜就㩒乜刺身～三文魚、鮑魚片、螺片、大甜蝦、帶子，三文魚夠新鮮，帶子夠鮮甜，份量亦來得足夠有蠔食 點左蒜蓉燒蠔、黃金燒蠔，一次過食晒兩款制法濃湯煮蜆味道濃陏，隻隻蜆開哂口對住我，就知一定熟哂蟹籽軍艦、蟹肉軍艦新鮮紫菜脆囗，蟹籽卜卜脆芥末八爪魚🐙手卷，細細隻可以食多幾款一口腸好耐已經無食過，同台灣個d一樣好味，雞軟骨熱辣辣同朋友仔分享可以自制一品鍋，可order 牛肉、蜆，再配上自助Bar的蔬菜、菇類......自行配搭一路滾慢慢食當然歎多幾款下甜品雪糕、雪條多樣化飲品選擇幾健康$158 食四個鐘慢慢歎

好耐都無約元朗嘅朋友食飯，朋友想食火鍋而我想食放題，正當諗緊揀邊樣嘅時候同我同事傾開佢就建議緣聚西日餐廳，佢話呢間餐廳可以一次滿足哂我哋兩個嘅選擇。跟住我同朋友講咗後就決定嚟試吓。到咗餐廳安頓好後就點嘢食。呢到最好嘅係用網上點食物，只要用電話SCAN一吓 個QR code，就可以用即刻落單，唔使一張一張紙咁搵嚟點嘢食包保唔會漏單之餘感覺都環保D。先出去拎咗嘢飲，飲品種類都算多。順便再行咗一圈睇下有咩食，發現除咗火錮配料外都有D熟食，還有女士最愛嘅甜品，大量款式之餘仲有兒時回憶嘅啫喱。返埋位就即刻落咗刺身壽司，兩樣都好快就上枱。刺身感覺新鮮無雪味夠厚夠份量，壽司嘅飯似喺日本食嘅細細舊，唔會好似某轉轉壽司嘅飯咁大大舊，而且味道都很又水準。另外仲點咗炸物/天婦羅，呢到有我鍾意嘅芝麻雞翼，熱辣辣真係好好味。燒蠔就略嫌過份細小，但味道唔錯。最搞笑係朋友食完D刺身壽司仲食得多過我之後話食唔落火鍋。埋單$524@兩位

近來疫情放緩後，可以再次跟朋友聚會食大餐，令次於屯門區食放題。先說環境，由於餐廳位於地下，所以空間相當大，粗略估計應該可容納約一百人，而且餐廳設計得相當有格調氣氛，進食時感覺幾好。先談大部分人都比較著重的刺身，除了有近乎必食的三文魚，甜蝦刺身等等外，亦有較少見的拖羅，帶子。三文魚外貌肥瘦均勻，咬落香味撲鼻，肉質較肥美，實在不似放題質素。至於帶子亦不錯，餐廳會預先切成兩份，方便食客入口，而且味道亦相當鮮美。另外值得一提的是火烤雞軟骨，雞軟骨經火烤後配上香濃的調味，一咬落口已軟軟硬硬的感覺已相當不錯，配上開胃的調味，於放題時相當值得加點。此外亦有放題時較少見的香蒜烤蠔，雖然外貌不算太美觀，但食落時相當驚艷，蠔肉本身有鮮味及獨有的海水味，可能有部分人不太能接受，但當配上香蒜後，以香蒜的香味蓋上海水味，容易入口相當多。人均接近$200，提早入座亦有折扣，所以價格亦可叫平易近人。

同朋友去開元朗, 知道元朗有間放題，有西餐又有日式嘢食，仲有火鍋，咁多選擇，所以就來試下。餐廳位於元朗西裕街。一入到去店員已經即是量體溫，仲非常細心俾咗個袋放口罩。有沙律吧，同大量火鍋配料。餐廳環境寬躺，座位舒適。飲品有多款選擇，仲有熱飲。甜品櫃有雪糕、雪條、乳酪、豆腐花，鍾意食甜品嘅女士實揀到自己鍾意食。刺身款式非常多，非常新鮮，魚生肉質緊實，帶油香，味道鮮甜。火鍋蕃茄芝士火鍋湯底，蕃茄味香濃，配上芝士味道豐富，牛肉肉嫩多汁，蜆非常鮮甜。壽司多款壽司，仲有啲非常特別嘅配搭，用料新鮮，飯稍帶甜味。燒海鮮蠔身飽滿，配上濃郁芝士，味道一流，蝦爽口彈牙，魚肉質鮮嫩。燒物燒嘅時間恰到好處，所有肉類肉嫩多汁，配上秘製醬汁，增添風味。最後食返個甜品，甜品甜度適中，非常完美。

對個人來說,認識元朗緣聚是有些故事;相較於幾年前,很多事情確是物換星移,但餐廳依然屹立;這次好友約局元朗晚飯,湊巧是選了這間;由於好友早於我到達,所以我搭巴士到元朗大馬路落車之後,根據Openrice大神的地圖功能指引,加上略有的印象,很快就到了;雖然餐廳位處地庫,但抽氣系統良好不侷促;而且一進入餐廳,職員即時幫客人量體溫,是令人安心用餐的好措施!樓底有一定高度,餐枱凳的排列很闊落,加上燈光很柔亮,安座當中确是很舒服!全個落單過程用手機掃二維碼進入官網去選擇食物,方便快速又準確!由於好友先看過一遍,等我看過就可以集中落單;綜合來說,所有食物之中,我覺得刺身類最有看頭,其次是燒物類;而且,還有火鍋供給客人;好友與我的首選當然是刺身,待我們品嚐過之後,同樣認為是很新鮮有質素,而且是真正的任點任食,加上菜速度很快,份量亦很適中!當中的鮮帶子刺身,中拖羅刺身以及紅螺片刺身,竟比某些酒店的自助餐同類食材更有質素!鮮帶子刺身,口感綿滑中透出爽勁,沒有雪水或腥味,蘸上芥末及醬油後,在味蕾上呈現出濃濃的海潮氣息,加上甜甜的回韻,配上任飲的甜美清酒,一下子就令人愉悅!中拖羅刺身,油份適中,而且肉質亦嫩滑

母親節出街食，bk咗together! 分兩個時段，揀咗早場時段，全場full 囇，記得一定要bk檯先好上去！裝修工業風，幾有feel, 坐得舒服，有囇隔板！嘢食選擇多，點餐方便，掃QR code 就可以自己係電話睇，小小缺點，點完嘅嘢食會堆埋一堆，大家要大概記得食咗啲咩，方便追單同加單！出邊有沙律甜品嘢飲雪條任拎！仲可以一邊放題一邊邊爐，不過我哋今次主力放題！放題嘢食正正常常，魚生新鮮，推介赤蝦！特別嘅係可以加少少錢upgrade，有埋任食長腳蟹腳同生蠔，蟹腳鮮味夠，頗鹹，生蠔超出我想像嘅好食，冇腥味，冇沙，唔會過鹹，仲食到少少甜味！中意食生蠔唔好錯過，淨係食蠔都抵番！🤣總括嚟講，嘢食ok，服務幾好，漏單少，價錢適中，值得一試！

覺得呢一間餐廳嘅嘢食質素中等，呢一間餐廳我都食過幾次材料有時新鮮，有時唔新鮮！所以好睇日子過嚟食🤪不過呢一間平日都比較多人選擇食物方面選擇都幾多！但好唔好食就見仁見智