緣聚西日餐廳 (西裕街) (已結業)

好耐都冇去過新界，今日去咗元朗一日遊！中午入到元朗市中心，周圍行吓睇吓有什麼好食，經過門口見到個牌有自助午餐食，見價錢都幾抵就入咗去食。用電話apps 下單好方便，食物選擇都很多元化，包括壽司、刺身、天婦羅、卷物、燒物應有盡有，就連火鍋、西式嘅扒同生蠔都有得食😋所以無論食素同食肉，都一定有選擇。食物都幾新鮮，燒物都是熱辣辣上枱，應該係即叫即整，而且都唔駛等好耐就有得食。仲有好多唔同嘅飲品任飲，有熱有凍，同埋好多甜品雪糕同雪條🤩。

元朗無乜放題好食,收工太攰,又唔想去到太遠,所以揀左呢間 緣聚, 除左一般日式放題外,仲有好多西野野食揀!入口處,係要落地下先去到既好多種野食揀,果然係西日餐廳!第一件事當然要嗌刺身,好快就上枱,種類多,夠新鮮,話咁快就清哂佢!壽司,手卷,軍艦同樣高質,紫菜脆,飯唔會太多,食完唔會令到你好飽,特別係個拖羅蓉軍艦,超重拖羅味,我總共嗌左4次!鐵板牛同牛柳粒,上枱時仲滋滋聲,熱辣辣,個醬汁又夠香,唔會太咸,兩款牛又唔會煮到太UN,好食!清酒煮蜆同樣係嗌完再嗌再嗌既野食!蜆煮到好入味,蜆肉又彈牙,夠哂新鮮,好清甜!漢堡扒+羊扒,加上餐廳既自製汁,漢堡扒唔會一般普通料,好有肉味,而羊扒都好香羊味,唔會好"蘇"炸物同樣出色,層粉唔會太厚,仲有雙皮奶點,超正!蟹粥都十分推介,蟹味完全溶入粥入面,每一啖都有甜甜的蟹味黃金雞軟骨,雞軟骨加上蛋黃漿去炸,炸到黃金色,入口好香蛋黃味!飲品選擇都好多,最特別係有自製既清酒同梅酒!好特別!

自助區提供火鍋料、沙律、雪糕雪條，以及多款甜品。而家緣聚轉左用手提電用qr code落單，而且仲有WIFI 比客人連，唔怕信號收得唔好影響落單速度LOL如果用唔慣電話掃QR CODE 落單的話，可以要求店員比點食物嘅紙去落單，當日我身後嘅客人就係咁啦。清酒煮蜆大大隻，蜆肉鮮甜又無沙，不過就有少少腥味，如果落多少少酒去煮就好。瑞士汁雞翼煮得幾入味，仲有蒜味勁濃既燒蠔，脆到冇朋友既雞軟骨鐵板牛仔粒大家真係必點，牛肉非常淋，仲好有牛肉味添，加埋塊鐵板就可以keep住佢既熱度蟹粥鮮味十足，粥入面除左有蟹之外，粥面仲有蟹籽，咁樣粥嘅層次就會變得豐富。火焰蒜蓉帶子壽司帶子鮮味最後我仲打埋邊爐添呢個係我自家製既素菜籃

喺元朗呢邊好多人都知道呢間食日本嘢嘅餐廳，認真佢啲嘢其實唔係話特別好食，價錢就還可以，反而環境係幾好，清潔程度就中等啦，但勝在近近地，服務都可以嘅，如果想近近地食下日本野都可以嚟呢度㗎😊

過年前去左元朗同朋友食團年飯，大家都唔知食咩好，我就建議嚟緣聚，因為咩都有得食，一定啱大家口味！無嚟一排，落單轉左用掃qr code再用電話落單，同出面d新型放題好似，睇啱邊樣㩒邊樣，又方便跟單，好方便！呢度食物選擇都幾多，生既熟既都有，連沙律吧都幾大，又多選擇，旁邊既飲品櫃選擇都好多，有啤酒，汽水，果汁等同樣選擇多到飲唔晒！落完單拎完飲品，魚生就已經送到檯上，賣相唔錯，睇落都幾新鮮，尤以帶子，三文魚，鮑片，吞拿魚味道甜美，劍魚片就真係好嫩滑同鮮甜，心得我心！跟住仲有好快送到既壽司，大大件花之戀，鮮味十足赤貝壽司，仲有非常惹味黑松露三文魚壽司，鮮甜外，仲帶點黑松露香味！ 都是十分推介的！燒得幾香既大大條 熱辣辣秋刀魚，灑上檸汁闢一下魚腥味就可以食了！比較驚喜既清酒煮蜆，除左有陣陣清酒香味外，蜆肉鮮甜又無沙係值得讚，如果蜆肉再肥美d就更好！呢度要數最抵食莫過於燒羊架，大大條羊架任您點，食多兩條都抵返，配上自家甜甜辣辣燒汁既羊架，肉汁豐富，啖啖肉，一咬就離骨，我就食左3條，真係抵返晒！其他炒物都好快送到，以任食嚟講算是不錯，而且份量也適中，圖中幾樣都炒得幾有鑊氣，值得推介！要特別介紹瑞士汁

去過很多放題，這次來元朗食，性格比很高，啤酒汽水任飲就必然，用電話隨意點食物，很多都不錯，個人推薦~多款壽司和刺身選擇，新鮮即整，飯粒仲有少許微暖。芝士焗蠔同蒜蓉焗蠔~蠔夠大隻唔會腥，個人喜愛蒜蓉比較好味。清酒煮蜆~蜆沒有沙沒有離殼，鮮味十足。蟹粥~蟹味十足，有蟹肉蟹籽，層次豐富，好好食。炸天婦羅蝦、榴槤波波、芋頭波、炸鮮奶~太多選擇，全部即炸，熱辣辣沾上天婦羅汁，好好味。羊架、牛扒、豬扒、雞扒、大蝦、漢堡扒~都係即點即燒，尤其推薦牛扒，不太熟，肉汁多，肉味濃，非常好味，有機會可以再試，價錢不算太貴。

近排愛上了食日式放題，款式多，不用想太多，已經試過了屯門緣聚的放題，今次第一次試元朗的放題。 點餐用自己手機嘟QR Code都好方便，種類大致跟屯門的放題差不多，不過感覺元朗的比較新鮮，因為在外面自取的食物種類較多，有爆谷機是最令我欣賞的地方，焦糖均勻地佈滿着每一粒爆谷，香甜又香脆，非常可口，前菜都是中華沙律，螺肉，八爪魚等等，另外可以打邊爐，有不同的蔬菜菌類丸類可以選擇，又可以食唔同嘅炸物，新鮮炸起熱辣辣又不會太乾，特別是炸牛奶，外脆內軟，很滑和奶香味，刺身和壽司又好新鮮沒有雪味，甜蝦大隻新鮮沒有霉嘅感覺，帶子鮮甜，鮑片爽口，海螺彈牙有口感，好有海水鮮味， 飲品款式多，我比較欣賞無糖系列的烏龍茶，感覺不會太肥膩，食了炸物又可以解膩

好耐冇食日式放題啦～喺元朗搵到間都幾多人食嘅放題小店🤪-今日食1900-2100，$228加一💰如果加多啲錢仲有得升級任食蠔或者鵝肝多士、松葉蟹、黃金蝦🥺 不過我地都冇加啦～預算有限呢到同一般放題一樣都係QR code落單野食都大路、多選擇，有刺身、壽司、軍艦、卷物、扒類、串燒、鐵板、炸物、火鍋等等出面都有個小型自助區：有沙律、飲品、甜品同火鍋配料拎刺身：解凍做得好、來貨唔錯🍣壽司：壽司飯搓得幾好，不過飯稍為大咗啲啲，推薦和牛壽司😋炸物：炸物都炸到好鬆脆，天婦羅嘅炸皮唔會太厚，唔錯👍🏻 呢到仲有炸鮮奶，都好食😋一路打邊爐，好多野食，好滿足👍🏻👍🏻

首先想說的是…這裡的食物種類、款式真的爆多，有即點即製的刺身、壽司、卷物、炸物、各類熱食小炒、街頭小吃、串燒，還有自助式的餐前小食、打邊爐食物、生果、沙律、甜品、飲品等，實在不能盡錄。這間餐廳是以手提電話掃QR code來點食物的，看著電話上的菜單，每款都想試一下，不知不覺地點了很多，高估了自己吃的能力。最欣賞是刺身、壽司類，夠新鮮已經抵讚了，還會擺得靚靚，壽司是一口的大小，所以不怕太飽，可以吃多幾款。另外，黄金雞軟骨是必吃的，因為有咸蛋黄在炸雞軟骨的外皮，份外香口。炸物方面，炸一口芝士、炸榴槤我都喜愛。這裡的冰柜還有失傳了的懷舊孖條和藍鐵神冰條，相信是不少人的童年滋味。款式太多，原本打算最後點打邊爐食物，但實吃得太飽，肚子容不下，唯有下次再吃過。

今日一家大細黎到緣聚西日餐廳食放題！這家餐廳已經不是第一次來 ，不過對上黎已經係一年前， 餐廳感覺沒有太大分別餐廳裏面依然走工業風，用一些玻璃酒樽來做的燈飾必樹一格飲品是這間餐廳的一大賣點，除了一般的果汁汽水外，還有自己任裝任飲嘅好hoegaarden啤酒最愛嘅日本凍小食！各款壽司都非常出色， 餡料多而且飯少，非常有水準炸物方面都幾出色，皮薄鬆脆！熱辣辣送上真係唔講得笑烤羊架好大件 而且一啲都騷海膽手卷，海膽幾鮮甜但略嫌太少焗蠔保持出色最後食埋雪糕甜品，呢度嘅雪糕雪條品種非常繁多，要食晒都唔係一件容易嘅事

今晚和友人到元朗打算找尋美食。然後發現有間放題幾抵食！於是就膽粗粗走去食呢間放題。入場後職員就帶領我地到餐桌位置並且送上QR Code。本以為點餐需要每次填紙再舉手搵餐廳職員。好彩！ 呢間餐廳電子化程序，點餐輕鬆快好多，唔需要次次都舉手搵職員。食物方面款式很多，當我仲未坐定定果陣對眼已經飛左去自助區，見到琳琅滿目的沙律配菜，仲有各式各樣的飲品。太耐沒有破戒的我，終於可以解放啦！仲可以試曬咁多款飲品。刺身、壽司方面都滿意。點幾多就黎既多，完全唔會扣起數量。海鮮亦非常新鮮好味。燄燒的壽司最棒棒。蟹粥份量也拿捏得很好 不會太大吃不下。

要講到喺元朗性價比高嘅低日自助餐廳， 其中一間一定係呢間位於西菁街盤嘅緣聚西日餐廳啦呢間餐廳 位於地庫樓層， 要行落鏡面嘅樓梯先至能夠到達。 餐廳裏面嘅裝修以年輕人為主， 場內有唔少figure或者掛飾， 而且又有卡位坐， 無論係一家人食一話係一大班朋友都非常適合。食放題一定唔少得刺身拼盤， 呢度有刺身新鮮， 甜蝦鮮甜美味、 三文魚肥大肉厚，每款刺身都新鮮，夠光澤， 品質好好。黎到重頭戲，壽司放題啦!! 呢度嘅壽司有成三、四十款。選擇可謂令人花多眼亂。 呢度嘅壽司細細舊， 一啖一口， 絕唔會因為食壽司飯而食到飽。 尤其喜愛呢度嘅火炙壽司， 香噴噴， 令三文魚嘅油份爆出嚟。 每款壽司食一件都足以回本。另外仲有令人愈食愈想食嘅焗蠔， 蒜香口味非常香口， 遠處傳來已經聞到蒜嘅香氣， 蠔肉雖然唔算好大隻， 但勝在飽滿。另外仲有鹽燒秋刀魚， 吱埋檸檬汁嚟食，既可以辟除魚腥味，亦令味道更豐富。除此之外仲有清酒煮蜆， 蜆肉大大隻， 肉質脹卜卜， 最重要係冇沙， 入口有一陣海水鮮甜味，讚！另外呢度嘅燒物濾同樣出色， 燒羊架肉質嫩滑唔會騷。 燒大蝦 大大隻， 肉質夠爽唔會霉，蝦肉夠爽夠彈牙，甚高質。嘢飲

同好朋友聚面，揀咗位於西裕街嘅《緣聚西日餐廳》食放題。食物種類多樣：壽司、刺身、天婦羅、西式扒類 、火鍋、甜品 、沙律等等……選擇豐富。先點盤刺身，各款刺身都好新鮮，味道鮮甜，正!木魚花軟殼蟹卷、芥辣八爪魚手卷、肉鬆軍艦、蟹肉軍艦、芝士三文魚卷、香芒炸蝦卷， 呢度嘅卷物亦相當唔錯。清酒煮蜆夠曬鮮甜。芝麻雞翼，香口入味。一口芝士芝士味濃。 天婦羅食落亦唔覺油膩。澳洲羊扒肉質嫩滑又唔會過羶， 香煎大蝦香氣撲鼻。當然唔少得試埋呢度嘅火鍋啦，火鍋自助區配料都有幾多選擇。除咗一般罐裝同紙包飲品，呢度仲提供清酒、梅酒同熱飲。 呢罐濃可可嘅朱古力味夠濃郁， 啱曬鍾意飲朱古力嘅朋友。食飽飽，當然要嘆埋我最愛嘅雪糕甜品啦！食足兩個鐘每人都係二百幾蚊，認真超值！

搬進元朗怕有七年了，一直都很想試一下這間緣聚西日餐廳，餐廳比較隱世，入口在嘉誠廣場後面，有很高的私隠度，從這有吊燈的長樓梯向下走便是，餐廳最近還用了智慧系統來落order，只需掃掃二維碼便可以開始點菜，十分方便，亦是我第一間用智慧系統落order的放題，沒有浪費多餘的紙嚟來下單，更加環保。 海膽手卷，看見餐牌推介這一個手捲作為餐廳的招牌，立刻二話不說就點一個，果然無沒有令我失望，海膽甘香豐膄，如果能伴隨着脆身的紫菜來吃，應該會更加出色。刺身併盤，刺身拼盤選擇眾多，我們選擇了三文魚、玉子、海螺、帶子、吞拿魚及虎蝦，全部刺身都相當新鮮，尤其是帶子和虎蝦，必點。 炭燒生蠔，蠔肉的比例剛好，一口一隻，很是過癮，面頭海量的蒜蓉及少量的辣椒絲，倍添滋味。 水蟹粥，蟹粥煲得很綿滑，裏面還有個子不小的蟹件，小小的一煲，份量很好，可以留下胃納嘗嘗其它。日式鐵板洋蔥肥牛，鐵板上枱時發出吱吱的聲音，很是吸引，洋蔥盡索肥牛的精華，有夠美味。炭燒大虎蝦，虎蝦攤開後足有一隻手掌的長度，蝦殼易剝沒有黐身，是鮮活的貨色。 只要在臉書上俾like，哈根大師亦是無限任叫，有別於坊間其它放題每人限叫一個的制肘。

元朗放題首選一致認為係緣聚，人均消費二百元就能吃到火鍋加放題!生日當日免費，當月都可以全單折扣，抵食！自助甜品前菜區有很多選擇，木糠布甸，奶凍，重本仲有哈根達斯，movenpick 雪糕等等！前菜亦有十多款！先來一盤剌身，份量十足！帶子鮮甜，甜蝦好大隻，三文魚、油甘魚亦十分肥美！燒蠔好香口，送酒一流！燒牛肉和羊架好惹味！推介！炸物亦做得不錯，芝麻雞亦好大隻！除咗雪櫃飲既飲品之外，仲有生啤任飲！平日都滿座，可見餐廳口碑不錯！餐廳咁大，客人咁多都無出現漏單，抵讚！哈根達斯和hoegaarden生啤任飲，單是這兩樣已值回票價！