緻 (已結業)

難得男朋友星期六放假，緊係要玩返日，但可惜….佢捉咗我去做運動。先去將軍澳體育館跑半嗰鐘，再去將軍澳海濱長廊散步，真係好健康呀!消耗完體力，緊係要食返餐好。近海濱長廊一帶勁多食肆，間間都好有feel，我地就揀了上層一間日本店。室內室外都有座位，裏面有卡座、面牆單人座和幾張兩人枱，而我地就揀咗坐室外，望住嗰景食更有feel。午巿有一人和二人套餐，亦有單點。我地各自要了份午巿定食，每份定食都配有漬物、沙律、茶碗蒸和湯，都好豐富喎! 先上極上刺身五點盛配壽司飯定食($138)。漬物係腐皮大豆菜，味道酸咪咪，好醒胃，我好鍾意! 沙律就好新鮮清爽，仲有清甜的車厘茄，加咗少少甘香的胡麻醬，簡單好味! 茶碗蒸熱辣辣，雖然只有冬菇，用料唔多，但蛋非常滑溜，味道仲好岩，得! 麵豉湯暖笠笠，味道剛好，內有香滑的豆腐和爽滑的昆布，唔錯!極上刺身五點盛配壽司飯定食($138)賣相好正，分別有油甘魚、刺身帶子、鏗魚、劍魚腩和三文魚，仲配了一大碗壽司飯，啲飯粒粒圓潤，好有口感，估計是日本珍珠米，好食! 五點刺身件件都幾厚身，我就最喜歡油甘魚，啖啖魚油香，柔軟鮮美；劍魚腩就更肥美，充滿油光，鮮味油潤，柔軟微爽，正!

今日去了將軍澳南邊海岸的商場，這裡只有地下和一樓有食肆，長長一條走廊，外邊是一望無際的海景，還可看到將軍澳跨灣大橋，風景優美，所以餐廳大多有戶外座位。我進了一間日本菜的餐廳，叫了2個定食，包有主食，還有漬物，沙律，湯和茶碗蒸，加10元有飲品。-火炙牛板睷飯定食+熱檸檬茶牛肉很大塊，很入味，還有溫泉蛋和椰菜伴飯。撈飯一齊食很惹味。-緻 精選串燒定食+凍咖啡有牛肉，豬肉，鵪鶉蛋，番茄和鴨胸串燒，燒得很juicy好味。還是沙律菜調和味道。飯是日本米很軟綿，分量很多。

火炙海鮮丼定食 $218總共有六款海鮮，左口魚、油甘魚、帶子、鰹魚、三文魚同三文魚籽，好豐富。左口魚擺到好似一朵花咁，賣相加分。刺身新鮮，帶子同鰹魚特別好味，三文魚籽好鮮甜安格斯牛肉壽喜燒定食 $168安格斯牛肉質軟嫩，juicy又濃肉香，配埋壽喜燒湯，送飯一流。定食包咗沙律、泡菜、麵豉湯，仲有泡芙配紅豆做甜品，性價比都高松露芝士甲羅燒 $88滿滿嘅蟹肉同蟹膏已經好邪惡，加埋松露同芝士，邪惡度直頭係滿分，濃郁嘅蟹膏配脆多士真係好好食日式炸鮮奶 $88炸鮮奶表皮炸得好酥脆，入面嘅牛奶好香，帶黏黏感，配黑糖雪糕好正，黑糖味道同牛奶超夾，一脆一軟，一冷一熱，口感極豐富餐廳環境舒適，有種簡約嘅日式modern感

將軍澳南一向都多高質餐廳，到訪日式居酒屋「緻」多次一直都未有機會介紹😆 餐廳座位闊落，勝在食物種類多，由刺身﹑串燒﹑炸物﹑佐酒小食都有，價錢唔貴又好食，仲有多款酒精飲品，高CP值之選✅♢ 🦀松露芝士甲羅燒 $88春季限定！蟹蓋裝滿炙燒過既芝士，大量蟹肉﹑蟹膏超澎湃，加埋松露同芝士，香氣逼人！將餡料放到烘過既多士上一齊食，入口creamy又夠香脆，簡直絕配！♢ 🦀蟹肉蟹膏鱈魚脆脆 $68同樣係海量既蟹肉蟹膏，今次仲多左蟹籽，粒粒脆口，口感好豐富！最驚喜反而係片鱈魚乾，香脆之餘仲要好香魚味，啖啖滿足呀！♢ 🍚緻極上刺身丼定食 $218定食超豐富，賣相吸引，晚市套餐包漬物﹑沙律﹑湯同和菓子。極上刺身丼有多款新鮮刺身﹔左口魚﹑油甘魚﹑帶子﹑劍魚﹑三文魚﹑三文魚籽。刺身片片厚切，每款都有幾片，份量大方~ 左口魚邊特別好食，火炙過後齒頰留香，油脂感十足。另外壽司飯都好多，鋪滿成個碗，帶有醋香，十分開胃。♢ 🥩安格斯牛肉壽喜燒定食 $168壽喜燒熱辣辣送上~ 放滿牛肉﹑豆腐﹑鴻喜菇﹑蔬菜，一大鍋超足料！牛肉份量超多，入口幼嫩，配上壽喜燒汁好甘甜！

星期六瞓到自然醒，起床後差不多lunch time了，怱怱忙忙換過衫，便同媽媽出發到澳南吃飯。 記得媽媽想吃日本菜，就帶她到“緻”開餐，“緻”是區內很有質素的日本餐廳，而且價錢亦平易近人。 午市定食的選擇不少，價錢由HK$78起，而飲品則要加錢另上。 壽喜燒牛肉烏冬烏冬以火小窩送上，可以長時間保持熱度，而小窩上舖上大量牛肉片，感覺真材實料，絕不欺場，牛肉肉質挺嫩滑，肉味濃郁，烏冬口感亦夠煙韌Q彈。 隨定期跟配漬物、沙律、麵豉湯及茶碗蒸漬物是我最愛的中華沙律，酸酸甜甜，非常開胃；沙律清新爽脆; 茶碗蒸口感超級滑溜，蛋香味突出，讚！ 火炙牛板腱飯定食牛板腱同樣是舖得滿滿，而且個一片都超大塊，雖然經過炙燒，但牛肉肉質仍然能保持細緻，不會過鞋，入口除了有火炙的微焦香味，肉汁亦非常豐富，配上溫泉蛋漿，令牛肉變得更滑嫩，每一口都充滿蛋香，推介。 咖啡我們加錢點了咖啡作餐飲，向店員詢問一下，才知道咖啡是用capsule來沖泡，所以咖啡的香味較濃醇，喝後感覺滿足。

將南附近有很多美食，下雨天，我們想要吃些清爽的食物，於是選了日本餐。餐廳位置方便，電梯上一樓便是，而且環境優雅，氛圍溫馨，是一個非常舒適的用餐場所。北海蟹霸丼定食 $188料理擺盤非常精美，亦十分豐富，有炸軟殼蟹，松葉蟹肉，松葉蟹膏及蟹籽，看著也令人食指大動，炸軟殼蟹外脆內軟，啖啖滋味，松葉蟹蟹肉和蟹膏的鮮甜滋味在口中綻放，蟹籽也增添了豐富的層次感，讓人一嚐難忘。定食還配了漬物，沙律，麵豉湯，泡芙，多種滋味，不同享受。蒲燒鰻魚丼定食 $158鰻魚份量非常多，還塗滿了醬汁，鹹中帶甜、入口即溶，鰻魚好香口，肉質鮮嫩，而且厚肉肥美，魚油味十分突，讓人回味無窮，搭配上玉子，整體的口感平衡度非常高，讓人食指大動。串燒精選盛合 $208雞柳，雞胸軟骨，雞肩肉，雞腎，美國封門柳，日本白豚五花，共6串，每款肉質都非常嫩滑，各自具有獨特的口感和風味，非常值得一試。

8:30嚟到一心諗住試吓串燒，叫咗個特選盛合，等咗15分鐘，點知嚟到啲嘢係唔熱，啲肉乾到暈，根本就係擺喺度，翻熱咁嘅樣同佢哋投訴，佢哋先至話要即刻食，上菜已經即刻食，大家都食過串燒，知道咩事啦仲有串牛舌芯投訴完先至真係燒，認真冇下一次

探朋友黎到將軍澳海旁的日本餐廳晚餐，帶居酒屋裝潢，座位闊落，有串燒，炸物，刺身丼飯，餐牌選擇多，午市晚市套餐價錢亦相當相宜。安格斯牛肉壽喜燒定食 $168一大鍋壽喜燒上枱，放滿牛肉，燒豆腐，茶菇，蔬菜，湯汁甜甜香香，飯粒鮮明彈牙，牛肉份量十足，牛肉味香，定食配漬物，沙律，湯同和菓子，好完整嘅配搭。緻極上刺身丼定食 $218 極上刺身有三文魚，魷魚，三文魚籽，油甘魚，帶子，火炙左口魚邊。油甘魚同左口魚邊油脂感十足，三文魚，帶子新鮮，三文魚籽脆口，鮮味爆登。壽司飯彈牙帶醋香，份量十足。吞拿魚蓉多士 $68 吞拿魚蓉帶微咸同麻油香味，加上三文魚籽同脆脆多士，頭盤嘅最佳選擇。車厘茄豚肉卷串燒 $32 豚肉油脂味香，車厘茄香甜，燒得香脆，帶醬油香味。安格斯牛肋肉串燒 $58肉味香濃嘅牛肋肉，加上醬油同芝麻香味，串燒居酒屋不能缺少嘅滋味。食物質素同份量滿意，座位闊落，價錢相宜，去開附近海旁散步的話，係唔錯嘅用餐選擇。

▫️原本放假一心諗住去將軍澳踩單車做下運動🚴‍♀️ 點知落雨無得踩😞 咁唯有去搵野食啦😮‍💨 見到呢間餐廳幾有日本feel🎌 價錢望落都幾抵食，二話不說一於入去試試🤑🍣 極上刺身四點盛配壽司飯定食 $128▫️一見到餐牌已經鎖定見標👀 刺身4款有油甘魚、刺身帶子、鰹魚同三文魚🐟 刺身新鮮光澤，入口鮮甜，配上一碗壽司飯好滿足🥰▫️所有定食套餐都會配上漬物、沙律、茶碗蒸、湯🫶🏻 漬物係爽口海帶，沙律菜好新鮮🥗 茶碗蒸非常滑溜🥚 麵豉湯夠熱又唔會太鹹🥣🍱 山葵 · 粒粒魚生丼飯定食 $98▫️另一份揀左粒粒魚生飯🍚 有新鮮粒粒三文魚同吞拿魚，仲加上青瓜🥒、黃蘿蔔、蟹籽同芝麻，口感豐富之餘又增添香味🥳🐟 吞拿魚 +$32▫️追加多份吞拿魚刺身試試，新鮮同幾抵食，不過個人喜好問題麻麻地赤身吞拿魚🫣☕️ 咖啡 +$10▫️咖啡味道正常發揮，無乜酸味幾好🙌🏻

相約剛入住區內友人到這海濱岸邊商住區晚飯聚, 同時欣賞一下大橋夜景, 友人引路到商場一樓這日式風格居酒屋, 傳統木系佈置, 座位以高背屏風間隔, 私隐度高👏晚間有十多款套餐定食可選, 定食配漬物，沙律，湯及和果子😀朋友點了蒲燒鰻魚丼定食, 我選香煎慢煮澳洲肉眼，溫泉蛋丼定食😋另從散點餐牌內挑選了日本喜之次一夜干, 鮮冬菇, 牛舌😀蒲燒鰻魚丼定食, 友人表示滿意, 食材素質到位, 味道及水平😋慢煮澳洲肉眼火候控制恰當, 有咬口而不韌, 綿滑的溫泉蛋伴米飯正😋喜之次一夜干, 烤得熱騰騰而無燶焦點, 鹹香味中和, 作小食或伴飯麵皆可😋鮮冬菇, 牛舌串燒, 熱度足而無炭燒焦味, 入口原汁原味🤔離開前更欣賞到大橋夜景👏

行完Donki，諗住搵下附近有咩好野食，見到e間餐廳環境幾靚又有feel就入左去試下😎😎.💎 $118 牛油果軟殼蟹沙律新鮮既沙律菜、紫蘇葉、蕃茄仔配上酸甜既柚子醬，非常開胃沙律上面仲加上蟹籽，令口感更為豐富軟殼蟹亦炸得非常酥脆，慢慢咀嚼後蟹味更會淡淡散出而牛油果果味非常濃郁，配搭埋柚子醬，既香濃又唔會太膩😍😍😍.💎 $108 火炙左口魚左口魚魚香味十足而且左口魚經過火炙後，食落口仲有陣陣既炭燒味而咀嚼耐左之後左口魚既魚油會慢慢散發出黎魚油味齒頰留香，令人一試難忘🤤🤤🤤.💎 $128 鰻魚炒飯炒飯炒得好有鑊氣，飯粒煙煙韌韌，好有咬口每粒飯都包裹住鰻魚汁，非常香濃鰻魚粒亦都炒都好香甜再配搭埋紅蘿蔔、青豆粒、明太子、青蔥等，令口感更有層次😋😋😋.💎 $88 松露芝士甲羅燒春季限定既一道菜啖啖都係香甜既蟹肉同蟹膏而面層仲加左芝士同松露令口感更加濃烈再配搭上烤面包一齊食簡直一流🥰🥰🥰.💎 $88 日式炸鮮奶食完飯點少得飯後甜品鮮奶炸得岩岩好，外脆內軟咬開後鮮奶煙韌可口，有d似年糕既感覺炸鮮奶上面亦灑上d白糖粉，夾埋一齊食甜得黎又唔會太膩再配埋隔離既焦糖味雪糕冰與火既碰撞令人完全停唔到口😘😘😘

今天和媽咪來到將軍澳海濱公園行吓，看看通車不久的將藍大橋，在公園旁的商場有很多食肆，我們揀了緻，因為有喜歡的日本料理吃啊😋這裡的午市定食款式頗多，主食方面，我們叫了粒粒魚生飯定食，及極上刺身四點盛配壽司飯定食。加$10 可配飲品，我們叫了熱檸蜜，及熱檸茶。加$32 可配日本雪糕雙球，我們揀了雲呢拿及榛子味。這裡的定食均配漬物、沙律、茶碗蒸及湯。😋 極上刺身四點盛配壽司飯定食：刺身有三文魚、刺身帶子、油甘魚、鰹魚，不單新鮮甜美，入口即化，而且厚切大件，令人回味無窮！😋 粒粒魚生飯定食：粒粒魚生也很有驚喜，體積大個粒方糖啊！魚生品質上乘，鮮甜無比。😋 漬物、沙律、茶碗蒸及湯：這是定食跟配的，漬物及湯非常地道，沙律好fresh，茶碗蒸亦細滑。😋甜品：也推介這裡的日本雪糕，口感很細滑，確是很不錯的飯後甜品，亦為整頓飯劃上完美的句號。整體來說，這次用餐經驗超滿意，不單食材用料新鮮上乘，份量十足，地方亦寛敞，環境充滿日本情懷，招呼亦貼心，非常親切，下次一定會再來光顧其他款式👍🏻

12月時候係Openrice用8折買左$200現金卷，當時寫明星期一至日可以使用，但最底下條款又寫左公眾假期不適用，兩句說話係自相矛盾第一次去係星期日，佢話公眾假期唔比我用，Fine 無所謂啦，咁今日21/2星期二我再去幫襯，打算用張現金券，當我問清楚店員係咪可以用，佢兇神惡殺咁話今日有八折，你用呢個唔抵冇著數，叫我千其唔好redeem，又用極差態度話今日買㗎？今日買唔用得！我心諗：我買咗幾個月，去到3月2就expire，今日仲唔用等幾時？我地order左2份精選串燒定食（每份$108），定食有鵪鶉蛋，燒鴨胸，感覺似港式燒烤多過日式，舊五花腩燒到乾爭爭我再追加左藥膳青蔥雞腿肉（$48）柚子日本五花腩（$52），食物質素普通，但等上菜時間都要40分鐘，催左一次先上菜，但成個場本身都唔多客，效率有待改善埋單時，店員再次強調用cash coupon唔抵會蝕錢，我心諗：成張單Total $316加一，我用$200 cash coupon點計都化算過$316 八折啦，店員完全係冇為客人著想，好似唔想比我redeem咁，既然你咁唔想比客人用，係咁為難客人，你就唔應該係openrice賣呢d cas

餐廳位於Ｍｏｎｔｅｒｅｙ二樓，位置比較隱蔽，係DＯＮＫＩ出口行出去。難得有日本菜係寵物友善！寵物可以坐係門口旁有蓋位置既枱，係店鋪戶外位置。係價格比較高既餐廳。——————｜精選串燒定食定食包前菜、沙律、麵鼓湯、茶碗蒸，都幾豐富。茶碗蒸好滑，但無雞肉／其他餡料，只有表面既菇片，食落比較單調。款款串燒都好味，但數目比較少，一個男仔食就應該唔夠飽。下次黎，可以考慮單點串燒！｜雜錦魚生泡菜丼飯定食魚生新鮮，但魚生同泡菜係唔多夾～ 份量都係比較少

喺OpenRice度見到有coupon買，用八折即係$80可以買$100嘅coupon，最多可以買兩張。點知….. 原來一至四堂食全單係有八折但係個Coupon係唔可以同八折呢個優惠一齊用。到最尾用完個coupon俾完錢出到門口先至發現原來本身全單係可以扣八折。之後先入返去問但係都太遲了。由頭到尾啲員工侍應完全冇出過聲。食咗八百幾蚊，本來可以減到$160到最尾用coupon只係慳到$40。成件事好似被搵笨咁。一個聰明嘅侍應應該會同你講張coupon可以留返下次非一至四用，今次用咗全單八折先。咁咪會有下次幫襯囉。食物偏貴但係味道算OK。