繽紛維苑餐廳 (已結業)

4月最後一天用的Yahoo團購優惠卷享受韓牛燕窩波士頓龍蝦自助餐👍簡單介紹，實況就如團購內容一樣，貨真價實😋 每款都值回本價! 100克A+級韓牛扒乙客&燕窩滑燉蛋乙客M5和牛、紐西蘭羊架、大海蝦、美國生蠔、波士頓龍蝦、麵包蟹、雪場蟹腳、海虎蝦、藍青口、翡翠螺。新鮮，即叫即整，最欣賞每檯檯面都分發各人一支小棍以方便到廚師處order後，又專人送到，避免排隊👍油香十足潤的西班牙黑毛豬火腿，鹹香可口，每晚即席煎製法式煎鴨肝、原條燒美國有骨西冷。日本刺身:甘海老、帶子、油甘魚、希靈魚、北極貝、赤貝。冷盤及精選沙律站 :煙三文魚、花紅粉青口、煙彩虹魚、煙火雞胸、沙樂美腸、`凍肉拼盤、煙鴨胸、香草乳酪青瓜沙律、牛油梨海鮮沙律、水牛芝士蕃茄沙律。多國熱葷: 清蒸海鱸魚、紅酒燴牛尾、美式牛仔骨、馬來咖哩雞、砵酒燴牛脷、避風塘龍蝦鉗、時菜扒螺片、照燒仙台牛舌、時菜炒蝦球。招牌甜品: 果仁純朱古力蛋糕、香蕉蛋糕、玉桂蘋果批、焗杏仁批、日式綠茶燉蛋、朱古力奶凍、綠茶慕絲。精選法式糕點、懷舊糖果及Haagen-Dazs雪糕。款式價錢性價比中高，如果再有團購自助餐優惠買，絕對推薦一家人享受家庭進餐👍

中伏之旅一年冇去食自助餐長脚蟹 热盤 红洒 白洒 差了很多本月推介韓牛控制火喉不成完全沒有肉汁（過熟）好像食牛肉乾全晚只有最好是蕃茄濃湯失望之極以後我又小了一个食自助餐選擇

yahoo團購抵食之選！環境舒服不擠迫！有龍蝦仔，燒牛肉，長腳蟹燒蠔，羊架，和牛，蝦，鵝肝，任点任食！大大隻燒蝦及彈牙！凍盤海鮮源源不絕！嘩嘩嘩！少有dinner buffet有凍龍蝦仔！有芝士corner，還有砵酒，雪梨酒供應。但熱盤，刺身，壽司選擇比較少！😐今晚忌廉磨菇湯正！賣到見底🤣🤣甜品還有珍寶珠，陳皮，夠特色！中式甜品有聖誕蛋糕，今晚冬至有湯圓夠應節！最後服務員有禮及勤勤收碟！讚！廚房以open kitchen形色！見到廚師們製作，培感新鮮！👍👍

上網見到團購有優惠就試吓呢一間酒店嘅大閘蟹自助晚餐，酒店餐廳環境好闊落坐得好舒服同隔離枱嘅客人會有距離，都叫做私隱度高。服務生嘅服務態度亦都唔錯好主動積極面帶笑容，整體來講服務質素叫好。講返食物質素先當晚會有源源不絕嘅大閘蟹供應，我食咗一隻覺得味道唔錯嘅。之後酒店都提供左大量嘅冰鎮海鮮食材都算唔錯嘅值得讚嘅係選擇算多而且酒店亦都不停提供食物。另外都有小小冷盤同埋沙律嘅咁呢個價錢算唔錯啦但係熟食方面就唔太多選擇啦我就冇乜點樣食到，不過就有BBQ coner，食客可以揀燒蠔燒和牛燒羊架etc，不過我個人覺得味道一般。食客仲可以根據自己想食嘅配料同埋意大利麵去customised 一個pasta。除此之外仲有各式各樣嘅魚生壽司甜品水果同埋基本嘅飲品。整體來講不過不失咁樣普通嘅一個自助餐。

又到大閘蟹🦀當造嘅季節，一眾大閘蟹迷係咪想瘋狂食蟹😋？銅鑼灣維景酒店最近就推出大閘蟹自助晚餐😍，可以任食大閘蟹，雖然蟹唔算好大隻，但都幾多膏😝refill亦好快，唔怕被人搶唒，仲好貼心❤️大閘蟹旁放埋薑茶，食完大閘蟹記得飲埋暖下胃呀！個薑茶都幾好味，我仲飲左幾碗添😂！同場仲有波士頓龍蝦、雪場蟹腳、麵包蟹、M5和牛、法式鴨肝、翡翠螺、紐西蘭羊架、西班牙黑毛豬火腿等，好易回本！而刺身冷盤、熱食甜品亦多不勝數, 仲有Haggan-Dazs雪糕係杯裝的，都係任拎任食呢😝

.香港銅鑼灣維景酒店大閘蟹自助晚餐😍(成人$518)值得推介有：🎏供應源源不絕的大閘蟹頂晒白膏🦀大家要把握11月食蟹公的好時機.🎏西班牙伊比利亞火腿🥓可配搭火箭菜和哈蜜瓜更可在旁邊的雪櫃內自取曼莎利亞雪利酒🥃美酒佳餚 星級配對.🎏冰鎮海鮮🦐🦞🦀🐚大量供應 食材新鮮.🎏燒有骨牛肉🥩🍖嫩滑無比 牛肉味濃.🎏設有BBQ Counter 可即席 orderM5和牛、羊架、燒蠔、燒蝦.除此以外，還有即場烹煮意粉、沙律、魚生、壽司、甜品、水果、飲品等.🎏加98元更可任選任飲紅白酒🍷🍾.銅鑼灣維景酒店📍香港銅鑼灣道148號🎏🎏🎏🎏🎏🎏🎏🎏🎏🎏🎏🎏#hkfoodieslife🎏 #hkfoodieslife銅鑼灣🎏 #Metropark #銅鑼灣維景酒店 #大閘蟹 #龍蝦 #和牛 #自助餐 #大閘蟹任食 #大閘蟹自助餐

食自助餐就食得多喇😋大閘蟹自助餐就第一次食☺️銅鑼灣維景酒店除左有一般酒店自助餐都有既生蠔🐏羊架🦐龍蝦🦀長腳蟹🐮和牛之外仲有無限refill既大閘蟹🦀🦀🦀🦀隻隻都爆膏嫁而且仲好貼心咁提供埋薑茶🍵食多左大閘蟹都唔洗驚好寒涼刺生方面都有唔少選擇🤩同其他自助餐唔同呢到係比你自己夾 要幾多夾幾多😎唔似得其他自助餐咁由日本師傅分派比得少又要拎多幾轉 比得多又食唔曬🙅🏻‍♀️甜品除左有大眾化既cake🍰同果tart🥧呢到仲有班戟🥞豆腐花🥣泡芙🌰糖果🍭仲有4種味道既🍦Haagen Dazs任食！如果鍾意飲酒既朋友仲可以加$98任飲紅酒🍷白酒🥂

-大閘蟹 (10/10)配有薑茶，專為食大閘蟹嘅蟹醋，仲有薑絲。大閘蟹夠新鮮，而且有好多蟹膏。重點係不斷供應！基本上淨係食蟹食到濟都得😂。-刺身（10/10）分量就係自己拎唔使問師傅！任拎唔嬲！而且種類都有好多， 三文魚， 希靈魚，帶子，墨魚，甜蝦，赤背...等。-24個月風乾黑毛豬（9/10）對我來說脂肪太多。不過真係好好味，唔係太鹹反而有少少甜味，所以好特別。。-燒M5一口和牛(8/ 10)油花好多，燒出嚟好香，不過始終唔係A5,難免有少少筋，未去到入口即溶。不過自助餐食到呢啲其實都已經算好好！。-燒豪（10/10）我至少食左8隻😂佢個汁唔會話落太多，不過其實少少都好夠味！而且熱辣辣咁食好夠鮮味。。-燒鴨肝（10/10）好多汁， 好juicy。鍾意食（穌）味嘅朋友可以試下。。-燒羊扒（9/10）皮燒得夠脆！而且唔會over cook!加埋個汁好好味。。-雪糕係食haagen dazs 有幾種口味！————————————————**鐘意飲酒嘅朋友可以加$98 任飲紅白酒！————————————————

由於有買四送一優惠，埋單連加一都只係$319，喺銅鑼灣區任食龍蝦和牛仲有邊度有。可能因為價錢平，有哂心理準備，就算水準普通都可以接受，結果真係驚喜到不得了。首先，見到我至愛嘅 Haagen dazs雪糕已經開心到不得了，龍蝦大隻多膏，刺身自己夾，唔使不停排隊等廚師每次限住俾得幾片，可以大量食，和牛燒蝦即叫即燒，勁香，燒好由侍應送上，唔使自己企喺度等，泰式甜品款式多又好味，仲有砵酒雪梨酒任飲。值得一讚係侍應服務好好，長期笑容滿面，細細間酒店都有咁嘅水準，一定要再唻幫襯。

雖然明知咁平都唔應該有咩期望, 但都估唔到比想像中更差龍蝦爪是不會refill的, 入座遲就會見唔到, 整體所有食品的refill速度都不理想蟹腳細條同不新鮮, 有大量冰水流出, 烤牛是沒有肉汁的整體食品質素也是中下價貨奇怪有咁多好評, 所以都要上來寫番一個我的睇法但侍應的服務是非常不錯的

從沒有期望過酒店的自助餐有甚麼特別，因為總覺得沒有餐廳的烹調來得專業，但品嘗過這間酒店的自助餐，實在不得不佩服它的食物質素。還記得當晚下班後已經飢腸轆轆，肉，便成了首選。甫見一排排鮮紅的龍蝦，便夾了好幾隻回去大快朵兒。果真沒有失望！肉質鮮甜爽脆，伴隨的蝦膏亦饒有口感，於是不知不覺吃了接近十隻……而在龍蝦旁邊，各式各樣的海鮮亦不遑多讓，既有多汁軟滑的青口，亦有爽口彈牙的大蝦，更有肉質豐富的長腳蟹！但當刻，令我印象最深刻的卻是海螺，螺肉不但取之輕易，而且十分有嚼口，令人不禁一試再試！飽肚後，當然不少得吃吃這裏的甜品。這時，我才發覺這裏的甜品都有濃厚的泰國風，一問朋友之下，才知道最近酒店正主打泰國菜式，不怪得海鮮都充滿泰國風情！說回甜品，椰汁糕算是它們的皇牌，糕身飽滿不黏牙，濃厚的椰香，吃完之後久久不散。爾後，當然也不少得吃個雪糕才得完滿。酒店提供Haagen Dazs的雪糕，價值當然不在話下，味道亦有多款選擇，適合不同口味的人士~除了食物之外，飽肚後，我才發覺這裏的景致頗為幽美。窗外夜色璀璨，樓下亦有樂隊演奏着悠然的音樂，周遭的食客也知趣地細聲交談，彷彿置身歐美的高級餐館。日後，如果再有機

係朋友的介紹之下試左依間銅鑼灣維景酒店二樓的自助餐。佢d食物味道真心唔錯，本人非常喜愛青口和龍蝦，果然冇令我失望。青口多汁又鮮味，龍蝦多膏之餘肉質爽口。食物選擇都非常多，不論海鮮，刺身，熱食和甜品都有好多選擇，多選擇之餘但整體食物都保持高質素。而依間酒店好似耐唔耐就搞唔同的主題，我今次去就係搞泰國主題，睇下下次會有咩主題先。另一方面服務相當不錯，想食熱食唔洗好似平時排隊等佢煮或燒，見到咩想食同佢講，之後會送上枱，相當貼心。而且佢個個餐廳夜晚景色好靚，加上佢一樓個到有live band係到唱一d 好soft的歌，好好聽好適合同女朋友黎撐枱腳。

個日同屋企人一行四個人黎食呢間酒店既buffet~ 平時我地間唔中都鍾意周圍搵下酒店buffet食,貪種類夠多,每個人都可以搵到岩自己同鍾意食既野,用餐時間又長,可以慢慢食,傾下計,唔驚比人催你交返張枱出黎,仲有最緊要就係覺得酒店既buffet有d保證,食物既quality唔會太差。今次就試試呢間位於天后既維景酒店,地點都方便易搵,就係地鐵出黎行5分鍾之內既路程範圍,帶住一家大細去都輕鬆冇問題。上到去見到環境ok,乾乾淨淨,雖然地方唔算大,但坐位同坐位之間都幾闊,坐得都舒服。我地張枱係窗口位,落地玻璃窗望出去既係街景,聽講呢間酒店既天台泳池景好靚,希望有機會入住睇下。做返正經野,就係食野! 首先食既係冷盤! 沙律、刺身呢d當然唔少得! 刺身任你食幾多拎幾多,唔似某d酒店咁,冇師父企係度限定一份一份咁拎咁孤寒,有三文魚、帶子、甜蝦、 八爪魚、希靈魚、螺肉......食落都新鮮,唔錯!頭盤仲有我的最愛巴馬火腿配哈蜜瓜! 我願意成餐淨係係呢樣食到飽haha巴馬火腿既咸咸香香加上哈蜜瓜既甜蜜,絕佳既配搭。除左巴馬火腿,佢地既頭盤小食類仲有唔同蔬果食材配上幾款口味既芝士,對平時好少好咁樣食芝士既

一班朋友收工齊齊去食buffet 有好多選擇包括海鮮 熟食 甜品 刺身 仲有即燒的牛 羊架 同鵝肝😍😍！整體比8/10分一開始選擇食海鮮 有蟹腳 青口 生蝦 同龍蝦全部都好新鮮 特別係青口 食過好多間都有怪味又唔新鮮呢間的青口是我食不停口的選擇另外就係龍蝦 好多膏 肉質鮮美 而且係十分大隻！足足食左幾隻跟住就試刺身 個人比較喜歡食帶子 甜蝦 三文魚等全部都夠凍又有魚味 唔會好似出面咁唔凍又唔鮮最欣賞係放係櫃中 任夾 唔怕限住每人每次拎幾多👍🏻👍🏻👍🏻食完生野之限叫左d羊架 靚牛 同鵝肝多士羊架我唔食 朋友話都okay最欣賞的係牛同鵝肝多士 全部即叫即燒 牛扒唔會un 多汁 十分推薦即燒的鵝肝配上脆多士 正唯一不足都要等佢燒 燒完有專人送上 可以食住其他野等🤣🤣燒蝦都幾正 多肉 唔會燒到好乾燒蠔是我的最愛 出奇地與醬汁好夾 都叫左三四輪之後食左d熟食同沙津 不過不失食左兩杯Haagen dazs為今次buffet作結 唔係間間有得食Haagen dazs! 無限任攞 仲有好多新鮮生果 同最唔同既cake/ macaroon !!!!!!!!!侍應收餐都好快手 食完就收盤出面的野拎完又會

媽媽經常嚟哩間酒店嘅Coffee Shop跳舞所以一早就係member亦都因為member 價錢，加上爸爸可享長者收費但依然係年青人食量，先會間中嚟食哩到嘅自助餐。酒店自助餐，晚市無分時段，更無限時，一個價錢可以由開場食到收檔，地方舒服，一家人可以慢慢傾，慢慢食。如果會飲酒就好抵，加$88任飲紅，白酒除咗咖啡茶任沖，仲有果汁，不過就唔係鮮榨。本人嗜西式凍盤，哩到有齊煙三文魚，Salami，Parma ham，煙鴨胸同芝士幾款，Parma ham 雖然唔大件，但都香口，哩個前菜好滿意凍海鮮都係common的西式同日式，今日批次的海鮮還可以，龍蝦有點鞋，蟹腳偏鹹，青口無乜味，較為似樣係加菲蟹，但媽咪話今次唔夠大隻，蟹膏偏少。而刺身最好就係切定晒隨便夾，種類都多，八爪魚，赤貝，北寄貝，希靈魚，甜蝦，帶子同三文魚，無驚喜，但唔難食。熱盤有牛扒，德國腸等，中式就麻麻嘅點心同辣酒煮花螺，可能係天氣緣故，反而最欣賞係個中湯，冬瓜薏米排骨燒烤係即叫即燒，唔會攤到凍晒，有燒蝦，燒蠔，切得好薄嘅一口和牛，羊架，仲有隱藏美食(因為無寫出嚟，侍應亦無特別推介)嘅鵝肝，睇彩數，第一件大大塊又燒得香，所以加碼!第