繽紛維苑餐廳 (已結業)

聽朋友講維景酒店自助餐有大閘蟹可以任食就黎試下 今次buffet 係維景酒店2樓 一上來啱啱將個背囊擺低 已經有貼心既服務員過黎斟水 又細心攞嘢蓋住我個背囊 防止有味（點贊）今晚食飯時間由6:30pm - 9:30pm 我稍早到 當然要去睇下有咩食先啦😋😋 我最愛既大閘蟹sss 用幾層蒸籠蓋住 每個蒸籠大概有10隻左右 食完再蒸 保持新鮮 另外仲有鵝肝 配上餅干同士多卑利 唔覺油膩 我total食左三份🤦🏻‍♂️ 刺身 冰鮮龍蝦 海鮮 A5和牛 羊架全部都值得品嚐 當然唔少得D熟食 甜品有我最愛既芝士蛋糕同哈根達斯雪糕🤔 雖然buffet 區域不大 當晚既顧客唔係好多 但個用餐環境感覺舒服 食飯食到一半仲可以聽到樓下有人live唱歌 最後的燕窩燉蛋也值得等待😋 今次dinner綜合感覺唔錯 感受到佢地係做精唔做多 大家可試試

上網見到做緊10月份大閘蟹任食推廣, 即刻約左幾個愛蟹既朋友一齊黎試下!首先地點非常方便，係MTR行5-10分鐘就已經去到，一D都唔難搵。入到去D saffs 態度都算幾好，起碼都笑得幾親切，成個環境佈置令人感覺幾溫暖舒適。入到去第一件事緊係去拎蟹食!講真，本身見到價錢咁平任食蟹都唔會抱好高期望，點知D蟹算都幾高質，蟹黃蟹肉都冇令我地失望!!我地每人一開始都食左3-4隻 冇停過(但掛住食冇影到D蟹....)之後就開始食其他野喇!西冷牛,羊鞍,蠔,魚生....食物種類其實都好多。而我自己最鍾意既係佢地既即燒牛排同羊鞍!!!肉質嫩滑，肉汁豐富。即燒完熱辣辣放入口，好好食!所以encore左好多次其他熱盤冷盤都幾好，但唔特別講喇。最後係甜品，不得不提係佢地既燕窩燉蛋，甜度岩岩好，個蛋燉得好滑!!仲有好多唔同既甜品，但果陣已經太飽，試唔晒全部整體而言，性格比高，下次會可以再約Frds食!!

今次朋友介紹，特登來呢度食個buffet。一開始梗係試吓啲海鮮魚生先啦，雖然未到未至於頂級，但勝在味道夠新鮮，自己都等左幾轉。跟住就嚟到我最鍾意食嘅有和牛同羊架，真係非常唔錯。佢唔會煮得太熟同埋都好入味，淨係識呢兩樣野都超值啦！跟住黐埋呢度都幾出名嘅大閘蟹，雖然味道五差但係如果可以大隻啲就好啦，最後甜品方面食咗我最鍾意食嘅哈根大師雪糕。整體來講呢度食buffet真係記抵，價錢唔算太貴，下次一定會再嚟。

2日內訂到位而又就腳既自助餐酒店唔算多，而呢間都算唔錯選擇。話說今次臨時決定一家人一起吃自助餐,而因有3位老人+2位嬰孩，食量較少關係，想搵一間比較經濟而又臨時訂到位既自助餐，最後經朋友介紹決定一試呢一間。又下車一刻，酒店職員已經好殷勤接待，見我既推住bb車,幫我嘅撳電梯推門不在話下，最緊要係笑容滿面。餐廳內座位不多但座位寬敞，原本收費成人約$450,小童/長者$350,即場可免費申請會員卡,便立即可全單七五折，折後價錢都算便宜。至於食物方面，唔會令你眼花撩亂嘩嘩聲，只喺大路食物每樣都有啲，最重要客人唔多，唔使輪米咁排隊，鵝乾和牛每次都唔限數量，而我至愛嘅魚生仲可以自己任夾唔使好似其他餐廳咁每次配給兩片。反而熱食唔算好多，如果加個粥麵檔咁就完美啦。甜品亦都不過不失，仲有haagen dazs雪糕食。最後梗系搵職員幫我地影大合照，職員姐姐亦都好有耐性同埋揾野吸引bb影相。總括嚟講，如果要求唔太高，食量亦都唔大既人，呢間亦係唔錯選擇，至少係我會回頭既餐廳。

中學畢業之後就好耐無見班同學，難得約到就緊係去食餐好既，揀左近大家既維景酒店自助餐。放工到既時候咁岩黃昏，我地坐窗邊可以望到晚霞，環境唔錯。開波拎野食，好多選擇，開始就緊係搵海鮮食啦！個人推介長腳蟹，真係啖啖肉，又夠甜。食完就轉攻我既最愛pama ham加蜜瓜，仲有好多芝士揀。熱食方面，我同成班friend都鐘意即叫即燒鵝肝同蠔，食到好飽。一路食一路講下以前既野，舊時中學回憶返哂黎。

一行4人去維景酒店吃自助餐一坐落，侍應就問你要熱水定凍水好有親切感一開波，我主攻海鮮因為我做運動需要多蛋白質估唔到除左長腳蟹，面包蟹，龍蝦，大蝦，生蝦等蝦的種類有4種甘多最好味係長腳蟹平時的自助餐的長腳蟹係無味呢間真係好鮮甜另外仲有燒野吃有和牛，蠔，羊架，燒大蝦，串燒仲有呢個鵝肝❤️好正，好好味我估唔到有黑毛豬吃好好味，不太厚不太薄。。值得一提有黑毛豬都會有芝士的，不過個人對芝士一般般就無試啦最後就到甜品，款式好多因為當中有位壽星由於一早同酒店講聲竟然有提供迷利小cake味道也不錯總括黎講，愛吃海鮮的趕快來中途見有時間就上左天台睇夜景，好正大家仲可以上去影相呃下like吃到好飽先離去

放工已經好攰，約朋友最好揀D靜小小relax既餐廳傾下計食飯。維景既自助餐人流唔多，唔洗爭食物，Staff服務幾好，一食完一碟就會主動幫你收走，唔會食到最後成枱都系碟。食物同價錢成正比，成晚最鐘意麻辣雞煲，好夠味。

一班女仔咩都想食，食buffet就fit晒！身為一個海鮮控，去到當然第一時間睇下有咩正海鮮，實行食海鮮回本大計首推面包蟹，新鮮又多膏，絕對要encore其他海鮮好似青口龍蝦同蝦都好唔錯食完冷盤梗係要食番啲熱野，竟然俾我發現有雞煲提供，鍾意食辣嘅我又點會放過！雞件惹味嫩滑，食唔停口，添完一次又一次最後當然要食番啲甜品先完滿，酒店提供嘅焦糖燉蛋蛋味濃郁又唔會過甜，食完超滿足

今日攞咗假，同屋企人去銅鑼灣維景酒店食午餐自助餐。呢間餐廳叫做繽紛維苑，今日中午12點已經嚟到，雖然不算人多，但係平時食嘅晚餐，都非常多人。很久未試過午餐自助餐，所以很期待的。餐㕔的沙律及cold cut凍肉種類多，而且芝士盤也有着很多不同地方的芝士，有瑞士、荷蘭及法國的芝士，如果喜歡吃芝士的人淨係吃會感到非常滿足！亦欣賞他們有各類西式同中式主菜，魚生壽司亦新鮮，仲有豬腳薑，蛋糕甜品連新鮮熱豆腐花，一定滿足口味喜好不同的人。大人$228/ 長者及小童$188，真係扺到冇朋友！

剛剛出左bonus當然要食返餐勁既! 家人提議試下香港既酒店buffet, 但酒店Buffet一向都要至少五百蚊以上一個人, 係網上搵到呢間銅鑼灣維景酒店推出左優惠期內正價8折優惠, 除返開都係HK$350有找!所以就決定book檯一家人去試試。地點近天后地鐵站, 步行五分鐘左右就到, 交通算幾方便。而且位置比較靜, 可以遠離繁華都市, 慢慢享受酒店既高級美食。Buffet供應時間為每晚6:30至9:30, 三小時內任飲任食。我地當晚去係星期四, 人流較少, 主要為外國遊客為主。座位整齊舒適, 剛好樓下club area奏著柔和音樂, 令心情更加relax!如果中意飲酒既朋友仲可以加HK$88升級任飲酒類飲品tim~~唔飲酒既我地就有即磨咖啡、熱朱古力、橙汁、西柚汁、蘋果汁可以無限添飲呢度既食物款式仲多羅羅, 包括有中西湯、沙律、多款芝士、中式小炒、日式壽司刺身、海鮮冷盤、燒物, 甜品超過十款!高級食材更有龍蝦、麵包蟹、鵝肝、羊架、席燒生蠔、M5和牛等等...都係無限任食~開邊龍蝦為凍食, 入口鮮甜而爽口, 加入蟹子增添口感, 而且啖啖肉, 忍不住食多幾隻已去殼既蝦超級爽, 但鮮甜味不

10月又是吃大閘蟹的季節啦! 還記得上年大閘蟹的味道, 不過當然是期望一年比一年好吃的. 早前到銅鑼灣維景酒店繽紛維苑餐廳吃自助餐, 只因酒店有新主題, 有大閘蟹又有燕窩. 以「深秋蟹燕」為主題, 供應期由9月26日開始至12月4日, 新推不久我就即刻孖住朋友一起去拆蟹.  枱上放了即食蟹醋及剪刀, 根本不想坐下就衝了去尋找大閘蟹~每層都有紫蘇葉熱底去蒸大閘蟹, 三層蒸籠放了幾多隻呢? 不曉得, 只知每次去拿都不會缺貨, 補充得很快啊! 暫時來說是食蟹公的, 蟹黃不算很多, 但膏香誘人, 沾些放了薑絲的蟹醋更滋味.  記得吃蟹後要飲薑茶驅寒啊~轉到凍海鮮一邊, 又發現大閘蟹哥啊! 眼神比較凌厲...我還是轉移到別的凍海鮮.龍蝦、長腳蟹、麵包蟹、凍蝦, 每款都要吃!! 龍蝦好實淨, 凍蝦亦然, 必食啊!刺身方面不乏魚生, 但我偏愛甜蝦、爽口的蚌及小柱, 每款都夠鮮甜.芝士拼盤, 除了大閘蟹之外, wine and dine亦是酒店promote的, 8款芝士任食, 金文拔芝士及herbs cheese均是我至愛.  而herbs cheese帶濃濃的蒜味, 與port wine非常夾.

移民外地多年的朋友回港旅遊數天，入住天后的維景酒店，當然要約出來聚一聚啦；最方便定必是酒店內的餐廳了；自助餐老少咸宜，就算待久了一點，朋友的兩個寶貝兒子也不至於太無聊吧！由酒店的正門，經扶手電梯上一樓，再經圓型樓梯到二樓，就會來到繽紛維苑餐廳。吃自助餐，自己通常會先巡視一圏，看看有什麼想吃的。第一輪先是主攻蔬菜類，之後才到海鮮、主菜及甜品。菜蔬的選擇也不少，首先看到的便是我的至愛火箭菜，再來還有車厘茄、粟米、薯仔、青黃椒、秋葵、鷹咀豆和紅腰豆等可供選擇；隨個人喜好選擇醬汁 - 千島醬、法式沙律醬或日式沙律醬，不過還是陳醋及橄欖油最得我心，好味又健康！時值大閘蟹季節，沒有不吃的理由罷！這江蘇大閘蟹的蟹糕也真不少，如不是要保留後勁，一定要掃番三、四隻才會罷休。凍海鮮區也有不少選擇，龍蝦、翡翠螺、長腳蟹、大蝦、青口等，看真點，連大閘蟹也來個冰鎭？還是揀我最喜歡的龍蝦吧，雖然size不是很大，肉質卻是爽口彈牙，而且蝦膏也不少呢。菜胆雞和清蒸龍脷柳，雞肉嫰滑，沒什麼雞味是意料中事。蒸魚的火喉可能過了火，有些少嚡口。原來雪莉酒及port 酒是無限量供應的，喜歡飲酒的我當然要一試啦，用它來配襯黑毛豬

由九月起銅鑼灣維景酒店的推出深秋蟹蒸自助晚餐，星期一至日成人$428/位，長者及小童$328/位，便可無限享用大閘蟹，燕窩美點及各種矜貴海鮮，M5和牛，即煎鵝肝，黑毛豬火腿等，愛蟹人仕要留意喇！先介紹來自江蘇的大閘蟹，源源不絕的供應，蟹身也不細起碼有三兩半大，都算不俗呢。燒牛肉，配菜的南瓜十分好味，平時最憎南瓜的我也吃了不少呢！熱葷區有香口的酥炸墨魚餅。還有飽肚的白飯，炒飯撈咖哩一流，惹味的巴東牛肉，香辣雞翼，蒜子燒沙甸，XO醬炒鮮魷，蟲草花蒸龍脷柳，菜膽雞，風味串燒。即烤BBQ有生蠔，羊架，M5和牛及海蝦。這也不夠滿足嗎？還有即煮的中西式粉麵！潮式魚蛋河外貌好像不錯呢！餐湯係香滑的野菌忌廉湯和滋潤的雪梨瘦肉湯。凍海鮮中有翡翠螺，蝦肉，海蝦，龍蝦，龍蝦鉗，雪場蟹腳及青口。最特別的是連大閘蟹也跳入冰雪世界，做隻凍蟹！沙律區就貴精不貴多，有我大愛秋葵，粟米及鷹咀豆及新鮮沙律菜已夠我快樂。刺身有三文魚，魚，北寄貝，赤貝及八爪魚，甜蝦及醃帶子。冷盤有煙三文魚及各式凍肉。當然還有我的至愛風乾火腿及莎樂美腸！芝士拼盤亦十分豐富 足足有七款咁多 當中有我最愛的Camembert和蒜蓉芝士呢！同樣無