羅勇泰國粉麵 (已結業)

厚褔街中的泰式小店。點了泰式生蝦，串燒，海南雞飯及什錦湯河。泰式生蝦加上蒜片及醬汁十分開胃。串燒要了一串牛，一串豬。牛肉串較一般，豬肉串入口較鮮嫩。海南雞飯份量大，雞肉鮮嫩，醬汁惹美，味道雖不特別精緻，卻有在新加坡Bazaar吃到的風味。什錦湯河湯底濃淡適中，配料有各式肉丸及扎肉，用料足之餘又沒有過度調味。飲品點了泰式凍奶茶，味道濃郁。餐廳整體感覺親切，價錢不高又用心經營。這種小店一定要多給支持。

開會經開尖沙咀搵野食，見到呢間裝潢唔錯嘅泰國餐廳🍴叫左豬手飯🐷，奉送椰子雞湯，很香厚！豬手又香炆得又淋！仲有泰式奶茶！同係泰國飲果杯差唔多😋順帶一讚，女服務員的態度很好，細心介紹！👍🏻

受到各網媒熱烈介紹推薦下，是日帶著戰利品，找到這餐廳好好休息，吃些東西再搏殺😂青檸soda28大大杯，冰涼解渴，青榨清新，有氣飲品夏天飲無得彈。青檸紅茶20有話梅香，相比下較甜也較好喝。豬頸肉串燒15x2 兩串起細細粒易入口，外脆內軟，有檸香，再沾黃豆醬吃，有驚喜。泰式生蝦78用料算新鮮，刺身爽口，加蒜片好刺激，點賣酸辣汁食，真係好難5好食😍吃完有點不夠喉，想再吃呢！！！泰式鴨肉湯河42湯頭濃，用上很粗的大河粉，真不常見，好得意呢，浸久了也沒變漲，還很滑！鴨肉味道也不俗，沒有被湯蓋過，加上芽菜蔥花炸豬皮，味道都ok食後感：食物在尖沙咀區來說甚是經濟實惠。

Lunch唔知食咩好，行行下見到有間藍白色小店，咦有船麵食，正喎！泰國番泥都一段時間無食過，一於當重溫下。入到去，有啲泰國味喎都，裝修簡單唔花巧，半開放式廚房，格局開明又乾淨，印象分加左唔少～食物種類唔算多，叫左碗牛肉湯河同兩串串燒試下先。枱面有砂糖同幾款泰式醬料，魚露呀醋呀辣椒粉呀，可自行調味。先泥牛河，滿滿嘅牛肉牛丸通菜芽菜冚面，潑開就見到好闊嘅河粉～煙煙韌韌，似食緊厚身嘅港式腸粉。牛肉唔韌入晒味，牛丸都幾彈牙。湯底似牛肉清湯，入口清甜，有少少驚喜，不過個人都係偏向泰國當地果隻濃甜口味多啲～食到咁上下串燒泥喇，表面燒得好乾身，無油淋淋嘅感覺，雞肉比較juicy，豬肉就香口啲，加上好多花生碎又酸酸甜甜杰杰地嘅秘製沙爹醬，算唔錯～整體印象幾好，下次再泥想試雞飯，見唔少人都食，望落幾好咁款～

新假期將呢間餐廳評為船麵no.1當日甘岩夜晚係尖沙咀就過黎試試七點鐘去到 見到枱都幾滿，不過原來餐廳再入去，仲有好多枱 點好餐大概等左十五分鐘有野食串燒牛+串燒雞燒牛唔係太有牛肉味，不過唔會太韌燒雞食得出用香茅奄過 好香 雞肉都較嫩滑所以個人推薦雞串豬肉雜錦湯金邊粉粉比我想像既細碗入面有豬肉,豬肉丸，豬肝等等試左啖湯 同我食開既船麵有d分別味道偏淡 食到少少藥材味完全唔夠之前食過既船麵甘香濃同惹味 至於配料個人認為全部都唔錯豬肉好滑 豬肉丸彈牙好味男朋友叫既 羅勇雜錦湯河佢既評價同我差不多都係認為配料好食，但湯底唔夠香濃而且佢叫既泰國河粉， 比起一般香港河粉粗好多，係一大片仲要痴埋一餅甘，唔太掛湯，口感非常麻麻 要讚既係服務 我地落單時係甘轉軚，店員都冇黑臉 而且環境都算幾好不過湯既味道對我黎講實在係麵既靈魂呢到既湯比我食過既鋪頭遜色不少，如泰屋 泰麵膳都比呢間更好 當然係我心中最好味船麵 仍然非Samsen莫屬！雖然次次都要等 而且價錢貴好多，不過真係食過真係令人上引呢間我諗我都係試過就算了，亦唔會推薦比朋友

晚上同朋友做完運動好肚餓, 便在附近搜索餐廳, 見有間天蓝色的店舖好新好鮮明, 便行近望望, 原來此店是食泰國菜。店內裝飾亦很特別, 很有泰國風味, 而且店內亦很光猛整潔。餐牌亦很簡潔易明, 價錢亦很便宜。我們點了羅勇海南雞飯 ($42), 羅勇什錦湯粉 ($48), 炸蝦餅 ($58), 2支芬達汽水 ($30)。羅勇海南雞飯 - 雞肉滑嫰有雞味, 飯有好香的雞油味, 配以少少辣的醬料, 令這海南雞飯添上不少惹味。羅勇什錦湯粉 - 我們將湯粉改為金邊粉, 金邉粉幼滑爽口, 配以肉丸, 扎肉, 香脆的炸物, 再加上秘製的羅勇湯頭, 在外面的餐廳我未曾食過, 有少少藥膳的味道亦易於入口, 值得推薦。炸蝦餅 - 新鲜香口的炸蝦餅夠熱, 亦很脆口, 蝦餅很鲜甜的蝦肉味和彈牙, 再沾上泰式醬, 有微辣和甜酸味道, 令人胃口大增。我們點左支懐舊芬達支裝橙汁嚟飲一齊揾返啲童年回憶。

近排開左好多泰國粉麵既餐廳，今次就試下呢間係厚福街既泰國粉麵。我地兩個人大約晚上7點幾去到，店內已經有不少人!睇完餐牌後叫左一碗一粉一個飯、兩個小食同兩杯野飲!最快黎到係野飲，兩個人都飲青檸梳打，佢既青檸梳打係平時餐廳見到一杯果D，並唔係有一枝梳打水(泰國牌子)果隻，起初飲都幾酸下...朋友叫左佢呢度既海南雞飯，味道一般，份量如果係一個女仔就應該夠既，但男仔就未必夠飽!而我就叫左羅勇什錦湯河，粉係大大塊的，湯底有藥材味，所以未必個個人可以接受。份量都唔算好多，但佢既餸都幾多!我地食哂飯同粉都仲要等一陣D小食先黎...我地叫左生蝦刺身同埋泰式醬燒原隻魷魚筒，先講生蝦刺身，醬汁味道一般，沒有太大驚喜!泰式醬燒原隻魷魚筒，跟想像中唔同，外形我地初初以為真係成隻上，不過呢個唔係問題，顏色似剛剛烚熟既魷魚一樣，冇果種有醬燒過既感覺，味道一都好淡，要慢慢細嚼先食到醬燒既味道!如果再食泰國粉麵的話，呢間唔會係首選!**題外話: 侍應收野既速度非常快，搞到又要開多兩對筷子黎食小食，真係唔好意思啦!

尖沙咀食泰國船麵嘅泰國餐廳不多 食好好食嘅船麵更加少 今日去到厚福街嘅羅勇泰國粉麵 因為之前有報導過關係 所以飛奔過來試下 因為小弟本身係一名金邊粉控😁所以一睇到就忍唔住試下 我就叫咗一個什錦湯金邊粉 唔少得配個海南雞飯🤣泰式奶茶更加係我至愛 （真懷念曼谷😢）海南雞飯配椰子雞湯 什錦金邊粉湯底濃👍🏻不過份量就............泰式奶茶正中口味 正👍🏻

中午時份食咩好？突然記得厚福行開左間泰式粉麵店，於是就同同事去試新野。內裡清潔感覺舒服，雖然餐牌的選擇並唔算太多(但有時太多亦未必好)😅 望一望都係試我最愛的海南雞飯，wow連湯都係$42😱……尖咀區的lunch嚟講都算平囉。點餐時店員有禮亦細心，會問你雞飯的汁要辣定唔辣雞飯送到面前了，嘩……仲要冇骨&大碟，飯一D都唔油……正&讚呀！但個湯就咸左DD🙄不過整體上都合格

又一假期雜誌推介的中伏系列，睇相以為好L勁。報導話湯麵湯底點勁點勁冇味精，睇落好似足料聞落成陣藥材味有少少似馬拉果d肉骨茶，份量少 食落冇味都唔知食左乜 其他餸豬肉丸一般咁啦豬肉丸冇豬肉味魚片冇魚味不過算彈牙啦，反而有跟一片札肉令我好驚喜，因為食左咁多年泰國都從未出現過札肉，以為食緊越南野添，本次有叫青檸梳打等特飲但是都費事影相都係果d青檸冇檸味咁啦，一句講晒［冇下次］希望睇到本篇既朋友如果垃圾都岩食既話就盡管一試

早前見到雜誌介紹全城最正船河，這家小店榜上有名，今天特意前往試試看。這家餐廳位於尖沙咀的厚福街，藍色的牆身同格仔地磚，還有金色的泰式裝飾，感覺別緻有特色，泰式氣氛十足。今曰試下船河同海南雞飯。羅勇雜錦湯河轉金邊粉$48這湯河唔係咁大碗，就像泰國路邊攤一様，細細碗。湯粉材料有貢丸，魚丸、魚片、扎肉等。貢丸細細粒，是一口大小，入口彈牙又幾有肉味；魚丸、魚片質地軟身，有淡淡的魚味；而扎肉則帶有少少黑椒味，味道唔錯。深棕色的湯底唔油膩，甜甜地，味道唔係大濃是甜醬油的味道。而金邊粉份量唔多，是女生的份量。這船粉味道唔差，但不致於非吃不可，個人還是喜歡泰麵膳那種濃味湯底多一點。羅勇海南雞飯$42（唔辣）海南雞份量唔少，而且已經去骨。雞皮薄滑，雞肉嫩滑彈牙，配上雞醬，香口又惹味，泰式風味十足；油飯口感香軟，帶有油香，而且質地濕潤。附送的雞湯呈奶白色，表面有少量的油份，味道帶有雞的鮮甜，和陣陣的椰子香。以$42 有這樣的海南雞飯，性價比很高！泰式奶茶$20這奶茶是橘紅色，茶味幾濃，奶的比例比較少，但完全沒有澀味。同平日飲的奶茶有點不同，奶茶中透出特別的茶葉香味。估唔到在尖沙咀有咁平的泰菜，仲唔洗加一，

泰國船河一向以湯底，而餐廳賣既船可係來自泰國羅勇地區既，羅勇出左名多野食同以船河聞名，所以呢間餐廳都係由羅勇地區既配方整船河我叫左串燒，豬手湯河同海南雞飯大廚精心即叫即製每樣菜式新鮮串燒肉質好，唔會靭應該係即叫即燒，唔係燒定豬牛雞串燒都出色，配上秘製沙嗲醬好惹味豬手湯河既湯粉係粗湯粉，吸哂d湯汁湯底係有豬紅同泰式香料製成值得一提係豬手滷得好入味，肥瘦適中，入口即溶海南雞飯既油飯香而不膩雞件好新鮮，雞肉唔靭仲送椰子雞湯，抵食

東南亞地方旅行，泰國好似去左3次，我自己比較喜歡布吉，其他都係熱同大雨嘅記憶。（只係純自己不太好太熱嘅地方）黎到星期五晚十點幾，搵個地方食小小嘢，朋友話試過呢間泰國嘢唔錯，好有地道風味。原來講嘅係船河，睇電視睇得多，之前去泰國都無食過。價錢當然無泰國食得平啦，平均一碗都要四十幾元，可以試一次嘅。係海南雞飯同鴨肉米之間，我揀咗鴨肉米（河係特色啲，只係個刻想食米粉多啲）。朋友已經一早同我講係唔大碗嘅，已經有心理準備。上面係炸豬皮，幾香口。鴨肉正常，其實似燒味鋪個啲鴨肉味，無吸到個湯。個湯我自己覺得偏咸，米粉份量卻比我想像中多，可以接受。叫做試過，呢個價錢貴咗小小，可能食飯會好啲。

都有一排無食泰國野，今日經過尖沙咀，見到有間新開泰國野價錢又唔太貴，一於試試。🍴羅勇海南雞飯 $42雞肉無骨，肉質肥瘦均勻，食落啖啖肉。黃薑飯份量都幾多，無平時出面食開既甘油。另外個湯椰子味非常濃郁，仲有椰肉食。🥢泰式鴨肉湯金邊粉 $42朋友叫左鴨肉湯粉，佢話鴨肉幾好味，佢鐘意，而湯底似醬油，有點甜。個碗睇落有點細，但粉既份量好多夠哂飽。🍹泰式奶茶 $20 相比係泰國飲既泰式奶茶，無甘甜，更岩我地口味。牛肉串燒 $15雞肉串燒 $15豬肉串燒 $15豬頸肉串燒 $15 配秘製沙爹醬好耐無食過串燒，呢度價錢平，叫多幾串過下口引。我們覺得牛肉相對好食，而秘製沙爹醬食落好似花生醬。椰青 $38呢度既椰青好新鮮，飲落清甜，爽。尖沙咀黎講算係平民價野食，而且整個裝修好有身在泰國既感覺。

After finishing my soccer game and feeling hungry, I walked around Tsim Sha Tsui to see if there is any nice food around. I decided to walk into Hau Fook Street as there is alot of eateries and i chanced upon this new Thai restaurant named Rayong  Thai noodle.  The menu was very simple and straight-forward, just 1 page of menu. They offered soup noodles, rice, snacks BBQ and drinks etc. Young coconut - The drink was sweet and clear, perfect for after soccer. The meat was soft and sweet as well,