羅勇泰國粉麵 (已結業)

是晚來試試近來大熱的泰國船河，到了尖沙咀的羅勇，位置在厚福街內，藍色的門面很顯眼。約八點來到，店內幾乎滿座，坐了近門口的一張枱子。看看餐牌，只有一頁，主要是麵食，還有幾款飯同小食。牛肉湯河（$42）自己點了一碗船河試試，很快就有得食了湯底很甜，幾好味喎。牛丸爽口牛肉片肉味濃，甚有咬口。好大片河粉很滑呢。海南雞飯（$42）阿爸要了海南雞飯，賣相不錯。已去骨，雞嫩滑，點埋個辣辣地嘅醬汁好正。油飯也很香口，綿綿的。椰子雞湯點飯餐有雞湯送，好香，好有椰子味泰式奶茶（$20） 青檸疏打（$28）飲品好大杯，阿爸的奶茶要了走甜，茶香奶滑，無糖都不會苦澀。自己杯疏打酸酸的，夠凍好解渴，夏天飲勁正。豬頸肉串燒（$15ea）仲點左巿串串燒試試，要了豬頸肉。由一條豬頸肉串成，拉出黎可以拉到好長呀肥肥的肉燒得甘香，加埋個沙嗲醬好好味，想encore多兩串，但即叫即燒制作需時就作罷了。食物好味，價錢貼地，但份量偏少了一點，大食的我倆決定再多點一碗麵，哈哈

今日去尖沙咀行街， 經過擁有食街之稱既厚福街，見到一間比較地道既泰國粉麵， 就即刻入去試下。 門口好搶眼，顏色藍白對比分明，店舖名突出，仲有大象襯托着，一望就知一定係食泰國菜。地理位置方便， 鋪位也算大，座位也比較多， 六點半已經八成坐滿。 服務員非常細心，簡單講解餐牌內容，感覺親切。小食叫了以下三款，分別係炸蝦餅，酸辣鳳爪和生蝦。 蝦餅即叫即炸， 炸粉非常薄而脆，蝦肉彈牙爽口， 再配甜酸辣汁，非常惹味。 這個醬汁甜酸辣非常到位，服務員稱公司自己秘製的。生蝦刺身冰凍新鮮， 非常爽口， 再配合蒜頭片和辣椒，一食難忘酸辣鳳爪用料充足， 酸辣程度適中， 非常開胃。泰式奶茶，茶味香濃夠滑， 比起港式奶茶會偏甜小小， 但我喜歡喝甜，所以我個人認為 泰式奶茶也好啱我口味。另外叫了一個海南雞飯， 雞肉嫩滑無骨， 不太肥和油膩， 雞油飯好香再配埋辣醬， 非常惹味。餐牌簡而精，非常獨特的泰式餐廳

係厚福街搵嘢食基本上係一件好困難嘅事，因為成條街都已經有過百間餐廳，不過我今日特別揀咗一間喺香港好少見到嘅泰國船麵，叫做羅勇泰國粉麵。服務：好主動幫我由風口位轉去一個比較暖嘅位置，職員都主動收碟，態度非常良好。環境：用我最愛嘅藍色為主題， 牆壁上有好多泰國擺設，位同位之間唔會覺得好迫，地方係乾淨嘅。價錢：喺尖沙咀嚟講已經算偏平， 份量都算非常大碟，非常接受。食物：生蝦：好爽好鮮甜，夾埋蒜片同指天椒一齊食，好爽。炸蝦餅：炸得好夠透，蝦有彈力，夠新鮮。海南雞飯：超滑雞肉，肉質嫩口，連同秘製汁一齊食，好夾。泰式鴨肉湯粉：用船麵湯底，當中有甘甜藥材味，加上有醃製過嘅烤鴨 ，非常滿足。

呢間係地理位置 超好嘅泰國菜餐廳，地鐵站一出去行幾分鐘就到，而且估唔到 咁抵食，一個午市套餐平均都係40幾蚊，可以食到一個海南雞飯，再加碗椰子雞湯，真係一流 。呢個海南雞飯啲雞都算幾滑， 油飯好香 ，最好嘅就係個椰子雞湯，好有椰香味 ，佢加咗啲紅棗喺湯入面， 甜甜地，而且可以補眼真係一流。我哋仲叫咗個海南雞湯河， 湯河湯底好特別， 啲可粉好有咬口 。小食方面我哋叫咗個泰式生蝦，加埋啲蒜頭喺上面食， 真係幾惹味，而且掂咗少少嘅泰式辣醬，可以帶出佢嘅鮮味。最後我哋叫咗個椰青水， 椰青好大個，裏面嘅份量可以足夠兩個人飲 ，而且好有鮮味，我哋拮曬裏面啲椰青肉嚟食添！

試咗過羅勇雜河粉，牛丸，魚蛋，炸豬皮味道唔錯。河粉麻麻，無乜香味又未夠滑。個湯底個色就幾似樣，點都好過尖沙咀另一間伏點，但始終都係差d，只可以講剛剛好合格。反而個海南雞飯幾好食，雞夠味，飯軟硬適中又夠香，仲平過碗粉。最讚係個椰子雞湯，全餐最好的一樣。泰式奶茶咖啡都幾難飲下

尖沙咀終於有抵食午餐 係門口見到呢間裝修簡單有特色的 羅勇泰國粉麵 一唔小心會以為叫羅泰勇 羅考勇🤣🤣一坐低 睇到個Menu 心諗 咁平既一個飯只係4x 粉麵都係下午茶時段加5蚊 仲送野飲😮😮😮見到個粉麵list 咩都想食最後叫左什錦😀見到個湯咁黑 心諗 死啦 一定好鹹 但飲落居然一d都唔鹹🤭 仲好香豬骨味 有豬肉丸 扎肉 脆魚皮 泰味十足仲有呢個魚腐！！ 去泰國必食架魚味香又彈牙😀😀😀 側邊有魚露 為個米粉加點酸辣味 朋友一坐低就話想飲椰子雞湯 點知原來海南雞飯必送 又慳返😮個醬可以選擇唔辣 我地叫左辣 非常香不可不提既係 雞既份量好足夠 加上黃薑飯煮完唔會一舊舊 食完仲唔會口渴臨走食多串串燒 一雞一豬 明顯是即叫即燒加上自己秘製沙嗲汁🤣🤣🤣 好正忘記了呢杯青檸梳打 叫左少甜 青檸清香 梳打又夠氣 👍🏼👍🏼👍🏼👍🏼食左咁多好野 原來每人都唔使100蚊 位於尖沙咀 性價比咁高 真係好少見😀😀😀

放工 幾個女仔諗住行街前食少少野想平平地快食 但又唔想頹食快餐店既話呢間正正合我地心意羅勇什錦湯河($48)/牛肉湯河($42)唔大碗 但非常足料而且湯底淆得非常好味 非常深色河粉係我最中意既闊身泰式河當然金邊粉都好入味！仲好貼心教我地加上四種調味料係泰國最中意同最正宗食法不過我怕我同泰國人口味唔太一樣所以唔敢一次過落哂😂小食都唔錯豬肉/雞肉/豬頸肉 (15/串)即叫即烤 配上沙爹醬夠哂惹味特別推薦下啲飲品泰式咖啡($20) 味道幾特別 真係唔係hea 俾茶記咖啡嫁椰青($38)超大的一個 而且非常清甜我地連啲肉都刮埋黎食呢位置都好方便多多支持下特色平民小店^_^

係尖沙咀求其搵d野食醫下肚，隨便地揀左呢間！餐牌上嘅選擇唔多，點左3樣野，3樣都ok，而最正嘅係佢三個汁都好好味！😋😋😋豬手飯，太肚餓，唔記得影相就食左，所以個賣相有點那個😅但好味，夠林！又係突然先記得影相🤪海南雞飯，雞都ok嫩滑，講到有3個汁，都係海南雞呢個汁最正，酸酸地醒胃！😋P.S. 叫飯仲送個椰子雞湯，椰子味濃，唔似有味精，唔錯！😋魷魚筒，烤得幾好，唔點汁都好味，點左就再惹味d😋

厚福街出名多野食 基本各國菜式都可以係呢度或H8搵到今日經過呢間泰國粉麵 見到仲有海南雞食就入去試下😉😉Menu一頁紙睇哂 飯同面各揀一樣就可以試到唔同口味😏叫左個雜錦湯河 札肉魚蛋都可以試哂😉原本以為係普通河粉 夾起發現大大塊 成塊涼皮咁 但又不會厚身口感滑溜溜的 而且非常入味👍另外叫左個海南雞飯不得不讚啲雞好新鮮嫩滑！連一向要求高的朋友都忍不住俾個👍炸魚餅雖然隻色有啲暗 但味道一點也不令人失望加埋泰國醬汁 好地道呢😊串燒豬頸肉同雞翼 個秘製沙爹醬都幾特別 佢無好濃郁既花生味 但就好多花生碎 咬勁出哂黎泰式奶茶朋友話似涼菜底我同佢講咁咪正宗味道囉🤣摒除泰國過多的糖 呢杯野甜度恰好至於青檸紅茶都不過不失啦😁埋單一人一百 帶住我們的big belly 離開🙈🙈雞飯要encore!

There are so many restaurants in Tsim sha Tsui!!! Sometimes, it’s quite headache to select a restaurant during lunchtime! Passed this restaurant many time, but didn’t try it before .Today I come by myself. Ordered a Hoinan chicken rice . The texture of the chicken is quite soft. It’s a nice chicken . But the portion is a bit small for me . It would be better with more chicken ! The sauce is special and yummy as well. They include a soup for the lunch set .

見某雜誌大大力推介呢間泰國粉麵, 仲要吹到係 no. 1 咁緊要當然要抱住中巨伏嘅決心嚟睇下佢吹水功力到底何其深厚!我同男友order 咗羅勇什錦湯河, 海南雞飯同泰式奶茶。望落都正正常常, 但一試個湯底就知出事, 咦喂呢個甜豉油湯底嚟嘅!? 🤔🤔🤔再試河粉, 一夾起... 呢餅係咩嚟㗎喂! 😂😂😂D河粉相親相愛, 完全係痴到實分唔開佢哋🤣🤣🤣 咬落去又厚又實又冇味, 有一刻直情都唔知自己到底食緊乜😯😯😯男友個海南雞飯我冇影, 不過佢話其實都唔太差嘅, 雖然有飯係唔香又冇蒜味, 好在D 海南雞都叫係不過不失!最後就係杯泰式奶茶, 其實佢都有泰式奶茶味嘅, 不過就唔好飲囉, 一向sell甜嘅泰式奶茶飲落竟然係澀嘅, 飲咗半杯已經盡曬力... $20/杯真係寧願去7仔買枝裝奶茶😂😂😂呢個午餐盛為$110, 真係冇下次... 與其俾咁多錢打廣告不如做返好少少食物質素好過啦 🤷🤷🤷

尖沙咀近來開了泰國船面的餐廳，與朋友決定來一試。這裡的環境光明，讓人感覺清潔。牆身掛滿泰國特色的裝修。羅勇雜錦金邊粉 $48一來到時，賣相與泰國的船面一模一樣的，當下與朋友興奮了一回。當中有不同的丸，味道不錯。而金邊粉較淋身，喜歡吃淋身面的朋友表示不錯。湯的味道不會太鹹太甜，應該是要遷就香港人的口味，這點絕對能明白。另外，若果覺得不夠味，可自己調味。咖啡/奶茶/汽水下午茶時段只需加5元。泰式奶茶 $5奶茶香滑，味道甘口，奶味香濃。椰青 $38通在香港喝的椰青都不會太好喝，但這個是令我十分驚喜的，椰青十分新鮮，味道清甜，而且很夠凍身， 絕對能夠解暑解渴。能在香港遇上好的椰青，實在難得。炸蝦餅 $58蝦餅當中蝦料十足，很重蝦味，很足料，略嚴價錢有點貴。整體而且， 在尖沙咀區來說，它的粉麵價錢合理，味道也不差。而這裡的椰青真的十分新鮮好喝。

這天我們從香港最南邊一路走過來，雖然酷熱天氣警告一直懸掛，但卻帶來最美麗的風景，晚上從對岸坐小輪過來尖沙咀，你問我想吃甚麼，我卻忘不了那片海和假期，所以選了這邊，記得早前網上介紹，讓泰國河粉是船家在河上海邊的菜，一直想試，但卻只欠你一起。餐廳走藍調風，配上了我們是日dresscode ，在鐵皮牆上掛上泰國裝置，沒有九龍城的浮誇。河粉全部$50有找，在厚福街上的泰菜算很經濟。泰式奶茶，其實每家泰國店都應該可以遇上，但這裡的練奶好像落得不太足夠，飲落偏淡，加上冰塊溶化後就更淡。豬肉牛肉串燒，牛比豬好，食落軟淋一點，不過我們喜愛那滿滿花生的醬汁。燒原隻魷魚筒，我覺得還不錯，雖然店把魷魚切得幼身，食落沒有那大魚大肉既口感，但我喜歡它沒有被烤得乾水，食落依舊彈牙有少少水份，旁邊既柚子醬食落開胃，唔怕食滯。.其實係尖咀夜晚四十幾蚊食到泰國野都咪話唔抵啊，船河超闊身又滑溜，好似食緊腸粉咁，食左鴨肉同雜錦(好多唔同既魚蛋)，都好足料裝到滿，味道唔算好濃，加上有大量芽菜通菜食落爽爽聲，都幾正。簡單的晚餐但有令人滿足的味道，吃得多牛腩河魚蛋粉的，其實可以過來一試。多謝你一直以來都任由我發板，可以繼續食我喜

前排喺網上見到呢間餐廳有人推介，今日同男朋友經過，就順便入去試吓。餐牌選擇都幾多，我同男朋友分別點左咗什錦湯金邊粉同埋豬肉什錦湯河。粉麵上枱時賣相麵都幾吸引。什錦湯金邊粉上面就有魚蛋、牛丸、扎肉、芽菜等等嘅配料。但飲落啲湯就覺得就淡而無味，食落覺得冇乜特別。而我碗湯河呢就有豬肉同埋豬肉丸。比較特別嘅係佢哋嘅河粉有別於我哋平時一般食開嘅，佢哋嘅河粉係非常之粗，我都係第一次見。但係粉麵嘅份量實在太少。以我女仔來講，食完都完全唔飽。＄48有啲唔係好抵食，所以下次可能會嗌飯，感覺會飽肚啲。

上個月去完泰國，太掛住泰國，所以好想食返餐泰國嘢，仲要係船河添，發現尖沙咀厚福街有間新開嘅泰國嘢一於試吓！入左間叫羅勇泰國粉麵，入到去環境好有泰國新派嘅民族氣息。感覺別緻有特色，座位之間寬闊，而且簡單乾淨，我地叫左雞肉、豬肉串燒各2⃣️串，熱啦啦肉質硬凈，有囗感，而且配合醬汁好惹味，醬汁仲有粗粒花生粉，正，$15一串海南雞飯蘸上泰式醬汁（有辣/吾辣）酸甜味突出，好開胃，雞肉去骨，肉質嫰彈可口，仲有不得不提附上棷子雞湯，味道清甜，冇油，而且有淡淡棷子香氣，飲完吾口喝。另外，叫左札肉金邊粉，熱拉拉深棕色的湯底吾油膩而且甜甜地，味道幾好，份量好似港式魚丸河甘，不細碗，在泰國街頭既船河得依度既八份一咋，札肉彈牙及香香肉味及少少黑椒味，再配上棷青又大個又清甜，再叫多一個小食，泰式鳳爪，醬汁酸酸少少辣，開胃，正，餐廳店長及侍應非常有禮貌，店長又會走上來溝通，了解客人口味，好細心、而且在尖沙咀價錢、環境、地點、食物水準、衛生、服務都好好，希望小店一直keep 住，下次再試其他。