羅勇泰國粉麵 (已結業)

朋友上網見呢間泰國菜好好食咁，今日放工一行6人特登去尖沙咀食！每人點左一碗粉，同叫小食！泰式鳳爪 $48份量唔多，一人一舊無哂，但味道不錯，酸酸辣辣夠醒胃，鳳爪爽口！炸蝦餅 $58有4件，蝦味濃又彈牙炸墨魚餅 $58有5件，墨魚口感比較實在，証明足料！豬肉，雞亦串燒 $15/串豬肉燒得唔乾，咬落夠林。雞亦皮燒得脆口。羅勇什錦湯河 $48價錢合理，有魚旦、牛丸、豬肉丸魚旦河 $42魚旦彈牙，河粉好特別，同出面食唔同，面係好滑，而且係一片片，湯味不太濃味，自行用調味架調味！鴨肉河$ 42海南雞湯河$42

一向喜歡食泰國菜，但泰國粉面香港好食嘅唔多。見經過有得食，又試下如何。叫左個豬什錦河粉，職員推薦話用泰式濶河粉，又試下如何。 但發現我都係米粉fans！ 河粉係幾滑幾簿身，但無鬆開佢，成碗有一半都係作餅河粉咁。食到忟，夾到碎晒！ 點解唔鬆開先？！又唔係繁忙時間講返個粉，湯還好，我就大鄉里, 喺泰國未食過羅勇style， 唔知正唔正宗。 但湯幾濃味，第一口飲似肉骨茶咁。 同喺泰國食嘅魚旦粉完全唔同！又幾好味喎！睇佢碗細細，但幾多料，有豬肉，肉丸，豬潤，扎肉咁。仲有通菜同芽菜，幾似樣。整體其實都唔錯幾好食，只係河粉如果唔係一餅嘢咁會好啲！

大雨天去到尖咀搵野食心血來潮想食泰國船河～所以就搵左呢間試下去到門口見到2:30有下午茶，粉面或飯+$5就有野飲果時都2點，見無咩人就坐係度等2:30見其他人都唔等下午茶我地都覺得有點唔好意思但侍應都好好，無理我地到2:30叫左1）豬手湯河～清檸紅茶2）海南雞飯～泰式奶茶好既係冷熱同價，都係+$5之前係出邊食既船河係甜甜地呢間就無甜味，可能正宗係咁但都好好食海南雞飯既雞好嫩，醬汁好味不過就好細碟最無奈係見到距離台碟野大我地一倍所以老公食完都唔飽不過兩個人$100都算係咁啦起碼味道係正既下次再食

今日同同事開完會，同個同事經過個厚福街，見有小小肚餓想搵間粉麵食。比我見到有間泰式麵食，我同同事都想試下，我因為從未試過泰式麵，抱着好奇嘅心態去試下。入到去裝修都好有泰國特色，我特別鐘意呢個頭象。我叫左一個羅勇什錦湯河，我同事叫左個秘製滷水豬手湯河，再加左2個小食分別是炸魚餅和泰式鳳爪，我自再加多2串串燒。第一次食泰式粗河粉，有彈牙又唔易散，讚👍🏻。魚蛋爽口彈牙，扎肉鮮甜美味。係食之前記住用枱上的調味料調味，更可以特出泰式河粉味道。秘製滷水豬手湯河粉，豬手很軟滑，滷水很入味。泰式鳳爪新鮮酸甜適中十分醒胃。炸魚餅香口彈牙，泰式炸酸辣適中豬頸肉和豬肉串燒肉質鮮嫩，配埋花生沙嗲醬口感一流。

今日提早收工，約咗媽咪和細佬去美麗華商場行街，行完街見有啲肚餓，就行咗去厚福街搵嘢食仲好，見到有間羅勇泰國粉麵，六點前都有下午茶餐就入去試下店舖入面見到牆上有些泰國畫象，都幾特別。餐牌上的食物，以粉麵為主，飯類只得三款及泰色小食凍檸茶就飲得多，青檸紅茶就小見，清清地幾好飲。秘製豬手滷水湯河-豬手滷得好入味，食落唔會太肥膩，秘制湯底又香又濃，好有泰國風味，比起平時食開泰式湯河及冬陰公湯河，呢個真係無得輸。 睇落好細碗，由於河粉比較粗身所以食落有飽肚感。枱上放左四種醬料，可以加入河粉裏面，好惹味食唔停泰式鳳爪酸酸辣辣，爽口好味炸墨魚餅熱辣辣，鮮甜爽口配甜酸醬一流

今晚係出名多野食既厚福街搵食, 經過呢間羅勇泰就俾佢藍色既招牌所吸引, 睇一睇餐牌原來主打食船麵, 聽就聽得多, 食就真係第一次。餐廳唔算大, 但環境光猛, 地方乾淨, 員工有禮, 仲會主動介紹食物。我地7 點到未算多人, 未需要撘枱, 所以坐得舒服。因為餐廳主打食粉麵, 所以飯類相對會比較少款選擇, 另外仲有地道小食同串燒選擇。 價錢都好平民, 旺區少有。既然主打粉麵, 更係要試下啦, 我選擇了海南雞湯金邊粉($42), 老公選擇了招牌什錦河 ($48)。上枱速度都好快, 起初見到碗麵唔算大碗, 仲諗住可能2, 3 啖就會食晒會唔夠食, 但又唔係哦, 我同老公都覺得份量岩岩好。大家既湯底都係一樣, 飲左第一啖湯,覺得好陌生, 又好特別, 未試過呢隻湯底, 最後忍唔住問左個姐姐, 佢話呢個係豬骨老水湯, 會有豬血一齊煲的, 令到湯底更加香濃。每枱仲會有泰國醬料任用, 個姐姐仲主動教我地加埋落碗粉麵更加惹味。招牌什錦河有豬肉丸, 魚旦, 魚片, 扎肉,  少許通菜墊底, 有d 香口既炸豬皮舖面, 令到成碗粉都好豐富。河粉比平時食開既河粉粗一半, 同比較薄身, 好滑, 吸埋D 老水湯, 十

o係尖沙咀做野，經常都會去厚福街搵食上openrice見到呢間有泰式地道粉麵同泰式奶茶，一於去試下先我叫左鴨肉湯金邊粉($42)鴨肉幾幼嫩，肉味濃，而且一點都不肥湯底味道比較清，配合埋佢地提供既醬料落去食會好d我地另外再叫左d小食一齊食泰式生蝦($78)蝦比較細隻，不過都幾鮮甜，醬汁夠辣炸蝦餅($58)炸得好香脆，肉質彈牙墨魚餅($58)入面有墨魚粒粒，感覺幾足料串燒-牛、雞($15/串)估唔到醃得幾惹味，唔駛點醬都夠晒味泰式奶茶($20)我覺得比較淡，有少少失望總括幾欣賞呢度的小食，幾地道不過食物份量比較細，如果只食碗粉，男仔應該唔夠飽。

厚福街真係好多正野食大熱天時唔想食咁多野簡單食個tea經過見到小店門口見到廚房係玻璃牆的可清楚見到食材同煮食過程主要係食泰國湯河同時有飯類同小食今次選擇左羅勇什錦湯河泰式鳳爪同埋泰國咖啡羅勇什錦湯河 有四款餸勁鐘意佢既魚蛋非常非常彈牙好欣賞佢個河粉 比平時河粉闊一倍好好咁吸收左湯既精華個泰國鳳爪又係冇得彈個人偏向重口味由奇係酸辣依個小食夠哂refreshing酸同辣都好入味食完精神為之一振加5 蚊就有泰國咖啡顏色比平時濃 味道唔甜反面係好香好食咁多野都係100 蚊埋單真心抵食

去左厚福街搵食搵到呢間泰國餐廳食我既午餐+下午茶😑海南雞飯+椰子雞湯+青檸紅茶($47)食晒都好似仲肚餓😫海南雞得幾舊油雞1碗份量都ok個醬唔辣，甜甜地個湯唔算好油膩杯青檸紅茶幾酸，味道麻麻地

今日係尖沙咀行街，同時又係覓食的時候。厚福街出名多餐廳，今日想食海南雞飯的癮起，經過羅勇，就決定試一試。餐牌雖然得一頁，但選擇都好多。今日叫了海南雞飯+豬手飯+蝦餅+青檸梳打+椰青。海南雞飯：雞肉嫩滑，如果雞件再多點，令到每啖雞都有雞餸飯，就最完美，因為飯的份量都多，哈哈，我都知好貪心，飯都好夠味。最驚喜係個汁可以選辣同唔辣，好適合我呢個愛好海南雞飯，又食唔到辣，但又好想有酸酸汁，呢間就好貼心有得選，汁酸酸地，好開胃。另外，呢間的湯並不是普通的冬瓜湯，而是特別下本的椰子雞湯，濃味，不會過鹹。豬手飯：豬手非常淋同入味，入口即溶，個豬手汁配飯好夾，令人食哂。蝦餅：蝦的份量不少，非常彈牙，熱辣辣又脆，配埋兩杯飲品，透心涼。

又到Happy Friday, 今晚約左朋友update下大家近況，我地約左係尖咀，因為無book位既關係，我地就隨意去厚褔街睇下有咩好食，行過好多間都排好長龍，見依間餐廳唔係特別多人就選左依間。我地三個人叫左一飯一粉同兩個小食。海南雞飯 - 雞肉份量不少，而且無骨，皮下脂肪唔厚，有鷄肉鮮味，肉質入口感覺頗嫩滑，仲送一個椰子雞湯，朋友話覺得好清甜。豬手湯金邊粉 - 湯底濃味，豬手滷至上色入味，豬皮油潤並略帶膠質黏感，瘦肉位都夠腍，再配搭脆嫩的通菜香葉。雞肉、牛肉、豬肉串燒 - 呢個都好味 燒得夠香 而且唔会失去肉既味道 加上沙嗲醬好味。泰式燒魷魚筒 - 大大隻鮮魷魚筒原隻上碟，賣相吸引好新鮮，可以一咬即斷，入口相當爽口。另外我地重每人叫左野飲，依到既汽水係樽裝。

因某雜誌報道而去試一下，但比較失望。二人叫了 什錦麵 海南雞飯 泰式咖啡 同 青檸紅茶。海南雞飯同平時係餐廳食既差唔多，連埋一碗椰子雞湯，雞湯唔錯，起碼飲完唔口渴。羅勇什錦麵，個湯好大陣滷水味，但食落係無味，自己再落埋嗰4種調味料，都係得啲調味料既味，啲丸都好食既，個河粉就痴埋一舊舊，份量少，男人食唔夠飽。咖啡唔會話好甜，但唔香咖啡味，而青檸紅茶就好似係泰國飲既檸檬茶少甜版。食過一次唔會再食了。

係得尖沙咀返工，點都會試到呢間羅勇，雖然已經聽過同事講呢間唔掂，唔好食，平時我哋經過(想試)又見間嘢冇乜人而嚇窒，但最後都入咗去試，嘩，唔試都有期待，一試就超失望，除咗細細碗有泰國feel之外，其他嘢都係差到令我哋即時say：bad list! 我有啲同事食米粉，個味較咸，同埋米粉入唔到味，我哋有幾個食海南雞，啲雞係太婆級嘅肉質，硬到呢，應該是嚡口，堅韌，冇味，總之呢個lunch time 就用咗好多時間嚟撩牙啦

今晚喺尖沙咀睇完戲，當然要去搵下野食醫肚啦，醒起之前朋友介紹過「羅勇泰國粉麵」，話湯河好食，喺厚福街又唔遠，一於就去試下！入到去覺得小店裝修唔錯啊！坐落都舒服，最緊要乾淨！2人叫左海南雞飯$42（忘記拍照），海南雞湯河$42，2串串燒牛肉$30價錢唔貴，海南雞飯黎講算平我覺得！雞飯夠香唔會一舊舊，雞夠滑，好味！最鐘意個雞飯辣汁，岩哂食辣既我！湯河湯底算濃郁，食完唔會口渴，河粉爽滑！而牛肉串燒還好，略嫌唔夠熱就上枱。整體來說不錯，價錢唔貴不妨一試😉

最近興起食泰國船河，阿女想去試吓，所以去咗厚福街的這間泰國小館試吓。聽聞這裏的湯底是用傳統泰國做法，以豬血或牛血，加上醋，再混入秘製滷水汁烹調，其間再加入十幾種香料、豉油...等而成，甜甜地而且又有回甘香味咁話喎。由於本人不太喜歡闊身的河粉，所以選擇了油麵，但餸菜方面則選擇了滷水豬手。湯底都切合預期，但和某間出名的車仔麵檔的湯底頗為相似，但豬手就大失所望！本以為有幾嚿，起碼應有一兩嚿可以食下吖，但原來只是濕濕碎、濕濕碎的幾小片豬皮和豬肉碎，砌埋都唔知有冇一嚿豬手。而且碗麵都好細碗，但都要$48一碗，一D都吾值！好彩豬手好淋，幾乎入口即溶，可能係肥肉和豬皮多過肉的原故呢！早知咁少豬手，就叫什錦啦，雖然都係細碗，但起碼都叫做有多幾嚿餸食吓！