羅富記粥麵專家 (已結業)

剛剛在中環做完嘢，打算食一個簡簡單單的午餐，在附近看見一間羅富記粥麵專家， 這間粥麵舖有種懷舊感覺， 我叫了一個水餃麵， 這個水餃麵好有水準， 水餃內木耳蝦好豐富， 幼蛋麵非常爽口， 這間麵舖值得一試

今日去左中環『羅富記』食下午茶，叫左雲吞麵，牛腩撈，水餃撈，仲有一碟蜆蚧鯪魚球（大）。不過對呢間餐廳有啲失望😞。 雲吞麵：雖然擺法好正中，雲吞放底 用匙羮黎阻隔，麵放上邊避免浸林。先講麵質唔夠彈牙，唔夠香，應該唔係用鴨蛋整，同埋似係用機制，唔係用竹昇去打麵，所以先唔夠香和爽，而且有小小鹼水味。湯底好淡，完全飲唔到蝦籽既香味，同大地魚既鮮味。而雲吞係最好既一樣，細細粒做到燕尾，可以一口一啖。牛腩麵：本來叫牛腩撈，但黎左湯麵，不過牛腩牛筋一般，炆得唔算太入味。 水餃撈水餃無乜特別，都算好食。蜆蚧鯪魚球：至於鯪魚球唔算爽口彈牙，味道還可以，最正就係個蜆蚧醬。價錢：最後食左$216 連野飲。環境：⭐️⭐️⭐️食物質素：😋😋😋味道：😋😋服務：❤️❤️價錢：RMB100-120 / person 性價比：👍🏻👍🏻👍🏻

羅富記係男朋友好喜歡嘅食店之一，幾十年前父母已經帶佢黎，當時蜆介鯪魚球都唔係度度有得食。到中學時代喺股票行做暑期工又成日買及第粥、腰潤粥食，滿滿個人回憶。中、上環一帶有三間分店，黎到皇后大道老店，平日特別多寫字樓上班族，假日反而鬆動啲。餐牌供應雲吞、水餃、牛腩粉麵等，粥品、撈麵，人均三幾十蚊。點左個麵、粥同鯪魚球，十分鐘左右上齊菜，前後半粒鐘埋單。我就一向唔鐘意滾水淥腳食飯，所以好少肯陪佢食呢啲餐廳豬腰滑牛雙拼粥 $44平時多數點腰潤粥，當日就唔想食潤，揀左豬腰拼滑牛，基本上呢類傳統老店個粥都唔會差，粥底幾綿，雖然就唔算好香。豬腰都唔係好多地方有，而且遇著洗得唔乾淨嘅就瀨野，食咁耐羅富記都冇問題，幾爽口。滑牛嫩腍，份量不多。天氣雖然熱，但佢都好鐘意食粥，年紀大嘅象徵。雲吞麵 $32雲吞麵正常野，麵質爽，雲吞係細粒野，冇乜特別。蜆介鯪魚球 $22/小小份三粒，新鮮炸起，都幾大粒架。最重要係鯪魚肉落得足，唔係粉球，亦都好有彈性。蜆介味鮮，男朋友最愛兩個人食一舊水落樓，都係合理範圍。唔係必食，不過男朋友食番自己嘅個人回憶，表示滿意

剛畢業不久就入了Sales行業，有段時間公司也在中上環，午餐、下午茶甚至乎開夜不時都都會去羅富記品嚐一下他們馳名的粥、酥炸魚球和云吞麵。今天故地重游，吃的不再只是食物的味道，而是回味當年年青時的情懷。坐下來就叫了一碗淨雲吞。湯底保持執著，一絲不苟，大地魚的甜，配上撲鼻香嘅韮葟，令人神往！載上8粒雲呑還是傳統的細細粒容易食，薄薄的雲吞皮，包著一隻鮮蝦加點肉餡，咬落爽囗！最后是連湯喝清。埋單HK$36冇收加一，中環商業中心地帶，那裡尋？

Traveling to HK from US, all I wanted was something simple. This place was perfect, and had English menu for my American friends. The bowl of rice porridge was generous and delicious.I had the kind with century egg which was the right amount of salty and the meat inside was very tender with not too much fat. The wonton noodles were also a good portion size with delicious broth. The chopsticks and spoons were clean and the inside was spacious with air conditioning. Staff was very solicitous and h

呢間位於中環既粥麵店，由門面到店內都保持舊式既裝修，最難得既係食物既味道同人情味都可以保持到。炸醬麵，炸醬甜甜辣辣好惹味，肉絲份量適中，麵夠爽有咬口，湯又清甜。雲吞麵，有5粒雲吞，雲吞係鋪頭自家製，人手包架，粒粒餡都有蝦有肉，非常足料，皮薄餡靚，配埋清甜既湯底，絕配。蜆介鯪魚球，鯪魚球又係自家製，大大粒即叫即炸，食得出係人手啄，爽口彈牙，唔會好似機攪鯪魚球咁又糊又粉。最重要碟蜆介汁，夠晒咸鮮味，果幾粒蜆介我都食晒，絕不浪費。店員好親切，見有小朋友，會幫你安排個風口吹唔到，同唔會俾人撞到既位，又唔會催促落單，果種真誠真係好窩心。

羅富記位於中環有兩間，地鐵行過去大約十五分鐘，地點都算方便！店內裝修係好傳統既中式麵店舖，有塊透明玻璃見到師傅係入面煮麵同粥個種。我三個人叫左兩個粥同一個麵share🤤🤤呢到選擇唔多，清清地好岩都市人黎清下腸胃😂豬潤粥🥣四十五蚊一碗粥，聽落好似有d貴，不過呢間老字號位於中環鬧市，尚算可以接受。粥底褒左好耐褒得好綿，係絕無添加味精既情況下佢都褒得好好食好夠味👍🏻👍🏻👍🏻 豬潤相反就差少少，滾得太熟偏粉。牛腩撈麵🐮🍜 牛腩煮得好入味之餘仲要好林🤤 牛根又係炆到好林唔會咬落去shock shock聲！麵既份量都幾多，而且超級彈牙，加d辣油加少少醋簡直頂瓜瓜👍🏻👍🏻👍🏻皮蛋瘦肉粥🥣 呢個粥既粥底明顯比豬潤粥白，本身粥底味道亦會淡少少，勝在瘦肉係有腌過，整體味道都好好食，兩碗粥都一樣咁綿咁多料☺️蜆蚧鯪魚球 (小)🍡🐟食鯪魚球最怕就係腥同有骨!!! 羅富既鯪魚球一d都唔腥，朋友唔食太中意食魚都大讚好味，去骨亦去得好乾淨，仲要即叫即炸夠曬熱同脆🤗係中環經營左幾十年既粥麵老字號，由我中學年代食到而家味道始終如一咁好食，老字號係呢個年代買少見少，點可以唔去試下😎

We came here for a late breakfast of congee. I ordered fish congee and, with my friends, shared a plate of fried dace balls with clam sauce. The fish balls are very big!! They are tasty and the clam sauce is a nice twist. The fish congee was delicious.

羅富記既粥麵一直都好出名，今日放晏特登去試下！3個人叫左牛筋腩面、咸瘦肉粥、雲吞面、生鯇魚片、鯪魚球！生鯇魚片夾蔥同薑絲食真係好正！鯪魚球雖然係炸但係一啲都唔漏！絕對值得encore呀

喺中環食飯真係一啲都唔易，食飯時間除左好多餐廳都爆滿之外，價錢都唔平。而要食平靚正既粥麵，真係非羅富記莫屬。羅富記開左好多年了，係中環有三間分店。店內所有裝修同餐牌都好懷舊，正一老港味。呢度出名嘅係炸鯪魚球，不過今日想清清地，就叫左個鯪魚球粥。個粥熱辣辣、粥底好綿好有米香，加少少胡椒粉已經好好味，一黎就食左一大半。而鯪魚球呢就有五粒，大大粒又唔腥，有少少陳皮味，咬落好彈牙，好味！原本想再encore炸鯪魚球，不過真係太飽，唯有留返下次啦。

印象中中學時代嚟過食雲吞麵，當時已經係較其他普通粉麵舖貴，但係好食的……今日再去這間屹立這裡幾十年的舖，裝修好似同以前差不多，人流不斷，都係拔兄上次話這裡應該都有魚皮食，所以今日嚟開中環，專誠嚟幫襯，我要咗豬肝粥，原本想叫薑蔥魚皮試下，但伙計話賣晒，那時三點幾，佢話平時十二時幾就賣晒，今日兩點半左右賣晒……冇法啦，下次有機會再試……豬肝粥~粥底好綿，熱辣辣，加咗蔥花賣相好得，豬潤好爽冇腥味，但冇乜豬潤味及鹹味，我應該加少少豉油會好味啲……整體我都覺得係好食嘅

繁忙中的水準之作喺繁忙gei中上環晏晝搵嘢食，的確一d都唔容易，因為搵食嘢嘅人太多，排隊會排好耐，所以現時通常都會決定係下午茶時段出去食嘢。今日就試吓懷舊的羅富記粥麵專家啦。一坐低發現全部都係單點，並無套餐，於是就揀樣自己想食既野來食啦。揀咗個牛腩撈粗試吓，蔥味嘅湯,有六七條菜伴碟，幼麵都夠爽脆彈牙好味，唔錯ge牛腩夠淋身，有牛味，唔係雪藏野同牛筋都好好味都好夠淋食落去唔錯。成份都好有水準，價錢亦都唔算貴。

其實PPFood已經唔係第一次食呢間店 但就每次都覺得自己只係食到5至6成飽🙈 事關佢一碗嘅份量其實好少🤦🏻‍♀️ 今次就叫左滑牛麵（$35）其實肉係比想像中多 真係估佢唔到 都算好食！ 但麵就偏重鹼水味 而且真係好少👉🏻👈🏻 覺得要食兩碗先夠 所以其實計返都唔係平😿 雖然知道中環地區 甚至香港地 而加食野好多時都係咁 但始終都係未接受到🤐🤐🤐 所以PP日後會少黎 甚至唔黎呢間老店 事關真係冇特別 味道唔會話勁吸引 只可以話正正常常 然而性價比較低！

上完運動堂個肚勁打鼓，又唔可以大魚大肉，唔想咁吸收，但又唔好以唔食，最好就係食粥粉麵啦！在中上環晚上8時，粥粉麵一諗就諗起老字號羅富記粥麵專家，在中環有三店，但其中在大馬路一家裝修進行中，所以要走到後一條街果家醫肚了坐下先問有冇菜，因為返工早午好少食到蔬菜，故晚餐盡量要多吃一點點菜心加腩汁 和 牛筋河菜心煮得勁「淋」，哈哈對我而言over咗，但好啱公公婆婆享用牛筋一睇已覺得好正，每一口也很「膠」，感覺皮膚即刻好彈，軟硬度剛剛好，勁入味本想吃炸鯪魚球，但自己一個為免食唔晒，最後放棄不叫

話說我今天中午去吃 之前個司機找左一百蚊神沙俾我 另外我得1000$ 同$500 紙 我食左個好猩的豬肝腰撈麵 坐勁迫唔緊要 其他伙記好好態度 個位勁窄我食完就即刻閃人啦 係收銀處係好貼無阻路 我數錢算好快 也只不過是$43 蚊。有一張十蚊一個十蚊銀 另外是2蚊 一蚊 五甘呀甘 個收銀呀姐收左兩三個人錢 我數完$43 蚊 佢叫我橦返$10 一橦俾佢。之後佢自講左句： 我收左10個人你都未數好 都唔係人黎架。其實我本身好快數完 我只係食左$43 蚊 我打算快快手食完唔好阻住人 神沙亦唔係我所希望俾 到我俾$500 $1000 你 。難道你又唔會話我？ 之後我無駁佢出左門口 因為入面太多人 我都唔會同佢痴線的人正面嘈 我只是行去門口同佢其他伙記問 ：「你收銀是老闆嗎？」他們說不是 。俾23 蚊散紙就要俾你話我不是人？ 而且我無阻到人 我數勁快 是佢自己玩野 我已經好好脾氣無即刻當面鬧佢 回家同朋友家人講起覺得現在香港人好有問題 係咪都鬧一餐 之前的士佬俾$100 零錢我全是一蚊兩蚊 我睇醫生都俾左幾十蚊姑娘 所有人都好樂意。為什麼只有一個收銀呀姐 可以甘差態度？回到家 不知是不是 豬腰不新