羅富記粥麵專家 (已結業)

去羅富記同同事買外賣。櫃台落單後收錢阿姐喝住咁講你知要俾幾多錢。下一秒都未伸倒手入銀包拎錢阿姐已經鬧住咁話你好 - 慢，咁慢唔好阻 - 住全宇宙唔該行埋一邊。出面負責派外賣既職員態度就好好多。粥正常味道，無咩特別。但由於買個外賣都要受咁多無謂氣，所以唔會推薦。

好友相約這晚到上環一間私密酒吧,去觀摩一下其調酒技術;我遂提議不妨在喝酒前來個粉麵類食物打底,好友同意後,我就思量在酒吧附近有哪些麵店;突然醒起了在中上環交界位置,有家的粉麵類食物在大半年前吃過,也有些正面印象評價,但店名與位置要確實走到跟前才知!放工後約好友在地鐵香港站相見;之後憑著記憶與周圍的建築物終於找到了這麵店--羅富記!店內的裝修擺設格局都是傳統舊派的味道,坐下來就是覺得很熟悉,很親切,很街坊......看看餐牌,主力做的都是粥與麵,其實我也欣賞這種專注的態度!我與好友很快地下了單,然後就邊等邊聊著下一個好去處的事!先來的是我點的牛筋麵;其牛筋量不少兼每條都有一定的大小,以其價錢來說已相當超值!吃起來是外層偏向爽滑,而中間有點軟綿的口感,加上滷汁的香味已滲進其中,整條牛筋的完成度相當不錯!再吃麵底,是屬於重鹼水味的,就偏向爽滑有彈性,連著湯底加上牛筋一起吃,再配上此店的辣椒油,滿是美味的!而此店的辣椒油突出了以辣椒一類的香味,加上辣度偏低,配上著重本味的肉類/內臟,減低了肉臊味而有提鮮效果,也是相當的好!另外,好友點的豬肝牛肉粥,我只吃了一塊豬肝,做得比較爽脆,沒有臊腥味,算

呢間野服務簡直可以用惡劣形容，由櫃面到侍應，每一個都好似欠左佢咁，的野食幾好味都無用，尤其外面個外賣仔，惡形惡相，好似想打人咁，各位有錢無地方使又想去俾人鬧下既就去試下啦。

食你兩碗麵仲要受你氣！😡😡😡😡😡 叫兩支可樂叫極都唔攞，埋去講「唔該可唔可以俾兩支可樂先？」嗰個收銀阿嬸冇禮貌兼大閙我！做客唔係大晒，都唔駛受你氣呀！痴缐！😤

今日冇乜胃口想食粥，就到中環間羅富記食午飯，兩點幾到冇乜人。叫咗個肉丸粥同一碟油菜全走。個粥味道依舊，調味適中，只係個粥底稀咗啲。肉丸味道唔錯，不過嗰 size 真係細粒咗啲，油菜就灼得過熟，攪到有啲黄。同埋出面三十幾度，啲冷氣真係好唔夠，食到個個成身汗。食完後出櫃枱埋單，總共食咗 $51, 我俾 $102 佢找。佢之後只係俾返 $50 我，於是我只係善意提咗一句：“唔該我頭先俾咗$102”, 然後收銀嗰位女士（我估係事頭婆）就態度好串咁話：“你睇唔到我做緊野咩？一樣還一樣，你估我會走咗你㗎咩？” 大佬，俾錢食野仲要受氣，你估淨係得你一間賣粥麵㗎咩！以後都唔會再去！

難得周末去中環，朋友話去羅富記食。反正我未食過，就去試一試。我們被安排坐卡位，坐下便點了以下食物:1. 及第粥2. 爽滑魚皮3. 炸鯪魚球4. 水餃麵食物好快就送到，當我食完第一啖，我只有一個感覺……d食物好鹹，而我朋友也有同樣感覺。雖然食物價錢合理，但偏鹹的食物不宜多吃，相信我不會再光顧了。

突然間好想食鯪魚球 所以来到中環一間 出名食鯪魚球嘅羅富記。這一間鯪魚球全部都是新鮮熱辣炸出嚟，除左賣相十分吸引之外，更令人好衝動想一口咬下去一解想食之苦！鯪魚球不但肉質鮮甜， 而且十分香脆彈牙，味道再加上一碟自製的蜆介酱， 配搭得天衣無縫

平時都係常客來嘅，通常都會叫粥同鯪魚球。不過經過今日嘅經驗就唔會再返你一間啦。因為本人今日唔舒服所以去咗叫一碗白粥同魚球。魚球食晒不過粥只係食左兩啖，所以叫打包。有個呀叔叫令一位呀嬏幫手打包，呀嬏一下子掉咗入個污糟嘅盤度（用來放大家食完D碗嗰個）。呀叔見到都停佢唔住。好在我係後面見到個呀嬏想攞番碗粥出來當冇野！！我喝住佢先冇咁做。然後佢好唔滿意咁去比咗細半碗嘅白粥我。我同佢講只係食咗兩啖喎，佢就好惡咁惡人先告狀話我握碗白粥！我連多賣盒嘅錢都比咗，其實碗白粥只係$12，打包都係唔想浪費。不過佢地嘅太度十分差，所以我冇退讓，要打包碗粥。比個呀嬏鬧完再比門口個負責外賣嘅鬧，佢根本唔知咩事但係就跟埋一齊鬧。我終於忍無可忍，話係個呀嬏搞錯先。而嗰位負責外賣嘅就專登唔幫我打包又繼續鬧埋D唔關事嘅野。我根本唔舒服冇咁嘅心機去糾纏。最後我自己攞多賣袋，自助然後走人。其實羅富記係好食嘅，不過就唔會再返這間啦。大家小心嗰道嘅衛生喎！

今天早上11點上中環接老爸到灣仔律敦治醫院覆診，覆診前先飽肚。最怕在中環午膳，到處人山人海，非常擁擠。於是趁午飯時間尚未到，先行開餐，避免人迫。老爸說胃口不太好，想吃粥，就去了附近羅富記吃粥。坐下就叫了及第粥、鯪魚球粥、白灼時菜和水餃撈面。及第粥和鯪魚球粥粥底綿滑，由於是生滾粥，粥底火燙鮮甜，吃下暖胃。及第粥的配料如豬腰、豬肚、豬潤和肉丸都滾得剛熟，入口爽嫩，十分好味。水餃撈面的水餃用料十足，生面彈牙，加上蠔油，飽肚惹味。至於白灼菜心則水準一般。羅富記舖面不大，座位峽窄，坐得並不舒適，但弼品水準不錯，故仍然屢有光顧。

在一個炎炎夏日的一日，亦是炎熱的下午，幾乎溶了整個人，但又要來到中環，倒不如去一間麵店，食碗麵喝支冰凍飲品，又如何呢？今餐不吃飯吃碗麵，還記得好幾年之前，曾到訪過羅富記，今天再來，依然人山人海。不一消就可攝個位坐下來，吃碗麵。雲吞河是今日的午餐，幼滑的河粉，爽口彈牙的雲吞，就是這麼的簡單。雖只是一碗河粉，卻又可當作午餐。再加一支可樂，是不錯的配搭。午飯時間，容不下坐多一會，只好結賬離開。

中午時間經過這一家我剛畢業時留下不少腳毛的粥店，當然要入去懷舊下！記得以前ＬＵＮＣＨ　ＨＯＵＲ嚟到，必定有很多人會等位，每次到最後都要轉外賣返公司食，今次時間比較早，可以環保少少坐係到慢慢食！好快就有位了，叫左一碗豬腰肝粥同一份細的炸蜆蚧鯪魚球，豬腰同豬肝好新鮮好彈牙，唔會因為煮得太耐而變硬晒，ＧＯＯＤ！我平時好怕係出面食鯪魚球的，因為好多時都有魚骨，但呢到嗰Ｄ鯪魚球真係搵唔到有骨，小朋友都可以放心食！加上佢剛剛炸好就上枱，好脆，好好味，突然覺得細的不夠食，早知叫大的。。。下次一定會再嚟！

本身這晚不想吃太多，在既"就腳"又要吃得健康的機緣巧合下，今晚就幫襯了這家中環老店-羅富記環境方面: 裝潢是舊式餐廳那種，一進餐廳內便會聽到伙記和"熟客仔"都在閒話家常，香港地道老店的重要特色呀，賣的不是以客為先，也不是裝潢，正是現在少有特色風味-人情味。價錢方面； 吃粥粉麵這類，心想:怎樣也不會太昂貴吧!?一坐下看桌上的餐牌，以粥粉麵Level 來算，定價還真的有點貴，男友說:中環地段，差不多啦，現在"X粥面"索價也不低吧!? 好食就無問題了!食物方面: ＊牛肉撈麵－牛肉很滑，也很足料，湯是小碗另上的。味道也可以。＊鮮魚腩粥－粥底很溫柔，我意思指口感綿綿滑滑的，魚腩有3大件，相當抵食，魚腩鮮味而且啖啖肉，整碗粥都很合我口味，伙記也相當細心，把薑蔥分開上。本來"不想吃太多"，也吃得光光 想ENCORE。＊大鲮魚球配蜆蚧－這個是店中推介(我和男友也都推介)，6大粒的鲮魚球，食一口外面彈牙，內里肉味鮮甜，然後再點一下蜆蚧更是畫龍點晴，好好味道的，怕熱氣 但也會吃個不停的哪種。Overall...如題，我會再來幫襯你-羅富記

很少會去這類老式舊店，之前朋友介紹過這間羅富記，咁啱經過，便去試試看。係門口已見很多人在等候，但大部份都係等外賣，只有一班人等位，而我哋只得兩個人，當然比較快有位。店內座位保持一般老店風格，坐位比較窄，不會太舒服，但地方尚算整齊乾淨。記得朋友講過這裡牛腩撈麵非常好食，所以同男友都選擇了牛腩撈粗，吾使等5分鐘，撈粗就已經上枱。粗麵很爽口，而且沒有梘水味，伴湯味道清甜，不覺有味精，牛腩亦夠淋，有咬口。見到很好客人都選擇粥品，相信有一定水準，下次一定要試下。雖然是老店，待應也是老一輩嘅員工，但態度也很好。整體來說，係中環區算係吾錯嘅選擇。

黎中上環想食港式麵食, 粥品? 第一時間諗起羅富記! 係天價地段嘅中環, 仍然屹立多年! 全因佢價格相對地平民化, 大約三十幾四十蚊, 選料新鮮, 薄利多銷, 係中環有三間分店 由地鐵站行過去都好方便 豬腰肝粥 $35 (3.5/5)粥品好多選擇, 友人今日想食清少少, 又想懶係補吓身子, 於是就叫咗豬腰肝, 可以試到間鋪水準如何, 哈哈, 食落口感就好啲嘅, 豬腰同豬肝都好彈牙, 唔會老  ,正!  如果可以多幾片就仲好哈哈小欖炸蜆蚧鯪魚球(大/6粒)$38 (3.5/5)店員落單時問我地要大定細, 同友人同一時間答梗係要大啦! (可能我地兩個都心諗, 三粒點夠分啊!!哈哈)細嘅有3粒, $19, 適合淺嚐或自己一個黎嘅食客, 點解係小欖? 我淨係諗到任食BBQ場, 嘿嘿, 返黎面前嘅大大粒魚球到先, 新鮮炸起變成均勻嘅金黃色, 魚肉足料幾彈牙, 裡面無特別餡料, 因為另一個主角係蜆蚧醬, 可能90後比較少食, 製造方法有啲似腐乳, 聞落好似發酵咗嘅酒精味, 可能會抗拒但放膽食少少啦!薑蔥鯇魚撈麵 $36 (3/5)鯇魚片好有鮮味, 食到有一兩粒細骨, 都可以安心大啖食, 麵比想

今晚羅拔兔去完AIA嘉年華, 肚仔又唔係幾餓, 原本想吃吃看SIMPLY LIFE的沙律, 但價錢有點貴便改道到羅富記吃粥! 一樣健康有營,.仲好暖胃添!羅拔兔今次黎到一如既往, 叫左及第粥同埋牛肉粥, 唔少得既當然係蜆蚧炸綾魚球啦! 簡直係鎮店之寶!及第粥粥底超綿超甜, 每一口都泛著粥香, 老師傅煮粥的功力不容置疑! 材料亦都非常豐富, 有豬腰, 豬潤,豬肚同肉丸。豬潤同肉丸味道都唔錯, 豬潤唔係黃沙,不過口感頗爽口, 而肉丸則味道濃郁。可惜係豬肚同豬腰都無乜味, 豬腰更加有啲唔知食緊咩既感覺, 無乜味得黎有啲怪味道咁。牛肉粥粥底一樣超綿超甜, 牛肉腍, 味道好, 無咩可以挑剔了蜆蚧綾魚球即點即炸, 點會唔好味!魚肉實淨無腥味, 雖然蜆蚧有啲咸, 不過配上粥品一咸一淡是能夠沖掉的啦! 除左咸左啲之外, 配搭綾魚球或淨食啲蜆肉都好好味喔! 每次來都一定要叫!隨住時代租金上升, 現在來羅富記吃粥都變得不太便宜了, 不過間不中還是想吃這裡的蜆蚧綾魚球, 味道始終令人懷念啊...