美中·鴨子 (已結業)

同老公兩個人去拍拖佢就好鐘意食片皮鴨今次就同佢食一次啦可能去到仲早唔洗等位入到去就有得坐底坐底左就有staff比兩杯水我地留意返 如果要茶係要另外計錢25蚊一位咁我地兩個人就叫左一個小龍包一個菜仲有半隻鴨小龍包都叫岩岩蒸起黎到都係熱夾起冇穿窿Very good不過個菜同鴨黎到就唔係熱個菜就係清淡不過比較硬身一般個pancake同鴨個數量唔岩去到最後要就咁食鴨皮有圖做証明（唔係差一兩塊）如無咩特別應該唔會有下次仲有其他地方好過佢

美心集團旗下的美中鴨子經常在海港城大排長龍餐廳裝潢都簡單俐落而又有室外坐位，坐位可看到維港景色餐具都用上鴨子型狀，精緻又很可愛-------烤北京填鴨(半隻)($158)半隻的片皮鴨份量都不少，鴨片尚算切得夠薄且脆身，但又保留片皮鴨的油香加上青瓜甜醬包起，不會覺得油膩，整體不錯健康高纖炒紅米飯($108)呢個紅米飯頗有驚喜，加上甜合桃炒起伴碟清淡健康得來又有些甜味，健康之選茶樹菇上湯翡翠苗($98)上湯浸著翡翠苗，伴著片皮鴨一起吃能減少吃膩的感覺------食物質素整體還好，不過服務質素真的要有待改善

美中鴨子？邊度美？排一個鐘，最好值得，但完全唔得，就算唔使排，都係完全唔得桂花榚凍伴鴨件，咩配搭？比塊薯片墊底扮fusion? 成件事錯哂，食到入口糕還糕，鴨還鴨，片還片，仲有沙律醬，塊鴨仲勁肥且無香味，得個油字，想點？空虛的普寧豆腐，好脆呀，但空心嘅？豆腐係分漿嘅五份一左右，一咬落去你會問，豆腐呢？幾好味都救唔到，佢嘅味道亦都只係可以松葉炸蟹蚶算係比較好嘅一味，炸得香脆，蝦膠juicy彈牙,入面仲係用真。蟹鉗仔，不過都係有啲油小龍包容易破皮，係比較有勁嘅口感。湯汁肉餡還好，味道偏淡。薑絲醋碟都係淡茂茂主角片皮鴨直頭敗家，頭盤嗰碟嘅鴨皮都脆過哩碟，好油好肥又唔香。美中鴨子嘅鴨肉，無論味道同口感，我嗰碟有三份二都好似雞肉。另外三份一都仲有少許鬆但唔化，鴨味亦唔香仲有餐廳好嘈

美中鴨子 當然要來吃他們出名既鴨啦！！😀😀今日經過，當然要試一試。但真係太多人等了。我一路周圍行下行住等，都等左成個幾鏡先有得入去。等既時候望住廚房既師傳切下 片皮鴨，打發下時間！愈睇愈想食😂餐具好靚，尤其個筷子座，都係隻鴨仔黎！😍叫野食喇！片皮鴨。皮真的燒到好脆。不會切得太厚，連埋青瓜 加點醬料，包埋食。青瓜既清甜 可以令到成件片皮鴨無咁油膩的感覺。好味！而佢個皮不會好厚，所以一咬就會令到鴨既肉汁更易流出。所以食落好有鴨肉既味道！唔錯！😃另外叫左擔擔麵同煎蠔仔餅都好味！都有好多蠔！😁雖然整體黎講，野食都不錯！但下次還是等少一點人，才會食😂

放工過後，在下午茶尾段的時間來到這間位於海港城內的「美中·鴨子」試一試老婆大人嘅“飛佛”。餐廳環境相當不錯，座位也十分寬敞，餐桌比一般的更大， 有部分窗邊座位更可以觀望到海景。 循例看看餐牌（ 可能只是慣性動作， 並無實質意義 ）， 因為夫妻二人一如以往的只得一個任務~北京填鴨餐具精緻， 環境舒適青瓜絲及京蔥粗幼大小很工整，京醬味道可口。整隻填鴨的顏值其實很討好，大大碟又份量十足。可惜鴨皮烤得不夠乾身，過多油脂仍未逼出的鴨皮層，吃下感覺像吃著一片軟淋淋而又吸滿油的廚房紙。將蓋在面層的鴨皮放一旁，鴨肉滿滿的一片片排放在裏面，不知是禍是福如果較喜歡吃鴨肉多於鴨皮的話，「美中·鴨子」可能係首選吧......但顯然我倆並不受落因此小B將其命名為「填肚鴨」鴨片已削去大部份脂肪一籠荷葉餅內粗略估計約有25片，可能因為每片餅中間未放入牛油紙分隔開，令荷葉餅黏在一起，好不容易才分得開，當中弄破了少，餅味道還很好，只是較一般的厚身了一點。整體地恕未能給予滿意的評分，只能以抵食夾大件來形容。鴨肉比例上過多了， 歸根究底好吃的填鴨~~鴨皮才是“主人婆”， 絕不該被“妹仔”大過呢.....

想食好耐既美中.鴨子!!! 成日經過都覺得佢裝修好靚 個名又得意..所以好想試XDDD 今晚終於有機會... 佢無得預早book位, 只可以walkin或者用The Gulu網上拎定飛~~  我地拎飛個陣都要等成30張左右 但最後大約半個鐘就叫到喇~ 所以都唔算等左好耐 單睇menu同餐具已經出現左好多鴨子~~~ 造型可愛!!♥  扮健康所以先叫一個蔬菜~~ ; P 有料到乾煸四季豆$98只能說...有點失望了/___\ 非常普通既四季豆, 味道唔及霸王山莊/翡翠咁入味同有鑊氣.... 油份亦偏多....最大問題係佢個名叫"有料到" 無形間令到我期望高左XDD 麻醬雞絲粉皮$68 好了....其實我係一啖都無食到呢個loll所以比唔到咩評價XDDDD (written by唔食青瓜的人) 無錫灌湯小籠包$68 呢個本身上枱時已經唔係好夠熱了...有一隻更加係未夾已經穿左....>< 食落皮比較厚不過入面既豬肉唔會過肥, 湯汁味道都幾正~~~ 新彊羊肉湯麵$78 呢個羊肉份量比較少... 湯底亦唔算太濃好間唔中先至會飲到有少少孜然既香味...羊肉味道還

早幾年去過北京食過當地既片皮鴨，之後就一試難忘成日都心思思想再食！😋起香港唔係好多地方有得食要大型既中菜館或者專食片皮鴨既地方先有而且質素參差😪雖然係咁，都唔會阻止到我勇於嘗試既！今次試既美中。鴨子好耐之前已經想試不過每次經過都見到好多人排隊，今次同朋友約得早食飯，所以就試下呢間，希望可以唔洗等啦我地六點半到，見到門口無人排隊心諗應該唔會有好多人啦點知一入到去，發現已經好多人起入面！開頭職員問有無興趣坐出面心諗可以睇到海景，就去望下點先一出去，已經覺得有啲焗同熱所以最後都係坐番入面我見張枱都係啱啱再執好烤北京填鴨 半隻$158有鴨餅，青瓜同蒽鴨餅微熱，一般如果想要多啲青瓜同蒽，要加錢的黎呢度食，點都要試下北京填鴨！每一度切填鴨既手法都有啲唔同呢度係明顯皮肉分離我自己鐘意夾一塊皮加舊肉有層次同口感分明啲鴨皮屬微脆，略嫌燒得唔夠脆口鴨肉都尚算幼嫩，加上鴨皮同配料，味道還可以不過兩個人食有啲” 漏”可能同鴨皮偏厚有關點都好，都算可以滿足到我既無鍚濃湯小籠包$68包皮厚度適中，雖稱不上厚，但還可接受小籠包入面夠多湯汁皮無穿，粒粒都完整普寧炸豆腐$68好普通，無任何特別豆腐滑既，不過外皮炸得有點

呢一間美中鴨子係美心旗下嘅餐廳，位於海港城港威商場。每次經過都會有好多人排隊，另外都有唔少旅客食。所以一直都無試過。點知而家有個app可以攞位，所以就一早攞定飛去試吓呢度嘅扁平鴨，睇吓佢係咪真係傳說中咁好食。呢度環境好優雅，仲有露台位。所以我哋二話不說就同侍應講我哋想坐露台位，貪佢夠浪漫。呢度可以望到成個海景，幾有情調。一坐低就即刻叫咗半隻扁平鴨，原來半隻扁平鴨分量唔算好多，另外10片皮俾你夾住啲鴨黎食。扁平鴨嘅外皮都幾香脆，充滿油份，再配合青瓜，蘿蔔同醬汁等配料夾嚟食，感覺好滿足。雖然份量唔多，但因為佢有油份，所以三個女仔分享半隻扁平鴨，都好足夠。另外我哋都食咗生煎包同埋小籠包。小籠包就好普通，冇乜特別。個生煎包都好唔錯，裏面都有肉汁。四川擔擔麵，有濃郁嘅麻醬香味，都幾唔錯，不過份量較少。最後埋單每人＄150，都不過不失啦。

星期日在尖沙咀海港城逛街， 剛巧還是十一黃金週時段，所以周圍都十分多人， 我被這招牌就是一隻手繪的鴨子吸引了，所以還未到用餐時間， 眼見餐廳前就全部都是等候抽號碼的人潮， 不過如果你唔介意坐室外的就可以即時入座， 當然現在的天氣那麼熱我們都選擇在室內坐， 大概等20至30分鐘終於有機會可以入去了， 入內裝修都是為新一代年輕食客而設， 都算是一個適合休閒小聚的熱點， 餐廳當眼處另設有開放式嘅烤鴨爐和片鴨示範區。 餐具都用了不少鴨仔嘅裝飾，鴨子的筷子托、碟子、杯子跟紙巾都印有鴨仔圖案，十分配合呢個餐廳主題。但整體食物質素普通， 勝在環境舒服， 所以可說是不過不失的餐廳

呢間鴨子..吾知係咪因為佢開喺海港城中間位置既關係; 經過見到成日都超多人等位! 正正咁樣吸引到我想去試吓佢係咪真係咁得!因為佢地冇做phone booking, 所以18:30已經去到攞飛等位! 我地等既係7人大枱..職員話要等四張! 諗住四張都好快啫..應該吾會等太耐! 過咗半個鐘..又半個鐘..一個鐘頭後依然話要等四張枱! 再過30分鐘再問, 還要等四張! 佢地話餐廳只有一張大枱咁大把! 等到火滾..叫佢地安排拍埋三張細枱比我地..又話吾可以! 最終幾個parties等到發火搵經理, 理論完後10分鐘內就安排到枱! 真係吾明點解咁吾識變通; 冇服務可言!食物方面還可以! 片皮鴨即時係客人面前片..呢味亦都係佢地既招牌菜, 所以冇失手! 另外, 小籠包同香煎小黃魚都叫食得過!佢哋收得吾算平..食餐生日飯玩戙篤企苦等差不多兩個鐘; 再加埋咁既服務, 一定吾會再有第二次!!

今日玩點行過美中鴨子, 因為家中有兩位行動不便嘅老人家, 就叫佢哋去大食代坐下, 我自己一個去攞飛 , 由5:15排到5:30 終於到派飛嘅時間,服務員居然同問我人齊未, 我話其實坐係附近已經到咗, 佢同我講人三個人位唔嚟齊兩個人 係唔會派飛畀我嘅, 我同佢講派飛jar喎, 都未入咗, 佢話公司規矩係咁!我即刻唔食, 呢間舖頭完全唔專重老弱傷殘, 都十分唔尊重佢嘅客人, 等齊人入咗覺得十分合理, 但係等齊人派飛就十分唔合理, 你派咗飛之後我都仲要等入座 咁唔通叫我老人家離開佢坐嘅位置嚟攞張飛之後冇咗個位企喺度等入咗嗎？ 又或者人哋喺第二度食緊嘢邊食邊等位你又一定人哋親身嚟攞飛喺你門口等嗎？ 簡直就係唔尊重佢嘅客人！ 香港人唔使嚟啦！等啲内地人慢慢排啦！

店鋪門外人流很多一行五人 四大一細 等位約一小時被安排入坐卡位 職員見有BB車就話卡位沒有位置放車要放門口 沒有BB椅行入卡位時見有5人圓枱客人走希望轉枱 帶位職員態度惡劣 黑面無笑容話於門口已告知坐卡位 而家又要轉可否變通一下？既然有枱為何不可？就算不可，回應客人也不應如此另外請職員加水 原來係俾支水你自己加忙不是罪 也不是借口 收加一是基本吧環境人流多嘈吵 枱與枱之間有距離馬蘭頭百頁素千卷馬蘭頭太濕太實 百葉結沒有豆香但加入松子增加口感無錫灌湯小籠包皮偏薄 有汁 但每粒小籠包湯汁分量不一湯汁鮮味 不俗成都紅油抄手雲吞餡太實 不夠辣 醬汁偏甜 圍住食物邊感覺很污糟 醬汁調味料未拌勻？雪花松葉炸蟹拑單隻order 全餐飯最好食咬開後有原隻蟹拑 外脆彈牙內有蟹汁 可惜蟹肉欠奉茶樹菇上湯翡翠苗高湯浸熟 茶樹菇正常翡翠苗很老 感覺似食草上海粗炒分量奇小或用錯大碟？感覺很小味道超咸 沒有其他味道。 烤北京填鴨 半隻鴨是常溫不熱 皮一樣 不熱 配料只有兩種 片皮鴨皮不脆 主角已死 失望 完

難得朋友來港，打算請她吃飯，不知道食甚麼好，就近選擇了美中鴨子。以往不愛排隊的我專門六點就攞定號，又走出去行咗一個鐘，都未能排到我們，真的很火爆。餐廳裝潢和餐具都與鴨子有關，精緻可愛。由於想留肚食甜品，我們只點了一份沙律菜同半份填鴨。等了許久，自是口乾舌燥，點了兩杯特飲蘇打。等待的途中，想向店員要兩杯水先解解渴，店員說好轉身便忘記，後面叫了幾次都無人理！相當鬱悶，想喝杯水都這麼難嗎？我點的玫瑰番石榴味道比較清淡，品不到玫瑰味，只有淡粉色的液體證明了玫瑰的存在。至於朋友點的青苹果忌廉梳打，她說還算好飲。清新柚子沙律，味道比較嗆口，柚子肉不多，有我不愛的芫茜，主要靠柚子醋帶味，還算開胃。食完沙律，我們便陷入呆坐的狀態。這半份填鴨我們足足等了五十分鐘，等到食慾減半。所幸鴨子烤得還不錯，皮酥肉嫩，有肉汁，但鴨肉肥瘦未够均勻，食到後邊有點膩。配菜的青瓜和甜葱，倒是正宗。不過甜面醬已改良成符合廣東人的口味，偏甜，不比我在北京食的那麼鹹，蘸多一些也不怕。就餐的期間我觀察了一下，在我們用普通話想點兩杯水的時總是被店員忽視，對本地人客人倒水倒是倒的勤快，直到用餐結束，我們都沒喝到一杯水。比我們遲入座半小

難得今天集齊到全家外出, 當然要去食返餐好既一直想試呢度既烤鴨, 都知道好多人等, 所以提早6 點去排隊, 結果都要等到近7 點先入座假日限時90分鐘都習慣了, 剛好被安排一個海景卡座, 算係企左咁耐的一點心靈補償吧!座位好闊落, 4 人坐幾舒服~ 餐具餐牌都好可愛, 印晒鴨仔入座直至落單後侍應都未拎水黎, 叫左2次先送黎叫左2個餐前小食, 好快就送上黎, 應該一早整定晒牛肉餡餅 (HK$22/個) , 好熱, 切開D肉汁同油即刻泌住出黎, 個皮都幾薄, 唔錯另一個係胡椒鍋餅(HK$55/ 4個) ,都唔錯, 唔太油, 不過唔重胡椒味, 同台灣果種差太遠了叫左一個3-4人份的雲吞鴨肉湯 (HK$180), 侍應都好貼心地分好4碗上枱, 一人一小碗, 這種份量配這個價錢有點貴不過啖湯清得黎好夠味, 而且一D都唔油重點食物片皮鴨送來了, 叫了半隻HK$158驟眼睇落唔以半份, 比想像中既細鴨片望落唔燶但夠脆, 鴨肉好軟嫩, 味道亦是剛剛好, 唔會被調味料遮蓋鴨肉的鮮味, 很滿意!甜品點了一個桂花拉糕, 又係催左2次單先送到黎食落似糯米糍, 糕面有糖桂花調味, 比較一般呢度的食物都幾好食,

#cic尖沙咀- 美中鴨子估唔到係海港城都有間性價比不錯既餐廳 除左有片皮鴨 仲有好有惹味川菜🤤🤤🤤•成都水煮牛肉 $118望落好似好辣咁 但食落比較麻同有辣椒既香味 辣度係可以接受既👌🏻牛肉非常滑 盤底既粗薯粉同萵苣索哂啲湯汁❤️而且份量大 3個女仔都食唔哂🤦🏽‍♀️------------------------------•蒜泥白肉 $78賣相討好 一塊腩肉配上一片青瓜 配搭清爽 食落唔覺肥膩 辣度適中💁🏽------------------------------•柚子沙律 $68沙律嘅調味比較似泰菜 醬汁酸甜❤️夠清新開胃 柚子份量都好多 用黎解辣一流!! 推介🙆🏽------------------------------•片皮鴨 半隻$158烤鴨會分開鴨皮同鴨肉👍🏻鴨皮烤得香脆又薄 鴨肉嫩滑 富油香🤤加上甜醬 青瓜同蒽條 口感好豐 但餅皮太厚 食落好粉嘅感覺唔太好------------------------------•成都紅油抄手 $55呢個唔太推介😕辣度夠 但肉餡調味不足 淨係食到辣度 而且皮太厚