美味廚 (已結業)

星期五夜晚無訂枱食飯，諗住求其搵野食下，點知間間都排滿內地人去到亞士厘道搵野食，見美味廚唔使排隊。入面坐滿哂內地人。店員落單、服務好快。一埋位就有酸菜食，唔太酸，甜甜地好開胃。排骨擔擔麵係分開上，排骨唔會淋。排骨入面透明果d唔知係肥膏定炸粉。唔多肉，味道甜甜地，好似加左冰糖。膽膽麵無花生醬味，完全唔可以叫擔擔麵。咸肉津白嘅咸肉無切碎，成塊食好咸，好似食鹽。津白個汁好傑，口感似鼻涕。兩個人食左$120。今時今日尖沙咀舖租咁貴，想食平野又唔難食真係好難。

今日約左朋友行尖沙咀, 晚餐佢介紹左我黎食呢間上海小店以尖沙咀店黎講, 呢度食野價錢唔算貴排骨菜飯 $49 - 一人叫左一個, 因為朋友話好好食, 唔想同我SHARE又真係幾好味, 排骨咬落啖啖肉, 炸得岩岩好, 菜飯又夠蔥油味, 之不過D飯淋左少少, 但我都好滿意椒鹽魷魚鬚 $42 - 魷魚好足料好粗一條, 最緊要係炸漿唔會太厚, 正! 炸豬大腸 $42 - 色澤同味道都好好, 又唔會切到大大舊, 好食!埋單每人都只係$100, 抵食

十幾年前已經開始幫襯銅鑼灣老店，上年偶然發現原來尖沙咀有分店，幾個月也會來一次。排骨菜飯依然都係咁好味！其實我發現尖沙咀分店嘅排骨比銅鑼灣嘅更加脆！ 海蜇醉雞d 雞好滑，皮薄冇乜肥膏 雲吞好像有點退步了

美味廚以前去開銅鑼灣既美味廚，每次都必點排骨菜飯，今日去尖沙咀既時候突然想食，所以即刻黎尖沙咀呢間分店試下咩水準。雙排菜飯雙排本來係用另一個碟分開上，為左視覺效果所以我放左排骨響菜飯上。急不及待吃一口排骨，佢招牌獨特既甜味並不突出，而排骨外層較林身，原來唔同分店質素真係有唔同。 菜飯偏濕同軟，份量對女仔黎講偏多。下次我都係番去銅鑼灣食....仲有D侍應一副唔想理人既感覺，咁點解仲要收我10%服務費....

同事Ben帶我去一間尖沙咀有名的炸豬扒飯食店。我地三人點咗三客炸豬扒飯同埋菜肉雲吞及賽螃蟹。價錢如下。炸豬扒飯 $55菜肉雲吞 $49賽螃蟹  $68個餐包送熱飲。我點咗熱奶茶。杯熱奶茶好一般。個炸豬扒飯係菜飯底。好易入口。加上個豬扒飯炸到好金黃色。賣相好。混入菜肉雲吞同埋賽螃蟹。好好食。菜肉雲吞好鮮味。肉同埋菜成份剛剛好。個賽螃蟹好似蒸水蛋。食唔出有有蟹肉味。好有水蛋味同埋豆腐味。混入白飯好好食。埋單總數$294。

前天相約三位好友聚餐，我提議大家一同試試尖沙咀店，之前我地經常去銅鑼灣店。由於我們一行四人，因此可以多點食物。 我們點了菜式: 1) 醉雞海哲 (同學大讚) 2) 薰魚(幾好) 3) 水煮牛肉(無得頂，正呀) 4) 擔擔麵(普通d) 5) 排骨菜飯(香軟無比) 6) 芝麻湯丸(滑嘟嘟)。

上海菜精緻美味，同時樸素家常容易入口，所以是聚餐約會的一個好選擇。美味厨是新派上海菜的代表，平靚正，是享受上海菜的一個好地方。今晚order了醉雞，嘩! 酒香撲鼻，雞肉鮮甜香滑，非一般食店用的雪藏貨可作比較。另菜飯亦是無可挑剔，油飯與白菜配合得天衣無缝。

與同事三人午膳選擇去美味廚最近推出2-4人套餐，優惠期到31/7/2015止，此套餐包括有3款湯選一，小菜24款選四，還敬送豆沙鍋餅，也不過是$248 ，晚市也可享用，而且很少食店套餐有咁多款供選擇，同事點了招牌菜香炸排骨，排骨依舊香鬆可口 ，怕澱粉質的我，也忍不住叫個菜飯來伴吃 ，另點了酒味醉雞，清香酒味帶出了鷄的鮮甜，雞肉也嫩滑，再點賽螃蟹，賣相不錯 ，蛋白滑滑的，點了黑醋重好吃，最後一款是清炒芥蘭，炒得翠綠，没有苦味，唯一是個酸辣湯，料足但較咸及酸了些 ，至於個甜品豆沙鍋餅，皮薄脆囗，即炸即吃，不錯啊 ！還有一提是侍應熱心有禮招待，值得一讚。 總括來說，在此區有四款小菜，一湯，一甜品，加有禮服務，真是不錯的選擇!

一心想食Hungry Korean,不過估唔到下午兩點去到都係好多人。於是隨意入座一間叫美味廚的中菜餐廳,見佢 的特價午餐都幾吸引,又有回鍋肉又有排骨菜飯係$53蚊, 地方環境衛生乾淨點左一個排骨菜飯同一杯凍豆漿, 豆漿好濃,豆味都幾香唔錯。炸排骨好香口,而且厚身,好有口感, 炸粉適中仲微微帶點酸酸甜甜的味道,開胃之餘,唔會有太油口的感覺,不過個菜飯就有啲失色,菜煮得太淋,飯都太濕了。

又到每星期日既Faminly Days,好開心同父母食飯，人地聽到我話住尖沙咀通常都會話：「你就好啦尖沙咀大把野食」其實有苦自己知，圍住我都係連鎖食店，又貴又唔係特別好食，今日媽咪提議去後面街亞士厘道果間美味廚食，我一聽到已經話：「麻麻地wo果間」不過媽咪想試咪比次機會間餐廳囉。初初開果時已經偏貴，不過好多人幫襯，但果時的確好味，排骨，酸辣湯同辣子雞丁係我必食，但只從唔知係咪做到愈來愈多生意定換左廚師，愈來愈難食又貴，上次食個排骨勁難食，酸辣湯勁咸勁酸之後冇再幫襯😡懷住明知難食仲去送死既心情去食😂平時夜晚佢都旺，今晚冇乜人既？平時叫個單人份量既餐閒閒地都7/80蚊，見到有個餐2-4人食（個range咁大既😂）都係$248就叫。響餐牌入面揀4個餸1湯西湖牛肉羹-好耐冇飲過，細個好似成日飲，而家好似冇乜餐廳有咁既？呢道個味幾好，正常賽螃蟹-賣相好好，但冇味，加左醋都冇味，我以為我自己問題，但媽咪都話冇乜味，之後冇人再想食佢😂魚香茄子-同平時食開果d唔同，呢碟都正常，茄子算多，入面其實有好多配料一齊，幾送飯。蔥爆牛肉-我本人好食得咸，我都頂唔順佢，咸到食鹽咁😡送飯都仲好咸。雜菜粉絲煲-食完個

「為食星球人覓食之旅（6）」星球人一個人到尖沙咀覓食，最後決定去美味廚。食咗個套餐，最出名嘅「排骨菜飯」配「蟹肉瑤柱羹」。排骨依舊好味，但係上菜時間實在太過緊。上完蟹肉羹無耐，就上個菜飯。搞到飲得個湯黎，個菜飯同排骨就凍左冇咁好食啦。呢個湯好足料，最初飲幾啖，係覺得好入味，但係飲到一半就開始覺得好鹹，太過濃啊，但我就唔覺得有味精因為最後都冇太口渴。（6）

上班時候經常幫襯美味廚的午餐，快靚正而且價錢可接受。今天跟同事又來，我點了牛筋菜飯而同事點了排骨菜飯。我很喜歡食菜飯，這裡的菜飯口感不錯，菜的份量不少，而飯又煮很剛好不會太軟身。牛筋煮得很淋，放入口中好像會在口中溶化一樣。而同事的排骨皮薄肉嫩，不會太油膩。以$50左右的價錢在這區來說，一個午飯連飲品套餐算是蠻化算了。

不過不失午餐豬扒味道都唔差，算鬆化，夠熱，但個人認為甜左少少~菜飯中規中矩，感覺有點兒住家飯既味道如果揀擔擔麵，口感有d似油麵......午餐可算豆漿/小食一客，都係$51~尖沙咀區呢個價錢都算化算了環境都算迫迫地...上菜好快~

好久沒來吃 印象中這裡的菜飯不錯 順道就過來吃個午飯喜歡這裡的酸菜酸比甜要多 爽口卻又不硬可是印象中以前是免費送一小碟 現在是六塊錢一小碟不送最後吃了兩碟菜飯份量可觀 排骨一大塊厚厚把整碗飯蓋着其實不是第一次來吃 這次只是想為它補一個好評可是吃下去心意就改變 比以前水準差了不少飯沒有菜香 就是菜的味道混不進飯去搞得飯比原來的白飯還要淡而無味的感覺最後只好把大量酸菜混到飯裡同吃才治得住味道其實排骨口感不錯 雖然不至於外脆內嫩但是炸過的肉排 每件厚厚吃着還是很滿足然而好景不常 吃了兩件就很膩不是油太重 而是排骨做太甜了其實非常費解肉排為何會甜到這樣子又不是配着醬汁吃 沒被醬料沾成甜的就是肉排本身就被下了一大把糖似的無語........但是這一頓不算貴 又不到難吃而且店員也挺熱心親切 跟食客閒聊一兩句還是不至於劣評

星期五晚，女友突然想睇戲，就佢放工睇10:15場蜘蛛俠@The One。8點幾9點尖沙咀食晚飯，無訂位臨時搵地方食飯都幾煩…… 唔想去茶餐廳同自由行逼，醒起之前食過呢間，水準唔錯價錢合理，一於encore！二人套餐E有雞茸粟米羮（免費改酸辣湯），牛筋拼牛腩，蝦仁玉子豆腐，清炒時菜，菜飯兩位，豆沙窩餅。食物水準算中上，酸辣湯當然要自己加辣椒油，牛筋牛腩同蝦仁豆腐都唔錯，個菜廚師重手咗，好咸！本來唔想搞事，叫個侍應攞碗熱水，諗住過下水就算，點知個侍應亞叔，竟然…… “唔好意思，不如同你炒過一碟”！今時今日呢D服務態度（主動），大酒家大餐廳都好少有，心底本來有嘅少少不快，立即一掃而空，兼夾加分不少！同時亦留意到，三位侍應一有空閒，就主動為客人添茶及收拾枱面上吉碟；有自由行同胞光顧，同樣熱誠禮貌招呼，並非一般的“晚娘”面口！套餐連茶位、加一，不用$300，但食物水準加上優秀的服務態度，令我感到很滿意的一個晚餐！