美味廚 (已結業)

和朋友二人點了排骨菜飯和勲魚湯麵。排骨和菜飯都熱得燙咀，特別排骨明顯是即炸，剛炸好沒有不好吃的道理！勲魚麵也是中規中距，口味比較甜。味道不算特別有個性，不花巧但質素中上，值75分最難得到達之時已近十點，我們吃到尾聲時店員很有禮地放下帳單「放低先唧，唔緊要呀你地慢慢食」之後馬上行開。我和朋友繼續邊食邊傾，店員完全沒有明示暗示趕客，埋單時回頭一望，小店裡只剩我們，其他五六枱早已走了，場地亦全部清理好！店員待客以禮值得一讚！

唉！曾經風靡一時嘅排骨菜飯已經完全唔係果回事。排骨搞到冇晒味，D菜飯搞到黃咁咁好似焗咗幾個鐘咁，乜而家興老火飯咩?個酸辣湯又唔酸又唔辣，得個咸字，要加醋蓋過佢先飲得晒。鷄絲粉皮又唔爽滑，D麻醤完全占住個咀，乜味都冇，真失望！D樓面又不停咁打牙較，天南地北，又唔知地方細，好應聲。以前在銅鑼灣食真係好得多，唉!搞到呢度一D都唔似樣，我一定唔會再試！

與朋友聚舊。走到亞士里道，見這店企理乾淨又不多人，於是便來這裡吃晚飯。三個人，叫了三個小菜。賽磅蟹 ($60)：除了蛋白和蛋黃，還有毛豆和甘筍片。蛋白算滑，但配了毛豆和甘筍片，感覺怪怪的。砂鍋雲吞雞 ($70)：四隻雲吞，餡料鮮味不肥膩。大雞脾一隻，雞肉算是嫩滑，勝在不油膩。金華火腿很夠鹹香味，不錯。白菜ok，但略焾了一點。湯底很清不肥膩。整體不俗。三鮮津白 ($68)：在津白的面上，鋪了三隻蝦、三片雞及三片金華火腿。蝦的鮮味不夠，雞肉還算嫩滑，金華火腿夠鹹香，津菜焾度適中。汁料略稠了一點，但勝在不過醎。酸菜 ($5)：有很多芝麻。酸酸的，爽口開胃。茶 x3 ($1)：茶味一般。埋單連加一，共$227，價錢尚算合理。這間應該是上海食店，但竟然沒有小籠包，真奇怪。食物不過不失，勝在環境靜，適合兩三知己靜靜吃晚飯。

本身想等一壽司，但因為趕時間，所以試下對面既美味廚。價錢都不算平宜，叫了最大路的豬扒担担麵，豬扒睇落好大塊，味道偏甜，有點凍凍地，不太新鮮既感覺；最令人失望是個担担麵，睇落麻醬好似好濃，食下去出奇地沒有什麼味道，看來招牌菜都要改進下。還點了醉雞，不過不失

唔好意思, 我打字唔叻, 會講我簡單易明少少.1. 場內裝飾 : 一般茶餐聽格局, 不過價錢偏貴.2. 食品 : 酥炸豬扒担担面 ,加左好多檸檬汁來蓋住冰箱的長期雪味,好難食. 担担面, 超多花生醬, 搞到面條好"傑", 難以入口. 牛腩面, 牛腩好實, 咬唔入, 湯好多味精, 食完好頸渴.3. 招呼 : 都OK, 不過始終TST區, 無理用晒D伯伯做伙計, 有點落後.4. 埋單 : 發現收左 2 位茶錢及加一, 呢樣真係唔太明, 有點過份.

6:30pm去到，唔洗等位，服務員個個都笑容可掬，叫堪茶唔會行你真係即刻去拎茶壺，讚！叫水煮魚時，由於係辣菜，再三強調辣度怕我地食唔到，再讚！水煮魚 - 佢個名堂好似叫水煮淡水老鼠斑，原來即係桂花魚。抱住一試心態，意外驚喜~ 同埋佢墊底果d係雞絲粉皮果d粉皮，比起好多用木薯粉墊索味及清爽好多，冇咁飽滯排骨菜飯 - 黎呢度一定會食既例牌菜，若然豬扒冇咁甜會更好，但鬆軟度就剛剛好回窩肉炒年糕 - 係好油膩，但我鍾意，味道剛剛好，伴炒既腩肉亦好靚

令人失望, 主要係服務態度差,d 飯未到已經無心機食. 有衝動想立即走人叫左個排骨菜飯, 太肥太油啦.......食完個肚唔舒服...返到屋企飲左3,4 柸 普洱 先至好d 以後唔會再去 :

在銅鑼灣食街做得有口皆碑的滬式炸豬排名店"美味厨"，原來在九龍這一邊也有分店的，地點所在乃同樣是食肆林立的尖咀亞士厘道....一支公到了分店吃個大排午餐 (因上海人一向稱呼豬扒作排骨的)。午市有套餐可揀，著名的排骨菜飯也在選擇範圍之內，自然就是要吃它的了。前菜是一小碟的芹菜干荳腐絲。剛才冰櫃拿出來，入口凍得要命，是明符其實的冷盤。麻油下得不夠多，沒夠惹味的；芹菜及紅蘿蔔絲很爽口，豆干絲煙煙韌韌，但鹽好像下得不夠勻循 ---- 有的部份鹹得要命，有的則全然沒有任何味道....所謂的菜飯則像是似白飯多一點，菜粒下得極少之餘又切得不夠細碎，再加上菜葉本身亦是帶少許黃的，新鮮程度實在有限。飯身吃落甚乾涸，全不夠油水。吃時忽然想起當年在上海吃的那碗下了金華火腿粒及豬油的正宗菜飯，真讓人惦念....大排外皮炸得金黃，入口肉甚鬆化酥軟又不太油膩，而且份量也甚多，本應是好吃而又襟飽的，但弊處卻是不知何解肉的調味是甜得尤如在吃糖一般，是像在吃甜食多一點...沒有心情吃下去，還是馬上結賬走人好了....

飯市繁忙時間,尖沙咀搵食難,路過有知客在門外招徠,為免找食肆而費時失事,便入內一試.兩個人叫了兩個午市套餐:午市套餐A, 這款套餐,可配 飲品,或芹菜干絲或拌粉皮.排骨菜飯 - 肉排炸得幾好,外脆內軟,香口又不油,可以很快K.O.菜飯軟熟,可給高分!奶茶 - 幾香滑.午市套餐B, 這款套餐可配 白飯,菜飯或陽春麵 + 飲品乾燒魚塊 - 酸辣汁煮魚柳,不辣,小少酸,送飯幾開胃.選擇了跟陽春麵,麵條軟滑,但份量稍欠,不太餓或對女士們就較適合!凍豆漿 - 不太甜,O.K.免茶,免加一.埋單$86.在尖沙咀,差不多啦!

約咗朋友TST睇戲，未開場，先諗邊度醫飽個肚，忽然想記得有人話美味廚响TST開咗分店，想到個碗超級美味既排骨菜飯，唔駛講嘢，馬上go! go !go!新店位置亞士厘道，高檔的jimmy kitchen對面，由海防道可以行樓梯上去，都唔算難搵。裝修同CWB既老店差不多，乾淨企理唔花巧。同行得兩丁友，根本不用看餐牌。 套餐排骨菜飯配 酸辣湯X2：個餐保持到老店的水準，排骨即是厚切豬扒，外層香脆，內裡鬆軟，甜甜地，加埋碗帶油香的菜飯，真係食極唔厭，越食越開胃。加埋酸辣湯亦係另一樣我食極唔厭，黏稠適中，我鍾意食辣，所以自己加料醋同胡椒粉，正！亦可惜，人丁單薄，唔能夠試佢哋既新菜「水煮魚」，但望到隔離檯吃，賣相好似好好吸引。下次叫我老豆媽子請我再唻食。

我唔係成日寫食評，但今次真係忍唔住要讚吓！細個時，好食嘅上海排骨菜飯好似好多地方都有......時至今日，正宗而好食嘅已經揾唔倒。直至揾倒呢間喺亞士厘道新開嘅美味廚。佢有好多set 選擇，我同老公叫咗個蟹肉瑤柱 + 排骨菜飯，另叫紅燒牛筋 & 担担麵。蟹肉瑤柱 ~ 好過好多大酒家，比起去飲嗰啲所謂嘅翅，佢呢個可以話係超班。湯底有雞同金華火腿味，蟹肉同瑤柱料非常足！排骨菜飯 ~ 非常正宗，排骨新鮮夠 juicy，軟滑鬆化面頭帶少少甜味，正！係細個時食嘅味道。菜飯好夠味夠油亮，飯同菜都唔會硬！紅燒牛筋 ~ 好入味，啲牛筋直頭入口即溶，非常出色！担担麵 ~ 個麵筋幾好，唔太林又唔會過硬！以咁嘅價錢食咁有水準嘅食物，真係好開心！