美味廚

營業中

休息中

訂咗間房係6樓既美味廚，今次唔食小菜食火鍋。一行10人，order 左2個爐（2個湯底)：一個麻辣、一個自家製零味精濃雞湯。佢啲湯底好用心，麻辣湯好香花椒味，食落亦都唔油；而個雞湯都真係食得出零味精、冇乜油，我哋幾個仲一人一碗湯飲😋推介食物花雕秘醃手切雪花牛頸脊 - 好香酒味都重肉味，好特別嘅肥牛，牛肉多，雪花得來亦都唔油膩自家製北京填鴨餃 - 好Juicy亦都好香，唔建議烚太耐鴨血 - 一早落落去個麻辣湯底度，最後先食，鴨血勁入味其他食物都唔錯，不過服務有待改善，但咁嘅價錢算係咁啦

早幾日，被邀請參加一個公司飯局，地點為米芝蓮火鍋餐廳，歡心期待同歡喜一路食一路有驚喜，我地揀左豬骨濃湯同胡椒豬肚湯底，味道調教得恰到好處火鍋食材方面，我個人認為樣樣都係頂級，但係我就最愛花雕秘醃手砌雪花牛頸脊，我個人認為係必食之選，佢醃製後多左陣好香既花雕味之餘又完全無影響肉質，一大驚喜。價錢方面，米芝蓮餐廳，當然收米芝蓮既價錢，所以好難用平民價錢去比較食物質素：食物份量：員工質素：餐廳環境：性價比 ：

湯底🐓脆脆椰香三杯雞湯湯底散發陣陣酒香，酒味突出同時椰香出眾濃郁，面頭脆脆增添湯底口感，不過食到最後有少許膩肉類🥩日本宮崎A5前肩肉和牛 （2片）和牛肉質柔軟，牛味濃郁，厚度適中日本鹿兒島黑豚肉眼（半份5片）口感紮實而不韌，配搭湯底非常入味海鮮類🦐（每款1隻)愛爾蘭空運蟶子皇生猛大連鮑魚仔 生猛游水海中蝦全部海鮮都非常新鮮，一隻食完唔夠喉，蟶子有咬口，鮑魚肉厚又爽口，海蝦則不過不失，起碼唔霉香煎台灣豬肉腸🐖台灣風味，口味地道，作為主菜前嘴饞小食脆炸甜不辣😋台式風味配上辣醬，味道尚算可以特色丸子拼盤🍢（每款1粒)三杯雞肉丸陣陣酒香起味蕾散發，口味獨特沙茶醬蠔仔釀牛丸 未試過既配搭，口味新鮮得黎又調配得唔錯，沙茶味亦好香酸菜胡椒白肉丸又一特別配搭肉丸，酸菜味唔算好突出，略帶少許胡椒味，味道一般特色餃子拼盤🥟（每款1隻）菜脯蛋豬肉餃粒粒菜脯有口感，蛋皮比較淋身易爛，整體未如理想滷肉冬菇豬肉餃淡淡肉配上菇粒，味道唔出色，皮略嫌太淋時令豆苗🥬 （半份）新鮮好食，索埋湯底更滋味，食完肉再食返d豆苗感覺更健康 Kiki 白麵🍜平平無奇，食完有點滯，唔夠飽肚既話可以食曬成個麵填一填肚椰汁芋圓珍珠紅豆糖

我哋唔係特別喜歡食火鍋，但身邊總有火鍋控朋友，每次食飯聚會都話要食火鍋，滾下滾下，吹下水，飲下酒，歡聚一番🍻美味廚係米芝蓮推介餐廳，以特色火鍋及廣東菜馳名十多年，用心創作特色火鍋湯底及配料，滿足口味挑剔嘅客人。美味廚有四個招牌湯底，我哋揀咗三併嚟試:🍲「梳乎厘蟹皇蕃茄忌廉湯」 - 一送到黎店員就話要襯熱食左先，上層軟綿綿幾有梳乎厘質感，下層就係蟹皇蕃茄湯，蟹肉鮮甜配上清新蕃茄制成嘅湯，可以落米線就咁食😆🍲「冬蔭公 Cappuccino」 - 非常有驚喜，上層真係成個Ccappuccino奶泡咁，冬蔭公湯就唔算太辣。🍲「自家制零味精濃雞湯」 - 非常濃郁，用新鮮材料熬製而成。其他值得推介嘅火鍋料包括非常新鮮嘅「豪華特選海鮮拼盤」，鮑魚仔爽身，基圍蝦肉質鮮甜🍤；「花雕秘醃手切雪花牛頸脊」，牛肉肥瘦相間，雪花均勻，入口脂香豐腴🥩；「北京填鴨餃」，餃內已搽咗北京填鴨甜醬，入口有種食緊片皮鴨既感覺。其他食材都極之新鮮，環境舒適，服務一流，值得再去光顧☺️🐻評分：🐻🐻🐻🐻4.5/5

新年必食的賀年菜「撈起」，有得撈，意頭好，撈起撈起撈得風生水起，愈撈愈旺包羅萬有七色撈起👍🏻充滿玩味的鮑魚撈起🥢是傳統撈起變奏版，特別適合開年食一班同事一齊撈起氣氛特別好🥰百花香芒芝🧀士釀🦀蟹鉗👍🏻味道濃郁口感豐富彈牙✨️梨香荔蓉釀帶子酥🥰荔芋是一道經典的懷舊菜，面層是外脆內軟的香滑芋泥綿密帶芋頭淡香，荔茸釀帶子，一咬落去有幾種層次嘅口感同味道金蒜髮菜富貴瑤柱脯炸香的金蒜子，節瓜釀原粒瑤柱的玉環瑤柱， 當然唔少得髮菜🐟紅炆原條深海大龍躉🐟紅燒的效果令🐟魚的水份及膠質得以充分保存，連骨的肉是最嫩滑好好吃✨️手打虎蝦🦐釀雞皮鮮雞🐥雞皮酥香脆口感銷魂，底層是已起骨的🐤雞肉冶➕️手打虎蝦🤩😋金華火腿雞汁鶴藪菜鶴藪小棠菜香甜多汁很爽口美味豐料時令鮑汁荷葉飯 鮑汁令飯味更香濃、加上淡淡荷葉香味， 超正紅豆沙芝麻用大湯圓由湯圓劃上完美句號。。。暖心❤️又暖胃

有朋友是在這裏的常客, 和經理亦都相當熟悉, 所以在聖誕節當晚訂了 VIP room, 8大7小兩張枱坦白講呢間火鍋店質素唔錯, 仲要係米芝蓮推介. 食物方面有多樣選擇而又很新鮮, 服務態度亦很好. 他們的象拔蚌刺身相當好食, 而嗰啲膽的部份用嚟煲粥就勁香甜, 值得推介佢哋基本上係用電磁爐, 用張紙放在枱布上面都幾特別另外的炸墨魚餅作為餐前小食亦都很香口間房好似 minimum 要HKD 9K而我們埋單好似都萬幾蚊. 我們自己帶紅酒, 好似唔使收開瓶費雖然食物質素和服務都在平均水準以上, 但是這個價錢就可以堪稱為性價比極低了比到呢個價錢, 其實有更多選擇

7個人食 埋單$5600 但只係食左兩個牛 其他都係丸餃菜豆腐之類 不過係加左一個象拔蚌 which is係我想講ge重點 !! 碟野其實好細 每人先得果一兩片薄薄地ge蚌片 索價$1700未加一 除返咪即係貴過$100一小片 …… 其他地方食份量多好多啦 成餐overall咁貴咁唔抵食就成個impression都差晒啦 只會覺俾呢個價錢又唔係真係食到d咁特別ge味道囉 好失望呀 …..服務亦都一般啦 上碟牛都上錯 好明顯係上左一碟好普通 一定平過我地order一截ge牛上枱 咁都搞得錯 唔係咁啱spot到問下 叫佢check一check我地咪又俾佢呃多d ….

上一次喺美味廚食飯，已經係上年嘅聖誕節。仲記得上次嘅中菜食完真係令人非常難忘，仲講過話好想去試吓去打邊爐。今年公司聖誕聚餐，咁啱撞正溫度急降，老闆提議去美味廚打邊爐，大家都超興奮呀！Admin同事喺聚餐之前send咗個湯底List俾大家，我哋睇到嘩嘩聲！好多湯底揀，仲要d湯底超級吸引！更加重要嘅係可以一人一鍋，大家揀自己鍾意嘅湯底，又可以衛生啲，超讚公司訂咗6樓嘅房，餐廳一早根據我哋嘅order pre-set好晒大家嘅湯底，仲print咗張卡仔寫咗大家嘅名同埋所揀嘅湯底，呢啲真係一流service！因為一早點好菜，所以d前菜同火鍋料好快就已經送咗嚟，感覺好震撼好澎湃。前菜有酸薑皮蛋同埋青瓜。個皮蛋係溏心皮蛋配埋個酸甜味適中嘅酸薑，簡直prefect！其實個青瓜都不錯，但我最鍾意都係酸薑皮蛋湯底揀咗cappuccino冬陰功，冬陰功香料好足，仲有大蝦同埋菇，濃濃嘅冬陰功味唔會太辣，好啱鍾意惹味嘅朋友。隔離同事試咗新湯底脆脆椰香三杯雞湯底，好香嘅椰汁味，我偷食咗佢面嘅脆脆，得意得嚟味道都非常好！火鍋料都好吸引，今次牛肉有宮崎A5和牛同埋手切雪花牛，兩款牛各有各嘅好味。D和牛好靚仔，入口油

近排天氣轉涼，又係時候四圍滾，家陣有間好介紹，眾所周知，有米芝蓮光環加持，基本上已是質素的保證，要得到青睞已難，更何況是一間以火鍋聞名的食肆！位於灣仔的美味廚，火鍋湯底已經有驚喜。脆脆椰香三杯雞湯，好有台式風味，表層的麵包糠令人以為係大件疏乎厘，加上椰青及椰奶，質地濃稠，當煮返滾時，表面慢慢漲起，裂縫中洩出水蒸氣，好似微型火山爆發一樣，賣相相當震撼。海鮮類即劏龍蝦想食得矜貴，當然要食爽甜的龍蝦，就算當刺身食，一樣無問題，因為新鮮已勝過一切。另一款係加拿大蟶子，啖啖都係肉，最開心係洗得好乾淨，毫無砂粒，放入湯灼幾下食得，好鮮甜又彈牙。海麻蝦又係火鍋常客，一隻隻用竹籤插住，仲要預先去掉蝦頭，食用時更加方便。最後是本地九孔鮑魚，大廚細心地把鮑魚去除內臟之餘，更加𐝹花，令鮑魚易熟，以免灼得太耐而肉質變韌。肉類牛肉先來手切雪花牛頸脊，肉味濃郁，滾十零秒就食得，太耐肉質會變韌。日本鹿兒島A4肉眼和牛雪花分佈平均，有若大理石紋，有種入口即化的感覺。豚肉日本鹿兒島黑豚肉眼肉質鬆軟，有嚼口，而且好香肉味，不錯。丸類店方的名物，除了湯底，丸類都是其中之一。三杯雞肉丸台式三杯雞的進化版，而且無骨好啱我。沙茶

讚1 咁多年都保持水準，湯底好夠味，三杯雞真係有啲果個餸咁，配料新鮮，特別係啲創作配料，好似啲丸、餃都足料，大部份菜式都唔錯彈1 肉類以前係有啲本地牛，宜家無左呢2 環境都係同以前一樣，以宜家睇番就有啲殘

上次去美味廚已經係好多年前，以前去好似都未有米芝蓮推薦，過左咁多年有朋友講開呢開野，我就話不如一齊去食。以前最記得係海鮮船同佢特別湯底有名，今次來嘅原因係有新湯底，脆脆椰香三杯雞湯，聽完個名，再睇個樣，我就已經忍不住要起筷。椰香當然濃，最正嘅係仲要帶有三杯雞少少嘅辣度，加上大量嘅芋頭，粟米，煲到好濃好杰，好似飲緊腐竹糖水咁，頂層又好似疏乎厘咁，個感覺一飲落去，你係會覺得難忘的類型，呢個湯底可以話係真心有特色，你知道佢一定花好多時間去度呢條橋先會有呢個咁好食嘅製成品。先來兩個小食，脆炸甜不辣同香煎台灣豬肉腸都好有地道感覺，個人都幾喜歡甜不辣，配上辣醬，有走在西門町街上嘅感覺。打邊爐當然要食靚牛，手切雪花牛頸脊當然係本地貨色，肉味濃係必然。當然都有來自日本嘅朋友，日本鹿兒島 A4 肉眼和牛，個種油份唔會太強，又算幾平衡，不會一味死油個隻。朋友唔食牛，點埋日本鹿兒島黑豚肉眼俾佢，份量比牛當然足好多，而且都幾襯嗰三杯雞湯底。話明三杯雞，點會無雞，加了鮮雞落去之後，味道更精彩，仲要有少少酒香。一定不能不吃海鮮拼盤，點了蟶子、鮑魚、大蜆等等嘅海鮮，加咗落個三杯雞湯，再多咗層鮮味，呢度嘅海鮮，價錢唔

今年公司Christmas party搞搞新意思，同事們去咗附近嘅中餐廳食Lunch。公司book咗間房，喺6樓，環境好舒服，私隱度高。Admin同事同餐廳一早訂好菜單，餐廳仲print好菜單放喺枱面，讚我哋入坐無耐，d餸陸續咁上枱，都好快手，可能係一早訂咗菜單關係。d餸賣相好靚，又大碟，加上好肚餓，影完相即刻起動1. 脆炸黑松露豆腐: 本身以為係一粒粒豆腐，點知係一片片好似脆片咁。食落有驚喜！豆腐連黑松露味夠香又match，炸到好脆好香口，前菜一流2. 香梨荔蓉玉帶酥: 又係香口嘢，都係炸得好脆口，𥚃面帶子仲係好juicy，match埋芋蓉，又係好正 (可惜每人得一粒，唔夠喉呀)3. 鮮磨杏汁燉豬肺湯: 我自己唔太好豬肺湯所以無試，同事就講好飲4. 原隻鳳梨咕嚕豚肉: 呢個唔講得笑，真係好好食！用新鮮菠蘿已經夠誠意，個汁酸甜適中，嚿咕嚕肉脆得嚟d肉仲juicy，呢個咕嚕肉100分！5. Omnipork 素豬肉魚香茄子煲: 唔講都唔知係素豬肉，同真係豬肉無分別！魚香茄子好好味，撈飯一流！6. 霸王蔥油生猛老虎: 條魚好大條，但都蒸得好滑，加埋蔥油，好正7. 惹味胡椒豬肚雞煲: 又係我

2021年 踏入11月，遇上食神！開心！香港旅遊發展局聯同約150家餐廳，推出 Travel by Palate，日期為11月1日 ~ 11月30日，這１檔預訂了14家餐廳，第10站：灣仔火鍋店美味廚今次不是吃火鍋，而是吃大閘蟹494元/位(２位起) 精選晚餐，包括以下的：#生拆蟹肉南瓜羹：味道不錯，鮮味！#清蒸大閘蟹：每人１隻，５兩重，稍嫌蟹味不夠濃。#荔芋鮑魚酥：好好吃！本餐最好吃的菜！#宮保蝦球：份量足但味道一般！#瑤柱菜芯苗：菜芯苗新鮮，好味！#櫻花蝦炒飯：不夠乾身，本餐最差的菜。#薑茶芝麻湯圓：夠薑，喜歡！#五年陳古越龍山：驅寒暖胃，讚！

天氣凍左好多，又係時間打邊爐！呢個越式牛肉濃湯都幾岩牛魔王，牛湯好濃，飲得出用咗好多牛骨黎熬成，連湯有配埋牛尾、牛肚、牛脷同牛𦟌等，而仲有啲越式香料，呢個牛湯都真係唔hea！而且依家有好多特式丸類同餃類， 越式香茅草菇豬肉丸同越南扎肉手打蝦丸令平平無奇既豬肉丸蝦丸多左份口感；紅咖哩鴨肉茘枝餃聽落好古怪，但荔枝既甜味中和左鴨肉通常都會有既羶味，都幾特別！沙嗲花生雞肉餃有花生碎喺入面，口感都幾豐富！素食者都唔怕無選擇，因為佢哋都有三款專為素食者而設既黃薑秋葵 Omni Pork 素豬肉丸、九層塔松子仁 Beyond Meat 素牛肉丸同泰式羅望子素肉絲素雞餃，素食者都可以試下！其他配料方面我覺得手切雪花牛頸脊係必叫，油脂分佈平均，幾好味！ 本地海蜆都好新鮮，福建白玉木耳同雲南新鮮蟲草花都可以試，白玉木耳同蟲草花都幾吸湯，又爽口又入味，而且出邊唔係好多地方有得食！最後用個湯淥埋啲越南檬粉都夠晒飽！

食物質數不錯，包裝貼心，用了保鮮紙包住個膠盒，可以保溫，防止漏汁，籍得稱讚。點了兩個餐，分別係鮮牛肉煎米粉餐和魚香茄子炆米餐，套餐都包括老火湯和紅豆沙。鮮牛肉熊米粉份量夠，切了六個三角形小分的煎米粉，可能由於係外賣嘅關係煎米粉唔夠脆，而且用的是免治豬肉粒，同我預期的鮮牛肉片有差別，口感冇咁好，但總體味道都算唔錯。魚香茄子炆米味道惹味，唔會太油膩，但略嫌唔夠茄子，但魚香肉碎都很香口。餐湯係西洋菜湯，飲得出係冇味精的，但唔算太甜，可能是用料不夠的原因。紅豆沙的稀結程度是合適的，只係略嫌甜了少少。但對取餐過程極之不滿，當我到達的時候看到一枱堂食客都冇，心諗應該很快可以取餐，經理叫我到𨋢口坐住等，過咗5分鐘之後我就見到有一個外賣袋放喺近門口嘅枱上面，但我心諗經理叫我喺出邊等就應該會叫我啦，所以冇再上前查問，我等了又等等了大概20分鐘經理都冇叫我，而我發現堂食又冇其他客人所以覺得很奇怪於是上前查問，然後經理講話枱上面嗰份外賣就係我嘅，既然佢叫我出𨋢口坐住等，而佢又知我已經到咗，為何外賣準備好都唔通知我呢，這樣的服務態度真係不能接受，我打開外賣睇發現沒有套餐裏面的湯和糖水，於是我就問經理，她竟然回