美味餃子店

營業中

休息中

最近天氣變得非常寒冷，讓人特別想吃一些暖和的食物。這次我特別想享受美味的餃子和他們的自家製菜莆。上星期六的下午，我們排隊大約十分鐘，終於入座了。由於天氣實在太冷，我平時通常會點七個餃子，但這次我決定多叫幾個，點了十個雲耳椰菜肉餃。餃子點完後，不久就上桌了，速度真係好快。它們的湯底是用野葛菜煲的魚豬骨湯，味道鮮甜，完全沒有添加味精，可以當湯飲用，暖心又暖胃。餃子個頭大，皮薄餡靚，雲耳的口感非常好，咬下去脆脆的，椰菜和肉的比例剛剛好，讓每一口都充滿了豐富的味道。再加上他們自家製的菜莆，微微帶點辣味，口感爽口，令整碗湯餃更加提升了層次感。這樣的組合不僅讓我感到滿足，還讓我在寒冷的冬天裡感受到一絲溫暖。

好耐冇黎食美味餃子，都仲係要排隊，不過好似冇以前咁多人😆😆😆呢到最出名就係白菜餃，成日好快就賣哂，今日都唔例外😹😹但我最愛都係韭菜餃，細（7隻）$52，大（10隻）$57，叫左10隻、食到好飽🥹🥹🥹因為佢係size真係好大隻，係平時嘅餃子size嘅兩倍。咁耐冇食都仲係好好味👍👍👍佢既湯底係野葛菜煲生魚豬骨湯，好好飲，唔會好濃清清地。仲有呢到既菜譜係必食，加埋餃子食好正🤤🤤🤤

知道太子附近一直都有好多出名餃子店 所以今日揀咗間唔使排咁耐嘅試一試 不過都排咗差唔多15分鐘 人流都幾多 不過都算快嘅🙂‍↕️❤️雲耳椰菜肉湯餃🥟餃子每一粒都係脹卜卜 啲料超多我好鍾意食雲耳椰菜，因為好甜 每食一粒都勁滿足 因為每一個都超大粒 啲皮唔算好厚 加上清湯 不知不覺間食晒啲餃子 我最鍾意配埋啲菜脯一齊食🤤🤤❤️韭菜煎餃🥟相比起湯餃 我更加鍾意煎餃 佢真係煎得好脆好香 加上韭菜嘅香味 成件事真係好好食 後悔叫少左

經朋友極力推薦，今日就過嚟試吓呢間餃子店。有湯餃、煎餃、粉麵選擇，因為朋友介紹個湯好好飲，所以最後揀咗雲耳椰菜湯餃。個湯真係幾好味！啲餃好大隻，雲耳椰菜呢個配搭好爽口。啲菜甫加少少醋落去超級好食！

美味餃子店，聽住呢邊既朋友講係必食，所以決定黎試下。煎韮菜肉餃：餃子皮金黃酥脆，內裡韮菜同肉嘅比例恰到好處，餡料鮮美多汁，非常開胃。不過有啲可惜係煎得有啲過焦，希望可以掌握火候更準確。煎白菜肉餃：白菜肉餃同樣煎得香脆，內餡清爽唔油膩，口感唔錯。不過白菜味道稍嫌淡薄，希望可以加強白菜嘅風味。佢嘅餃子整體質量唔錯，味道鮮美，煎得香脆。不過係煎餃嘅過程中，火候同餡料嘅調配仍有啲進步空間，期待可以不斷改進。

細個嘅時候經同學介紹去食，點知一食就一發不可收拾，食足10年！最好味就係個湯底：生魚野葛菜豬骨湯！呢個湯都會飲晒！跟住就係個辣菜脯！！大大粒好有咬口好好食，會落少少醋去吊味，更加好食😭以前鍾意食韭菜餃，覺得食落好香，叫煎餃特別香！之後慢慢鍾意食雲耳椰菜餃，有雲耳配搭個口感好爽脆，加埋辣菜脯真係超級正！教大家一個食法，辣菜脯加適量嘅醋之後，用筷子夾起啲辣菜脯擺喺餃子上面，再一啖咬落去！真係超好食㗎🤤

我家長輩非常喜歡美味餃子的餃子，之前買了兩次外賣生餃回家，每次都是放入熱水不久就餃皮爛開及餡料散開，今次再買，煮之前發現原來好多隻餃子皮未包好，露出餡料，怪不得每次回家煮都這樣了，非常失望。堂食算吧！

今次嘅食評叫做「平民大隻餃子 拍住上」，就以個個都會愛嘅餃子嚟講故事。嚟到呢間店，首先當然係要點啲招牌嘅雲耳椰菜肉餃同白菜肉餃嚟試吓。咬落去啲大隻餃子，口感係實在得嚟又Q彈，個白菜餃嘅餡料鮮美得滯，咸香中帶點微甜，仲要皮靚餡靚。至於雲耳撈嗰啲，雲耳嘅脆口感真係正！小小草味唔搶鏡，倒令到嗰啲豬肉鮮味更突出。再嚟就係佢哋家嘅特色 - 野葛菜煲生魚骨湯。飲落去嘅湯底香中帶甜，完全唔使味精、天然滋味十足！好易令人一飲再飲。配合晒啲彈牙嘅餃子，嗰款微妙嘅平衡感，簡直係聞住就飽嘅溫馨。甜在心頭而辣在舌尖，鋪頭嘅自製辣菜脯簡直係太上癮！啖啖辣味夠晒勁，唔會過火，拎啲餃子蘸一蘸，再一口扎曬入口，爽！最後要推一推，係佢嗰個原汁原味、健康得嚟唔減口感嘅飲品，真係可以話係過癮又解渴。無論係要平平無奇嘅一餐，定係想有個滋潤暖胃嘅享受，呢度應有盡有，從湯頭到餃子，食完晏食就攞完啦！ 👌🤤🥢

個湯係唔錯，但水餃太大隻韭菜餃竟然無乜韭菜味，餃皮直頭無味無質感（真正做得好的餃子，連餃皮都特別香特別好食）叫左十隻，食到第六隻已經覺得好滯$57  其實一 d 都唔平

太子老字號餃子店，開業貼近20年，喺區內無人不知嘅餃子店，更有區外客人都慕名而來🤭因為美味餃子店嘅餃子出名大大隻、夠足料🥟 而且湯底仲要係無味精，有時未到晚飯時間已經有一、兩款餃子賣曬沽清📈🥟 韭菜肉湯餃子（10隻） $57餃子真係大大隻，有成半隻手掌咁大😱而且餃子飽滿，餡料十分足料💯韭菜塞滿成個餃子皮，餃子皮十分順滑，韭菜香味濃郁😋但豬肉比較比較少。🥟 雲耳椰菜餃拼韭菜肉餃（10隻） $60食完韭菜餃，再食雲耳椰菜餃，相對味道上比較清淡健康，雲耳椰菜口感爽脆易咬☺️餡料夠曬新鮮👍🏻✨ 湯底 - 野葛菜煲生魚豬骨湯無味精湯底之餘，仲要無浮油🫧味道鮮甜濃香，養陰清熱‼️✨ 特制菜脯一落單後，侍應就會遞上一隻豉油碟，可以擺菜脯，或者加香醋、豉油。湯餃可以配埋辣菜脯一齊食，味道上就更突出豐富🥰菜脯混合埋辣椒🌶️、豆椒、辣油等，口感豐富啲之外，仲有少少微辣，提鮮吊味😋⭐整體︰8.5/10⭐食物︰8.5/10⭐環境︰7.0/10⭐價錢︰9.0/10

去美味餃子店，只有兩個原因第一個係為咗佢啲菜脯而嚟第二就係為咗飲佢個湯呢度最出名係白菜豬肉餃所以外賣最快賣晒都係佢每次我嚟都會叫一個湯、一個煎老實講湯係好食啲嘅首先佢個魚湯真係好濃味而佢嘅餃子都好大隻食餃子嘅時候，一定要點菜脯食你堂食嘅時候食菜脯就無限refill 外賣嘅時候只會比一個細樽你，完全唔夠食就係因為咁所以我多數都堂食而煎呢因為佢個皮唔算薄所以變相都冇咁脆同埋食多一兩隻已經好油膩真係食唔得多所以我建議係食湯嗰款好食啲環境方面就唔好有期望為咗做生意一張枱可以坐幾多個人去都會迫埋一齊坐所以我試過一張六人枱坐八個人真係好迫，隻手都唔好咁大動作

位處太子橫街，唔係狗屋果邊，而係近大角咀果邊既舖頭，呢邊可以話餃子店既陣地，美味餃子店次次黎都有人排隊，但未食過就點都要試下既，特登行到過黎，等左一陣就入得，傳統舊式冇裝潢既舖頭，圓枱膠櫈簡簡單單！點解我會形容比上不足比下有餘呢，因為佢既餃子係大隻又足料，而味道係OK，但比起同區一啲更好既舖頭又唔夠佢地好，甚至連配菜辣菜莆同醬料都係煎韮菜肉餃(十隻)$55大大隻油香撲鼻咁黎到，賣相係吸引既，肉質還好，但油份過多，而食後韮菜味唔夠濃，冇左食韮菜就口臭果種快感雲耳梛菜肉餃(十隻)$56湯餃既湯底好清，都幾好味既，但唔係話好吸引到要Encore，而呢轉餃既肉唔夠新鮮食落口感馬馬，我同女友兩個人都係食左就唔會再幫襯了，因為同區有更出色的了配料辣菜莆未夠辣同香，好鬼普通，而醋就太稀，味道不足

太子非常有名氣嘅餃子店，長期要排隊，作為餃子控嘅我一定要試下！店舖環境簡陋，大部份都要搭枱，餐廳主要食餃子，都設有車仔粉麵，但當日就未見有人食，而辣菜脯口感爽脆，辣度適中，唔鍾意食辣菜譜嘅我都覺得不錯！—————————————————————煎韭菜肉餃 ($50) 煎餃非常香口，餃子皮唔會太厚，煎得好香脆，煎岀嚟油比較多，餃子放咗一陣就會比啲油浸林咗，每隻餃子都好大隻，而餡料方面都算多，只係肉就比較少，整體來講唔算話十分驚喜，但價錢真係好抵嘅🥟😋 美味指數: 7/10—————————————————————白菜肉餃 ($52) 湯餃會配上野葛菜生魚豬骨湯，味道清甜，而餃子同樣都係大大隻，白菜肉餃就比較普通，似灣仔碼頭餃子嘅巨大版，可能對佢期望太高，但只係覺得一般般😋 美味指數: 6.5/10

自兩年前初次光顧，便愛上這店，大大隻餃子、香口菜脯及無味精湯底配搭得宜。即使疫情期間不便堂食，也習慣了買她的外賣(我習慣了叫分湯)，也是區內少數外賣仍能維持水準的餃子店。今天心血來潮想來個堂食，中午1點到達不用等位可以直入，點了7隻雲耳拼白菜湯餃，一如以往，係要搭枱，不過大枱坐6個人都坐得鬆動。點餐後店員隨即遞上小碟(我見如果點煎餃還會俾小碗)這店的菜脯是教人念念不忘的，襯未有食物前先𢳂點菜脯，菜脯香口而不太辣，略嫌油咗少少。至於餃子，也有一貫的水準，大隻飽滿。食完餃子把湯都飲完了，唔知係咪冷氣太勁定我食得慢嘅關係，最後湯有點放涼了。我諗堂食同外賣最大嘅分別係堂食可以任食菜脯，但外賣無論係叫7隻定10隻都只會跟2小份菜脯。Anyways, 今次堂食再次確立美味喺我心目中number 1嘅地位。

去到好彩唔洗排隊入面嘅環境就唔好太大期望喇都係啲大圓枱/方便搭枱✨煎韭菜肉餃 - 大碟（10隻）$55餃子真係好大隻，餃子皮算適中同餡都算多有啲煎到有濃邊係幾香口/咬落都仲食到小小肉碎但係款款式選擇真係比較少/得韭菜肉餃，白菜肉餃同雲耳椰菜肉餃三款用煎或者湯上總括嚟講你話好好食咩？又唔係/唔好食咩？又唔係只能夠話係一間對得住價錢/叫做紮紮實實嘅餃子店🌟提提你有機會要需要同人搭枱另外冷氣都幾凍幾大/如果怕凍可以同姐姐講/要求坐門口嗰啲位/會比較冇咁大風🥟美味餃子店 (太子)🇭🇰太子大南街74號地舖