美心皇宮 (屯門大會堂)

營業中

休息中

美心酒樓比以前少左人等位，星期日都唔算好多人～鮮蝦粉果近排先有，味道幾好，蝦都爽，如果個皮可以薄啲就更好～咖喱魚蛋魷魚最好食既竟然係紅蘿蔔，個汁有啲杰，但尚算ok~炸蝦角不過不失，脆得嚟有啲硬～煎腸粉煎得好好，夠香又唔硬叉燒酥豬油味太重，我就唔鐘意啦！

星期六有節目，去嘆茶🫖一盅兩件 😀很久沒來 美心皇宮酒樓 ，拎個籌，等候需時坐下來，冷氣凍呀！坐位旁邊設置了自動煲水，點心紙 選擇多龍蝦湯鮮竹卷 黃牙白吸收了濃郁汁😋三條鮮竹卷香煎蝦米腸煎得香，剛剛好蝦米粒、蔥、灑上芝麻，點麻醬、甜醬、豉油柱侯醬炆牛雜肚、膀、肺、、腸略為肥😄似乎失水準，未夠腍，蘿蔔好味素菜包蔬菜🥬 健康美食😊炸物：咸水角、芋角、鮮蝦腐皮卷非常一般啦，有啲油膩 😂食飽啦，下次再嚟， bye

屋企人生日，家中長輩都係比較鍾意食中菜所以都係搵返一間坐得比較舒服同埋味道唔差嘅酒樓！而且屋企人都提議去食呢一間因為佢哋覺得都幾好食所以最終都係揀咗依一間！🙌🏻見到佢有一個限時優惠片皮鴨套餐，見到都幾抵食所以就試吓！個片皮鴨都唔差嘅，估唔到都幾足料，我哋四個人食份量啱啱好！👍🍤🍙🍚另外啲餸菜都大大碟，個套餐有肉有菜所以都幾啱大家口味！個套餐仲要有埋湯個湯個味道不過不失！不過對於一間大酒樓黎講，有咁多嘢加埋一先五百幾蚊，都還可以接受🙊

昨日（星期五）2:30 入座，坐成個鐘，一架車仔點心都冇郁過，幾個阿姐趕住收工。點心紙冇蒸點，得煎炸廚點，坐多一陣3:15 有個職員逐台埋單收錢，頂你個肺，入坐果陣又唔講幾點last order！入座後d 點心車郁都唔郁，想點。仲好意思問d 野齊哂未，點心紙落咗4 款，嚟得3 款，埋單果陣自動cut埋冇出現過既點心，通知聲都冇，算咩意思？諗都冇諗過送餐嚟比你囉！垃圾！做唔到點心車，連點心紙都做唔好，半桶水。樓面同推車仔阿姐成日出入廚房、望手錶等收工，眼尾連蒸籠都冇望過。收工唔係問題，你早響啦！我入嚟蝕埋茶錢、食得果兩件蘿蔔糕連加一，最差係你比咗個極差既體驗我（食客），口碑呢d 野邊救得返架？屯門人見住美心皇宮久唔久就圍板裝修，真係唔明粉飾咗門面，連食具都保唔住衛生！茶杯上有粒好似米既漬痴係杯內，用手指大力刮先得！唔好問我點解冇叫姐姐推過隻新杯比我，成個場都冇姐姐，點叫呀？真心一肚氣！

好可惜已經冇孖寶，而所謂嘅早茶優惠其實都唔係好抵，廿蚊起嘅點心只有一兩款，其他平均都要幾十蚊，好彩我哋當早午餐咁食，人均百幾蚊先唔覺肉痛。而味道方面，我覺得名點屋較好，而且起碼人哋真係熱辣辣！我覺得推點心車所帶來嘅不便比好處更多，推車仔阿姐淨係行大路，有乜食客都唔知就飄走，成餐得個蒸飯係熱嘅

今日七月一日放假，同老公去左屯門大會堂美心皇宮食晚餐，每人叫左一個燕窩花膠餐，價格$228一位未計加一，點知原來啲嘢全部係預先整定，連個雞蓉燴燕窩湯匙都係微溫，蝦球算可以接受，花膠解凍不足係腥嘅，仲要煮唔透，入邊嗰浸好似豬耳咁中間係白色，口感硬既，鮑汁煮到一嚿嚿！切雞油雞雙併，油鷄肉係霉既，上湯豆苗同杏仁茶都係微溫嘅！其實冇心就無謂做！大家樂嘅二人外賣餐一百蚊有找啲食物係即叫即整，同樓面職員講都唔睬我，有排都唔會再幫襯，冇服務，食物quality 差

嗰日我家姐話想飲茶，仲要食推車仔嗰隻，其實都冇乜幾間 🤷🏻‍♀️ 嗰日七點半開門，我哋七點二十分到，已經有好多人排隊，好自律，我心諗：「唔係啩，唔係冇得飲啩」。 好彩七點半開門，我哋仲有枱٩(˃̶͈̀௰˂̶͈́)و 佢哋環境不嬲好靚，好舒服。啲碗碗碟碟都好精緻，唔係普通茶樓啲cheap嘢。 我哋叫咗蝦腸，啲蝦夠鮮味，腸粉做得好滑。 黑椒炆鴨掌，炆得好淋，兼且好入味。 粉果啲餡好新鮮，不過不失。 不過等咗好耐先至有炸物車出現，我梗係叫咗我最鍾意食嘅芋角啦。不過有啲失望，可能佢哋放咗架車喺度冇人理(人手好似有啲短缺)，芋角有啲凍咗。埋單$177，唔算貴，可以接受。

叫咗澳洲龍蝦２隻，其他菜都食哂，問侍應，佢話漏單，依家賣哂。明明她再三問點整，一句sorry冇。漏單的什菜煲要等40分鐘才有。蒸荷葉飯談不上暖，像冷盤煎羊扒涷的只有老火湯是熱的正價的價錢，稻香的水準。我在茶餐廳叫的餸起碼是熱的。中伏

唔知係疫情下少咗飲茶，定係佢不嬲都係咁，有推車點心，不過我都係點優惠孖寶最實際。一飯一點心5x蚊起，都夠飽，至於抵唔抵食就見仁見智。鳳爪排骨飯：凡係蒸飯，個底都必定會有層油，因為醃肉加油係中式做法，呢個當然唔例外，所以我食蒸飯從來都唔會攪鬆個底d飯嚟食，不過比稻香嘅蒸飯好好多，層油半厘米左右，都唔會太嘥。魚仔豬肉蒸飯：魚仔香，不過d肉片食落似豬頸肉，但應該係豬扒切片？食唔出係咩部位，不過油膩感少過排骨飯。柚皮鳳爪：柚皮有3件，微苦，有d乾水，可能浸透得唔夠。雞腳同出面茶樓食嘅差唔多。錦鹵雲吞：呢個真係好耐冇食，雖然炸得夠脆，但仲好多油係雲吞上面，過吓口癮算。

等咗兩個月，終於可以同爸媽一齊外出同枱晚飯。見美心平日晚飯有75折，所以一試。燒鵝半隻：好香、仲皮脆肉嫩，美味。蟹肉薏米燴金瓜：好清新，感覺好健康既菜式，三種食材好夾，成隻南瓜好多，食唔晒要打包返屋企做第二天午餐。雙椒炒班球：班球肉厚鮮味。整體來講，三個菜式都有水準，好滿足。

疫情關係，大家都喜歡買外賣 ，再加上仍有折扣😊也是不錯吧放工后，就試試中菜 外賣拎走「美心皇宮酒樓」5:00 前 WhatsApp 訂餐，享有 7折優惠😊👍精選飯麵 $75 一人餐（湯羹 1款 +主食 1款）海皇豆腐羹 一小碗材料豐富：嫩滑豆腐粒、蝦、帶子、竹笙 😋古法牛肉炒河不油膩，幾好喎份量多，河粉味道一般牛肉好吃, 伴 3 條菜心優惠小菜， $58 - $88荷芹炒魚菘 炒得好香荷蘭豆鮮甜黃、紅 爽脆甜椒仍有唐芹香煎魚崧，惹味埋單 ： $110.5保持質量，稍後再試試其它菜 🤗👌

今日去到美心皇宮，真係令我學到好多嘢。。。只打算食少少嘢，休息一會，簡單地叫了一個灼菜，一個錦鹵雲吞，但已令我充滿驚喜。。。。灼菜心一上臺，我當堂被嚇一跳。上臺擺碟可算非常整齊，整齊地一刀切走了所有菜葉。。。冷靜啲先，有時d菜葉是放於碟底的。於是夾走了放面頭一兩條菜，但。。依然沒有菜葉。。。。向男職員查詢之下，被回覆了一個新知識:1⃣菜遠，就是要切整齊的呀。。。呢啲咪菜遠囉。。。2⃣美心皇宮，是賣菜遠的。。。我: 😨但。。。沒有葉wo。。。3⃣咁你係唔係唔要丫?幫你取消囉。。。然後直接喺枱面，拿起我的筷子，從我碗內，夾走一條菜。。。我不知這是不是現今的合理服務水平。。。我個人就覺得不能接受。。。

本人於10/6/2020 光顧屯門美心皇宮酒樓，當晚人數不太多，但是服務卻是意料之外。因為美心集團通常都會有某某信用咭優惠、套餐等等。於是在點餐前便多口一問，有沒有信用咭優惠，怎知職員回應是什麼咭都無用，現在已7折了，語氣非常之不好。朋友於是繼續點餐，由於還有朋友未到，點餐完畢後並跟職員說「叫起」！怎知不到10分鐘，菜便到了，職員間還在推卸責任。到朋友到了，起菜時，竟然漏了之前來的魚，經三番四次催促才到。 到最後，朋友稱要拿蛋糕出來，職員拿來時問是否現在進食，我們答是，職員稱要收50元，我們問為何不一早通知，職員沒有理會。怎知有名高級職員，相信是經理，回覆，東海堂或美心就不用收，我們問為何。不在雪蛋糕時通知呢？當時沒有人回覆！於是大家不歡而散！最神奇的是離開後查單發現收取了外賣盒及膠袋費用。不可思義，這麼大的集團，區區小數目也弄不清楚！

疫情期間已經嚟過幾次呢度食飯， 為咗滿足要求每張枱都隔咗好遠， 雖然熱情但係好似座無虛席， 感覺到樓面嘅人好忙騰嚟騰去基本上唔係好得閒招呼你， 喺佢哋落送嘅時候詢問咗先知道原來炒咗好多人， 講返食物 幾次過嚟都冇失望仲要錄節性價比超高， 唔講正餐 先講佢嘅甜品 就係一桶豆腐花， 好滑加上杏仁汁超級香好好食， 然後其他餸菜都好有水準 個杏仁汁裏面有紅腰豆同埋蓮子 紅腰豆唔係紅豆， 荷葉飯超級大份 基本上一個人食唔曬我都已經算係大食， 嗰啲叉燒呀但裏面有瑤柱有雞蛋有肉絲有蛋黃 食起嚟好香 味道都唔錯， 仲有花菇扒豆腐， 仲有個梅菜扣肉， 羅漢齋煲 瑤柱海鮮羹同埋個唔知乜嘢面總之整體都唔錯最重要係價錢有六折 睇嚟畀個易情價都唔會再返嚟。

週未起身後，忽然心血來潮想喝個懷舊的中午茶，因而選了美心皇宮，門面招待處仍保留穿著傳統旗袍的知客，進去茶樓後，先是映入眼簾的是有點心姐姐手推著懷舊的點心車，車上滿是熱呼呼的點心，水牌上亦有由舊香港年代字體寫著的點心名稱，不禁令人懷愐兒時的時光。甫坐下，眼球已不停掃蕩周遭，是的，在這還是要主動出擊走到點心車查看是否有自己喜的點心，活像尋寶一樣。先是叫了一籠蟹子燒賣，由於肥瘦肉比例適中，口感爽口而不膩，而且每顆燒賣的大小亦沒如某些茶樓般縮水。再叫了一碟龍蝦汁鮮竹卷，熱呼呼的鮮竹卷被龍蝦汁包圍著，味道比平常的更燶更吸引味蕾；接著是鮮蝦菲菜餃，半透明的餃皮看到啖啖蝦肉在內，蝦肉亦爽口彈牙，餃皮厚度適中。最後是不少人愛吃的山竹牛肉，淋上喼汁的牛肉球與微微的陳皮香味是絕配，不消一會，枱面上點心已全被「消滅」。