美心西餅 (已結業)

前日(11-2-2013 Tue) 大年初二o係外婆家食過盤菜晚飯後,舅母拎出一個好大個美心盒o既蛋糕,為最細o既表弟HKH慶祝生日,打開睇,原來係一隻立體熊仔蛋糕,咁又係,我o地38個人,可以食到咁大個蛋糕o既.而點解揀美心,舅母話因為新春只有美心開門,唱完生日歌後,舅母就好狠心將佢肢解,雖然呢個係蛋糕,但切開睇到個樣都好恐怖.好明顯呢個係朱古力蛋糕,內裡有用白朱古力做o既骨幹,我o地一人分啲食.蛋糕成份唔多,最多o既係滑滑忌廉,成個味道都唔係太甜,朱古力味都唔係太突出,而我同男友都試吓舊骨,好硬,冇辦法,要支撐到隻熊,白朱古力一定要夠硬,而味道呢,竟然都唔甜,亦唔係好食到朱古力味.價錢:唔係好知幾錢,好似5,6百蚊.其他:其實我唔知佢o係邊間美心攞,我唯有寫o係最近o個間.

上兩個星期日，媽咪去屯門碼頭游水，然後搭輕鐵經過新墟，順道落車買東西及買麵包給我們星期一做早餐！她走到 <美心西餅>買麵包，見到麵包買兩件麵包 $12，她覺得幾平！所以決定買下來！但她走出門口之後，發現收錯錢！理應總數：：$26卻收款：$30變相無平過！可惜，她完全信哂收銀機，又沒有拿任何單據！所以，無辦法追討！唯有以後不再幫襯這間美心西餅分店！明顯女店員自己落格！ 如果，每位顧客收多幾 $，女店員都幾發！火腿芝士包 $6 x 2 本身一大塊，切開兩塊賣！火腿芝士各一片，表面灑上黑白芝麻，增添口感！紅豆包 $7 x 2紅豆包包質密度高，甜美的紅豆蓉被麵包捲著，其實普普通通！真是替媽咪不值！

<美心西餅> 推出配合秋天時令的限定「山東板栗」純栗系列！ 包括：純栗子蛋糕 ( 8吋 )、純栗子mini、純栗子杯及純栗子撻。細佬叫媽咪買個純栗子mini 一試！反正，她要出新墟買嘢！順道去新墟開咗一排嘅 <美心西餅> 買！記得當時我幫襯同條街嘅 <東海堂>，美心剛剛開張！人頭湧湧！真咪攪！她講番俾我知，早上 11:00 買，已經係最後一個！幸好！限定「山東板栗」純栗系列仲未完！純栗子mini $88整個蛋糕滿佈唧成條狀嘅栗子絲，再唧上忌廉成格仔圖案！加上一粒栗子作簡單點綴！論賣相不算美觀突出！因為，媽咪早上買，然後雪凍直至晚飯後食！唔知係咪呢個原因？！睇起嚟栗子絲有點乾！ 一切開，栗子絲跌哂落嚟！驟眼睇似雀仔 A！ 胃口即時無埋！ 蛋糕部分幾鬆軟！ 忌廉唔算好甜，亦不覺好滑！質素普通！無咩特別！總算抵食！ 好在買 mini 蛋糕咋！