美新茶餐廳 (已結業)

開完會要搵地方食嘢, 唔清楚佐敦有咩好嘢食, 就是旦入左呢間 ....... 入去都未坐低, 亞姐已經不停追問要食咩 ... 大姐, 你比人坐好睇下先啦, 睇都未睇點答你呢 ... 由於亞姐不停在身邊追追追, 所以只係是旦叫左個黑椒牛柳客飯, 等左差唔多半個小時, 見人地遲過我叫的都有嘢食了, 問一問亞姐, 亞姐不怳地說"叫炒嘢一定耐架啦" , 問題係我坐左半個鐘, 跟飯的湯都重未上, 但見亞姐的態度, 唔敢問了 ... 再等15分鐘, d嘢都係未上, 身邊另一枱的客人已經發火要cancel張單, 一個可能係老板的男人才走出嚟就已經做緊, 好快就有了, 我忍唔住再追我的嘢食, 佢即時攞出嚟, 不停話唔好意思 ....睇嚟碟餸應該已經炒好一段時間, 已經開始凍了, 不過算了吧, 已經好肚餓, 有得食已經好好了, 味道 ... 冇味道的, 正常嚟講肚餓時應該無論食咩都會覺得好味, 但 ... 真係一d味都冇, 點椒唔辣, 牛柳係牛柳絲, 一d肉味都冇, 連碗湯都係好似清水咁一d味都冇 ... 最好味應該係碗飯, 至少是熱的 ....下次 ... 應該冇下次了 ...

今日在附近打完比賽，黎這間餐廳食飯。一心諗住食個常餐姐，點知個侍應哥哥態度其差，落單已經好唔耐煩。叫佢攞幾杯茶，佢話盡量。咁其中一位朋友唔明點解佢咁燥，就問「冇事丫嘛？」點知佢話「你冇事我咪冇事囉！」之後聽到係背後講粗口。俾錢仲要受氣。

講起就火滾啦我食野一向都無乜要求，但係畀d咁既野我食，我就一定要上黎講囉~見到時日午餐，都唔多岩胃口，咪攞起餐牌睇啦，都係普通茶餐廳既貨色。最後叫左"咖哩牛腩飯"同"焗葡汁雞皇飯"，凍熱奶茶各一。黎先既係"咖哩牛腩飯"，我一睇，嘩，d咖哩汁(唔應該叫汁)，叫湯!!d咖哩汁好係d湯咁稀，我都知有d唔對路，食左舊牛腩，哼!完全唔辣。所謂既港式咖哩有2種，1)要辣(有錯請指正)2)唔辣，但係好香既椰漿味既。(有錯請指正)但係又一d都唔香，得個鹹字!大佬，我叫咖哩牛腩，唔係鹽水牛腩喎(我聽到個waiter攞過黎果陣係講"咖哩牛腩飯"所以唔會黎錯單!!)d牛腩仲要超肥，1舊牛腩有一半係肥膏!!哩碟係我食過最難既咖哩牛腩飯!!焗葡汁雞皇飯黎果陣個樣都唔錯，不過就真係得雞同飯，無其他配料囉我先試一試個飯，好波!!係完全無椰汁味既!!舊雞就唔洗講啦，一定唔會有葡汁味啦咬左舊雞一口，又係得個鹹字!我懷疑有用梳打粉醃雞好老實，周圍有唔小食肆，我相信$40蚊可以係附近食到有質素既野囉!!哩d咁既茶餐廳，去一次就夠啦。2個人total $80

早段日子經常到此吃早餐食物雖然普通~~~但勝在好茶餐廳feel"朝早7點幾好多人係度食~~^^可能抵食掛???平時會叫 雪菜肉絲公仔麵+多士+旦+腸仔+熱奶茶大大碗都係十八蚊~~好full~~~~如果晏d去食~可以當埋lunch!!不過值得一提既係佢d旦好夠滑~平時叫開炒旦~~想感受下茶餐廳氣氛可以帶埋份報紙去^^"環境就ma ma!!唔係咁乾淨但service好好~~~問佢拎紙巾唔會"炎"ma煩~~仲有會同你傾下計tim~^^

尋日(28-11-2009 Sat)同男友一早空肚出尖沙咀做body check,做完都11:00am,咁去搵銀杏館食個lunch啦,點知搵極都搵唔到,就打電話去電話公司問電話,點知飛o左去voice mail,咁我留言啦,但冇人覆.我o地繼續邊行邊搵,之後又打多次,有人聽喇,我問佢o地間o野位置o係邊,之後我o地搵到喇,點知full晒,咁我o地唯有book夜晚啦,橫豎今日都會o係尖沙咀逛.然後我o地去o左佢斜對面o既呢間食o野,我要個$24.00o既特餐,有牛油方包 / 多士,火腿奄列,沙爹牛肉 / 叉燒湯意粉同o野飲,我要沙爹牛肉湯意,點知話冇晒沙爹牛肉.唯有要叉燒湯意啦,飲熱華田,而男友要$15.00o既特製美式飽,要豬扒飽,另飲凍好立克.好快,牛油方包同火腿奄列到o黎,兩杯o野飲都到,牛油方包同火腿奄列都普普通通,而叉燒湯意粉呢,淡而無味,唔係幾得啦.我邊食邊睇返餐牌,呢個特餐o係由11:00am-6:00pm供應,才11:45am,咁快話冇晒沙爹牛肉,真奇.最後豬扒飽到o黎喇,好熱辣辣o架,件飽都有烘過,內裡o既豬扒都o岩o岩炸起,男友先食,佢就大讚.我又食啲,有沙律醬,蕃茄

早幾晚師傅好夜先喺監房走, 餓到半死於是就決定再黎呢間食店, 貪佢d野食幾好味同埋咁夜都仲有好多野食可以揀!一入到去伙計就叫師傅試下個晚餐, 由於個晚餐晚晚都一樣, 加上師傅之前都試左兩款, 所以就決定轉一轉口味; 睇左一陣就柯打左個咖哩牛肉飯, 而柯打飲品可以再用半價, 咁師傅就要左凍咖啡!話都冇咁快有個餐湯擺左喺師傅面前, 師傅再望一望原來咖哩飯係有湯送, 而今次係蕃茄薯仔湯, 味道清清甜甜, 冇味精都幾好味; 跟住個咖哩就到, 咖哩唔係即叫即整而係整定, 不過咖哩都幾香, 係個汁就杰少少, 至於辣味就一般啦, 而牛肉就好鬆, 但肉地唔多靚, 而薯仔好腍好入味, 都幾正; 至於白飯就勁多, 不過可惜就幾硬, 唔知係咪太夜嘅關係呢, 所以d白飯都雪左入雪櫃呢? 而凍咖啡就幾香幾好味, 飲完之後個口唔會有酸嘅感覺, 得喎!總括黎講食物質素還是可以, 環境真係普通, 而服務亦可, 而價錢就相當抵食, 咖哩牛肉飯三十三蚊送餐湯, 飲咖啡半價, 七蚊雞, 埋單四十, 抵食! 做得咁辛苦都係為左食餐好, 如果下次早少少黎, 相信個水準會更高, 今次嘅咖哩一般啦, 所以比唔到笑臉, 但一定會再黎

今早大雨經過,入黎避雨順便食個早餐,朝早唔算多人,大部份都係熟客,而且仲係附近鋪頭嘅老細,個個行入黎同老闆打招呼,於足就你老闆,佢老闆,成間餐廳都係老闆.食咗個A餐,火腿煎旦,牛油麵包,沙嗲牛麵,奶茶.水準平圴樣樣都OK,沙嗲牛麵較出色,D麵夠爽,沙嗲牛夠入味,至於奶茶就茶味濃但奶唔夠香滑.舊式茶記,始終人情味濃,食感情多於味道.

師傅尋晚好夜先喺監房走, 夜媽媽都唔知食咩好, 淨係想搵間茶餐廳坐一陣, 填飽個肚咋, 忽然間師傅醒起呢間食店, 心諗就決定黎呢度, 試下炒野都好!事別七天, 再次光臨, 入到去都有幾枱客, 一坐底即刻睇下有咩食, 最後都係比佢個晚餐吸引住, 晚餐有餐湯同餐茶, 而師傅今次就要左個焗肉醬意粉, 皆因好耐都冇試過, 而餐飲就要左凍檸檬茶!等左一陣餐湯先到, 今次真係羅宋湯, 而唔係中湯喇, 師傅絕對相信因為時間比上一次為早, 所以尚未沽清; 即刻試下個湯先, 個湯酸酸地加上勁辣, 師傅是次連胡椒粉都冇落過, 真係非常好味, 呢個羅宋湯一定係師傅近期飲過最好嘅; 飲完個湯再等一陣焗肉醬意粉就到喇! 焗肉醬意粉份量勁大, 係即刻焗出黎, 熱辣辣非常吸引; 先試下個肉醬汁, 芝士味就冇咩, 不過d蕃茄汁就酸酸地, 好開胃加上肉醬勁多, 好好味, 而意粉都焗得好腍好滑, 唔會實的的, 味道唔錯, 正呀! 而凍檸茶今次又就好味, 檸檬夠多酸酸地而茶味亦可, 不錯!總括黎講食物質素令人滿意, 環境真係普通, 個湯兜都爛爛地, 而服務亦可, 而價錢就相當抵食, 一個晚餐都係三十八, 加兩雞凍飲, 埋單

話時話師傅喺呢區企左咁耐, 都從來未黎過呢間食店, 撞啱前晚好鬼死夜都未食晚飯, 但係呢區好多食店都收晒工, 去到食店門口覺得好似幾抵食咁, 就入去試一試啦!入到去水靜河非, 如果唔係咁夜, 師傅真係以為係黑店; 一坐底二話不說即刻柯打左個鐵板餐, 要左黑椒雞扒跟飯, 有餐湯同餐飲; 餐湯寫住係羅宋湯, 而餐飲就揀左凍檸檬茶!等左一陣餐湯先到, 一望之下發一現唔係羅宋湯, 而係節瓜煲豬骨湯, 無啦啦由西變中, 仲要冇單聲, 有點過份; 但當師傅望下個鐘就覺得情有可原, 皆因大鐘接近十二點喇, 冇都好正常啦! 中湯都唔錯, 味道唔濃唔覺有味精, 加上湯料幾足, 係淡口少少, 師傅懷疑溝左少少水呀; 飲晒個湯, 鐵板黑椒雞扒登場, 先講下賣相, 真係唔錯幾吸引呀, 再望下個飯, 原來係炒飯呀, 師傅起初仲以為係白飯呀, 好正咁喎!鐵板黑椒雞扒熱辣辣, 雞扒夠鬆夠滑, 皮脆肉香, 加埋黑椒汁又辣又香, 好正; 而炒飯亦炒得好乾身, 有好爽口嘅感覺, 正呀; 反而凍檸茶就冇咩特別, 普普通通啦; 不過值得一提係檸檬好似唔多乾淨咁, 皆因檸檬面上嘅貼紙冇清除, 好似冇洗過咁, 亦令師傅忽然想起師

佐敦咩都有，但係都係最多麻甩男仕去既茶餐廳。雖然係廟街，但係人流都唔多。而家茶餐廳已經冇以前咁平，不過佢既食物依然好大份，所以成間舖都係男人。睇哂咁多餐牌，最抵都係食個鐵板餐($38)，我地叫左一個沙丹豬扒同牛油龍脷配帶子，個豬扒竟然唔跟鐵板，但係都醃得幾入味。至於個龍脷就好似落得太多炸漿，都唔知有冇食到件魚。食完諗住坐多陣先走，點知見到「大強」曱甴係地下度巡視，都係走先喇

平日指定午餐$25四個人,只給了兩碗像水加味精的例湯,當要求要清茶時,伙計說無,因杯未洗好!土魷蒸肉餅ok,但飯粒有些偏乾及硬

星期六因為同人傾野,搞到九點先飯,同小牛係就近地點是是但但揀間茶餐廳,呢間好似幾大路,又有波睇,所以入左去。常餐都幾抵食,$23有火腿奄列,牛油厚多士,加一個牛肉粉麵,連飲品,個多士幾好食,真係用厚包包,可惜只有半塊呢!其實食物質素係一般茶餐廳質素,都ok架!不過,服務真係好好喎!個伙計招呼都十分週到,我地入去已經叫晒歡迎,想搵個好位坐,又介紹邊個位睇波最好,我地揀個坐得近位,又提我地可能會比較嘈,臨走前又提我地唔好帶漏野,就算出去期間,幾個伙計都叫多謝同拜拜!係茶餐廳竟然見到咁既服務態度,你都咪話唔驚呀!真係抵讚架!

某天上堂後,人地帶o左我同朋友去食美"新"茶餐廳,因為個名騎呢,所以好記得,一大班人去食,我個朋友叫o左一碗貢丸米線,我叫o左鮮蝦雲吞麵,其他朋友有d叫炒飯,有d叫其他飯餐~我個朋友(叫貢丸米線的)最先叫既,但卻等到全部人都食完都未到,當然,食野既中途已經多次要求快d,最後等到全部人食完先到...咁已經唔好ga la...點知我朋友食既時侯話有漂白水味,唔知係d碗唔乾淨定點la~另外,我食的鮮蝦雲吞麵,當中的鮮蝦鮮到有屎...d腸一條條黑色的...無奈..唔知食好定唔食好...唔好問點解唔即時投訴,皆因唔想麻煩,食完就算,以後唔去。服務又慢,價錢又貴,食物又有問題,份量又少,只好給予劣評~!

下午經過佐敦, 見它門面光鮮企理, 就試下幫襯下啦. 包餐幾特別, 就叫了抄蛋菠蘿包+凍檸茶($18). 即是菠蘿包入面夾住一份抄蛋, 落單時叫叔叔幫我叮熱個包, 上時熱熱的, 覺得仲好食過菠蘿油喎, 個包好大下, 加上抄蛋, 真係好夠飽, 檸茶亦都有水準, 有下次嫁.

今日入左呢度食晚餐... 唔掂呀..叫左個75蚊o既晚餐套餐.樣樣都唔係咁掂.先黎個餐中清湯, 好似係節瓜湯,都幾清,但唔知點解, 食食下個餐再飲個湯, 好似有d怪味, 跟住冇再飲.蒜茸菜芯, 好淡.. 菜唔甜,炒又唔落鹽... 生炒骨, 都ok o既, 直至我食佢d配菜洋蔥, 左... 最後上條桂花魚, 手掌咁大, 上檯賣相唔差, 都幾滑,BUT.... 完全係冇味, 淡如水.. 點堆豉油都一樣..仲以為間間茶餐廳差唔多...唉...