美而廉餐廳 (已結業)

做野上有D唔開心,大人話就我食邊都可以諗左好耐,2小口決定食扒,跟住又黎左上次黎過大人都幾鍾意既美而廉上次飲白湯,呢次就飲紅湯,飲品大人話要檸樂,我要雜果冰主菜大人點了牛仔骨,我要了大堆頭的MIX GRILL紅湯有D淡,但多士香脆好食主菜大人的牛仔骨雖然肥但就十分美味我的主菜中,牛很淋,腸仔煙肉都沒有過老,不過汁太少了因為太大份,送的飯只是吃了2小口140不夠,相宜的價錢,不錯的服務和舊式扒房水準的食物,沒布什麼可批評吧

食完生煎王就去食期待左好耐既美而廉! 情人節鋸扒, 雖然係平民式, 但都可以好開心本來仲諗緊食佢定宜豐好, 點知宜豐加左價, 甘唔駛諗就食美而廉la! 去到即刻有位唔駛等, 好野, 我最怕等位! 地方唔大, d位仲好窄, 如果拎住好多野入去真係會無位擺! 衛生一般, 但唔係污糟叫野食, 男朋友要左豬扒配帶子, 我要雞扒配蟹鉗, 兩個都要燒汁~ 多士同餐湯好快就送上, 個蒜容多士好好味, 白湯就一般無特別~ 然後好快鐵板就送到黎la, 侍應叔叔好細心甘淋上燒汁, 佢個樣好認真, 我好鍾意佢!原來帶子同蟹鉗都係得一隻, 好好既男朋友當然係比哂超級為食既女朋友食la 其實只係超市急凍貨, 所以兩樣都係麻麻地… 食主菜la, 男朋友話佢既豬扒好好食, 分左d比我試, 真係好食播! d肉一d都唔 “鞋”, 又唔肥, 我鍾意! 至於我既雞扒都唔錯, 不過豬扒好食d! 薯條就麻麻地la, 因為比d燒汁浸到淋哂….餐飲可以叫啤酒 (好騎呢!)/ 檸樂/ 什果冰, 我要左什果冰, 其實即係超甜糖水一杯加罐頭生果…到我地差唔多食完既時候, 門口已經出現左條人龍! 仲有外國人tim! 我地都好快手埋單走人

細個第一次去食扒就係去美而廉,雖然已經不是這一間,但感覺還是很親切.我點了鐵板牛扒, 5成熟, 牛扒好大塊. 朋友點了什扒, 份量很大, 兩份扒加送炒飯, 最後只吃了一半, 可惜.紅湯和海鮮湯都好好味, 蒜蓉多士好香, 仲可以飲柠樂不另加錢. 下次要飲啤酒..

老派既港式西餐廳, 開業將近50年, 推開門就有種時光倒流三十年既感覺.滿佈歲月痕跡既卡座, 將近花甲既服務員, 仲有塊手寫既掛牆膠餐牌, 很喜歡~個人建議, 光顧這類店子, 敬希將味道及服務要求稍微下調, 否則最後只會不爽呢度既鐵板種類可謂麻雀雖小, 睇左陣就決定 點返個鐵板牛柳, 要5成熟, 仲可揀香腸/雞翼等其中一款配料, 汁醬要惹味既黑椒汁~先來餐湯同蒜蓉多士, 紅湯有一定份量, 味道好搶, 濃濃既胡椒味, 湯料尚算足夠多士蒜蓉味ok, 但其實唔脆口, 腍腍的, 一貫不講究既風格.主菜來了, 隨餐可揀啤酒/檸樂/什果冰, 點左啤酒(雖然俾新力杯你, 不過實情係ice beer)砌開, 真係大約5成, (因為鐵板本身有熱力, 塊扒會越食越熟, 所以一開始不妨點5成, 以防食到最後會過熟)牛柳表面少少脆, 似係用過大火煎過; 肉質尚可, 有少許肉汁當然, 老港風味既扒, 落鬆肉粉係必然既, 但只要唔好落得過火就OK呢一次就唔覺有過多鬆肉粉墊底既係波浪紋薯條加雜豆, 已經變得淋一淋, 都無咩需要評價食完扒, 啤酒一飲而盡, 又係一個滿足笑臉

行完街, 睇完戲. 就不如吃埋個飯才回家吧. 係女人街那頭行去火車站. 我決定在路途中找東西食. 行到洗衣街, 就想起了這一間老字號. 小時候同爸媽及姨媽姑姐們到旺角時品嚐的西餐廳. 係今時今日, 充滿懷舊色彩的美而廉餐廳.一入來, 感覺的確像回到小時候, 開開心心去食西餐的樣子. 裝修, 就是停留在那一個世紀. 侍應的裝束, 牛仔褲加上白恤衫, 再打多一條煲呔, 看一看恤衫的口袋, 滿是藍色原子筆的墨痕. 侍應也有一種漫不經心, 你食就食, 唔食就收你minimum charge的態度. 完全是上一代的服務手法. 齋妹要食素, 侍應就這樣答...."食素呀.....咖喱雜菜囉....食得蛋呀, 再加兩隻蛋俾你囉....湯有肉, 你唔飲得就唔好飲啦, 飲茶啦." 咁就落了齋妹的咖喱雜菜蛋飯餐的單. 而我就要了一份鐵板雞扒餐.先來湯同麵包, 再加上齋妹的飲料. 麵包, 比較失望的, 麵包只是一片片的方包. 食食下, 齋妹放棄, 因為涂上的, 是蒜蓉牛油. 蒜蓉包, 她不能食. 檸茶就是一般西餐廳既西茶. 同港式有少許分別. 不過都幾好飲. 湯, 是傳統的羅宋湯. 未加胡椒粉,

平安夜冇諗住去食貴聖誕大餐,咁就一行三人去旺角"美而廉"食扒餐.嗰晚呢間有成四十幾年歷史啲餐廳一啲都唔冷清,都幾旺場,但啲裝修就殘舊啲叫咗3個鐵板牛柳餐唔駛10分鐘就到,塊牛柳份量都好大,好過"x王x王"好多倍塊牛柳好淋都幾有肉味,以68元1份嚟講真係物超所值

同是老牌豉油西餐，相比起「金鳳」、「金雀」和「飛鷹」 (為甚麼以上店名全跟飛禽有關？)，位於旺角洗衣街的「美而廉」名氣稍次，但若論用膳環境，後者全店設有卡式雅座，空間尚算寬落，亦唔需要同陌生人搭檯，感覺是最舒服的。這裡的餐牌相當簡單，全日只賣不同組合的套餐，主菜選擇包括各式鐵板扒餐、連基本的炒粉麵飯都有供應，平均六十元左右，包餐湯、蒜蓉多士和指定飲品，相當豐富，吃至一半已覺飽。女友要了鐵板牛柳餐，跟薯條、腸仔和雜豆，牛柳要了七成熟，效果令人滿意，肉質腍軟，但不像「金鳳」般入口即溶化如無物，仍然帶點咬口，而最討人歡喜的是這裡的黑椒汁，味道很搶很濃郁，印象中好耐無食過做得如此出色的黑椒汁了！我則要了鑊仔牛柳黑椒意粉，本來要五成熟的，稍稍過熟了一點，問題也不大，帶些微血紅色的肉略有韌勁，而且牛柳足足有三大塊，份量絕對適合一眾發育中的年青人。意粉則感覺港式，煮得偏腍，但如果撈汁混入雜豆同吃，亦夠風味。最後來杯凍檸樂，是用舊式汽水機沖的，開頭以為無乜氣泡，點知篤一篤檸檬就黎料，食完濃烈的牛扒，飲一啖透心涼的可樂，真係爽丫丫！

見呢到d人比咁高分佢, 今日行過就入去試下入到去第一個感覺係好古老 ... 我鐘意呢 我叫左個牛柳 (鐡板), 而朋友叫左個T骨 (鐡板)先嚟的是多士同湯 正~~~ 比我想像好好多, 好好味, 好正!之後到T骨, 睇上嚟好大件 ... 一切開 ... 明明我地話要7成, 點解會係10成? 真係好失望呢 .... 入口 ... 好林, 有少少牛味, 但唔重到牛柳, 一樣, 10成熟的, 呢個比T骨重差, 一D牛味都冇, 只係得個林字飲品方面, 我叫左雜果冰, 朋友要奶茶, 雜果冰係糖水加雜果, 唔好飲, 太甜, 反而朋友話奶茶唔錯雖然佢價錢唔貴, 可以話好平添, 但我寧願比多少少錢, 食好D囉 ...

叫左個牛柳鐵板餐，飲紅湯同檸水　＄　６３個牛柳真係掂呀，我個人覺得比金鳳個牛柳重要好食，不過汁就太多啦我覺得，紅湯一般啦，無咩特別，杯凍檸水好甜呀．．如果你要食唔貴又ｏｋ既，美而廉係金鳳外，又一選擇，首先，大家遇左呢度係好舊同好茶記ｆｅｅｌ，食扒來講都唔錯，但除左扒外既野食就真係一般茶記野唔錯既，一試無妨，咁既價錢我個人來講覺得幾好啦

去美而廉,通常都係食佢地ge鐵板,但係今次唔係好肚餓,諗住食少d,就試下佢地個燴蝦意粉送到黎ge時候見到個樣,都已經有d後悔,一碟意粉上面有幾隻蝦,唔算大又唔算細,但係焗燶左d....跟住有d雜豆配菜,就咩都無味道方面,蝦已經燶左....就當然硬la,意粉雖然拌有洋蔥汁,但都係無味散叫無湯無飲品,四十幾蚊,失望!

從飲食雜誌知道，這間食肆創於1963年，來的人都叫套餐，因為只提供套餐，套餐午晚不同。 午餐有四款選擇，一客包餐湯多士扒飯和餐飲，都只收$30，而且份量十足，「美而廉」真的實至名歸!環境裝修沒有，光猛而且冷氣足，伙計雖然上了年紀，但快和準。 多是街坊熟客幫襯，有人情味!雞扒大件好夠味道，而且皮脆有肉汁; 多士和餐湯普普通通; 奶茶有水準。 好ok!

琴日，我路過Li間餐廳，見個肚餓到打鼓，就入去試下。一入去卑我個印象麻麻地，好似好污糟。我使旦叫個牛柳，重有要羅宋湯。見到人地個餐好香啊！一嚟到個包幾好食，個羅宋湯幾酸，可以令人開胃。個牛柳一食，勁諗啊，令人。超好食！真係 美而廉

幾年前係附近讀書 中午時間會同同學來食飯.. 個陣已經覺得午餐係美 而 廉...估唔到隔左咁多年後番到來..今次係食晚餐 好懷念...入到去勁多人...間野完全冇西餐廳既感覺..雖然係好舊好舊..但點睇都似茶餐廳多d....好開心 剛好有人走 於是坐左係4人卡位...基本上差唔多全部都係卡位見到d 餐牌好舊式...伙計都係上左年紀的...但一d嫌棄既感覺都冇..反而多了一份親切...因為伙計講野幾豪氣...但正正呢份自然 多了d人情味...同埋証明 有番咁上下歲數 都仲係有工作能力...伙計兜兜轉轉 一手拿3份鐵板 完全冇難度....入番正題...因為想試飯 又想試扒既關係...所以叫了焗豬扒飯+牛扒餐... 2個都有羅宋湯+蒜蓉多士跟...仲有餐飲..先上個湯...味道ok, 而且料都足夠..只是有少少辣..多士後上..好香好脆 而且係熱既..加埋湯度食 好味道..再上焗飯...但完全feel唔到係焗出來..而且係用碟上..正常唔會拿隻碟去焗掛?? 而且唔係想像中咁熱..但炒飯底始終好香...汁都夠濃夠多...起碼d汁唔會溝水溝到味都冇...牛扒最後...配香蒜汁...一倒汁落塊牛牛

一排冇食~想据扒當然第一時間諗起美而廉啦去到就點左一份黑椒牛扒，朋友就點左黑椒牛柳，仲有黑椒雜扒首先上左餐湯同蒜蓉多士品質不變~而且可以睇到伙記單手捧三碗一陣香味撲鼻而來就知道鐵板要上啦!黑椒牛扒似乎有所退步牛肉肉質非常"鞋口"食落好似豬扒咁牛柳就嫩口得多不過叫都叫左後悔都冇用飲品方面，依然首推凍檸茶朋友叫左杯凍奶茶唔知係咪換左個英國人師傅杯奶茶十足英式奶茶咁勁重奶味完全冇糖希望下次再去時會有改善吧

到過屬於六、七十年代的中國冰室後，我倆來到屬於八十年代的美而廉。大份的鐵板餐、大碟而多的焗豬扒意粉、不花巧的味道、實木卡座、老而堅的侍應，把八十年代的好時光都凝住了。佳人樂透了！願我倆像小店一樣，老而堅。