美而廉餐廳 (已結業)

今晚，我老公提議去食美而廉，是但啦，話晒係舊時的老名牌，點都要試下啦！我老公叫左個牛扒雞翼鐵板$60，成碟都黑黑的，個賣相一d都唔得，不過，食落都算ok，但60蚊可以食到其他更美味的野，就連大家樂都比它好十倍。而我就叫左個焗黃金蝦球意粉$44，話名係焗，但分明就是燴，簡直坤人！呢個意粉，一見到已經唔想食，d意粉又諗又短又斷，好似係將d餸頭餸尾no埋一碟咁，仲有d蝦唔新鮮，勁難食。總之，點都唔會有下一次。

講真而家係旺角區租金咁貴, 我覺得呢間真係夠平, 我食左個T骨牛扒, 58蚊有什果賓治, 又有湯又有餐包, 件扒仲要有成半張A4紙咁大, 仲要係幾好食添, 我覺得想搵平d 又有咁既質素好難!!只於有人話佢地叫個餐兩份食, 其實之前已經有人上過法庭啦,爭論呢個point, 法官都話係美而廉勝, 人地都寫每人最低消費, 係指每個人叫既野食都要過指定既價錢, 大家唔好再係度話叫一份除二就得啦! 唔知既, 睇多d新聞喇!

即便在下午茶時段, 侍應也一律以白襯衣, 黑煲呔上陣, 打扮齊整, 像要說明: 美而廉的格局雖然像 "冰室", 但骨子裡還是西餐廳來的...平常光顧的茶餐, 附送的方包多是一塊冷硬的牛油, 依附在同樣冷硬的白麵包裡面就算; 這裡卻講究得多, 用的是剛烘好的薄身多士, 中間均勻地塗上...蒜蓉牛油! 從細微處可見老字號的執著...

晚餐- 雞扒腸仔$43係旺角區, 唔算平啦!餐包係方包搽牛油, 一開二成兩片, 好似慳左少少wo.餐湯, 羅宋湯, 不過不失啦.碟飯份量都算大碟, 夠飽. 雞扒同腸仔都係好普通, 無特別, 唔難食又唔可以叫好味.餐茶, 無縮水, 都算幾大杯.睇落間舖似幾十年無裝修過, 好舊式既格局, 坐位好迫下, 坐卡位, 都差d都頂到對面枱 人對腳. 伙計都係老一輩既, 同間舖一樣, 有著同樣既懷舊作風.

finallie get a chance to try...=]i ordered a 帶子焗龍俐飯好快手～好大碟。一見都D橙色汁原以為係啟tomato sacue. 我最憎tomato sauce..點知原來係好耐無食果的快餐店燒汁^0^D 魚魚好多好大塊～～～５愛食飯的我居然成碟KO得晒～呵呵凍飲又５洗加$$ 仲可以揀beer @0@|個老闆仲５收貼士～～～叫我下次再嚟幫襯^^for sure will go again~~~

本應平安夜去食餐晚飯是開心不過的事！但是有時想同做是兩回事！事源在上址晚善,坐後看餐牌後我立即點了晚餐,即猪扒意,牛油包,忌亷湯加凍OT!$45(難食都頂)不到１分鐘我朋友話想食聖誕二人餐,正當我叫伙記轉單,厨房已把全份晚餐送上(快過快餐),伙記還說已出了所以無得轉,之後我們只好兩粉食！吃完後拿單去比錢時,他要我多比13元正,我朋友話點解我們只看單比錢,其它一概不會比,況且我們是夾錢食飯的,每人都超過$13啦！你話每人最底消費$13咁我朋友,係呢度用左$20,而我又用左$25！咁你點講都講唔通啦！

其實會去美而廉，有一半係茶餐廳情意結，格局、味道真係同以前老香港既茶餐廳一樣。不過黎到呢個年代，好多後生以為掛住個廉字就要做賤價生意…老實講，美而廉價錢中等，但份量十足，仲嫌人地貴？起旺角區既茶餐廳，能夠同佢比既一隻手數晒，其他平過佢又份量多過佢既茶餐廳你又up唔up得出？做客人當然想平想大份，但自問呢個世界有無咁著數？人地係老字號，做左咁耐仲起度既茶餐廳，起旺角真係唔係好多間…老套？呢排興叫集體回憶美而廉既下午茶，係我最愛

美而廉，當年以「平靚正」扒餐起家，有三十多年的歷史；現時剩下的，只有寥寥可數的幾間。可以說它堅守傳統，又可以說它不思進取- 味道十年如一，食物、格局、價錢不大成正比，很多人說這樣的價錢，去花園餐廳鋸扒好過。不過，李派林喼汁味的「黃金蝦燴飯」，你試過未？份量多到鐵板也裝不住的熱辣辣炒麵，你又久違了多久？店，總有值得去的地方的。延伸閱讀：http://q2kill.blogspot.com/2007/05/blog-post_31.html

想搵一個特別的小矮人公仔，去旺角找，不過好多鋪都close左，於是食飯．心血來潮想食窩蛋牛肉飯，S提議去美而廉，OK!個窩蛋牛飯好快到，味道同想像中一樣，好味道!夠晒濃，I Like It! 細個成日食窩蛋牛，現在食返好有童年感覺!S要個鐵板鑊仔牛柳，好韌! But預左，呵～

想搵一個特別的小矮人公仔，去旺角找，不過好多鋪都close左，於是食飯．心血來潮想食窩蛋牛肉飯，S提議去美而廉，OK!個窩蛋牛飯好快到，味道同想像中一樣，好味道!夠晒濃，I Like It! 細個成日食窩蛋牛，現在食返好有童年感覺!S要個鐵板鑊仔牛柳，好韌! But預左，呵～

正如其他食家話齊, 美而廉......又快又大碟, 一般質素都幾好, 以佢呢個價錢計. 雖然嘈d, 咁茶餐廳, 係咁上下, 食完咪走囉. 仲有d 老伙計, 好快手呀,有種親切感......

45蚊(無加一)包括:湯+ 蒜蓉多士兩塊鐵板牛扒餐熱奶茶湯很稀(失望﹐細個食個時唔係咁架! 我係好懷念個杰杰既羅宋湯所以先去架喳!!)Garlic Toast咪toast有garlic butter咁囉! ok 喇~牛扒餐﹐牛落左太多梳打粉喇﹐攪到D肉好霉毫無牛味。蒜蓉汁唔掂﹔係一pat粉漿囉! 薯條諗晒係正常o既﹐但D冰豆豆"saap"到食都甩埋就過份左少少囉!杯奶茶唔錯但唔知點解有少許麥精味! 我朋友喝了一口後都覺係!! 但ok喎﹐個味又夾到~唔美味但絕對廉!! 我諗如果我有機會去開個頭都再去﹐因為好平又唔算難食!!

認識美而廉係o係港聞版一單新聞,因食客未食滿'每人'最低之消費,後尾有警察黎調停糾紛XDD 我去o既係旺角店,並唔係文中既深水'土步'店,我唔會叫佢茶餐廳,舊式餐廳好似貼切d,不過估唔到呢度既食客多數都係後生一輩(算係啦XD),同埋多數係男人添....waiter就清一色阿叔,佢地o既食物唔係話特別好食,同埋旺角區都唔算平,係唔係美而廉就見人見智但係唔知點解就係鍾意久唔久就去食下,可能係因為佢多set,o岩我!同埋差唔多全店卡位,四人去就迫少少,同埋佢地跟餐d 羅宋湯同蒜茸多士而家o係出面好少有餐廳食到了,好味!d main course 就普通啦.

服務態度極差，待應隨意寫單，開天殺價，單叫一杯紅豆冰竟敢寫17元正，而杯冰夠膽死用大大粒的冰，而不是冰碎。最好笑是我問他18元那個下午茶餐寫明包大大杯凍飲的凍飲有沒有紅豆永，可否讓我改單飲為餐，佢竟又說18元的下午茶餐要多加8元才有姐豆冰，我問點解咁貴，佢先縮水話加5元，點知個18元餐(豬扒包)來到，真係笑到我死，用長長的大熱狗包來夾一塊同火機差唔多大的豬扒，冇野好講啦！最後我個「醜而貴」下午茶用左23元，只好怪自己黑仔。我已決定永不光顧此店，以免再咁黑仔！

食左差唔多十年,去親旺角食Lunch好多時都響呢度.廿幾蚊一個午餐,有湯,多士,主食同飲品(凍飲唔駛加錢).呢度d扒好好食,其他如肉醬意粉都唔錯.當然環境就舊d,但食開有感情,呢度都留低小弟唔少回憶.