義香荳腐食品

營業中

休息中

未到晚飯時間又想食dd野黎左呢度食叫左兩碗豆腐花,一凍一熱凍既始終冇咁滑熱既就非常正~夠豆味夠香又夠滑..正~個蘿蔔糕就差d啦..煎得唔夠..而且都有粉團煎耐少少就good

去到九龍城想食豆腐花, 仲要一次過要試匀兩間舊式豆品老店. 首先來義香, 呢間豆品店係街市斜對面, 雖然衛生程度麻麻, 但係始終呢類前鋪後工場的老店都有番咁上下水準我叫左一碗熱豆腐花(堂食$6), 豆腐花賣相麻麻, ‘筆’得一d都唔靚仔, 但係食落去都算軟滑, 好有豆香, 熱食配黃糖真係好正, 熱食應該比凍食更加食到黃豆香跟住叫左個煎豆腐($6), 豆腐有三件, 用半煎炸形式煮成, 雖然煎得比較過火同老左d, 但係熱辣辣而且豆味濃郁, 釀上配角鯪魚肉, 真係又平又好食, 如果下次幫襯要試下青椒三寶, 因為見到人地食緊一又香又大碟, 我諗食一碟都飽晒雖然主理人好有性格, 但寸得來都尚算有禮, 而且呢類幾十年老店都好有水準, 隔離街的公和要加把勁啦

與『Iker casillas』黎食，點了韭菜餅2件(6元件)，煎豆腐(6元3件)，炸雲吞(6元6件)，黑豆豆漿2杯(5元杯)。最鍾意佢地的韭菜餅，嘩！韭菜餅依然咁好食，脆脆地又煙煙韌韌，正！煎豆腐熱辣辣好好食，點甜、辣醬真係一絶！炸雲吞只有少少脆，麻麻地，而且真係好油膩下。黑豆豆漿ok啦，唔太甜。今日無熱豆腐花，要成二點半才有。我見好多人食唔到熱豆腐花而走人，有d人話二點半才再來過。不過金毛老板娘都幾串，有人借電話，佢話電話係用黎做生意，不外借。之後，又有人借廁所，佢話我地係唔會借廁所裨人！(金毛老板娘可以叫人地不如過對面街市的廁所咪得咯！)下次會同媽咪黎，佢鍾意食熱豆腐花。

一個簡單平凡的韮菜粿，對我來說是充滿著童年回憶。還記得小時候大約六歲左右，從上午校回家後最期待的事情，就是跟母親一起到附近的菜市場。除了是因為在菜市場有很多吸引人的事物，同時也是因為若有同行便必定吃下午茶(所以我是相信性格是三歲定八十的)，雖然要幫忙拿餸菜回家，但能吃到美味的小食，甚麼辛勞也早已拋諸腦後了。第一次接觸韮菜粿時，是在樂富邨的單位仍是沒有獨立廁所的年代。那個小食檔除了炸蘿蔔絲餅外，最令我印象深刻的就是其好味韮菜粿了。事隔快數十年，差不多已把這個小食遺忘了，直至上次跟女友在閒逛龍城時經過這裡，聞到正在煎韮菜粿那陣熟悉的香味，便決定了這時來臨的決心。在一會小飯局之前，本來不該多吃食物的，但是下班回家後看看時鐘才還有個多小時，心血來潮之下致電過來食店問一下還有沒有韮菜粿出售。老闆娘語帶驚訝的說:你要幾多有幾多，總之我收舖前你落o黎就一定有得食。聽到這裡便立即掛線，再以極速換衣服，不用十分鐘便已經登上計程車向著目標出發。到達時看到店還沒關上，心也就安心下來。在點小吃時被老闆娘認出我是剛才致電的人，她說我是第一個致電來問還有沒有韮菜粿賣的客人，之後她便帶著微笑過來著另一位店員來烹調食

之前食過公和個d3寶...覺得麻麻其實係好多鋪頭出左名之後質數都下降左食物水平今次試過第2間..知道依區依間都幾出名所以黎試下首先真係即叫即整先啦幾時都係熱辣辣好味茄子好滑,青椒唔會變左色,仲好脆,豆腐好滑佢d餡即係魚肉...好香果皮味..本人不太愛果皮都接受到整體好好..下次會試下佢其他豆製甜品(知道佢d大菜糕,水晶珠都好多人讚)但環境真係麻麻..同隔離街間公和差不多所以接受唔到就外賣嚕^3^

男友話呢0度0既豆腐花都幾出名，食晚飯之前拉我0黎試下~叫0左熱豆花，唔係好滑0者，連0的水都係奶白色，但都唔覺豆味濃...仲食0左煎豆腐，煎豆腐竟然比豆花滑，好味，不過好多油呀...環境唔得，食到出晒汗，臨走買0左大支黑豆漿，真係好大支，不過味道應該普通豆漿好0的.

一直都好想去義香試o下出名既豆花。今日放左工，一個人又唔想食成個飯，就去義香食個豆腐花環境，當然麻麻啦，不過，街市豆腐舖係咁樣架啦。睇個餐牌，除左豆花豆漿，都算幾多野食，有紅豆沙，煎三寶，九菜餅，碗仔翅，米粉都有。叫左個熱豆花($6)，細細碗裝得好滿，滿到叔叔隻手插左入去.....可能期望過高，又或者我幫襯得太遲....畢到桶底，豆花一d都唔滑，豆味亦唔見好香濃。台面果樽比你自己再添既黃糖....混左好多砂糖.....。我覺得上多幾條街既公和好食d。同大澳，甚至澳門專食豆腐麵(唔記得左咩名) 既豆花, 直情冇得比。由於唔信邪，叫多碟煎釀豆腐($5), 一碟3件，大大件幾抵食。果件係硬豆腐，我麻麻地鐘意, 不過又煎得幾香口既。食完好飽......本來仲想食大菜糕，都食唔落。總結，除非路過.....否則真係唔使專登o黎食....

今日九龍城有成37度,,,熱到溶咁濟緊.../.\"經過義香心血來潮走左入去食野,,,兩個人食...叫左碗凍豆花同芒果大菜糕本身想要熱豆花...因為一直覺得凍豆花會比較鞋口...但因為天氣實在太熱...死就死啦!!!好彩吃落仍然都係好滑溜,,,豆味仲好濃,,,芒果大菜糕亦比想象中好味,,,佢另外仲有好多味,,,都幾特別嫁,,,放低$12就走人繼續熱喇,,,

點解d人唔講下依個豆腐花既??好, 就等我黎講下先!!!其實我由中學時期己經開始幫襯義香, 有十幾年, 鄰近九龍城街市, 九龍城廣場, 交通尚算方便。依幾年帶女朋友去義香食, 佢都開始鍾意食, haha, 好, 入正題。依碗水晶珠什果豆腐花(又稱"什珠花",$10), 你咁講阿姐會明的, 佢仲會問你加唔加奶, 態度友善, 非常親切。講下依碗豆花, 佢係凍食, 一定無熱豆花咁好食, 但仍不失其吸引之處。入面有好似西米咁既野, 透明好大粒, 但係咬落好爽, 好彈牙, 一d唔似西米質感不錯。加上什果份量唔少, so, 係夏日消暑推介。環境方面, 其他食客大部份己經介紹過, 不多說了, 義香係老店, 無冷氣, 怕熱的人可以選擇"外賣"。補充: 去義香千祈唔好太夜去, 因為.....好似7-8pm過後佢只係做外賣, so 唔好太晏去

坐在中間長枱，頭頂橫樑，思量着灰色鐡書枱的歲數，看着偌大的31號日曆（背後是一號，又撕掉一個月），乘着吊扇吹來的微風，我寫下我的餐後感：真才實料，不怕貨比貨；貨真價實，才能屹立不倒。堅持，需要勇氣去欣賞別人，去認清自己，老店做到，做緊，亦會繼續做。那麽我們呢？（又撕掉一個月。。。。）豆漿：6元煎釀豆腐：6元3大件

見到咁多好評語，所以好想黎食，可惜第一次黎好多人，所以冇食........第二次黎見到有位，所以就入去食啦......................叫左個$6熱豆花和$10三個的釀豆腐.................熱豆花都幾滑喎，又好有豆味，真係唔錯.........釀豆腐即叫即炸，熱辣辣，一黎到已經嚇親，因為都幾大舊喎.........豆腐都有豆味，釀埋d魚肉炸，而且佢地有在豆腐上淋左d鼓油，自已再加d甜醬點就真係好好味..........黎道仲有糖水和其他小食，好似幾好味咁，要再黎試下.........

喜歡吃豆腐花，經常到 深水埗及九龍城的公和豆品吃，也會到不同的鋪頭試 - 如南丫島建興亞婆、索罟灣鮮果甜品店 (已結業)。今次專誠去試九龍城的義香，到了鋪頭，鋪頭幾闊落乾淨，是一間位於路面街市的五十年老店，兼賣小食的豆腐店 (燒賣、煎釀三寶、炒粉 、黑豆漿、豆類製品 )。老闆娘講說話很爽直、豪氣，起初有點嚇親，坐落見佢招呼啲客，原來好 nice。要了一個熱豆花、燒賣、煎釀三寶和豆漿 。豆花很香‥豆香味，雖然唔係食過口感最滑的豆花 (索罟灣鮮果甜品及九龍城公和)，但味道卻是最好的，很有豆香味小食雙併 $10 幾大碟：燒賣味道、口感也不錯，煎釀三寶和一般吃到的差不多，豆漿也好喝，價錢唔貴大碟，抵食。以後大頭喵的豆花食堂要轉嚟呢度啦！

豆花口感有點海綿感覺一流,豆漿亦有點豆味,不過豆味並不重,像溝了水,但還可以接受,整體來講算不錯,比旺角那間廖同x乾淨好多

五月十日(六)老婆上次食完義香後，念念不忘佢香滑既豆腐花，所以今日專誠過黎食番碗。本人亦都想試試佢既豆漿，吃完串燒後已急不及侍前往義香~ 點了兩碗熱豆腐花、一凍豆漿、另一杯大菜糕外賣~熱豆腐花($6)依然係非常非常香滑，以質地然言實在無可挑剔，絕對係香港頂級豆腐花。今次食到碗底亦都未見怪味GOOD~凍豆漿($6)一啖飲落感覺到網友所言燶燶地味道，但老婆和我都不太喜歡這種味道，感覺公和的豆漿較清甜可口一點，$6一杯比起公和$4及豆腐花有點貴~大菜糕($6) 麻麻地看到雪柜放滿各種味道的大菜糕，小說也有十種。這次選擇了原味，清清淡淡，有種淡如水既感覺，質地則非常好，夠爽口。總整而言，不喜歡這樣清淡無味的"甜"品，因為杯裝關係蛋絲亦沉在杯底，感覺不到平時原味大菜糕的蛋香～天氣開始轉熱，舖內無冷氣既缺憾表露無遺，今天已較前兩天清涼，但在裡面吃熱豆腐花還是有點辛苦，不敢想像夏天三十度高溫時會怎樣～雖然大菜糕影響了評分，但$24又食又拎，真係抵過係X記度食碗糖水好多~ 滿意～

來 到 九 龍 城 ..... 想 到 義 香 好 評 如 潮、、當 然 要 來 試 試。外 賣 了 一 碗 熱 豆 花 ( $ 8 ) 和 釀 豆 腐 ( $ 1 0 )先 嘗 熱 豆 花 ......的 確 很 滑 而 且 荳 味 十 足而 釀 豆 腐 是 新 鮮 煎 好 的 、熱 騰 騰 的 豆 腐 賣 相 當 然 吸 引,,,,,可 惜 我 認 為 豆 腐 不 及 豆 花 的 荳 味 香 濃。不 過 口 感 不 錯 ....... 不 會 一 夾 即 散 讓 人 不 會 吃 得 狼 狽。