義香荳腐食品

營業中

休息中

呢間荳品店，陪著我成長。以前小時候，總是喜歡到那裡嘗嘗那裡的熱豆漿，那時才$2.50一大碗。好好飲，好過果d咩百褔…十年後既今日再去飲荳漿的質素依然沒有變我買了一大樽來喝，抵呀, $16蚊大樽裝^^同ssp公和比, ssp果d荳漿係甜好多好多呢度d荳漿就比較中等，唔太甜唔太淡，岩岩好要我評分，公和荳漿我會比9分，呢度我會比8分

睇完電視o黎試o下...試o左豆漿/炸腸仔三寶/青椒三寶...豆漿幾香...幾真材實料...炸腸仔三寶原來即係一條腸仔, 幾粒燒賣, 幾粒魚蛋..青椒三寶就係兩o舊青椒, 兩o舊矮瓜, 兩o舊豆腐..可能我唔鍾意食豆腐...自己覺得o舊豆腐無乜特別...但係囡囡就話叫幾好...不過叫完o野...都要等幾耐...又漏單...又俾錯人...要係咁不斷追佢先得...同埋入面都幾勁油煙味...

都算多年老店平時一碗要$1 0豆腐花now $5 only (hot)我知出面再平都有但kln city就係冇+,我深信佢地0既豆腐花係會唔錯(coz'之前飲過佢地d豆漿都好好飲)可惜,我0既assumption錯了前兩日我行過見好多人買心郁郁又買埋一份返到屋企即時consume冇糖漿(要的話$10),得黃糖所以淡d,但都ok食落都覺唔滑,有d失望點知一碗豆腐花食唔晒原因有兩個:1)食到尾冇糖水太淡2)食得多鞋,唔想食下次都係飲豆漿算喇記:不豆腐花0既人對d豆腐花好粗魯。雖然食0既時候會爛,但都唔想未食就咁。improve一下比較好。actually交易過程太短,冇服務可言。

有野要落九龍城買，行過門口見到呢間野專賣豆製食品，心諗品質都會有保證，於是入去食番碗豆腐花。坐低叫左碗熱豆腐花。等緊碗豆花既時候見到餐牌上寫住炸素雞，因為本身幾鍾意食素雞而且又太耐冇食，所以即刻叫左碟黎食。豆腐花：個人認為豆腐花熱食先夠香，入口好滑，亦夠豆香，加上適量黃糖，甜味剛剛好，唔錯。炸素雞：見佢即叫即炸，首先一定夠新鮮熱辣。炸得亦夠，岩岩好，唔會太乾，可能係香口野又可能係因為太耐冇食，所以食唔停口。記得好似有2大條，一開四咁切，都係6蚊，都幾抵。食完好飽，埋單都係11蚊，好平。個人認為拍得住公和。呢度環境就麻麻，如唔慣既朋友最好都係外賣。

某一日﹐差唔多半年前la...行過九龍城街市..比我見到間好似賣豆付,豆漿既舖頭﹐初初以為冇乜特別﹐但發覺佢唔止賣豆品外﹐仲有堂食...但一個人又想去寨城公園坐下冇入去食﹐反而叫左碗豆花外賣走﹐坐低即食﹐點知...........我決定下次再黎九龍城我必再到過多個星期我真係路過﹐不妨入去試試...叫左一碗熱豆花..同一件蘿白糕...因為我覺得豆花要熱先好食一入口﹐竟然滑到一野入左口咁滯﹐好誇張呀...未食過咁好味既豆付花...點可以軟滑ga lei?...只係五蚊咋.......去d 屋?街市食咁冇咁抵...外賣同價蘿白糕我用平常心叫左﹐因為冇乜期望佢仲可以乜野特別﹐最緊要唔難食就得﹐但係一黎到件蘿白糕好熱﹐因為即煎﹐而且超大件﹐見到入面全蘿白絲架..唔係用粉造...淨係呢點我都冇哂食講﹐即食la....睇黎間野好似係家庭式經營﹐所以覺得好親切﹐尤其果個勁好記性又忙到唔停得手既女人(我估佢係老板).最後都係覺得我好幸運又比我發掘到間又平又好食野舖頭

星期日中午同媽咪到九龍城閒逛. 行到衙前塱道, 遠遠見到街尾一個大招牌寫住"義香豆品", 覺得店名好熟, 就同媽咪行過黎睇下. 啊! 原來係蔡瀾o係我有買開o既雜誌專欄介紹過o既一間小店! 橫豎我同媽咪都行得有d攰, 就坐低抖抖, 見識下小店o既功夫.食左件煎蘿蔔糕, 同埋一碗熱豆腐花. 蘿蔔糕$5一件大大件, 白雪雪無乜落到配料, 外層香脆, 中間濕潤, 仲食到一條條蘿蔔絲, 係我鍾意o既類型. 熱豆腐花落黃糖唔係落糖水, 我鍾意呀! 而家新式糖水舖成日都用糖水而棄黃糖, 但係黃糖獨有o既香味係糖水不能代替嫁!天氣涼涼地, 食熱辣辣o既蘿蔔糕同豆腐花, 係一大享受!