羽山冰室 (已結業)

難得下晝冇嘢做樂雞地睇吓有咩餐廳食個下午茶，發現有一間裝修好有品味，而且個老闆係愛貓人士成日會帶貓貓老細落去巡店😍😍 今日食咗個忌廉汁焗羽山雞扒飯，出奇地豬扒幾鬆軟，而且仲掛到汁表面焗到少少焦黃，係合格嘅👍🏻👍🏻👍🏻 同埋份量好多，絕對飽肚👌🏻

元朗真係好多高質小店💛連茶餐廳都竟然可以咁好味、咁有水準😋😋👍咖喱羽山燒雞扒撈丁 $47去得茶餐廳，想試質素就一定係食咖喱😋咖喱個味好香濃，小小辣👍👍無加椰汁，👧🏻平時最怕食到有椰汁既咖喱🤣🤣質地岩岩好可以做到掛麵既狀態，每一啖都有濃濃既咖喱香味😋😋雞扒都好小可食到咁出色👍👍食到裡面都有好香既燒汁味，而且煎既時間岩岩好，雞扒好juicy多汁👍大大塊超級飽三重芝士汁焗龍脷柳飯 $53睇得出廚房整野食好用心👍每一塊龍脷柳都炸過，同埋焗飯係炒飯底，令到整體都更加香口好味👍龍脷柳大大條，無乜雪味👍👍三重芝士真係好香，咸咸芝士味配上炒飯，真係好出色，好好味😋😋👍跟餐仲要有中湯同飲品，對於無湯水既👧🏻👦🏽真係因物😍湯都好香甜，飲完唔會口渴👍好多街坊入到去都會即刻問有冇湯飲架🤣👍

今日叫左兩個飯，一個焗豬飯，一個肉燥豬飯，兩個飯餐牌都寫明厚切，但上到枱後，中伏。咁都叫厚切？同普通冇分別喎。味道又淡，可能正如佢講冇味精吧。溫泉蛋上到枱已經溶晒，散晒，得返啖蛋白…….最後，仲條膠線喺飯度😥😥

嚟開附近諗住食個早餐，見呢間裝修幾特別就入嚟試下，點知真係勁失望！食物賣相就唔錯，但食落唔係嗰回事…叫咗個蕃茄湯雞扒通心粉，配炒蛋同蒜蓉丹麥多士，雞扒過老，口感乾乾柴柴，好難切！蕃茄湯普普通通冇乜特別，通心粉略稔冇口感…炒蛋有蛋殼，冇乜味…多士唔係丹麥多士，只係普通多士，仲要凍冰冰，又唔知翻熱過幾多次韌到不得了…奶茶正常，已經算係成個餐最好嘅嘢…職員態度麻麻，而且有食客冇戴口罩喺店內周圍走，職員冇理會…欠缺防疫、衛生意識…唔會再嚟食！

今日返半日，放工仲要去馬田村附近買嘢，臨近回程時就用apps落咗羽山冰室的外賣送餐，係第一次幫襯。家人揀咗香濃蕃茄薯仔湯鮮牛肉通粉，呢個餐除咗牛肉美味外，薯仔夠淋，湯夠濃但又唔會太咸，通粉的口感亦滿意。我揀咗椒鹽雞扒飯炒底，椒鹽的份量好夠，令到雞扒的整體效果一流，而且雞扒的份量亦好夠。個炒飯夠乾身，食落口感滿足。其中跟餐的多士，亦一啲都唔馬虎！我地另外叫會咗份西多士，雖然係外賣及放咗一陣，但食的時候仲係口感OK。整體全部食物都令人滿意，同時感覺到羽山冰室對食物的認真。

又到中午放飯時間，今日決定試呢間羽山冰室，睇過好多評價都話唔錯，d款式都幾多，今日就黎試試啦。小店主打3.6牛乳炒蛋，餐牌上好多都離唔開炒蛋，但配搭都幾多，唔想食飯除左普通常餐仲有蕃茄濃湯麵食，或者想食包類都有3文治餐，都有飲品跟。跟餐有老火湯送，無味精味道還好啦。燒汁吉列豬排滑蛋蓋飯，吉列豬排係港式吉列豬，小弟都鍾意食港式吉豬多過日式，炸得幾香脆係乾左少少，面頭加左好多燒汁同紫菜碎食落就無咁乾，炒滑蛋俾豬排同飯既熱力冚住已經偏熟左d，但食落都好滑，可能加左牛乳既關係，飯軟硬適中，飯會有d榨菜跟俾你，偏咸同少少辣，唔鍾意既朋友記得叫侍應姐姐走左佢啦，講真個成個飯好食過好多日式餐廳果d喎，價錢又差唔多。照燒雞排炒滑蛋飯，呢份炒蛋相對賣相會靚好多，雞排都正常無咩特別，都係會跟榨菜。

喺OpenRice度睇睇下覺得呢間冰室裝修都幾靚喎 啲嘢食好似OK 就喺呢度食過「早午餐」 其實見到椒鹽豬扒 好想食 但因為早餐食唔到咁多 所以揀咗個沙嗲牛肉通粉😃平時食丹麥多士都係普通甜甜地 但呢個加埋牛油蒜蓉 比較惹味 炒蛋正常 加埋火腿冇咁單調沙嗲牛肉通粉 呢個呢感覺就冇咁醬 清淡啲 都OK嘅 👍🏼重點係我覺得佢個例湯今次係粟米蘿蔔 好鮮甜 （我真係想知有冇加糖😂😂）總括來講我覺得都幾好食嘅 下次會再試其他嘢👍🏼

裝修設計有心思 玩味感十足而且仲有貓店長間唔中駐場看鋪小店座位有啲逼夾 同上手餐廳一樣😂🐽 早餐 𝙴 厚切豬扒 𝟹.𝟼牛乳炒滑蛋 漢堡扒 $𝟹𝟿香煎豬扒 夠入味 肉質細嫩 厚薄自己睇圖評價滑蛋外層滑嘟嘟 但切開老左少少無咩流心效果外加 $𝟻 多士轉薯餅 即叫即炸 香脆香口🐟 早餐𝙴 吉烈魚柳 腸仔 煙肉 $𝟹𝟿魚柳比上一手同鋪位既匡樂冰室𝚂𝚒𝚣𝚎細左一半不過都一樣炸到脆脆的多士嘅蒜蓉唔係好夠 腸仔煙肉不過不失另外仲有茄汁豆 沙律菜配菜 性價比唔錯🍜 早餐 𝙰 沙嗲牛肉麵 𝟹.𝟼牛乳炒滑蛋 多士 $𝟹𝟻正常茶記沙嗲牛肉麵一個相反呢份炒蛋就炒到半生熟 仲有蛋汁流出🤤另外叫左杯即磨咖啡 ☕️ 還可以@mountaincafee #羽山冰室-整體 𝟻💓滿分味道 ❤️🧡💛價錢 ❤️🧡💛服務 ❤️🧡💛💚環境 ❤️🧡💛

工作忙碌只能吃個快飯都可以揀間良心小店💛今次嚟見唔到🐱大老闆，希望下次有機會啦！羽山燒雞扒牛乳炒蛋飯 $52蔥油豬頸肉拼牛乳炒蛋飯 $52呢度本menu畫得好靚，有大老闆㗎，連熱飲枝棒棒都有😻冰室嘅滑蛋飯一定冇得輸，所長大推豬頸肉，唔會太肥又唔會韌！飯會有伴少少榨菜平衡下個油膩感👍🏻午市仲有例湯，都幾抵食💰杯茶走都合格，所長喺元朗又多一個飯堂了💛

下午茶時段見到有人排隊，係門口見到有隻可愛貓貓，一於決定幫襯下！餐廳座位唔多都坐得幾迫，自從轉手改名後都係第一次幫襯。試左椒鹽豬扒飯炒底同埋招牌雞扒滑蛋飯，坐喺隔離都見到侍應不停包外賣，生意好好。咁啱聽到椒鹽豬扒飯係我叫完之後就停，應該就係最後一碟，上碟嘅時候只係微溫，而且豬扒偏咸，而且係好咸既咖喱醃味多過係椒鹽味，可能咁啱最後一碟所以唔好彩。然後餐飲既杯同埋餐具衛生都有待改善。相反朋友嘅雞扒滑蛋飯就新鮮熱辣得多，滑蛋好滑，另外仲配左啲蔥油同埋麻辣榨菜，雞扒都好Juicy，對比起上嚟呢個出色好多。

這間餐廳出品非常有成意！ 全店採用日本蛋,米飯也是珍珠米！ 叫了兩個外賣都好好食！ 早一天堂食常餐也非常美味,好出色嘅蔥花火腿炒蛋加丹麥多士,仲有生滾芫茜薑絲滑牛湯米！

住在元朗國，經常經過羽山冰室都有人排隊，今日就帶啤先生一同試試。 星期六下午時段到達，取票第三台，大約等了十五分鐘便入座。甫打開餐牌便覺得十分有玩味，以貓公仔作主題 ，色彩繽紛十分吸睛。餐廳佈置亦見有心思，牆上掛著四幅招牌手繪菜式，電視播著台灣歌曲MV，一首首金曲： 演員、給我一個理由忘記...彷彿回到從前，心情頓時輕鬆。最後點了一份常餐和下午茶~生炸雞髀＆沙律 （$38）雞髀頗大隻，外皮香脆， 肉質不會太乾，但如果能夠保留肉汁更吸引。蝦肉爽，沙律菜正常，不是特別新鮮爽脆 ，原本配黑醋汁，但因為售完改為千島醬。豬扒通粉＆煎雙蛋配丹麥多士 （$47）一入座便看到旁邊食客的常餐十分吸引，毫不猶豫便點了一份。通粉上加上蔥花的細微位置十分讚食物貌相可以令食客進食的心情變好！豬扒通粉和煎雙蛋維持一貫茶餐廳的水準， 以街坊日常飲食來說，可以一試。CP值：🌕🌕🌕🌗環境：🌕🌕🌕🌕美食：🌕🌕🌕🌗再訪：🌕🌕🌕

去元朗踩單車 臨出發前喺附近食個靚早呢間餐廳係租單車舖附近 見佢門面唔會污糟邋遢又靚靚地咁 就佢啦 叫咗個沙嗲牛肉麵 跟炒蛋多士 啲嘢食一黎到 首先俾佢嘅餐具吸引左 佢用嘅碗碟同匙叉都有哂自己餐廳嘅logo 有design 係兩隻好得意嘅貓貓 而餐廳入邊都有兩隻店長 講返食物 係茶記價錢 cafe質素 首先個沙嗲牛絕對唔會乸到啲肉淋bb 無哂肉味 個沙嗲汁又唔會槳湖咁 面頭仲會加幾粒蔥花 個麵感覺仲好味過出前一丁 跟住個炒蛋炒得啱啱好 好滑但係又唔會一patpat 而個多士仲不得了 佢唔係普通嘅牛油多士 仲要係蒜蓉牛油多士！仲要唔洗加錢！呢個餐都只不過係36蚊！你話邊度搵！

呢間裝修咁特別嘅茶記, 周圍都佈滿咗貓貓貼紙睇門面裝修都覺得老闆好鍾意貓見到老闆真人之後，見到佢手上有貓嘅紋身，一睇就知完全係一個愛貓人士 茶餐廳裝修非常之用心，係完全值得打卡嘅地方 講番個早餐，我叫咗一個沙爹牛肉麵。沙爹牛肉係一間茶餐廳最基本嘅食物，一間餐廳好唔好，食佢沙嗲牛肉麵就知道 。牛肉用上咗新鮮牛肉，肉質唔會鬆散，唔會起渣 而且冇醃肉粉嘅味道，廚師好用心咁樣配上咗花生，同沙嗲醬嘅味道超夾 3.6牛乳炒蛋，係真炒蛋唔會過熟 有半生熟嘅蛋汁喺面頭，對於我呢啲對炒蛋非常有要求嘅人，呢隻蛋我覺得有80分而且份量都唔少，一個成年男士食落去啱啱好，喺附近嘅街坊真係要嚟試下啦

.《羽山冰室》Chill Fat 推介：🌕🌕🌕🌕🌘 （5🌕最高）$498+10%本來一間新開嘅冰室賣開普通茶餐廳嘅嘢食，突然間搞一個大閘蟹任食究竟係咩玩法？而質素又係點？羽山冰室開喺元朗鳳琴街體育館附近嘅一條小巷入面，相比起大街人流比較少…最近見佢出咗個大閘蟹90分鐘任食，就約咗幾個老友去試下佢，當晚6:30就去到，發現原來餐廳比較細間，只有6-7張枱，入到去職員安排位置坐低就開始揀套餐（有兩款分別係$438同$498）分別在於蟹嘅大細，我哋要左$498個餐（5兩蟹公同4兩蟹乸）什錦天婦羅&泰式雞翼尖：一開始就上咗呢兩款食物，天婦羅嘅炸皮比較厚但拎上黎都熱辣辣脆口，泰式雞翼尖吾會太淋有得吮下，味道吾太入味…大閘蟹：每人每次可以叫三隻大閘蟹，咁十月接近十一月都係食蟹公嘅比較好食，所以我哋第一轉就叫咗六隻公三隻乸，一上枱啲蟹相當靚仔，齊腳漏膏，我哋食蟹公先，一搣開個蟹蓋，嘩！質素可以喎，爆膏滿晒，仲要白膏，又香又濃勁黏口，好正！再食蟹乸情況都係一樣，朋友食嘅一樣係爆哂膏，但蟹乸食到最尾有小小苦，不過都吾影響成個食蟹過程，我同朋友都係食左兩轉總共18隻蟹宣布投降，好膩好滿足！其他：另外仲有黑