翟道翟棉棉冰 (已結業)

果日晏晝做完嘢就出旺角，旺中宜家多咗好多嘢食，有小葵廣之前，做完成日嘢，梗係搵下有咩食慰勞下自己，上邊真係好多嘢食，好多元化。見到哩間翟道翟棉棉冰即刻心心眼！之前成日見啲frd話泰國啲冰好食，一直都好想試，宜家眼前有一間，唔係唔食啊下?😍掙扎咗好耐，究竟食芒果糯米飯定芒果糯米飯棉棉冰好，老闆話芒果最多人食，咁就揀芒果！首先最上層有一層好濃嘅椰奶喺芒果上邊，芒果好鮮甜，而啲冰食落感覺好特別，好有口感，質感係介乎刨冰同棉花冰中間，原來係啲冰加入咗椰奶，跟住下一層就係糯米飯，凍冰冰食落無咁滯，最底層係雪糕筒碎，我開頭無望就咁食，好白痴以為係飯焦！😂 老闆話最底層唔一定係雪糕筒碎，間中會換下其他配料，第一次食泰式冰，真係幾好味，唔知泰國係味會更好味呢?😋仲有叫咗一杯士多啤梨梳打，賣相好靚，有士多啤梨肉，仲加咗少少檸檬汁，味道淡淡的，有微微酸味，如果多返少少甜會好飲啲。

旺中改裝左之後都無點正式行過聽多左勁多小食檔 變身第二個葵廣呢間翟道翟棉棉冰都算係漆黑中既螢火蟲鋪頭既DESIGN與別不同 白色為主俾人個感覺好chill同附近密麻麻賣衫檔有對比Menu清晰可見 主要食棉棉冰同飲品2類由於朋友仔吾食榴槤 我地揀左招牌芒果燸米飯棉棉冰超級中意冰面個忌廉 用椰漿同奶油打成 十分香口棉棉冰既冰質好幼 做到好棉既感覺配合芒果醬同鮮芒果粒 整體感覺好FRESH下層有微暖既糯米飯 一冷一熱口感好特別美中不足係底部既WAFFLE碎淋左吾太好食 而且同其他配料吾太夾我認為吾加呢個WAFFLE可能更佳飲品方面揀左我最愛既貓山王入口好香奶味 仲有榴槤絲 夠真材實料$28黎講絕對吾係貴下次行旺中我識買喇

One of my favourite desserts in Bangkok is probably a mango sticky rice shaved ice. And lately, a new dessert shop opened in Argyle Centre, Mongkok, happens to create a very similar version.They offer mainly three shaved ice flavors including durian sticky rice and Thai milk tea, but mango sticky rice flavor is surely the most popular order here. Consist of sticky rice topped with mango shaved ice, chopped mango and mango sauce; the coconut cream on top is amazingly thick and creamy, which melts

芒果糯米飯棉棉冰你有食過未？🙆🏻唔使去泰國都食到✨✨✨✨✨✨✨✨✨✨✨✨✨✨芒果糯米飯棉棉冰($48)層次都幾豐富 最高嗰層係椰汁上面係一啲脆脆嘅糯米粒 之後嗰層嘅冰仲有淡淡的椰汁味🤗都幾有驚喜🙆🏻食食吓仲有糯米飯喺下面添 不過最低嗰層有啲奇怪 😯因為係用McDonald's新地筒喺下面可能係因為想降低成本啦

我愛泰菜, 但更愛芒果糯米飯, 無論食到幾飽都一定會叫, 得知香港終於有第一間芒果糯米飯棉棉冰即刻bookmark左佢, 十萬個想試!!!!! 位於旺中既位置超方便, 位於美食雲集既層數, 但無礙我奔向芒果糯米飯冰既懷抱。 只有一個店主, 一面招呼我, 同時有其他客人黎都不慌不忙咁回答我地既問題, 未食已經加分。無需要猶豫就揀左芒果糯米飯冰, 即時製作所以大約等5-10分鐘。 芒果糯米飯冰實物同圖一模一樣(無違反商品說明條例XDD) 第一啖係最面層既忌廉, 椰汁味濃之餘質感夠杰身, 碎冰雖然未至於幼細但唔會好粗身同嚡口, 比想像中更易入口, 無平時食泡冰最驚既過粗冰粒情況, 而且粒碎冰都散發着啖啖芒果清香, 食落無人造香精既假甜, 混和清甜芒果肉碎粒, 滿腔芒果味呢~~~ 主角糯米飯相比起沙冰較温熱, 但當然唔係餐廳果種熱辣辣啦, 平時我中意食熱既糯米飯因為總覺得熱既先會夠韌, 不過今次即使近乎室温但仍有韌口, 無一貫淋面既椰汁但仍食出微微椰汁香隱藏於飯粒中, 食到最底原來仲有威化脆筒碎, 口感層次十足, 如果威化脆換成曲奇碎等可能脆感更明顯呢!!! 個飯原來好飽肚, 所以叫返杯飲品,

今日同朋友等時間過(因早上同晚上都一起出席唔同活動，中間有空檔，所以周圍行吓， 我地去左少年時好多時會去既旺角中心。行行吓，見到一店特别多人圍住既，唔知乜嚟既，咪行過去睇睇囉！原來係之前蘋果介紹過，幾個“後生”夾份開既綿綿冰糯米飯！ 佢有三款口味的綿線冰同幾款飲品。我就點左芒果味綿綿冰配糯米飯，$48一碗，like Facebook Fanpage減$3，就$45一碗。 糯米飯？點解係糯米飯？係啲冰似整到似飯味？原來係最下層真係有糯米飯，夠軟夠淋。 上面就有甜甜既芒果片同夠味即芒果冰，最頂係一pat好靚既好傑既椰漿， 混合糯米飯同芒果冰一有起食，係正宗芒果糯米飯既味道！另外，我朋友點感杯貓山皇特飲， 我係勁驚榴槤的，佢話依杯野超足料， 好thick, 唔會過份奶感,有啲碎冰中和吓啲厚膩感，佢仲話如果依個價錢，情願飲依杯好過飲貴過餐飲既星x樂特飲喎。。。我地都覺得這冰幾有特式，唔怪得咁多人圍住依個舖啦！下次經過,試埋個奶茶冰先～

同朋友行過旺中，最近好似有間好出名既棉棉冰～所以就試下～兩個人叫左一個芒果糯米飯棉棉冰＋一杯青檸梳打店員好快手，一落完單就即刻整比我地～店鋪環境衛生，而且廚房公開既可以睇曬成個整冰既過程😎講到個棉棉冰，小編同朋友一見到已經“嘩”左聲～因為靜係睇個樣已經同店入面張相好似～好吸引～睇得出店員好細心咁整放啖冰入口～實在太好食啦有淡淡芒果味，而且好綿好滑，加埋上面打到好滑既椰汁同脆綠豆，簡直係絕配而且一到食落支重有驚喜，下面有芒果糯米飯係底！真係真材實料，味道濃郁另外青檸梳打就正常既味道，份量都剛剛好，小編覺得好岩食完冰後飲返啖～令個口清爽返😆總括黎講，唔洗去泰國都食到芒果糯米飯棉棉冰實在太正！鐘意食芒果既你～同鐘意去泰國既你～一定要試下

喺太子食完點心，見時間尚早，決定去旺角逛逛。友人說要帶我去旺角中心吃綿綿冰，吓，旺角中心！那個商場不是專賣衣服鞋物的嗎？原來友人所講的就是這間開喺二樓嘅立食甜品店「翟道翟棉棉冰」。據說老闆曾經在泰國工作旅行，留意到當地很流行吃芒果糯米飯綿綿冰，所以回港後便照辦煮碗。招牌棉棉冰選擇不多，只有三款口味，包括有芒果糯米飯、榴槤糯米飯和泰式奶茶紫米。不過飲品選擇就非常豐富，有奶昔系列、梳打系列和泰式系列。友人想試賣相煞食嘅芒果糯米飯綿綿冰 ($48)，而我就揀咗杯以阿姐首歌命名嘅迷人 Pink Lady ($28)。購票後，見店主拿出一個黑色的特製膠碗，底層先墊威化脆脆，然後鋪上糯米飯，接著加入芒果粒，再刨上用芒果汁及泰國椰奶混合製作的冰底，最後就在頂層唧上椰子忌廉及灑上綠豆邊，綿綿冰便大功告成。拍過照後，急不及待，馬上舀起試試，入口綿密幼細，近乎即化，而且椰奶味道好香濃，甜度亦剛好。至於芒果方面，分量亦十足，食落清甜，不會太膩滯，而且切得夠曬大粒，配煙韌又有斑蘭香嘅煙燻糯米飯吃，口感豐富。至於杯色澤粉紅嘅迷人 Pink Lady，其實是泰國街頭常見，俗稱紅水綠水的飲品，味道似奶昔，甜甜地，行

其實一路好恨食到泰國嗰間靚靚芒果糯米飯冰係加拿大時得知香港都開左，真係超開心番黎一直都想食但又怕太多人終於今日的起心肝去laaaaa舖仔其實好易揾到...去到見到thai tea 冰其實我考慮左一秒最後老闆推介，所以都係食番芒果糯米飯冰望住老闆整已經無失望...因為佢好仔細咁唧面d 醬睇下幾靚～～面頭偷睇到應該用椰醬+奶打ge 泡...咸咸地，好有椰香，配合芒果一流真係有糯米飯係低...比冰整住咁耐d 糯米飯丫都唔硬，配合芒果冰一流！！！！另外仲叫左個thaitea呢到ge thaitea 比一般的無咩甜茶味好勁不過我都係鍾意甜d haaa食完就想飛bkk laaaa

旺中宜家愈開愈多新食店～之前已經知道有呢間芒果糯米飯冰😍終於食到佢啦^_^👉🏿✨芒果糯米飯錦錦冰 Hkd 48💸 like左facebook會有discount Hkd 45😀👉🏿✨佢呢個真心由底至高超足料！面個層白色好似奶蓋咁加埋啲層層好好食🤤之後就會有層芒果雪花冰～味道超濃郁🤣一啲都唔假👍🏿再食底下層就係主角糯米飯啦！十分之軟糯，有口感，超q彈！👉🏿✨連佢最底個凹位都係啲飯，撈埋食真心正！最底仲有個cone💎真係一層一驚喜～掛住泰國既去旺角啦！😆

今日放假同朋友一齊去行街，行行行下發現最新好出名的翟道翟棉棉冰，於是同朋友異口同聲即刻話要試！🏆人氣棉棉冰🍨在旺中😎行開街可以試下呀😜🍨招牌棉棉冰系列當然揀招牌🏅口味🍋🍋芒果糯米飯棉棉冰🍨（$48）芒果、糯米飯、椰汁、脆米筒混為一體🤗真係好似食緊芒果糯米飯咁😍勁足料😍店員製作非常認真，每一個step都好用心做，一杯賣相勁吸睛的棉棉冰就咁誕生！🍼貓山王奶昔🍹（$28）另外點左杯貓山王奶昔，榴槤味道好香，奶味好重，冰涼可口，味道好！已經約定朋友下次試埋榴槤糯米飯棉棉冰！食完影相post上ig仲可以有機會請你再食棉棉冰！

PPFood好耐冇行過旺中啦！ 前兩日行返發現開左唔少小食店😀 就好似呢間話係泰國夜市小食嘅店 有PP都好愛嘅芒果糯米飯同綿綿冰嘅合體👉🏻👉🏻👉🏻芒果糯米飯綿綿冰（$48）咁就緊係不容錯過😇 本身以為綿綿冰係甜的😂 點知食落先發現係酸酸地😱 同淋左喺面頭嘅椰汁幾match🤗 再食落下一層就係芒果糯米飯😛 芒果都算甜😙 而飯都算煙韌🤔 另外最估唔到嘅係有一啲食落好似雪糕筒嘅脆片😹 整體而言算可以🙃

※本文以用餐當日的環境、服務和食物質素為準，口味亦因人而異，文章只作參考之用。-學生時代偶然都會去旺中行下街買下d平衫平袋，旺中對我黎講就係淘寶散貨場！事至今日已經唔會再去買衫了，反而愈開愈多小食店，被稱為翻版「葵涌廣場」，好多食店都同葵廣既倒模咁，但偶然都會有綽頭小店冒起。身為吃貨的一定對泰國著名既芒果糯米飯刨冰唔陌生，雖然未有機會去潮聖，不過旺中呢間開業只有數個月的「翟道翟」，一睇店子就知同泰國有關。小店主打綿綿冰同特飲，打正旗號賣芒果糯米飯綿綿冰，立即引左不少人打卡潮聖。餐牌上一目了然，主打三款棉棉冰和特飲，綿綿冰除左芒果糯米飯口味的，仲有榴槤糯米飯和泰式奶茶紫米，三款都想試下！特飲較為特別既有冬蔭公梳打、貓山王奶昔同泰式奶昔。小店沒有設置座位，大家幾乎都係買完就一邊行一邊食。經過都可看到他們的製作情況，環境光猛整潔，旁邊一點小位置還放了乾燥光裝飾，很適合相機食先的我們。小店即叫即製，所以要比點耐性等等。好彩當日人流唔多，等約十分鐘就有得食。芒果糯米飯棉棉冰 $48小妹呢杯個樣都整得幾靚架！用黑色膠杯裝住，比之前見到係用透明碗裝好睇多了。碗棉棉冰份量唔少，面頭白色既係椰汁漿、主體

今日突然要OT，離返工仲有點時間，就走左去食雜誌介紹過既芒果糯米飯棉棉冰。位置係電梯口旁，餐牌簡單清晰。希望揀中我，再去食一次！其實都只有外賣，沒有位可以坐，唯有在旁邊站著食。可以睇住芒果糯米飯棉棉冰既製作。*芒果糯米飯棉棉冰 ($48)芒果味既棉棉冰下面是糯米飯； 糯米飯不會太多，口感煙UN；因為飯帶點微暖，有少少冰火交融的口感；上面有少少CREAM，唔會太甜太膩。食到底有整碎了的雪糕筒，如果可以改用米通或者餅碎可能更好！*正宗泰式奶茶 ($18)點了少甜少冰；因為茶煲起了一會，還很熱，所以冰都很快溶了；茶的味和平時的港式奶茶茶底不一樣，茶味濃一點，和很香茶味；不知怎樣形容，但就很重東南亞既味道。

香港地甜品商店有很多，綿綿冰淇淋也不難發現。今次試吃泰式綿綿冰店內簡單清潔，商場內食店主要是take away，兩位年青人開的，他們態度親切，其中一位在泰國生活，我剛從清邁回來，所以大家有很多話題，他們帶了正宗泰式甜品來港。很多選擇包括不同生果味、榴槤味、今次選了芒果糯米飯，單看外表已很吸引口感特別，不似一般的碎冰，很滑不似冰，入口即溶，而且加上芒果糯米飯很夾，底部有雪糕杯的威化餅，增加層次感，而且減少了甜味，適合港人總括來說值得一試