翠園 (大埔超級城B區)

營業中

休息中

2020年5月5日(星期二）琴晚(5月4日)喺沙田翠園食左片皮鴨四人套餐，今日又去翠園，今日黎大埔翠園飲下午茶，入到去坐低先發現原來有8折。逢星期一至五早茶及下午茶都有8折優惠。大埔呢間翠園無點心車，用點心紙取代傳統點心車，而沙田分店就有，各有特色。發現點心紙上好多款式的點心都係沙田分店無。而且仲有下午茶孖寶優惠，＄39 有一碗陳腎菜乾鹹骨粥及鮮蝦腐皮卷。仲叫左好多款點心，包括：椒鹽魷魚鬚丶碧綠帶子燒賣丶蠔皇鮮竹卷丶招牌瑤柱海皇腸丶四寶雞扎丶叉燒酥丶帶子菜苗餃丶羊肚菌灌湯餃丶蝦餃。全部都唔錯，可以食到咁多款式，真係好滿足。而且店員服務態度好丶有禮貎。到左晚餐的時候，又去左食美心集團，想知道就要留意下集食評。

只有環境包裝，華而不實無服務可言。知客帶位帶到一半唔見左人，招呼都無聲、餐牌都唔留個，追左幾次先有。防疫期間，竟然帶客人坐張檯對著廁所走廊，人流複雜出出入入，不知所謂。食物質素，不過不失，但係就海鮮價。帶子特價$108/6隻，來到原來係薄切帶子。芝士龍蝦依麵 $368芝士太多好鹹、好膩。而且食龍蝦🦞竟然無濕紙巾派🤨五香紙包骨$108。賣相幾好，但係食落口乾爭爭，味精感重。比較易入口既係「羊城伴五秀」$88，有蓮藕、蘆筍、等等。碟大份量少。但係媽媽話無味。母親節飯，4人食左差唔多$800蚊。仲話做左特價，呢個價錢，呢個質素，我不如去逸東軒食。😕真係唔係價錢既問題，真心唔底食，無下次。過節費事掃興先唔出聲。食完媽媽都拿拿聲話要走，頭也不回。真心，無下次。

晏晝同屋企人一齊嚟呢一度飲下午茶， 其實我本身都幾鍾意食high tea， 雖然叫咗唔係太多點心， 但其實呢一間酒樓嘅質素都還可以， 不過覺得佢呢家啲點心都越嚟越貴，所以只能夠等下午茶， overall我最鍾意就係食燒賣，燒賣都算大粒。 菜苗餃入面啲菜都算係新鮮， 糯米雞其實可以再做大少少， 如果炸蝦卷炸得可以控制個火再好少少或者再脆少少， 咁所有嘢就會比較好， 不過希望呢間酒樓再做多一啲優惠，始終經濟依家都唔係太好。

唔係因為阿媽，都未必會去食美心翠園。因為疫情關係，好多餐廳都無開。3月中平日都算多客，我哋訂咗位，幾乎坐滿。我哋一家4位，叫咗1個小食，4個餸，再加白飯。食物味道不過不失，買位一點特色都無。但是上湯煎粉粿算是比較少見。$288晚市孖寶，條魚都幾細條，乳鴿OK。糯米豬 我們4個人叫了1/4隻，來到有6份(o舊)。$190的6舊糯米飯上面加6塊燒豬皮，係一d 肉都無既豬皮。好dry，即係$32一買一舊糯米飯加一塊豬皮......我其實之前都食過呢個菜，但係之前係乳豬皮連少少肉，可見今次真係唔同咗。我問一個waitress，佢叫我下次可以落單時寫個remarks 要啲肉。呢個勁好笑！原來有秘技！跟住個經理嚟咗睇下咩事，我哋如實同佢講我哋今次因爲呢味餸所以好失望。明明係招牌菜，而家變咗水魚菜。個經理力挽狂瀾，話廚房轉咗做法，但係佢哋兩個人講嘅嘢自相矛盾。佢offer 送我哋一人一個糖水，共4個，我哋緊係要！但食食吓，個女經理再過嚟贈我哋一句：「睇嚟你哋都好耐無嚟食喇？」嘩！！！！！！！！！美心服務果然一  流！

佢出左懷舊點心仲有匯豐卡 有85折但澄清番 係只係得依張紙上面 有折其他一律正價我諗之後都唔會再番黎食因為佢份量又少 又貴去其他地方可以食得更好個雞勁少個青瓜拌木耳 少到呢⋯⋯依兩碟菜 每碟要$98！係唔係咁貴呀菜呀而家？依個又係好少粉又勁多肉又好小係咪俾人罷食 所以份量都少左咁多咁樣既份量就食左千幾蚊真係好唔抵⋯最慘係佢服務又唔係好有個姐姐衝過黎問：「你個飯係咪要架」好惡⋯

大埔翠園 一家大細飲茶之選公眾假期 1:30去到等位 時間都算合理 6個人-半小時內 仲可以有app拎飛 好方便店內坐位唔算太逼 但呢個場冇點心車仔 全部都係用點心紙 好彩服務員人手都足夠 落單到上菜時間都好合理叫左太多點心啦 未能一一盡錄以下都係比較欣賞既食物-肉絲炒麵 麵底好脆 配上有汁既肉絲配料 脆林比例岩岩好👍🏻 鐘意開胃d可以配醋-XO醬煎腸粉 醬係post係面 鐘意食辣可以配多d 唔食辣既你 可以唔夾XO醬食-奶皇包都分 流沙（黑金）唔流沙（白色）有bb可以食唔流沙 唔怕熱到咀 大人就可以任簡啦-鵪鶉蛋燒賣 鮑汁鳳爪 都係我地一家大熱之選-甜品雙皮奶 都夠滑

平時都有去翠園飲茶 , 今日第1次黎大埔超級城分店鋪頭唔係好大 , 茶樓黎講都幾細間 , 坐滿曬人 , 好彩一早用 THE GULU 拎左飛前菜需要收費 , 唔要可以同侍應講 , 咁樣就唔洗收錢當日開左壺龍井茶 , 質素正常燒腩仔燒鵝瀨粉燒腩仔, 豬肉部分好咸 ...  皮係脆的燒鵝好香 , 不過冇咩肉食瑤柱海皇腸麻麻地 ... 係其他分店食係漲卜卜 ... 呢個有 d 塌 ... 食落唔係好足料燒賣好食 ... 但有 d 細粒柚皮蒸鳳爪叫呢個點心 , 除左想食鳳爪 , 仲因為想食柚皮 ~ 柚皮唔係度度有得食, 因為太多工夫 未試過柚皮 ge 朋友仔可以叫黎試下 ! 個質感幾得意 ~試左幾款點心 , 個人認為大埔超級城分店比其他分店遜色 , 食完冇想再黎試 ge 感覺 🤔🤔🤔

美心集團的翠園，去年落戶大埔中心，之前也去過1次飲茶，新裝修，坐得ok舒服，適逢今日小金媽媽牛一正日，就去飲茶。翠園有花茶供應，點心也算是精緻，今次點了三式美點 帶子燒賣-結實，味道不過不失菇菌包 - 包很鬆軟，饀料是雜菌粒，帶微微黑松露香炸阿拉斯加蟹鉗- 蝦膠彈牙，外層的炸金絲很香脆，可惜蟹鉗肉較鞋及鹹瑤柱海皇腸-腸粉皮包著炸蝦肉腐皮卷，味道不錯，但包腐皮卷較包春卷皮難控制又快變淋，所以遲吃的已經變淋，且部份腐皮未炸透，有些韌。燒鵝生麵-生日怎能沒有壽麵，這次點了生麵，麵很爽滑，但湯底有些濃，燒鵝很香，肉質也有質感碧綠帶子餃-雖是新鮮蒸好，但“痴成一堆”，賣相比其他點心差不少。用了碗豆苗做饀料，很清爽，不過帶子很少,基本就是一隻菜餃

今早在這兒飲了一個早茶，早茶有八折優惠，還有孖寶套餐，粥或飯加一個點心！食物質素普普通通，沒有驚喜！兩個人，七點心，$215.8！服務尚算一般，可能因為人手一多罷！地方還算是清潔！不要抱太大要求了！

作為美心集團中當粵菜，不同地點的翠園綜合質量參差不齊。來到大埔超級城的翠園，不是耳目一新這麼簡單！致電訂位時，知客對答有禮。座位安排距離寬敞、食物美味、侍應熱情。今天點菜有點多，吃的太撐！唯一美中不足就是鄰座一家六口實在太吵！一頓98分的晚餐，值得推介！大埔翠園的待客之道，實為其他食肆榜樣！

放假緊係要大班朋友嘆吓茶啦,今天去咗大埔超級城翠園酒家,以為大枱要等好耐, 等了45分鐘就有枱,入去坐低就覺得好肚餓,所以嗱嗱淋畫咗十幾個點醫醫肚先.四式燒賣好特別,四粒都不同,我就食了最貴果粒鮑魚燒賣, 雙式美點: 鮑魚賣拼黑流沙包, 三式美點:帶子/蘑菇/蟹鉗, 純粹係見迷你籠仔,好得意, 但食落味道都幾好,無點錯。椒鹽魷魚鬚, 辣辣地幾惹味, 炸到金黃色仲有黃色脆脆伴鑊 。臘味糯米飯, 色澤好吸引, 但可惜糯米飯太冧, 有啲失望，帶子菜苗餃,好香波菜味，又有帶子粒。

大伙兒一同飲茶是一件樂事，適逢聖誕佳節，便相約一班朋友到翠園飲茶。叉燒腸粉-腸粉雪白滑溜溜，叉燒肉滑。鮑汁炆鳳爪-以小砂煲上，鳳爪炆煮得很冧，入味。菩提素鴨方-素鴨用鹵汁煮得好冧，甜甜軟軟的腐皮超好吃蜆芥鯪魚球-用炸過的米粉裝著鯪魚球，賣相一流。外皮有點乾身，但整體來吃味道還可以。菠蘿焗餐包 -真的是菠蘿包，包子的皮鬆脆，內餡是熱騰騰的菠蘿蓉。臘味糯米飯- 色澤一般，臘味份量較少，香味欠奉。醬油安格斯牛肉炒飯- 幸好加了一個炒飯，這個炒飯比糯米飯出色很多，飯粒用醬油炒得乾身分明，飯面上松子仁更是亮點，為炒飯增添香味。椒鹽魷魚鬚 - 以小鑊仔上桌，如果配上金蒜粒會更好吃。

下午茶有8折優惠所以去飲下午茶總共叫了6樣點心，味道還可以最好吃的是蝦餃，皮非常薄，非常有口感而且好大粒，非常推介另外牛肉炒河非常一般，味道太淡還很油，比較油膩黑金流沙奶皇包，包質感適中，入面是流心的最後雞扎和炸雲吞味道還可以，雲吞非常脆口價錢有點貴，如果不是有8折，應該唔會黎

1 慢，好像不够人手应付星期天午茶，很难叫到服务员2 食物终于来了，粥是冷的也没有味道，皮蛋只有口感没味道3 烧卖，最基本的食品，卖相只能看见“随便做出”4 整体来说，性价比非常低5 唯独环境干净舒适，服务员态度友好尽管很忙但一定不会再关顾

慶祝生日，同屋企人過黎食dinner, 叫左一席套餐，但味道同用料都真係好一般，唔好食，也沒有賣點，平日二千幾蚊一圍真係唔太值，而且上菜時間好古怪，一黎就黎三四樣，然後食晒都未有下一樣餸過黎，侍應服務都好一般，唔知係咪我地既位置太入，成日都無人理我地，要搵個侍應都要等勁耐先叫到人。成個套餐真係好令人失望，今次係因為未黎過翠園，咁啱有人生日，就話過黎試下，真係試完唔會再黎，同行既人之中無人一個覺得滿意