翠園 (PopCorn 1)

營業中

休息中

周日忽然好想飲茶，就落去搵位，估唔到翠園仲快過另一間2樓既酒樓。價錢唔太貴，但點心選擇都算多，亦都味道唔錯。唯一一樣係個蘿蔔糕太重味了，下次一定唔叫呢個。食過哂寶林一帶酒樓，呢間算係最好食了。

被邀請到滿月宴， 這是間譽滿香港的酒樓， 而位於將軍澳的這間分店是近年才開啓的， 曾一度擔心分店的質數能否到達元組店的高度， 直到用餐完畢這個心結才能夠解開。看到餐牌上的價格， 實在比起其他酒樓高出不少， 然而菜式則與其他中菜館類似。第一款菜式是上湯焗加拿大龍蝦配伊麵底，憑口感可以判斷龍蝦是新鮮製作， 除了爽口彈牙，還有很濃的龍蝦鮮味。乳豬是即時烤焗， 皮脆肉嫩，正常發揮。脆奶百花球，炸鮮奶甜度適中， 外脆內軟， 而且鮮奶是流心狀態， 非常驚喜。之後的蒸魚，豉油雞，還是荷葉飯，均做得非常出色。無他， 所有菜色均色香味俱全， 而他們絕不落味精，如此質素絕對能顯示出大廚功架！他們總算保住了總店的名號。

莉莉子約左大班朋友到將軍澳拜年，人頭湧湧將軍澳呢幾年真係發展得好快，而且新樓愈起愈多，住既人又愈黎愈多。不過將軍澳區商場既食肆都愈開愈多，所以拜完年莉莉子都約左朋友一齊食晚飯原本諗住去美中鴨子食莉莉子最愛既燒鵝，點知門口超多人排隊，唯有去左popcorn既翠園，大家都係同一集團唔駛分得甘清吧入到去，我地就叫左幾款特色小菜- 脆皮牛坑腩、翡翠苗同一品砂鍋飯呢個脆皮牛坑腩，莉莉子絕對推薦，牛坑腩好腍好軟熟，又入哂味，再包上脆粉炸香，皮脆肉嫩，真係好好食呀至於翡翠苗味道不過不失，而一品砂鍋飯就熱辣辣好有口感，正呀

同左老公啲朋友仔團拜有個朋友住將軍澳所以揀咗呢間翠苑開餐翠苑一向出名啲嘢都係保持水準所以大家都舉腳贊成食呢度我記得公司附近都有一間翠苑我都食過所以嘢食一啲都唔擔心而且新年期間仲有好多新春食品推出不過我都幾欣賞佢嗰個”真的菠蘿包”入邊真係有菠蘿粒👍🏻👍🏻👍🏻蘇炸魷魚鬚同椒鹽豆腐粒都係保持水準我都好欣賞佢個前菜嗰個黑木耳花生我幾乎一個人隊晒一碟咁滯😁不過好奇怪大家都對佢呢度泊車安排非常不滿，明明酒樓喺Popcorn但係話要去將軍澳中心拍車先有得free🙄揸車嗰幾個朋友仔個個都吊晒眼😕我覺得如果真係咁，應該一早要同book位嘅人講一聲囉不過我哋唔揸車嘅就會明白其實都唔關酒樓事但係揸車嗰啲就真係覺得好冇理由🙈

美心的中菜，在集團食店而言，質素都算是不錯的，不過，這似乎是以前的事了……今日的翠園，退步了不少。今天到牧場吃團年飯，早2日已預先親身去訂位，還訂了下午6時，晚市第一輪。訂枱時，要求留電話，不過知客說了一句: 你留電話呀，不過我地唔會打電話提你架喎……當晚我們6點10分到達，即時入座，座位已滿8成。枱排得密密麻麻，椅背貼著後面的枱，如果我是細細粒，相信是坐不下的。1行5大1小，點了新春4人套餐加1份龍蝦伊麵。第1碟上枱的是翡翠蝦球蚌片，四人餐，蝦球就是4粒…西蘭花是微暖的，炒得沒什鑊氣，味道正正常常第2碟是乳豬拼海浙，乳豬皮6件，是脆的也不是薄切，是連著有肥肉的，還有幾件薄豬肉，海浙正常龍蝦伊麵是波士頓龍蝦，蝦肉新鮮彈牙，可惜伊麵煮過淋、1夾即斷、碎，汁也不夠濃蒸沙巴龍躉火候不錯，是僅熟離骨，但豉油有點過咸花膠雞絲羹，熱的，就是雞湯雞肉羹，花膠大慨煮溶了9成……發財好市大利，上層是蠔豉4隻配1粒冬菇，中層有豬利發菜，下層是西生菜，這碟味道不錯，只是豬利未有煮淋，很硬紅豆沙湯丸又是不夠熱，紅豆沙沒有陳皮也沒有蓮子百合，有些過甜，2粒湯丸是黑芝麻饀，1口1粒，餡料也多和香題外話，5人用餐，

星期六同屋企人下午茶，兩点幾三点到，唔洗等位已可安排入坐。叫咗幾個点心，一飯，一炒河。甫魚滑燒賣: 蝦夠彈牙，豬肉爽口翠園上湯煎粉果: 叫得翠園應該係招牌菜喇，但食落又唔覺特別好味。雖然係外皮煙韌脆口，但入面啲餡好少。另外浸上湯食，亦不覺怎樣特顯粉果的味道。倒不如食鹹水角更好味又多餡黑金流沙包: 簡直失望滿心期待流沙，少少流沙都無失敗古法牛肉炒河: 雖然係好味🤔但我expect係乾身的，而唔係濕炒河囉一品砂鍋飯: 同樣地😒雖然味道係可以，但呢個砂鍋飯太濕，同埋無飯焦整體而言，性價唔成正比，若不是不用等位，唔會選擇這間食

星期六，決定帶Daddy Mummy去翠園飲茶，我先用app去取票等位，原來好快就有位啦！唔洗預先去店前取票，省了好多時間啊然後我地3人叫左好多野！食到好滿足！總括，翠園既食物都算多元化，懷舊又有，新穎都有架。

琴日早上約咗將軍澳朋友係翠園飲茶，估唔到咁嘅日子都唔使攞籌 排隊，直接有位，酒樓環境都係差唔多，位置狹窄，坐得唔係幾舒適，可能人少關係，服務ok,我哋叫咗春卷，炸雲吞，雞扎，棉花雞，帶子菜苗餃，百花釀魚肚春卷同其他酒樓無咩特別之處，都係一般爽脆可口，味道還可以。雲吞ok，比出面酒樓材料多點，大件點,中意食炸嘅朋友可以試下雞扎材料新鮮，大件 抵食，味道ok皮薄餡靚帶子菜苗餃，就咁睇已知道材料新鮮，每只餃入面都有一只細細地帶子百花釀魚肚，魚肚吸收咗新鮮虾蓉鮮味，味道。

環境裝修靚。食物大多數ok，咁嘅價錢當然要起碼ok。不過黑金流沙包唔流沙，失望到爆，話晒平均十幾蚊一個㗎，要求水準好d先合理。衛生：未使用過的匙羹有油跡，我食開平民嘢，見怪不怪，所以用茶洗一下就ok了。不過，堂堂翠園做到咁就真係核突啦！某個阿姐d服務都係一般般，唔識留意食客要服務，其他侍應就冇咩問題。除非假日排隊快有位，如果唔係都唔會打算再幫襯這間翠園，收得咁嘅價錢，真係唔值吖嘛。附近又唔係冇嘢食！

約左成班人一齊去翠園gathering Book左圍菜 星期一至五仲可以減$1000頭一道菜係鴻運琵芭金豬啲皮好脆 而且肉都好多仲大大碟 一圍人食都可以食到好多舊 不過龍蝦🦞伊面嘅面底就馬馬地 冇嘜味道仲好碎🙈其他茶式都比較中規中矩最令我印象深刻嘅竟然係荷葉飯 荷葉飯係最後一道菜 原先都冇嘜想食嘅意欲 因為都已經飽啦 仲要最後一味餸係飯不過荷葉飯一黎到就聞到好香荷葉味 而且用左咸蛋黃去炒個飯底 竟然好好味又好香係我覺得最好味嘅一道菜

很久沒有在翠園飲茶，因怕人多，今天早上十點半和太太來到將軍澳翠園酒樓，居然不用等位，剛好房間有張吉枱，香港人實在太喜歡嘆早茶，酒樓都有九成客，點心有很多選擇和優惠，我點了煎蛋牛肉飯、皮蛋瘦肉粥跟油條、香煎蘿蔔糕、陳皮牛肉球、四式燒賣和菠蘿焗餐飽，點心都保持美心集團的應有水準，四式燒賣頗有創業，包括鮑魚、鮮蝦、帶子和鵝肝燒賣各一粒，菠蘿焗餐飽都頗俱心思，黑色飽內含有新鮮菠蘿肉，埋單$209都算合理。

今日同老朋友食飯，飲茶一盅兩傾計最岩，所以黎左呢間係屋企附近既翠苑嘆茶。平日吾洗等位可直入，就算多人等位都吾驚，因為可以下載app攞定飛。鑊仔煎釀三寶熱辣辣上碟，特別最意佢既茄子，好幼嫩，魚肉彈牙吾腥，無油膉味，真係有d旺角街頭風味喎。魚肚蒸到好棉，入味，上面仲有d蟹籽做裝飾，賣相提升吾少。糯米雞有三大舊，有荷葉香，餡料豐富，但吾會過咸。叉燒腸粉有叉燒同蔥做饀，蔥帶起叉燒既香味，腸粉厚薄適中，吾錯。兩個人共食左4碟野食，質素中上，盛惠$198，十分滿足。

今晚9點去食晚飯，門口冇人招呼，入到去要自己搵位座，叫個叉燒，好硬，食唔落，叫個白飯，叫左三次都冇人送來，仲要好誨氣反問你：老闆，你前後叫左幾多個白飯，離曬譜！價錢與食物質素、服務態度完全不成正比，好明顯管理不善！

之前在和埔某酒店的中菜晚饍，結帳時送上優惠券$300。 今晚和太太來這館晚餐。選擇這店是有原因的，因為當此店開張時，我們一班親戚將此店變成指定大聚會飯堂，但這一年忽然不去了，因為大家都覺得質素差了。因為有這張優惠劵，覺得不妨趁此機再會此店，於是6時已到。餐牌做得非常靚，但卻非常不實用，頁數多，但其實菜式不多。我們要費了很多時間翻頁看才能選菜。我們叫了斑腩、時菜和鐼板义燒三道菜。結果，我們失望了。 鐵坂义燒上菜時，店員放下鐵板，正打算放下义燒時，突然拿回鐵坂，說轉頭回來。 瞬間她回來，放下鐵板在桌上，然後放下义燒，之後急忙用匙羹攪拌，還邊攪拌著邊和我們說要快快不停攪拌，以免過熟。我們這才恍然大悟她為何要拿回鐼板再來，因為先前那鐼板未有加熱。 現在那塊卻太熱了。看圖也可看到义燒被熱力燙得像想跳起來的境況。如店員說，义燒過熟了。 招牌菜變得毫不光彩。斑腩來的時候，我和太太都以為來錯了，以為是豬扒（指色澤方面）。斑腩味道很鹹，肉質硬。結果我太太兩道菜吃了幾塊就交給我完成工作 （我自少就養成要清枱的習慣）。總括來說，真的失望。席間，隔鄰桌有一對情佀亦投訴一道菜，店員拿回去，十分鐘再上菜，客人一吃

9月1日去食晚飯，碟頭餸細細碟，後加單，同侍應講完流單又流單，問佢攞泊車券，話攞張埋數單就得，最後停車場話翠園唔係 popcorn，話無優惠，打去問時又話無；d職員乜差都唔識，無優惠咪無囉，一早講，唔使人空歡喜時，又嘥時間確認嘛