翠園 (新都城中心二期)

營業中

休息中

翠園開業了一段時間，發現可以在app預先取票所以就和親戚一起來這裡飲茶啊！入座後就送上茶水及前菜前菜是微微酸辣的榨菜木耳薯仔由於第一次來這裡飲茶，所以不知道可以取消是點食物時見到餐牌有一行細字有寫才得悉！不過前菜的味道都算是夠惹味爽口！點了幾款較為有特色的點心當然也有一般酒樓所具備的點心！當中以雞扎及山竹牛肉做得比較好～～雞扎的餡料有齊雞肉﹑火腿﹑魚肚及芋頭，魚肚大大件的，用料不錯山竹牛肉夠大粒，口感軟稔，淋上喼汁吃，夠滋味！叉燒腸粉﹑蘿蔔糕﹑芋頭糕水準合格，糕類煎得香脆粉果不是自己一向吃慣的有沙葛和花生的潮州粉果，不太慣這種味而覺得不好吃帶子菜苗餃亦不夠香，帶子也沒什麼味，所以對餃類略為失望特色點心方面，點了黑金流沙包﹑四式燒賣及三式美點黑金流沙包，賣相精美的一道點心，黑色的包上掃上一行行的金色包雖是黑色，但沒有特別味道包身鬆軟，流沙奶黃夠流心，一咬開就爆出熱熱的漿但蛋黃味不算好濃～～四式燒賣，分別是鮑魚燒賣﹑帶子燒賣﹑鵝肝燒賣及蟹籽燒賣噱頭就有，但味道方面，鵝肝及帶子都沒什麼味道可言只得鮑魚吃到鮑魚的爽脆及鮑魚味！不過燒賣本身做得不錯，最普通的蟹籽燒賣內有一隻又大又爽的蝦仁！三式美

每逢週末，飲茶係例牌節目，家家户户約埋一齊食點心，嘆杯茶，酒樓比平日熱鬧好多。新都城內既唔少酒樓已經試過晒，質素好參差，唯獨呢間翠園未食過，因為價錢始終較貴，重點係每次都超多人排隊，所以就無機會食。今日晏左出門，大約兩點鐘到，輪候4、5張枱就可以入座。 比起普通酒樓，呢度真係企理好多，環境衛生好好，坐得舒適唔會亂糟糟。《真的菠蘿餐包》$36竹炭包配上菠蘿酥皮，外型好吸引。酥皮層好酥碎，唔會好鬆散👍🏻餐包軟熟，內餡係濃稠既菠蘿醬同埋有一粒粒既菠蘿果肉，層次同口感都好豐富，推薦！《椒鹽魷魚鬚》$48呢個係無炸粉包住既魷魚鬚，但有略炸過，表面油份較多，幸好下層有蛋散吸一吸油。口感方面幾爽彈，吸管脆口，整體唔錯。《迷你桶仔飯》$35呢個好普通，味道都一般般，食起黎幾香但無咩味。《四色燒賣皇》$48鮑魚、帶子、鵝肝、鮮蝦，味道幾好，燒賣肉質爽滑彈牙，整體唔錯。《XO醬炒腸粉》$42最好食係呢個！腸粉煎得好香！外皮焦香十足，質感好好，唔會好淋身，配上微辣既XO醬真係愈食愈惹味！非常推薦！🤤《脆皮龍鳳大春卷》$48未見過咁大舊春卷！外皮十分薄！好鬆脆🤤餡料非常豐富，叉燒、雞肉、蝦肉、菇菌、菜粒

係番學前想同Mammy嘆個靚早茶啦，見翠園無咩人，就入去坐低，點知當時十點九已經無早茶優惠了，因為早茶優惠要十一點半埋單走。於是要叫午市套餐，有幾個組合既，但得我同媽咪兩個所以就叫左2+1，姐係一個粉麵飯加兩個點心，叫左個XO醬雜菌烏冬，另外仲要左鳳爪同燒賣。本來仲想要單嗌個粉果，或其他點心，但見到郁D都要三四十錢一籠，就算數了。烏冬就黎左先，賣相無咩特別，但一食落口，天呀個醬好好好味呀，d烏冬好入味，菜同菇就幫助中和左d油膩既感覺，真係好想好想再叫多碟黎食。至於果兩個點心都食得出係真材實料既。雖然翠園價錢係偏貴既，但烏冬水準真係一流，點心都唔差，算係值番個價，推薦！

由初開業第一次午市飲茶吃恐怖點心的經歴，到正常午市及下午茶光顧，服務一向似茶餐廳或街坊酒樓之外，在節慶時節再與家人來吃晚飯，今次比較似樣，出菜很快，餸菜熱呼呼又幾好味，但不夠服務員，枱椅又放得很擠迫，價錢較貴，不太值。再提門口接待員非常冇禮貌又吾專業，用Gulu訂座或電話訂位也亂安排，去其他翠園分店又OK此店真要改善很多才令人滿意

因為家人有AE 卡優惠，全單7折，所以選了這間團年飯。（其實上年冬至有過不快經歷，就是5點多時打電話想訂枱，對方說不能訂，但可以walk in，有很多枱，我們說大約6:30到會有位嗎？如有便立刻趕過來。對方說有，於是我們便趕過去，可是去到後，對方竟說無位，態度很差，只能說當日太黑仔。🌚）🍴今次一早訂位，去到便有位了。看到有很多套餐但就不能用信用卡優惠，所以便選擇散叫。除了兩三個餸不錯，其他也很一般。中菜來說並無過人之處，整體感覺是「有折，所以一試無妨」。如無折扣，真的不是選擇範圍內。懷舊五香紙包骨爸爸大感失望😞完全不是以前的味道，最重要的醬汁也沒有⋯⋯生拆海蝦炒滑蛋賣相很不吸引，海蝦無乜鮮味，但個蛋ok。翡翠炒生斑球斑球ok，但這個價錢就應要更鮮香和有鑊氣呢⋯⋯招牌即燒乳豬（1/4隻）不過不失，就很普通的乳豬。太興好食點🙈海參榆耳炆鵝掌整煲也算入味，上菜時也有香味。脆皮豉油雞（1隻）全晚最好味的一碟。雞肉夠嫩，皮脆，豉油汁也惹味😋一品砂窩飯雖然同想像有不同，但很入味香口。有點像福建炒飯的惹味版。上菜時仍有汁，過一會飯會索晒啲汁，更好味！非常普通🤡不像粉果，但幾特別。

上次食咗晚餐，今日再去試吓下午茶，難得爸媽肯一齊去試，就去試吓啦。1345開始派飛，1400入座。下午茶指定點心有八折😀孖寶$39起午市同下午茶優惠，都有好幾樣嘢揀呀⋯⋯唔知幾時更新咗嘅點心紙🤭我最愛嘅牛雜冇咗😌粟米魚肚粥拼鮮蝦炸雲吞，下午茶優惠$39...帶子菜苗餃一籠有四隻，個皮夠薄，個餡好足😋鑊仔煎三寶分別係蝦膠釀尖椒、豬肉釀豆腐同埋鯪魚釀茄子🍆豉椒牛腩炒河味道好好，只係河粉唔夠滑，但整體好味。

除夕前一晚星期日，AE白金卡仲有優惠，就試吓今年先開嘅新都城翠園先。聽媽咪朋友講好壞參半，就帶埋爸媽一齊去試吓究竟如何。由於我地訂咗1800，所以入座時並不算太多人，未滿座。裝修都算唔錯，但係其實D枱好埋，相對其他分店較逼。之前睇到哩個糯米豬已經覺得好吸引，想試好耐，今日有4個人就叫嚟試吓☺️好味道，皮脆夠味，糯米飯味到啱啱好，好似食到冬菇粒。乾蔥鷄鑊氣夠，惹味，而D洋蔥仔幾好食，鷄肉啱啱好😋粉絲龍蝦煲喺其他分店食過，哩間冇咁好食，不過勝在龍蝦🦞新鮮，足一隻，而且有好多粉絲墊底🤭蒜香斑頭腩較為啖口，不過粉絲反而吸到蒜香味，相對有味。見到其他食評讚過哩個鷄蛋焗銀魚，我就叫嚟試吓。佢個面焗得唔錯，個蛋面食落香香地，當然冇焗魚腸咁香，但係都過得去。蛋白杏仁茶一向我都鍾意，翠園嘅蛋白杏仁茶應該唔係開粉嘅，蛋白滑滑，但係就唔熱，似放咗陣先攞過嚟，如果熱D就好好多。由於係AE白金埋單，所以價錢OK，食埋一人一碗糖水都唔駛$1000。仲有其他餐選擇，都好似唔錯咁呀⋯⋯不過就有時間限制，105分鐘，好彩餸菜出得快，所以都夠時間食嘅😉

十二月二十日來到將軍澳新都城翠園冬至食飯， 點了套餐。 一心想嚟食餐美味晚飯， 但係上菜慢， 服務差，態度差， 碗碟又倒瀉嘢， Sorry都冇聲， 以為自己嚟咗大排檔， 以後都唔嚟!

經過一週艱巨的工作，任務總算在放假前完成。心情大好，早點放工回家同太太食飯。天氣寒冷，食飯地點選在屋企附近之翠園。點了三個菜：👉麻醬涼拌羅馬生菜茄子🙁生菜算新鮮，但洗菜水尚未隔清，令碟底有水。麻醬落得很少，未能帶起味道。茄子份量亦少。整體而言，不合格。👉菠蘿咕嚕肉🙂咕嚕肉份量算多，肉質頗爽，薄薄一層脆漿，口感不錯。另甜酸味道亦恰到好處，水準中上。👉乾葱豆鼓雞煲😐乾葱及蒜頭非常多，雞件數量還可以。肉質算滑，味道尚可。服務方面，待應算有禮貌，上菜及埋單亦快，整體中上。因有信用卡優惠，埋單半價，二人盛惠$227。如沒有優惠，價錢就偏貴。

忽然想飲茶，見翠園有得用app攞位就即管試下，但都等左幾耐先有位。叫咗幾樣點心，食物味道不錯，有一些比較新穎的選擇，例如煎米雞，其實就係煎嘅糯米雞，都幾特別。但點心款式不算多，一些傳統的點心例如馬拉糕，鹹水角也沒有，有點失望。雖然新開酒樓環境不錯，但座位與座位之間也有一點點的迫，而且價錢也貴一點，希望服務可以更好。

翠園酒樓各間分店的菜式雖然大同小異，但好多時外出晚飯，都會諗起美心集團的食肆，因為覺得它的分店無論環境、衞生和味道，都可保持一貫水準，昨天晚上因没有訂坐，我和家人5:30已到酒樓攞位，點了脆皮牛坑腩、菠蘿咕噜肉、雞蛋焗銀魚、米湯杞子浸菜遠和珍菌手搣豆腐。牛坑腩皮脆肉嫩，牛腩非常入味，雞蛋焗銀魚賣相很好，鷄蛋焗至金黄色，內裏銀魚加配果皮、芫茜葱，食過回味無窮，較之焗魚腸不遑多讓，況且銀魚較魚腸衛生，值得一讚。唯一不滿的是侍應態度欠佳，因有信用卡七五折優惠，埋單$586。

上星期日11月4日同阿媽慶祝生日，叫左半圍烤鴨餐（用中銀12xx，無中銀14xx)，我地無中銀，埋單要14xx，上菜速度勁快，不到一兩個字已上晒大部份餸，估計大部份餸菜已一早煮好，不負眾望，所有餸菜都是常溫的，尤其碗花膠響螺湯常溫不特止，湯是非常稀的，非常無味。而片皮鴨的包皮亦非常有問題，包皮強韌有彈性，質感相當奇怪，皮亦非常厚，整晚除蒸魚較好之外，全晚無一樣食到，這餐是我近3年內食到最差的一餐飯。

假期結束前最岩係飲茶，呢間翠園吾算開左好耐，但因為可以領定飛所以就諗住試下！點知十一點領飛要得200幾張😱😱😱所以已經由想飲晏就變飲下午茶啦本身一點九睇睇仲有一百張，點知兩點三突然以秒速飛到左，見到通知仲有30張，禁入返去已經過左飛😐😐唯有即刻衝落去，好彩仲有得等補飛，但我地五個人原來好多臺都吾坐得🤔甘點解要3-5人為一組呢？最後等到三點先入到去坐一張應該比6-8人既圓枱食物泥講係幾好！魷魚鬚好正，但三點落單已經食吾到叉燒酥同腸粉！應該會因為吾洗落去排而食，但希望可以安排得好啲

今天(星期六)放假，家姐話請我飲茶補祝生日，便和媽媽去新都城間翠園試下，但係卻一肚氣。話說我們點零鐘去到，等了一會兒便有位，係點心紙選了六樣點心，交俾侍應生，但等了半個鐘有多都未見食物送來，發覺唔多妥，請一位侍應check下是否漏單，該服務員一口就答：“唔會漏單嘅。”不過幾分鐘後她回來說：“無落單喎，你搵邊個同你落單架？”無落單都算，仲問我搵邊個落？我點知佢係邊個？依家飲茶落單要問佢個姓名的嗎？已經火火地，唯有馬上攞張點心紙再剔過，點知呢個服務員企係我身邊，好大聲咁話：“快啲啦！”我即時扯火，反問佢：“點解要快啲呀？”佢先至話：“我幫你落番單啦！”之後唔咁再出聲。食物送上來，一般，並非特別好吃，價錢卻一點也不便宜，而且呢間翠園的座位擠逼，枱貼枱。期間更不時見到呢個服務員食到成口食物，趙住咁行出黎做野。唔係唔可以食，但係做服務行業，特別係飲食業，係咪唔應該係客人面前食呢？結帳後忍不住都要向酒樓經理反映。相信酒樓方面真的要加強員工培訓，以免破壞翠園的名聲。

新都城向來都唔多茶樓，不過有質素既茶樓就真係唔多前排翠園新開，要等成二百個位真係好鬼誇張星期六日或者夜晚都仲係好多人但係原來平日下午茶既人流唔算多所以就襯平日放假同呀爸呀媽去飲下午茶平時既前菜要收錢仲要唔好食但係呢到既酸菜又真係幾好食wor$12都幾抵比呀！如果平時或者夜晚去食真係好鬼貴不過原來下午茶又幾抵雖然得個幾款點心做優惠，但係個幾款已經夠好味粟米魚肚粥又煲得幾綿wor連埋d卜卜脆好好食同埋都算幾大碗下呢款唔係優惠既菜苗餃真係麻麻地賣相已經唔開胃d皮穿哂窿咁食落入面d料又唔夠好似食皮咁！呢個價錢呢個質素唔ok囉不過值得一like既係佢既奶皇包真係好流心又香口因為太好食，唔記得影相整體黎講，食物都ok既下午茶既價錢就會去食囉正價就真係唔抵食服務就真係好普通唔似高級茶樓囉