翠園 (星光行)

營業中

休息中

週末與家人到星光行翠園飲茶，一入門口已有一陣陣up味。填寫好點心紙交俾職員，六款點心三款無。上枱後的棉花雞，魚肚未入口已聞到陣陣異味，嘔心！仲有，厠所奇嗅，厠格無厠紙，只見一個個厠紙筒散落一地，公厠不如！最後埋單亦要等成15分鐘以上，但當時酒樓只剩三幾枱客，真係唔明點解要咁耐

美心有唔同嘅中菜餐廳，見佢不定時都會同唔同信用卡做優惠。啱啱撞到佢哋50週年慶祝所以星光行分店就會全單半價，屋企人覺得有興趣，好彩一早book定枱，如果唔係都應該有排等。 大概七點半入座，但有啲湯嘅菜式已經冇曬，所以就嗌咗個蟹肉羹，跟一個燒鵝，咕嚕肉同埋脆皮雞，仲有一個龍躉頭煲，聽職員講一日得兩個，所以要食就真係要早啲嗌啦。 先講個蟹肉羹， 一份可以分到八碗，而且食到一絲絲嘅蟹肉，而脆皮雞方面，一開頭就會原隻雞放上，然後會有店員表演用燒著咗嘅酒淋落去，除咗有咩食嘅享受，仲有味覺上嘅享受。然後就會拎返去畀師傅切件，見到啲雞肥瘦適中唔會話好多都係肥膏之餘啲皮亦都係脆卜卜好好食，燒鵝方面亦都係肥瘦適中 ，差唔多每一舊肉都可以食得曬， 最後重頭戲係龍躉頭煲，一落單就要等45分鐘先整到，一上到菜唔單止分量好足好香，而且龍躉肉亦都係十分之鮮甜，湯亦都有一種鮮甜嘅味道。 雖然係半價，但嘢食都冇揸流攤，服務態度亦都唔會因為忙而差。八點鐘餐廳仲會較暗啲燈，令食客可以欣賞幻彩詠香江！

海港城真係好多呢個集團嘅酒樓，食得太多八月居外賣，今次行遠啲，試吓翠園外賣。相比起八月居嘅午餐外賣，翠苑嘅午餐外賣貴$8，選擇大致上都係差唔多，都係炒粉麵。今次揀咗鹹魚雞粒炒飯，午餐會跟個粟米海皇羹。炒飯賣相一般，思源之後，略嫌炒飯太濕，唔夠乾身，亦都唔夠鹹魚，唔係太似一個鹹魚雞粒炒飯。但係個粟米海皇羹係好好味嘅，有誠意嘅。兩樣加埋份量其實好夠，絕對夠飽。下次都會想試吓佢其他嘅炒嘢，因為個粟米海皇羹真係幾好味

4月28日晚19:09入到位置坐低，開始睇食乜。跟著叫人落單，兩人叫咗3個餸。因為其中係叫乜冇乜！等餸來又係等到呆！9點叫埋單，等到9:30先落到樓！3個餸食2個鐘！以後都唔會來星光行呢間！

美心最近推出優惠，食滿二百送二百現金券，如此類推⋯⋯ 在尖沙咀的翠園，賣點當然係海景啦，無論坐邊個位都可以睇到文化中心一帶的海景，而且員工盡量都會安排窗口位的由於疫情期間，美心安排左執枱專員，不過，今篇食評的主題係污糟，在尖沙咀旅遊地區，杯碟茶壺出現食物殘渣，級數等同於屋邨茶樓的質素，確實令人訝異而食物的色香味更可用差來形容，分分鐘其他區的翠園味道都勝一籌，蟹籽蟹肉伊麵淡而無味，所為蟹肉根本就無只見蛋白，香蝦脆鳳翼都只是普通炸雞翼，只有少少南乳味，脆皮五層肉原來係燒腩仔，但味道偏咸.....

今日去咗山頂行山 之後坐船去尖沙咀星光行翠園飲茶 🫖估唔到今日公眾假期竟然唔使排隊🤣🤣我哋五個人主要想坐下傾下計 所以唔係叫咗好多野食 因為人唔多 坐得好舒服👍🏻👍🏻 第一個送到來的就係錦鹵雲吞 兒時回憶🤣🤣 所以好大期望 可惜個汁有啲淡口及唔夠酸 個雲吞都算炸得幾脆口 唔錯😉炸芋角個造型好可愛 好似一隻天鵝 🦢 睇見有啲唔捨得食😝😝 入口好鬆化好好味😋唔太油整得好好👍🏻👍🏻呢個牛油果炸蝦🍤角就差啲啦⋯⋯ 冇牛油果味 勁重黑胡椒味 個皮又唔脆身 淋ga 呢個都係我兒時飲茶最鍾意叫嘅點心之一 不過細個食嗰啲係冇牛油果喺入邊嘅 只係普通的炸蝦角 但脆卜卜好好食㗎 呢個令我好失望翡翠帶子餃 普普通通正正常常🤣🤣 都幾好食😋百花釀魚肚 魚肚好食 唔油膩 出邊食嗰啲油淋淋 呢度整得好好食 唔錯而個蝦膠重好爽口👍🏻👍🏻👍🏻👍🏻失望嘅魷魚鬚😳😳 我期望嘅椒鹽魷魚酥唔係咁嘅樣 🤣🤣 呢碟似炒魷魚多啲 一D都炸過的痕跡😂😂😂鮑魚燒賣拼炸蟹鉗 我只係食咗個鮑魚燒賣唔差嘅我屋企人食咗個蟹鉗 佢哋話好食😋最冇期望就係個甜品 估唔到係最好食嘅🤣🤣 千層咖啡糕 好香咖啡味👍🏻👍🏻 啱晒我呢啲咖啡控🤣🤣🤣不過我估唔

年初四假期约下午二時才在這店坐下開餐，决定放棄傳统的點心粉麵飯而取精緻小食及小菜，見到有龍蝦優惠及應節小食决定一試。先來了一個名字叫盆滿缽滿的迷你盆菜，材料充足冬菇，瑤柱，魚肚，豉，支竹，蘿蔔墊底，香濃醬汁淋面，色香味賣相絕配。再試了上湯燴龍蝦加伊麵底，加拿大龍蝦味鮮肉爽，上湯汁濃度適中，混以伊麵更顯味道。最後更再嘗了金黃流沙飽，流沙中嘗到蛋黃细粒，甚有口感。果然是可靠的飲食品牌。

因為疫情關係，二人限坐，好耐都冇得出去食🙁今日難得個仔唔喺度，兩公婆可以出去尖沙咀拍下拖，想搵間坐得舒服啲嘅嘆一下，就嚟咗星光行翠園。初頭以為要等位，點知冇咩人，仲可以坐窗邊位，景色好坐得又舒服👍🏻去到叫咗四樣點心，全部都好精緻🥰🥰羊城鳳凰煎米雞啲餡同普通糯米雞差唔多，但佢個面煎過，變咗比較香口，同埋熱煎pan上，所以好夠熱❤️三色點心拼盤有帶子燒賣、小心流沙包同鵝頭鳳尾香芋酥。燒賣一般，但小心流沙包同香芋酥都好好食！咬開流沙包啲蛋黃汁流晒出嚟，好juicy! 香芋酥外層香脆可口，裏面嘅香芋蓉好有芋頭味，咁樣嘅配合令口感豐富！😉值得一試！四色燒賣皇有四粒唔同嘅燒賣，分別係鮑魚燒賣、帶子燒賣、鵝肝燒賣同原隻鮮蝦燒賣，值得講吓嘅係鵝肝燒賣，鵝肝鹹鹹地，又有啲鵝肝香，再配合下面嘅豬肉，味道配合一流！其餘三款燒賣不過不失，鮮蝦燒賣嘅鮮蝦都幾大☺️海皇腸粉呢個係四個點心中最正嘅一個！腸粉皮薄，再包住似炸兩又似春卷嘅餡，外觀一流，咬落去好鬆脆，，啲餡又多，完全唔似一般嘅腸粉，好特別同好好食！👍🏻👍🏻特別注意嘅係真係唔使點咁多豉油😉

今天晚上是疫情前六點後禁食最後一天，所以去了尖沙咀海旁星光行的翠苑就餐，餐廳華麗舒適，可以看到尖沙咀鐘樓海景，令人心境舒暢。我們叫了椒鹽九肚魚，皮脆肉嫩，十分香口。XO醬象拔蚌，令我覺得最驚喜的是，南乳齋煲，很耐沒有吃過南乳的味道，在家裏是很難整得出這樣味道，令我回味。

今晚同媽咪食晚飯.上網見D人話好污糟,但入到去又唔覺.環境都好好,又舒服.2個人食左4樣野. 總結黎講都唔錯.黃金脆皮糯米豬 - 物超所值, 細緻.上湯煎粉果 - 普普通通五香紙包骨 - 超正, 香口蒜蓉蒸龍躉 - 普普通通

新同事剛來，就組織gathering互相認識下啦！尖沙咀翠園環境舒適，餐具都好靚（白底墨綠色水墨風），襯曬酒樓內綠色翡翠style。“真的”菠蘿餐包，菠蘿皮黑色包仔好可愛！椒鹽魷魚酥，沒有傳統酥炸皮，只有墊底的脆脆，感覺好新鮮，不會太油膩，但魷魚腳較硬身。羊城糯米雞。羊城係咪指廣州呢？感覺呢個黃皮糯米雞味道一般，純粹賣相較特別而已。碧綠帶子菜苗餃，味道不俗！叉燒腸，皮薄陷靚！翠園屹立香港咁多年，為咗留住舊客仍然都會有功夫菜例如：柚皮鳳爪等等，新款點心都越出越多，務求不斷提新鮮感比食客，期待翠園繼續保持水準，除左喺裝修同餐具上花心思，食物同服務態度都可以力臻完美。

一別已經幾年嘅翠園, 感覺上內部裝飾又執過下, 而最大唔同係廁所嘅洗手水喉出的是"溫水"! 這樣貼心嘅設備一般只會在酒店級數才有, 但這裡並沒有收酒店般收費喎, 碗碟的確有一套有茶漬同有一粒乾咗嘅米, 但這亦可以理解, 因為他們是用大機洗碗碟, 過機後當然沒法百分百驗一次啦, 這種情況有機會出現, 的確係可以有改善的空間嘅！現在這集團酒樓茶位價已經升至$18/位, 上次去大會堂已經係呢個價, 白飯上至$16/碗, 當晚剛剛好20:00入座, 一坐低無耐全場燈光熄滅因為有"詠香江"上演, 不過望落去碼頭及行上觀景公園的梯級連小猫三四都見唔到, 因為疫情搞到咁的確有點”凄涼"! 講返食物, 燒鵝例牌$128 價格一般, 惜食物溫度不足, 做不出脆皮效果幸肉質保持嫩滑, 鵝腔濃味是一定的了, 蟹肉鳳尾蝦多士5只$98 呢個絕對物超所值, 油溫夠熱令蝦尾都可以食埋, 但又完全無炸過火見燶色, 有蟹肉同無蟹肉分別好大, 同就咁一舊蝦膠相差甚遠, 但要在短時間內將5只蝦全吃光有難度, 南乳粗齋煲$98 叫呢個餸純係想知道最傳統做法下用咗什麼材料, 果然係比自己在屋企做的多幾樣早已被遺忘嘅材料, 例

We booked a room for dinner, it’s pretty nice environment with comsy decoration, but comparing with other restaurant, the room seems a bit small, haaa, but you see 1881 outsides from the window, so the view isn’t badCrispy Baby pig with two light bulb, i think it’s a bit weird having two shinning light bulb, lol, like a birthday party? haaaa but the pork is quite yummy with sweet sauce, though the meat is too thin, the pig is too small la, haaFried golden shrimp with fried tofu is my favorite di

今早妹妹話要食叉燒包，本來想去星光行2樓潮廷；點知去到要11:30才開門，現在10點唯有上翠園。當然翠苑有海景又新裝修，環境是一流的，但是茶錢三個人已經$54，其實好貴下。前菜是牛耳，妹妹當然開心，先來一個煎糯米雞，好味嘅，但太多餡了。。。反而食唔到糯米的味。蝦腸，唔明點解腸粉皮會咁厚，仲有啲蝦望咗一陣豆粉，而豆粉係有啲鹼水味道，好鬼怪，唔好食!叉燒包一籠兩個，其實可唔可以改三個呢？精緻啲會唔會更好呢? 咁大個見到都唔想食😂 妹妹食咗一個，第二個都打包。最好食就係個煎粉果，餡同皮比例適中，清清地但係又係炸嘢。全餐最好食，我食了兩個！最失望就係潮州粉果，之前美心好好食，配埋潮州辣椒油真是頂級之作，但今日隻粉果不再脹卜卜，裏面啲餡花生嘅比例特別多，唔好食。連我最鍾意食嘅嘢都唔好食。so sad.....要隔一陣先會再去呢間飲茶! 清洗下失望的記憶

坐底一分鐘已發現筷子上有食物殘渣，當然通知樓面哥哥，再過多一分鐘又再發現匙羹底部有隻死烏蠅，嘩，真係想點呀，好後悔無影底作証據,之後樓面哥哥呆左望住我地，淨係講成套餐具幫我換，就離開。連一句道歉嘅說話都冇。比我感覺係我地錯咁，我地唔應該發現啲餐具咁污糟。真係好失望，一間咁大集團經營嘅酒樓，竟然可以容忍到咁嘅員工，同時提供咁污糟邋遢既餐具比食客。好後悔冇追究，同時對美心集團再失望即使翠園嘅點心係有質素，但係短期唔會再幫襯美心集團旗下嘅酒樓。