翠園 (荃新天地) (已結業)

上次到荃新天地既時候, 已經見翠園人山人海 記得舊時荃灣區既翠園係"大窩口東亞商場",每逢星期日我地會三家人一齊去飲茶個時既翠園已經好誇張, 要六點鐘起身去排隊等開門霸位架! (呢啲粗重功夫當然係表哥做嗱,嘻~) 直到今門闊別荃灣好一段時光既翠園再次回歸 當然要棒場嗱 今日到翠園, 因為星期日好多地方都無特價, 而且翠園一年到晚都無優惠既所以揀咗佢來試吓嗱! 因為避免等候時間長, 我地二公婆成三點落到去唔駛點等, 陣就有位呢間翠園仲有推點心車架喎 幾懷舊喎但係首先呢度面積比較細,所以啲枱擺得比較密 , 重要推點心車而且與其摩登高貴既裝修有點格格不入 呢度點心款式不太多 但有啲特式點心 和懷舊美點甜品我地分別係車仔和點心紙叫咗啲點心: 鮑汁鳯爪(廚部$38)~汁很香濃, 鳯爪好入味, 個汁仲用咗火腿"拗"所以味道很香和一般酒樓既用鮑汁鼔油做既大有不同, 值得一試 ! 文昌滑雞飽 ~ 不太突出, 不過饀用咗少少馬蹄, 食落有咬口魚蓉燒賣 (燒賣都有三,四款架)中點 ~ 街邊燒賣好食過呢個魚蓉燒賣, 無乜味不特止, 有啲魚味, 唔係好得 ! 煎蝦米腸(大點)~好多好香口既蝦米,腸粉切得細細舊

是日本來係預了入元朗的, 但係又打風又落雨, 就提早出市區. 之後又心思思想出去食, 就一家人冒著雨來了荃灣西, 怎不知原本配套係相當之不完善, 天橋未開放, 入得來商場已經全身都濕了. 但大雨下都有不少人客, 第一選擇要等, 唯有去第二選擇, 馬上有位, 都係先飲杯熱茶為上.環境以酒樓來講都幾好, 係擺位有點逼. 先來的前菜豆角, 爸爸很滿意, 轉眼就清掉了. 另外要了以下幾樣:懷舊鴨腳包$68: 9分, 想不到這裡的鴨腳包係相當之不錯, 賣相幾靚. 或許跟老式的酒家的做法有點不一樣, 但最緊要還係好味道的話也不太打緊. 一客有四隻, 係原隻鴨腳, 好夠蜜味, 多汁, 肥豬肉不算太油, 加上粉淋的芋頭, 一人一隻, 大家也吃得滿意的一味.金蘭豬手仔$38: 9分, 要了兩客前菜, 除了鴨腳包之外, 就係豬手仔. 其實份量不算好大, 但係四個人分吃, 一人也有幾件的. 豬手仔吃落口係相當之香, 好入味, 肥瘦度適中.三杯芙蓉豆腐$52: 8分, 三杯雞就吃過, 三杯豆腐還是第一次, 用煲仔上, 熱辣辣, 係這環境下吃個熱熱的菜色, 自然加分. 豆腐係好滑, 其他配料也幾香口的.招牌脆皮

昨天13/04/2008 一早10點45分到門口取飛, 要一張8人中檯.當時我問幾號飛, 個脂客話499, 而我張飛係511. 因為當時諗住食中午, 所以唔介意等等.點知等呀等, 等呀等...兩個幾鐘頭裡面全是嗌細檯飛.期間只係嗌過兩次中檯同一次大檯.中檯嗌到506就一直冇再嗌, 有個507既女人都係渣住張飛係度等, 諗住下一張就到佢, 點知又係等到火滾!入去裡面睇, 點知數落中檯原來得果幾張, 真係吹脹!同個經理投訴, 佢先開咪講左聲話唔好意思, 又鬼用咩? 等左成兩個幾鐘, 痴線架! 都唔知係咪做生意!中檯大檯唔夠, 就應該去諗點去變嘛,放塊圓板去加大細檯, 乜都得既姐...就算真係唔得呀, 都應該係人地去拎飛既時候, 同人地講聲要等好耐, 等個客有定心理準備去唔去等.講真大人等唔緊要, 一家大細, 細路仔咁等都好辛苦啦. 最後真係好失望+ 勞氣咁比番張飛個經理, 叫佢慢慢等埋佢!!!!!!!!!!!!!!!未食都一肚氣, 開酒樓開到咁細, 一係就咪鬼做茶市啦, 明知逢假日飲茶都一家大細架啦!!!

三月底的星期六, 一家人去翠園晚飯, 慶祝老媽生日.人未齊, 叫了些前菜, 左等右等, 最後侍應話沽清!點了一條蒸老虎班, 肉黏骨, 明顯未熟, 叫侍應淋點油, 她一面愕然, 多番要求, 才一言不發, 悻悻然拿走.其他菜色也沒什麼特別, 唯芝麻土雞較可以.最差是服務態度, 每次叫侍應都找不到人應, 很多人都非常有技巧地低頭而行, 總之就是看不到. 菜上得很慢, 追了多次, 每次都是乾等, 單是叫她們拿蛋糕出來切, 一催再催, 竟要半小時才施施然上枱. 一肚氣呀!價錢不便宜, 食物不怎樣, 服務差劣如斯, 可以的話都不再光顧了.

今晚又再試新店! 一入黎似樓下既北京人家...今次係綠色地氊, 連前菜都係青瓜豆腐花生, 六點幾唔多人...係無咩人, 有兩! 同樣地...叫了香片茶, $9/位!今晚少少作病...叫了魚湯鮮支竹浸花膠, $118, 清清地, 支竹幾多...百幾蚊食花膠...差唔多啦! 另外係金貝什菌煲, $55, 侍應提議二人叫個細已足夠, 唔浪費, 菜同菌都幾多, 煲上但唔油膩...又係清清地, 岩哂作病既我! 食完叫多兩個甜品, 蛋白雙皮奶, $18...原來係薑汁撞奶(我明明見到雙皮奶, 莫非我作病眼花?), 無論薑味同奶味都唔重! 另一個係山楂麥芽卷, $18, 似三條香腸, 山楂同麥芽都係非常淡, 呢度甜品完全唔得!加埋兩碗飯, 二人要$278, 經理明顯地好緊張...叮囑侍應要拎這個那個, 但在人客面前就稍為不當!