翠園 (葵青劇院)

營業中

休息中

📍翠園@葵青劇院臘味煲仔飯天氣涼涼哋，最適合食返個熱辣辣煲仔飯，有鮮肉臘腸、潤腸及臘肉，飯吸收了臘味的油香精華，再淋上豉油，份外美味！⭐️⭐️⭐️⭐️（4/5⭐️）百花釀魚肚不是每間酒樓都有的一個點心，小編每次見到都必會點，魚肚爽口，蝦膠鮮甜入味，份量足⭐️⭐️⭐️⭐️⭐️（5/5⭐️）甫魚滑燒賣一籠共四大粒，有豬肉，冬菇，蝦等，但一夾就散開，味道一般⭐️⭐️⭐️（3/5⭐️）鬆脆雞絲炸春卷略嫌鬆脆程度不足，但味道亦可⭐️⭐️⭐️（3/5⭐️）安蝦鹹水角一碟共三大粒，鬆脆有咬口，入面材料飽滿⭐️⭐️⭐️⭐️（4/5⭐️）假日中午茶市，九成座位滿，場地不大座位不多，較早前裝修完，環境舒適。地點在葵青劇院，如觀賞表演前後，這裏是一個不錯的用餐選擇。

喺葵青劇院睇完戲之後，就過咗去隔離呢一間翠苑食父親節飯，我哋嗌咗個套餐都幾多嘢食嘅，不過我覺得佢條魚個味道比較偏淡，個炸雞都幾好食熱辣辣反而有驚喜，我哋另外再嗌咗半隻鵝，反而呢個就比較失望

🥢 鬆脆雞絲炸春卷炸得都好鬆脆，配料唔夠多，食唔到雞絲，蘿蔔絲就食到，一碟有三件春卷，再煎開兩嚿，💰$22價錢都可以🥢 鮮蝦腐皮卷剪得都好脆，配料都足夠，一疊有三件再煎開兩嚿，💰$22價錢OK🥢 香芋鴨腳扎芋頭幾淋，腐皮有啲乾，鴨腳都夠大隻🥢 鳳爪排骨飯排骨淋，鳳爪都入味，飯就好淋，豉油另上而且俾得好夠，味道正常💰 鳳爪排骨+春卷 $64💰腐皮卷+鴨腳扎 $44🫖 茶位每位$15假日搵位食下午茶唔容易，最好2PM前去拎定飛

荒謬6人套餐，一隻片皮鴨只比八件麵包皮你包，每人包唔到兩件，要你加錢叫，$25八件😓，擺明想賺錢！叫客點會返轉頭再嚟🤭，估唔到美心集團跌到咁嘅質素，唉！唔怪之得美心集團食肆越執越多🤭

真心推介荷葉飯一家人聚埋一齊最好就梗係食晚飯啦，因為有老人家嘅關係，我哋選擇左中菜，好有驚喜呀。 前後總共叫咗差唔多成10樣嘢，有龍蝦伊麵，蒸龍躉，椒鹽豆腐，荷葉飯，西蘭花炒帶子等等。 最有驚喜係荷葉飯，好好味，入面有好多蛋黃，同埋充滿着荷葉嘅香味，雖然係充滿着好多澱粉質，不過真心都好鍾意食，呢個推介俾各位，呢個荷葉飯真係好好味。同埋總括嚟講性價比都還可以啦，我哋叫咗咁多嘢食都係埋單差唔多3千，雖然我哋係係星期日去食，但係居然冇乜人，靜靜地環境都唔錯👍

♨️鳳爪排骨煲仔飯 花咗豉油落去,更入味 飯亦粒粒分明有咬口♨️香煎臘味蘿蔔糕質感比較削 同淋削怪一夾就散♨️薑蔥牛柏葉 味道可以嘅 另一個my favour♨️鵪鶉蛋燒賣 如間酒樓有,我地會必叫 好少酒樓肯做啦,功夫多 呢到個燒賣唔錯,燒賣同個鵪鶉蛋 唔會分離嘅,肉質夠鮮甜。♨️鹹水角炸得乾身 不過不失😋♨️雞包仔好夠薑味料嘅, 但飽皮比較厚,餡料少😅

翠園終於等到今日出關，今次係我第二次中招，究竟人生有幾多個14天？一出關就即刻同屋企人飲茶，等入座等到早市優惠完，呢間性價比唔高，主要價錢貴，味道好一般，加埋阿姐要叫靚女先肯加水，唯一好嘅地方係間餐廳有自備斜板，門口有一級都可以輪椅入到，抵讚！👍👍👍1.陳皮牛肉球$35（6/10）食唔出陳皮味！2.叉燒酥$40（7/10）出面食到有蜜糖！3. 薑蔥牛柏葉$35（6/10）份量少，得4-5舊左右！4.帶子菜苗餃$40（7/10）正正常常！5.流沙奶皇包$35（6/10）流唔到出嚟，一般貨色！6.香芋鴨腳扎$35（6/10）正正常常！7.牛肉腸粉$40（8/10）牛肉碎算多，腸粉夠薄同滑！8.鮮蝦腐皮卷$40（7/10）入面鮮蝦算大同多，腐皮卷夠脆！4人總共價錢$391.6，茶位$56，有加一服務費！個人口味總評分：6.625/10地址：葵芳興寧路12號葵青劇院地下1號舖#點心 #翠園 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #

好耐冇到中菜館「去飲」了堂細佬終於都要投入社會 最後一次畢業 當然要隆重其事龍蝦伊麵味道～淡口口感～肉欠彈性，麵唔油爽口片皮鴨味道～淡口口感～麵皮過韌 要多咀嚼，肉少許木炸蝦丸味道～ 加咗美乃芝 冇得輸口感～爽口 冇油膩感雲吞雞湯味道～湯有雞味，菜吸盡湯精華 都係雞味，雲吞菇味膿口感～雞湯渣冇嘢好說，菜軟淋淋，雲吞皮厚實三色扒豆苗味道～植物原味道口感～爽口蒸班味道～一般魚味 但唔鮮口感～滑 實正雙色糕點味道～ 一個字「甜」口感～煙韌

放假係附近搵間酒樓飲下茶慢慢坐下，就上網搵到呢間裝修美麗嘅酒樓，當日我地1:30先去到所以唔洗等即入，入面都算有9成人仲飲緊茶。蜜汁叉燒腸-呢個重點推介就咁睇都知條條都滿佈叉燒加上佢個豉油係甜豉油，食落仲好食柚皮蒸豉汁鳳爪-蒸到唔會太爛，都好重豉汁味，都推介大家叫牛柏葉-好靭個味道都唔好食筍尖鮮蝦餃-同出面酒樓嘅蝦餃差唔多，但呢個就好貴，好似要40幾蚊，唔係好值荷葉珍珠雞-同啲舊式酒樓味道一樣整體黎講食物偏貴少少，但水準都係偏高嘅，加上裝修環境都好舒服👍🏻

今晚去左翠園食晚飯。大雨晚上既星期四吾算太多人。有個孖寶套餐$268（星期五至日就貴$20）有蒸魚（固定）配一個餸，我地揀咗半隻雞。要讚既係雞雞皮好薄，無咩肥膏，好滑好入味，食得安心又健康另外蒸魚火喉岩岩好，條魚蒸到岩岩離骨。魚只要新鮮就吾洗太多花巧野，清蒸都可以好好味，只要時間控制好甜品點左個三色豆糕，由眉豆，紅腰豆及鷹嘴豆做成，甜度岩岩好吾過甜，，雪得又夠凍，夏日甜品好岩，吾多地方有，幾特別☺️☺️值得一試

話說都好耐冇飲茶，疫情嚴峻都怕怕。但係都要食，所以便去葵靑劇院果間翠園歎下茶。原來宜家翠園都用了QR code 下單，真先進。由於好耐冇歎一盅兩件，所以有點兒失控，兩個人叫了6樣嘢，包括好想食嘅叉燒酥，叉燒包也叫，必食的叉燒腸粉（嘩！原來三款叉燒點心）還有排骨鳳爪飯、煎鮮竹卷和珍珠雞。煎鮮竹卷真的好驚喜，好脆，即煎，熱辣辣，裏面D蝦好新鮮，配埋碟喼汁真係頂瓜瓜，好味到不得了。其實所有點心都應該即叫即製，好熱、好味，真係大滿足

下午茶依然多人要排隊，不過等一陣，都算安排得幾快。點心優惠：鴛鴦南瓜斑蘭糕，鮮蝦腐皮卷，由於時間關係，食完個腐皮卷先記得影相，宜係即叫即炸，夠脆口。呢個糕好有煙韌口感，唔似那拉糕，但又唔似白糖糕，2者中間口感，班蘭味淡淡，但都食到，唔太甜。叉燒包夠juicy，叉燒足料嘅，唔散，食過國燒包個怪一夾就散最差，呢個實得黎夠軟腍。另一個my favour，鵪鶉蛋燒賣，如間酒樓有，我地會必叫，好少酒樓肯做啦，功夫多，呢到個燒賣唔錯，燒賣同個鵪鶉蛋唔會分離嘅，肉質夠鮮甜。咁嘅價錢可以食到少許懷舊點心，好值得間中去懷念下。

同老人家食野最多數就係去酒樓, 都係中意飲下茶食中式野今次因為屋企人生日晚飯就黎左葵芳翠園食, 佢喺葵芳劇院嘅一個地舖位置生日發板叫左相片既野食, 但價錢同食物質素唔成正比, 所以都幾失望, 呢一餐要成千幾差唔多二千蚊😤😤

難得放假，一家四口去葵芳飲茶！自從疫情以來，都無一家人出去飲茶就快忘記點心係咩味啦😂飲茶點少得蝦餃燒賣呢🤗1. 蝦餃：蝦夠大隻彈牙，但略嫌外皮比較厚同乾身！2. 鵪鶉蛋燒賣：粒粒都好大粒，肉質飽滿👍🏻3. 鳳爪： 一般水準，沒有太大驚喜4. 菜苗餃： 餡料飽滿，但都是外皮比厚5. 豬腳薑：豬腳煮得十分軟糯，醋是偏甜味的！6. XO腸粉： 偏辣，十分野味！7: 鮮蝦腐皮卷： 熱辣辣，非常脆口，蝦十分爽口彈牙！酒樓座位非常寬躺！枱與枱之間不會十分靠近，每枱之間都有隔板分開！十分衛生👍🏻👍🏻

生日同屋企人去飲茶，呢間野成日都經過，但係一直都冇入去，因為感覺好貴，不過難得生日一年一次，一次半次就去慶祝吓！飲早茶已經好多人，好彩夠早八點去到啱啱好唔使排隊！之後就見好多人要等飛排隊啦！所以唔想排隊嘅話就要早啲嚟啦！早起的鳥兒有蟲食～啲餐具好靚😻😻叫咗個鳳爪，佢個汁好入味，唔錯！因為有小朋友，所以叫個奶皇包，點知佢一個人已經可以食晒成籠🤣🤣因為實在太好食啦！所以最後又叫多龍！然後就係必叫嘅叉燒腸，佢啲叉燒整得好新鮮👍🏻👍🏻整體來講，出餐嘅速度正常，啲茶濃度剛好，不過滾水因為係用個不鏽鋼嘅壺裝，所以好快就會凍，如果大家想飲滾水嘅話就要搵待應幫手了～酒樓嘅背景音樂係用輕音樂，感覺幾得意，不過一多人嘅話就開始聽唔到音樂🤣🤣整體唔錯👍🏻