翠園 (葵青劇院)

營業中

休息中

一向都唔多食中菜，但同同事食farewell dinner而佢有AE card平日晚餐有七五折加上佢highly recommend 呢間咁就book la。平日都唔會full house. 幾好wor六個人叫左十幾碟，真係人多先叫到咁多野。只係影左其中幾碟，其實樣皮都好食。想講：1）鐵板叉燒好「un」, 即使我地叫左肥叉。但味道係惹味的2）海參花菇鴨：呢個正，鴨肉入味又易「骨肉分離」，花菇有六個，每人可以一個！海參就少啲（都正常嘅）3）炒鮮奶：其實食唔到奶味⋯反而有雞粉味，叫個飯送會好啲（冇咁咸）4）對於唔多食牛嘅我都覺個和牛炒飯好入味（仲有個秘製醬油唔會太咸，剛剛好）5）炸嗰啲甜品冇乜特別，但嗰桶豆花真係正，唔加黃糖糖水都好有豆味。環境方面，由於人唔太多（最多人時都係七成full), 都舒服，上菜都快。但我地由六點坐到十點就愈坐愈凍。而家我冇對中菜咁抗拒了～

收工之後搵左間中菜食翠園一向俾人感覺係傳統中菜點知入到黎個阿姐介紹我地叫韓式菜😂連小食都變埋泡菜（以前食係青瓜雲耳果類）.咁我地total就叫左3個餸第一樣係懷舊紙包骨我一開始個腦係雞包紙包雞包紙😂😂佢有6塊，有兩塊有骨上菜時會幫你剪開張紙肉都好入味食得出薑蔥味.第二樣就係蝦炒鮮奶呢樣唔係度度都有得食佢個蝦好彈牙，有蝦味鮮奶炒得幾滑幾香.第三樣就係魚腐津白魚腐好大舊但係食落去無味個湯反而好濃菜都好入味我地發現魚腐菜同湯同時食就ok😂.係呀最後我地無叫韓國野始終覺得去翠園叫韓式好似唔太夾（個人偏見）😂

美心集團都幾叻，明明上面新都會，一家潮庭，令一間北京樓，以往應該是潮江春，其實明明都美心集團的，本身下面葵青劇院這間，應該是叫做京川滬之類的東西（當年新簇簇都與上司、師兄姐吃過幾次），當時不知是不是美心集團，但是現在就轉了做翠園，那麼就更加明顯，大家都是屬於美心集團。首先，潮庭不接受定位，然後我們去到，竟然要等40張枱，旁邊的北京樓亦都要等六七張中至大枱，於是我只好逕自走到下邊葵青劇院看看有沒有位置，可能由於天雨關係，葵青劇院比較偏遠，因此可以立即內進服務都算挺差，因為阿姐明明看到幾名可能年紀比她大少許的老人家坐着，但是還要在她附近上菜，真的奇怪，而且托盤還要直插本人腰部附近，不理客人的感受。另外，四星燒賣，應該有一種是帶子、鮑魚、鵝肝，但是端來的時候，鵝肝以及鮑魚，竟然已經飛脫了燒賣的本身，即是燒賣還燒賣，鮑魚還鮑魚，各有各放著的，狀甚古怪，亦都賣相極之不吸引，但這不知道是誰的責任，是廚師處理的時候已經掉下，定還是傳菜員將點心的料掉了，定還是上菜時阿姐太大力呢，那就不得而知。鮮竹卷亦都不算極之吸引，因為，它的賣相，看上來極之多汁，縱使鮮竹卷本身應該要有些肉汁，但是也不至於，好像舊式灌

好多時喺葵芳飲茶 都會經過呢間酒樓 望入去次次都好多人， 而且見到佢 寫住早茶有特價， 今日終於同父母一齊去試下第一味就係呢碟椒鹽魷魚鬚， 好有期望咁食但食後好失望， 死實實一條魷魚， 味道完完全全唔覺得係咩椒鹽， 同我想像中嘅爭好遠呢個黑色嘅流沙包就過得去鳳爪排骨飯中規中矩鮮竹卷非常普通牛肉正正常常呢個類似芋角嘅 完全冇乜味如果呢個價錢食呢啲嘢， 我覺得唔合格， 喺附近嘅北京樓 好過佢好多， 下次都係唔嚟

公司年尾午聚:翠園訂到枱已經好好彩，7個大人逼坐一張5人枱，夠晒溫馨。餐具換咗有logo的，即刻升格（升價）同事仔預先剔好嘅點心紙，原來已經更新咗，無咗最吸引嘅椒鹽九肚魚，同埋.....加咗價點心名都改咗好多，單睇字面可能唔知咩黎瑤柱海皇腸》》炸兩蝦腸，油炸鬼仲脆喎熱辣辣好味脆皮五層肉》》燒腩仔，真係睇到分層，不過凍咗上枱，有啲油膩冶味椒鹽魷魚鬚》》唔見椒鹽認得啲鬚啫，no good其他點心保持水準，上枱時間係耐咗啲，不過即叫即蒸係掂喎。最後試咗甜品:酥炸豆沙香蕉球........嘩一大舊粉....厚厚的，頭尾粉團唔好嘥位食落口嘞。 唔推介

翠園點心我相信係佢哋嘅強項， 係屬於精緻點心首先每一籠都係熱辣辣的因為每款點心都十分精緻的，你喜歡食點心嘅人可以試多幾款不同嘅點心相對佢嘅價錢就唔可以算係抵食嘅點心 去到酒樓飲茶，除了食物，服務跟環境其實都十分重要。熱辣辣嘅滾水和酒樓的茶葉亦令人十分滿意。因為是星期六冇下午茶時間，所以唔會遇到要匆匆還枱嘅情況。我會推薦畀各位喜歡飲茶嘅朋友試試呢間酒樓

父母都比較鍾意食中餐 今日就嚟咗葵芳嘅翠園試吓 佢有啲信用卡優惠嘅套餐嘅 不過啲菜式唔太吸引我地 所以我地都係喺主餐牌散叫啲自己想食嘅餸算😂 店員都幾勤力又有禮貌 加水果啲都好自動自覺👍🏻我地嗌咗脆皮牛坑腩 安格斯牛肉炒飯 翠園燒鵝皇半隻 同埋金脆皮糯米豬¼隻🐷脆皮牛坑腩 外層脆脆地 再加埋咁重牛味嘅牛腩 好好味嘅小食安格斯牛肉炒飯 個炒飯唔會好鹹 有啲松子喺入面特別香口 牛肉份量都唔少🐮翠園燒鵝皇半隻 呢碟有啲失望 嗌半隻燒鵝但竟然係嚟自兩隻唔同嘅燒鵝 從肉質同鵝皮都睇得出有分別😥 燒鵝嘅皮都算幾脆 又唔油膩 如果佢呢半隻燒鵝嚟自同一隻就好喇金脆皮糯米豬¼隻 冇諗過佢咁少嘅 不過食落口好好食 皮薄又脆口 入面嘅糯米飯亦都好食 煙煙韌韌🤤 如果多啲就好喇呢餐中餐其實都幾豐富 下次都會試吓食其他餸🥢

難得放假梗係黎個孝女系列，同娘親嘆個下午茶啦，葵芳下午茶時段真係有好多選擇，但個人對美心集團嘅酒樓食物質素係比較有信心。雖然一望餐牌已經見佢加左價🙊但下午茶時段某d食物都有八折，一分錢 一分貨啦一早用排隊app拎左位，所以唔洗等位就有位坐。來來去去都會點翻食開嘅食物當中最愛係流沙奶黃包佢好較熟，似係師傅人手造，有別坊間交黎嘅，包嘅餡料適中，撕開真係流心，食落唔會好漏，亦都唔會過甜百花釀魚肚其實都係我第二最愛，但食過一兩次水準唔穩定，有時蝦膠會好細or過咸，不過今次就pass嘅另外仲叫左媽咪最愛炸雲吞，炸得香脆，粒蝦都大粒，不過如果酒樓有張隔油紙會更好，因為剛剛炸起上碟令到感覺好似好油咁🙊🙊埋單仲送咗張優惠券，下次惠顧滿100蚊就可以用喇雖然有效日期只得一星期，不過住咁近，應該唔難用掛偷得浮生半日閒，放假陪下身邊人也是一種享受吧

每次經過這間酒樓 , 都見有很多人在排隊等位食飯 , 心想有這麼多人排隊應該不會太差 , 於是有日就立心去一嚐究竟 ~首先想講一點的就是 , 這家酒樓嚴重人手不足 , 我們坐下一段時間仍然未有店員前來為我們開茶位 , 只見店員都忙過不停所以我們都沒有追究 ~ 飲茶 , 飲茶 , 茶是很重要的 , 這店的鐵觀音還算不錯喝 ~Menu & 點單紙 ~ 我們兩人 , 但都點了不少食物 , 由於食物很多故未會盡錄 , 只是大約講講比較難忘的食物 ~ 金絲鵝肝酥 : 賣相靚靚 , 但吃下去是微溫的 , 有點滿口油的感覺 , 感覺很頹 ~ 蜆蚧鯪魚球 : 這店的鯪魚球 , 有別於街外一般所吃得到的鯪魚球 , 因為有層炸過的外皮 , 看來是想加強口感讓鯪魚球更加脆口 , 但一口咬下去並不感到脆反而是很硬 , 口感不佳 ; 個蜆芥汁也不夠蜆芥的味 , 到喉不到肺 ~充滿期待的來 , 卻失望而回 ~本篇完 ~

星期六晚飯 ，訂左枱食6:30，比較少人都唔需要，兩小時即刻還枱。但係枱和枱中間嘅距離比較窄，我哋一行八人，都係坐一張中型枱，餸菜都好迫。隔離枱撞櫈。今次第三次來，都是櫈撞櫈，好迫。菜式方面，其實都特別，因為有一啲新鮮感，因為每次都有不同新款菜單食材選擇，新鮮感比起普通美心酒樓冇咁悶。每次來我們都指定食呢一個脆皮豬手，因為真係實在太好味啦! 另外，鍋仔煎生包都係指定菜式，因為特別喜好。呢度都好多人幫襯嘅，所以如果你食晚飯一定要預早訂位。

葵青劇院又換新食店, 次次中午行過都見排長龍, 我最鐘意試新野, 今日終於有時間嚟試新野, 裝潢偏向中格調中餐模式, 掛上大大的水晶吊燈。 點心種類唔算多, 總算有齊一般大路的項目,大點要$36, 加埋一要成$40一個點心, 價錢一啲都唔平, 茶錢收$12位, 幸好佢壺普洱茶都交到功課, 總算比得甘心。炸雲吞我的摯愛.....皮薄爆脆, 之但係個雲吞餡就.....超細粒, 我鍾意食係因為佢甜酸汁, 夠曬醒胃。叉燒酥入口鬆化的酥皮包住香甜叉燒饀料, 叉燒唔肥, 醬汁也不死鹹, 食味不錯。牛肉腸粉腸粉皮薄薄的, 不至於煙韌彈牙, 郤不漿口, 口感其實已經很不錯, 牛肉饀足料, 這碟牛肉腸粉質素不錯, 豉油都混得幾好味。蟹籽燒賣兩隻大蝦加少許瘦肉, 配上脆卜卜的蟹籽, 可能冇乜肥肉, 媽子唔like, 佢話唔夠香及多汁喎。荷葉珍珠雞一口可以吃一雞, 冇乜料, 好似得汁叉燒加少許肉, 呢個珍珠雞的糯米飯啱老人家食, 冇牙都食得到, .....好軟好腍, 個人就唔係咁鍾意。

食物質數 - 如果以 10 分來計, 值 5 分, - 牛腩, 食食下發現有 2 件是 (宿) 的, - 貴妃雞, 乾 (爭爭), 好似隔夜咁- 叉燒, 情況一樣, 乾 (爭爭), - 豆腐羹, 正常- 擔擔麵, 漿糊一樣, 難食- 蒸魚, 正常- 炒蝦球, 正常- 炒菜, 正常- 甜品, 極極甜服務質數 - 如果以 10 分來計, 值 4 分, 不合格全程 (個半鐘) 7:30 - 9:00 pm, 無人換骨碟, 無人收碟 (已食完的), 蒸一條魚 , 上桌時, 連長 spoon 也沒有, 要問員工去取. 全場只有 50% full, 不算繁忙, 員工不知在什麼地方 (蛇王?), 沒有牙籤, 樣樣都要問, 什麼是 service?!四人晚飯, 埋單 $1100, 質量不如一般食店 $4-500 貨色, 伏 . . . 伏. . . 伏 . . .

上星期公司開年飯，有同事就提議去葵芳劇院旁邊嘅翠園，這個位置之前係另一家酒樓，水準亦唔錯，今次轉了翠園，有同事就提議去試下。由於係開年飯嘅熱門中午時段，出面都排滿人龍，好彩我哋有預先訂枱！我們點了一般嘅點心， 及叉燒、燒鵝及一些午市炒點……點心上枱賣相唔錯，但味道一般！芋角一啲都唔脆清炒菜苗面圖係凍的涼瓜牛肉炒米粉亦有點失望， 米粉唔夠乾身最離譜就係我們點了的燒味遲遲未到，最後我哋追單才通知我哋這天沒貨了講真呢間酒樓價錢不算便宜，今次經驗算是十分失望了……

初四約好友共聚，去葵芳新開的翠園，食撈起宴祝願大家新年個個都撈得起！！兩年前 喺另一間美心集團既中菜 食過撈起宴，今次上吓呢間 比較吓先首先，放張靚餐墊跟著，上撈起，負責試呢個菜式既職員，跟足十個步驟，講曬好意頭.值得打賞！好友大家一齊起身撈起，喜興至極！放入三文魚 及 鮑魚椰菜，柚子，酸羌，芝麻，好清新，多重甜，酸，少少辣味cross over. 似食緊泰式柚子沙律，不同既係加入左三文魚同鮑魚撈起餐 第二道菜式係呢個煲，啲帶子 花膠 花枝片 花菇 發菜 小棠菜 一齊用蠔油燜，好入味，但我覺得以六人份量來說 細煲左。花膠得兩件，帶子四粒比較另一間中菜 同樣有呢個套餐來說，翠園碟頭份量細，但價錢相約，如果請朋友食此套餐，唔夠大體。另外我地都叫左呢三個餸 同埋豆腐鯗。個湯 入口清淡 消去油膩咕嚕肉味道唔錯。豆漿浸菜心 ,味道清淡，豆漿汁微甜，唔錯。但份量六人食 唔夠食

新都會裝修完都幾靚幾舒服喺附近既翠園飲埋茶就一流佢既餃類同腸粉類都好正！皮夠薄 料又夠多～特別係個叉燒腸真係無得彈！強烈推介大家去飲茶既話要叫佢個皮好滑 而叉燒粒又爆多 完全值個個價！