翠華餐廳 (已結業)

鑒於平時有食開素今日去咗中環蘭桂坊嗰邊嘅翠華食佢哋新出嘅新豬肉新豬肉嘅意思係用粟米糙米等等嘅成份去製造冇任何肉類或加添物膽固醇又可以減低脂肪又少值得一試同埋早排又有豬瘟搞到我都少食咗豬肉好耐講番餐飯先價錢唔貴今日叫咗依個肉醬煎蛋飯都係$45不過唔包嘢飲以素食來講佢唔算太太太貴不過可能係新推出暫時都係得兩款新豬肉嘅食物除咗嗌嘅煎蛋肉醬飯另外都有肉醬意粉嚟到賣相唔差份量都好大食唔晒結果男朋友要幫我食埋佢（男朋友是一等一食肉獸）不過佢都話唔差但係佢唔會自己去嗌會再食！！！

身處起中環就一定繁忙仲要係lunch hour同快餐店服務差都冇計架啦 預咗我地差一個人先齊人 有個姐姐話 未齊人企開一邊 唔好阻住...然後終於齊人入座張枱未清潔 又未有餐牌咁咪舉手叫人... 叫咗2個...見到扮睇唔到之後先有人”唔”咗聲認我地至於食物餐牌食物種類繁多 要小食 餸配飯 鐵板燒 魚蛋湯河 炒粉麵飯 三文治 菠蘿包 素食 通通都有我叫咗個 菜遠深海魚柳飯 ($87)上菜快 好在望落都唔錯亦有足夠蔬菜 飯一大碗 包食飽 魚柳都有6-7大舊 份量充足白飯遍硬身魚柳幾好食 滑身得黎唔太軟身 可以切開一片片 食落好似新鮮咁 唔錯👍🏻醬汁都好 用黎撈飯食 可能因為係少鹽餐廳 唔太鹹亦唔油 味道適中另外叫咗杯凍高鈣低脂鮮奶 ($24)飲落唔夠香奶味 所以好淡 應該係奶粉/奶脂整出黎嘅奶?! 唔值$24... 出去買~$7鮮奶好過一個lunch就食咗~$120 但係佢只不過係間茶餐廳...有啲唔抵聽講依間翠華價錢俾其他分店貴 地理關係...但係我想講入面勁逼 樓下層啲燈光又黃又暗 一啲都唔好坐😟

早餐係最重要架！想食港式早餐，就一定要食翠華既沙嗲牛肉公仔麵，加埋奶油豬，真係無得輸架！翠華唔係人人鍾意食，覺得上市餐廳又貴又水準參差。但我仲會間中黎支持下奶油豬同牛肉麵，堂食還好，外賣不行。點知又轉左menu主食牛麵個麵仲好爽口，保持到唔淋。牛肉正在都係靚牛肉，不過有時多有時少，但總算勝在夠多沙爹汁，好香口。奶油豬的確係大舊左，不過呢，唔再係跟餐，而要加$16。舊餐包變左而家奶味濃郁既小圓包，鬆軟左。炒蛋方面，實淨左，無咁水質同散。ok的

Ben爺 放工後無家可歸， 晚上在中環想胡亂吃點東西 就算了， 首選當然是 街角的 翠華。豬軟骨 魚蛋河粉， 豬軟骨 表面 非常乾， 應該是做好了的豬軟骨放了一整天 表面已經風乾了。 魚蛋沒有魚味， 跟豬軟骨一樣難食。最離譜的是， 凍檸檬茶竟然是反茶的! 茶身混濁， 完全沒有清新的茶味 ，在香港的 茶餐廳有這樣出品的檸檬茶簡直是恥辱!

今日香港打風返中更既我提前就到達公司放同事走返到公司無幾耐正式掛起8號風球工作一輪後肚餓想食 d 野但橫風橫雨邊到仲會有得揀好彩樓下仲有翠華係到默默耕耘凌晨時間打住8號風球店員仲好有禮貌問我食咩果下其實有啖曖飯落下肚我已經好滿足無諗過仲有得睇個menu慢慢揀最後揀左個咖哩吉烈豬排飯佢個吉烈豬排係即炸架熱辣辣配上香噴噴既咖哩汁本身唔算好肚餓但三扒撥兩就張整碟飯食完天氣受冷但這餐暖在心頭向所有打緊風都照樣工作既人士致敬

中環的翠華應該無人不識, 皆因位於舊址中環街市旁的位置, 點了港式早餐一份, 包括沙嗲牛肉公仔麵一碗, 炒雙蛋和餐包一個老實說這裏的衛生環境認真一般般, 地板上總是滑滑的, 可能跟這裏出入的客量比較多有關沙嗲牛肉公仔麵正常味道, 炒雙蛋大份量, 餐包也算正常, 一份翠華的招牌早餐絕對足夠飽到下午, 一般而言吃過這重量級的早餐後, 午飯時間也會儘量吃輕盈的

點解啲野可以難食到咁！成80幾蚊個晚餐（豬扒意粉), 豬扒冇豬扒味，粟米冇粟米味，D菜好老，係得個意粉較為正常啲！總之就係差差差!我唔係搵唔到落腳地我都唔會嚟翠華！又貴又唔好食!😪😪😪👎👎👎

每次經過翠華茶餐廳出面都聞到看噴噴嘅麵包味,加上每個都漲卜卜，令人好想買番個，尤其叉燒包同菠蘿包，但今日買咗雞尾包，雞尾包同美X比價錢相若，size算加大碼，一啖咬落去就知好味，裏面嘅椰絲餡好足料，唔似美X咬到一半先咬到d餡，加上熱騰騰，$7絕對抵食。

係中環上完堂，見lunch hour 周圍既餐廳都好多人，行經翠華見入面有位就決定入去食。呢間翠華面積相當大，而且有兩層，可容納大量食客。坐底後，發現選擇困難症開始發作，因為翠華本menu 都幾厚下，有很多食物款式供人選擇。最後因為荷包瘦削，決定選較便宜的順德魚腐米線$36。呢碗米線食落有驚喜，雖然先$36，但魚腐都幾多同幾大粒，味道亦相當好。米線方面都好幼滑，即使浸得耐亦唔會發漲!另外佢既湯亦都好好味，$36 黎講簡直平靚正!

翠華可能係我係中環最鐘意食既lunch主要原因係相對容易揾位 同埋每日都有set lunch唔洗諗 location就近公司對比其他茶記 價錢就相對應高 不過一分錢一分貨啦 平時set lunch就唔多講 都係一塊肉加汁加飯/意粉 連湯同飲品就68蚊今日想介紹最鐘意食既沙da汁牛肉炒河 非常高質有圖有真相啦 份量非常足夠 牛肉同配料都好足 加上有wok氣 真係一流 價錢就相對高7十幾蚊 加杯茶油 賣單都差不多100蚊 不過質數遠勝其他中環茶記

每次經過這間位於中上環的翠華餐廳都會停一停諗一諗，就是因為一個包。諗下今日食唔食這個榴槤菠蘿包呢？ $14一個外脆內軟既菠蘿包，內涵才是精華所在榴槤肉像火山爆發一樣爆出來，味道香濃~榴槤控必食推介~

午飯時間，周圍都超級多人排隊等食飯。最近天氣差，病左，個人無咩胃口都唔知食乜好行下行下，見到翠華。其實平時就一定食豬仔包，病就唯有食清淡d啦~好，一於行入去！唔駛等，一入就有位，真係好難得，好感動呀！可能戴住口罩，個姐姐倒左杯暖水俾我好暖，好窩心呀然後叫左個魚蛋河食，算係一個好好的選擇座位又唔太逼，靜靜地食個午餐，追下娛樂八卦【安心偷食】事件食物上菜速度好快，俾錢又好快八達通嘟完就拜拜得打工小妹表示整體用餐體驗滿意

#翠華餐廳 (中環)中環德輔道中84-86號地下-----仿鮑魚火腿絲湯通粉配無公害炒蛋。腸仔 。牛油豬仔包（$39）- 好耐無食翠華早餐 ～ 餐牌同以前差唔多 無咩變化 食物質素方面 仿鮑魚火腿絲通粉 不過不失 係茶餐廳ge味道 無驚艷但都ok ～ 腸仔好似白洽腸仔😂好健康 完全無油 不過重口味ge B仔 其實更愛香煎過ge腸仔😝 牛油豬仔包一如既往 外脆內軟 牛油香滿瀉 非常heavy又誘人 如果中意奶油豬口味 可以問人攞煉奶😄而炒蛋 係咪真係無公害我就唔知啦😂不過份量超級多 炒得juicy又幼滑 呢間分店ge早餐廚師炒蛋功力唔錯～😄-----👶🏻B仔整體評價：8/10個👍🏻👶🏻B仔抵食程度：7/10個👍🏻👶🏻B仔環境評分：7/10個👍🏻👶🏻B仔味道評分：8/10個👍🏻👶🏻B仔回頭機會：8/10個👍🏻-----#swallowhongkong跟住我一齊吞食香港啦！🤤#swallowcentral

早餐沙爹牛肉麵 配煎雙蛋、  脆豬（豬仔包)咖啡或茶，39元，比隔籬華豐貴兩元。沙爹牛肉好味夠腍，麵質爽滑；煎雙蛋我要反蛋 煎得非常靚，半生熟但完整 冇穿冇爛 仲有脆邊；豬仔包鬆化卜卜脆；我要 奶茶 奶另上， 都能做到。不得不提就是連調料架 都相當講究，鹽、胡椒粉用一次性獨立包裝，雖然唔係好環保，但勝在乾淨企理，除咗白砂糖，黃糖，仲有代糖 ，認真齊全。我亦留意到翠華餐廳的夥計 普遍比較年輕，服務態度良好，真是非一般的茶餐廳。

夜晚中環真係冇乜好食，好耐冇食過全宇宙最冇益嘅乾炒牛河，去咗翠華買外賣嚟食。落單時，揭咗好耐menu都搵唔到，可能呢味菜式已經太old school，又冇益，食嘅人已經唔多。終於揭到啦，$72唔連嘢飲，正常合理價啦，中環喎，同埋上咗市喎。落單時，個阿姐好多外賣電話接，又IFC、環球、怡和，證明中環夜晚真係一個食物沙漠。落單到有嘢食拎，只係等咗5分鐘左右，算快，合理時間咯。拎到返Office，佢個外賣包裝真係有讚有彈，第一係袋厚，好穩陣，但唔環保；第二，筷子套裝太靚，堅唔環保；第三，個盒蓋得好穩，如果係食物有湯汁都會好安全，有誠意。到個牛河，驚喜喎，雖然落重油炒，但肉好腍，舊舊都食到，又唔燶冇過火，不過唔知係人炒定機炒嘅呢？