影片
更多
2012-08-15
66 瀏覽
如果理所當然係指價錢、意料之外係指質素，我諗小弟這個中環低薪族唔會食完一劑翠華後就開始帶飯。初初返寫字樓，冇野做都唔敢太猖狂地上網，唯有睇下openrice，比啊頭斷正都有理由話人生路不熟要搵野食。按地區搜尋自然見到呢間比各大小粉絲吹捧到有大量正評嘅翠華。古語雲三人成虎，縱使響荃灣，每次經過翠華睇到連半打撻都要成幾十蚊都會感嘆：“唔 係下嘛”嘅自己，都漸漸比比正面食評槍擊至價值觀都改變埋。心諗，話唔定有驚喜呢！而呢個念頭，就同賭到爭落成身貴利、仍要攞埋船飛錢去訓身落最後一鋪百家樂嘅賭仔想法一樣，結果當然，慘淡收場。因為一個人，被掟到去一張六人檯嘅中間位置，左面係三位喋喋不休嘅女士，右面係狼吞虎咽嘅男士，好環境。一間好嘅餐廳就係能夠體現當地特色，香港，尤其係中環嘅喧鬧特色於此表露無遺。翠華簡直係港式餐廳嘅表表者。侍應迅速遞上餐具，冇笑容招呼就預左，但連menu都唔比就唯有睇檯面果D洗腦餐牌。午餐有幾款，當中有一款應該就係隔離位男士食緊嘅“菜遠深海斑球飯”（字眼可能有出入），碟飯有幾塊魚、兩條菜，正常啊，唔通上埋個魚頭比你咩。我一睇個價錢，$74，差D嚇 死左。再睇其他餐，都係50
初初返寫字樓，冇野做都唔敢太猖狂地上網，唯有睇下openrice，比啊頭斷正都有理由話人生路不熟要搵野食。按地區搜尋自然見到呢間比各大小粉絲吹捧到有大量正評嘅翠華。古語雲三人成虎，縱使響荃灣，每次經過翠華睇到連半打撻都要成幾十蚊都會感嘆：“唔 係下嘛”嘅自己，都漸漸比比正面食評槍擊至價值觀都改變埋。心諗，話唔定有驚喜呢！而呢個念頭，就同賭到爭落成身貴利、仍要攞埋船飛錢去訓身落最後一鋪百家樂嘅賭仔想法一樣，結果當然，慘淡收場。
因為一個人，被掟到去一張六人檯嘅中間位置，左面係三位喋喋不休嘅女士，右面係狼吞虎咽嘅男士，好環境。一間好嘅餐廳就係能夠體現當地特色，香港，尤其係中環嘅喧鬧特色於此表露無遺。翠華簡直係港式餐廳嘅表表者。侍應迅速遞上餐具，冇笑容招呼就預左，但連menu都唔比就唯有睇檯面果D洗腦餐牌。午餐有幾款，當中有一款應該就係隔離位男士食緊嘅“菜遠深海斑球飯”（字眼可能有出入），碟飯有幾塊魚、兩條菜，正常啊，唔通上埋個魚頭比你咩。我一睇個價錢，$74，差D嚇 死左。再睇其他餐，都係50以上，我屈指一算，為自己呢個一個招牌跌落嚟砸死一街嘅大學畢業低薪一族感到悲哀。死窮鬼，慳D洗，唯有揀個招牌魚蛋河，食完快快離開這個令自己相形見拙的傷心之地。
碗河緊貼著個湯嘅濃烈胡椒味好快嚟到。呢碗野真係冇乜特別，菜都冇條，一開始比落果半杯水飲完就奉旨冇人嚟斟，唔緊要，但個湯可唔可以唔好咁重胡椒味？又標榜什麼鮮味魚湯，除左胡椒味就連魚味都冇。但比得咁多錢，就算失望，都要催眠自己等唔好背脊骨落。不過一路食，我就一路諗，可能呢度嘅質素係高過一般茶餐廳一D，但如果你比得起呢個錢，又會唔會只係值呢個質素呢？可惜要錢容易，要質素困難。冇人會走去樓下茶餐廳同個師傅講“我比夠翠華個價你，你可唔可以整到好食過翠華啊？”為左追求理所當熱嘅味道，太多人願意付出。翠華咁受歡迎，應該係對飲食文化嘅一個警示。
PS：題外話，食多D翠華係可以習慣同女食飯嘅飲食模式。
張貼
