翠華餐廳 (已結業)

下午茶時段點了公司三文治和香檳凍奶茶香檳凍奶茶一早就來了，但三文治就久久不來，原來就食漏了單香檳凍奶茶就係冇冰凍奶茶，味道同一般的凍奶茶是一樣的；但沒有冰的凍奶茶避免了冰溶落水中沖淡了奶茶，所以由頭到尾都係咁好味，而且夠大杯有排飲我以後都寧願貴D都會要香檳凍奶茶公司三文治係港式既公司三文治，咁姐係冇碎蛋同雞肉，轉左做炒蛋同午餐肉。炒蛋係特別模仿碎蛋既做法，冇將蛋白同蛋黃打匀，所以蛋白同蛋黃分明，做到好似碎蛋咁。特別要講下係果蛋炒得真係好滑，而且好香蛋味，唔係一味得果鹹字；唔通呢個就係 "無公害雞蛋" 既特點?!三文治夾得好靚，最鐘意底層既火腿芝士，有好多蛋黃醬超正!麵包簿簿的三片，唔會令人過飽，多送少包。 烘過既麵包好好味，而且烘得夠均勻。幾好味呀...但係一定要單叫價錢都唔平呀。

　　　因為早前參加菠蘿油西多士選舉中了安慰獎，獎品是菠蘿油及西多士換領券，憑券可於指定得獎的餐廳享用菠蘿油及西多士，我和媽就選了這一間。　　　菠蘿油的皮很脆，而特別的是牛油是另外以一個玻璃碟盛載著，以兩塊硬冰鎮著那片牛油，牛油便不會融掉，是冰鎮菠蘿油，菠蘿包也夠大，吃著的時候感到一種滿滿的幸福感。　　　西多士勝在火喉剛好，不會過焦，而且新鮮煎出來，熱騰騰的，很有嚼頭。我們另外還要了一個蛋撻，蛋撻的餡很清甜，蛋撻是酥皮的，很有層次感，讓人難忘。　　　奶茶勝在夠濃郁，味甘而恰到好處，不會太苦澀；駌鴦也很甘香。　　　　　值得推介。

$6 菠蘿包大約下午三點, 經過翠華見佢啲包好香, 買左個菠蘿包食今時今日週街都買倒菠蘿包, 但真係唔係好多地方啲菠蘿包係整得好食。但這個翠華菠蘿包, 可以講係好食。菠蘿皮夠厚夠脆, 個包暖暖地, 咬落去有脆的皮和軟熟的包身, 滿足。

跟朋友約好在翠華吃晚餐,我們選了中環最新開那一間, 因為只有2人的關係,所以只點了牛腩飯和"鐵板四川蝦球xxxx兩麵黃"即是炒麵(名字太長忘記了) 及2杯凍飲。我想讚的,是那個炒麵,炒得非常好,夠脆夠香,有點辣得來還帶點甜酸,很開胃, 2人share一碟,我覺得不夠,因為實在太好味,下次再來,一定要每人一碟,哈哈。反而牛腩飯和凍咖啡就普普通通,其實來到翠華應該飲奶茶的,但我個人不太喜歡奶茶,所以便選了咖啡。

其實食過唔同嘅翠華都唔少次, 但就只有庸記對面的最好食.其他如這裡或佐敦, 銅鑼灣, etc, 係差啲, 不過這裡比較近同乾淨食 lunch!抱歉從來無乜影過相, 但有啲嘢, 翠華也會是長期心水:1) - Baked Porkchop Rice: is always pretty reliable, but not top quality enough especially in its rice. Nevertheless, its definitely above-average.2) - Hong Kong Style Napolean Cake, 港式拿破崙: This can be found in some older bakeries, but the one available in Tsui Wah is very addictive! Its so good - I never even bothered paying attention to what its made up of as I just can't help myself biting

四月上旬蛋撻不會令人覺得好特別，但偏偏無佢唔得，尤其外遊時總想在行逛得累時，一件撻一杯奶茶。這天忙得不可開交，就連吃碗雲吞麵的時間都無，路過新翠華見有賣蛋撻，雖然價錢要成$5／隻，但別無選擇下也來了一件，非剛出爐的酥皮撻，入口微暖，皮一咬即化，軟腍得可憐，皮淡而無味，而蛋漿色淺，味道又是淡如水，只得糖的甜味，同樣價錢樓下街市可買兩件，味道較這裡好多了，是試一次就夠的質素。

喺中環返工，好多時都會嚟呢度買麵包做早餐，覺得佢嘅麵包雖然貴啲，但新鮮熱辣，非常美味。今日放工，特意過嚟睇吓有乜嘢可以買回家俾老公同亞仔食，發現佢下午接近六點鐘，竟然仍有新鮮麵包出爐，於是二話不說便買了:-菠蘿包 ($6) --- 據說菠蘿包是源自香港的一種甜味麵包，因為菠蘿包經烘焙過後表面金黃色、凹凸的脆皮狀似菠蘿（即鳳梨）因而得名。菠蘿包要以熱食為佳，酥皮要做得香脆甜美，而包身則要軟身才好吃，翠華嘅菠蘿包就完全符合晒上述條件，而且老公仲自製菠蘿油添雞批 ($9) --- 面頭嘅批皮焗得金黄香脆，而且餡料豐富，不過暫時我覺得最正嘅雞批都係灣仔嘅金鳳茶餐廳，佢嘅雞批雖然比翠華細個啲，但我上次購買時剛巧新鮮出爐，又香又鬆脆，仲熱辣辣，啲料又多，非常好食拿破崙 ($7) --- 呢個都做得幾出色，件餅整體算鬆化，裏面嘅核桃脆脆地，有咬口，都唔錯，但喺我心目始終未算最好，因為我覺得最正嘅拿破崙係跑馬地嘅祥勝茶餐廳，佢嘅出品鬆脆可口，令人回味無窮，而且只係 $4一件，試過午飯後先去買，原來一早已經賣晒，要食就要一早搭車入去買，但由於太久沒去跑馬地，現在未知是否已加價了。

放o左學，一個人找地方食飯簡簡單單吧...坐了 L 卡位，睇o左好耐，唔知食咩好唔想食得太 heavy，始終都比較夜最後揀o左肉醬意粉其實係好 heavy 的呢...但睇到 menu 個賣相，好吸引呀...可能係焗的關係，都等了好一陣子上菜時熱烘烘的，侍應叮囑小心不要碰到碟邊攪拌過後，好香的肉醬味肉醬的多足以令每一條意粉都沾得上還有一件件切細了的鮮蕃茄，拉起變得一絲絲的芝士好飽，滿足的離開

奶油多係我三點三既首選，自從異變做奶油豬之後，有得選，我都會要奶油豬，外賣送到，多士已經唔好食，豬仔包至少比多士放得耐一點。食過唔少地方既奶油豬，翠華這裡水準較為穩定，是連鎖店質量控質功勞吧。今次堂食，這裡奶油豬烘得不錯，夠熱，外面很脆飽夠鬆軟，奶油亦適中，很怕太多，亦怕求其兩三下就算那種。水準keep到，服務就較為一般。

我本應諗住休息三個月唔寫食評,儲儲埋埋D相,已有廿多間可以講下既食店...呢幾日假期,我去左域多利皇后街幫朋友睇舖...4月3日早上..約左一個店裡面女仔食早餐預定三個人,其中一個女仔一早到左..佢幫我地叫埋早餐我在電話托她幫我叫沙爹牛肉米,凍奶荼..我黎到後,個米都未黎,等左5十分中,有個巨碗裝住半碗米粉,約有5塊牛肉..我大概用了5分中吃完....當然,是不夠飽的...良久,兩位友人吃完双蛋,餐包及通粉後,我看看餐牌...咦!!沙嗲牛肉面配双蛋和牛油餐包 $26元,凍飲加3元..那我的双蛋和牛油餐包呢??問問待應哥哥..『我個蛋咁耐既??』他說:『你冇野黎架啦!!!個米粉散叫的,要$26元.乜都冇架.....同你朋友講左啦!!....』我說:『下!我呢杯凍奶荼加半碗米粉要$40元??不是吧!!???...』那個湖南的小妹妹眨着大眼睛,知道出了事..可憐地1,她不太懂廣東話, 2,待應哥哥跟她說話時,她正講電話,根本不知他講乜..叫經理出來,那位經理沒有問清楚便說:『佢(待應哥哥)話之前有同你講架,你梗係要比$..』結果,湖南的小妹怕事又不好意思,怱怱付了錢...$40元早餐,我唔

2月9日（星期二）中午，後天便是考試日了，是日準備“努力”溫習，但仍然睡至差不多中午才起床，所以在溫書前去找女友吃午餐。女友想去試新裝修後的「翠華」，我一點前去到，門外的人龍幾乎已排到轉角位，不過人流散得快，不用等太久就有位，但入到去就立刻明白箇中原因。一張平時祇坐四至六人的小圓檯，此時卻坐了七個人（其中一個是還未到的女友），坐得迫是固然，但進食的空間同樣是足襟見肘。女友來到後，看了掛在牆上自動“變臉”的餐牌和設計精美的厚身餐牌後，就點鐵板宮保蝦球炒麵，我就點咖哩牛腩飯，另加熱咖啡和熱檸蜜各一。我的咖哩牛腩飯先來，咖哩汁夠香辣卻不霸道，送飯一流，略嫌醬汁不太夠杰身，牛腩有四大塊，炆得夠軟腍，可惜仍要“撘”一大條牛根，我不喜愛吃牛根，所以咬了一口就沒有吃了，白飯尚算有飯香，口感軟綿。題外話，當咖哩牛腩飯送來時，一碟白飯加埋盛咖哩牛腩的四方形碗，已佔了幾乎兩個人“應有的空間”，建議白飯也可用四方形碗或店方再自行研制合適的精美器皿盛著，這樣便可更慳位。之後鐵板宮保蝦球炒麵也很快上檯，“宮保”應該是泰式甜辣醬，不過味道既不甜亦不辣，中蝦球約有六、七隻，口感爽滑，炒麵亦炸得夠香脆，而且份量也比想

由港式茶餐廳變成翠華,換湯不換藥.但聽起上來,翠華名氣大得多.常吃肉絲炒麵的我,今次轉個來吃咖喱牛腩飯.翠華的咖喱聽講也是名物之一,奈何我一直也沒有去品嘗.不是是否即叫即煮之關係,隔離檯與我同一時間落單的食客,他的宮保蝦球炒麵,比我更早到.這個咖喱牛腩做得不錯,咖喱味道濃惹刺激,醬汁厚度剛好.牛腩做得軟稔,還有一些牛筋,兩者也做得入味.四十幾銀吃個沒有餐飲咖喱飯,貴嗎?貴.梗貴,不要忘記,這是中環+翠華的黃金組合.臨走之前再打包個奶油朱仔,給女友吃.到最後還是在巴士站上分甘同味,豬仔包香脆鬆軟,奶油味道香濃,你一口,我一口,差點忘了上車.

十二月中旬‧晴原本是「山水傳奇」的其中一章，話說「親疏有別」，也不是人人值得買精緻的西餅去招呼的。一些沒甚交情，又或是恨之入骨的，求其餵些東西給他們吃，已經仁至義盡。一日，看到這裡有拿破崙買，買幾件來吃一吃。吃落，原來又幾好吃，上面的夾層是蛋白餅，吃起來甜甜的，口感煙韌。裡面的核桃鬆脆好吃，很不錯。內裡是一片曲奇餅，鬆脆可口，整體而言，很不錯。這是我喜歡的港式拿破崙。雖然是7蚊一件，便宜得發笑，但最後也沒有買來應酬那些「其他人等」，因為實在不用對他們太好。

從前, 呢個轉角位是叫做港式茶餐廳. 是翠華旗下的其中一間, 名字雖不同, 但賣既野相同. 至從前幾個月, 港式實行大裝修, 重開之日, 亦被正名, 改返做翠華餐廳. 地方, 新淨了好多, 但檯, 擺佈得比以前密麻, 基本上, 所有通道要側身過, 而且明明是6人檯, 硬都要擺8張凳埋去. 我知翠華既野食好, 但坐得唔舒服, 當然會大打折扣.7個人迫滿了一檯, menu都看不清. 不過, 留意到, 味道哥仔不斷拆雞肉, 海南雞飯, 好似是翠華其中一個名物. 我就毫不猶疑地, 叫下他們的文昌雞飯. 而同事仔, 亦點下另一名物, 鹿兒島豬軟骨拉麵. 文昌雞飯先來, 一遞上, 熱飯散發出的雞油香味, 令人食指大動. 套餐中包有一個西洋菜湯. 我先飲湯才食飯, 湯, 清清地, 西洋菜沒有煲得太淋, 雖然已經係煲到變了色, 但仍然保持爽爽地, 有咬口. 雞, 預先在廚房去骨, 雞肉嫩滑, 不過說雞香, 仿佛已經落哂係碗飯度. 而且雞件不肥, 食多一塊雞皮都頂得住.豬軟骨拉麵, 說腍, 翠華的豬軟骨果真做到非常之腍, 豬骨湯又夠濃. 最好的就是, 豬軟骨, 炆得非常腍, 軟骨如豬筋般, 翠華既出品,

對我來説，由港式茶餐廳改裝而成的翠華， 本來就跟以前沒太大分別。最大的得著應該，算是門口那麵包檔 - 因爲有新鮮熱辣的麵包供應！ 一直希望中環翠華跟銅鑼灣翠華一樣可以賣熱麵包，現在得賞所願！！那， 先來一個麵包巡禮吧！第一位：紅豆菠蘿包菠蘿皮夠鬆化，紅豆餡甜度剛好。推介！第二位：奶黃墨西哥跟紅豆菠蘿包一樣，皮夠鬆化， 奶黃不會太甜， 入口燙嘴。 在冷冷的街頭細吃，正！推！第三位：提子麥包比其他港式麵包店相比， 五元一個好像貴了一點！ 但熱辣辣的包又加一點分噢第四位：咸餐包無乜特別，都係要五元一個！但夠鬆軟整體而言，熱麵包真係會加分的。 唯一要彈的就是麵包底太多油。 有待改善。其他的包， 試完再寫！