翡翠拉麵小籠包

營業中

休息中

我係上海菜既fans,又黎翡翠拉麵食啦！沙鍋雲吞雞呢個好食呀我仲將d上海麵放埋落去，更好味喔～最重要係，味道適中，又唔重味精上海排骨麵香蔥油餅好多蔥呀個皮都鬆脆小籠包keep到水準鮮肉鍋貼無咩特別

星期六一家三口晚上食early dinner，行過見到二人餐，用銀行卡唔洗$350幾多餸菜清淡合胃口，拿拿林未到食飯人潮就坐低。前菜：醬汁茄子,煙燻魚,雞絲粉皮 個人非常鍾意煙燻魚海皇湯好味足料主菜：賽螃蟹,小籠包 尤其係賽螃蟹，夠份量好好食飲品：熱薏米水足料埋單發個四百幾，睇一睇原來每人茶錢20蚊，比屯門區 頂級酒樓容X仲貴。媽媽視線】店員對於小朋友都非常之親切，上菜都 會刻意把餸菜拿到放到小朋友不能觸及的地方， 仲會細心準備暖水同埋多餐具

今日去左YOHO mall間翡翠拉面小籠包,比我想像之中好味,原來佢係米芝蓮三星餐廳。我地兩個人食左幾款野食，覺得質素都唔錯。欣賞佢有個電子落單系統，可以加自己要求，例如紅油抄手可以個醬汁另上。特別推薦佢嘅擔擔麵，湯底係好濃好杰嘅汁，中意花生醬味重嘅朋友一定要過黎試。不過有少少過咸，但我覺得個麪都係出色嘅。另外去佢個炸銀絲卷係一流無得輸，一定要食。佢個雲吞雞湯係好熱好足料嘅，都對得住68蚊既價錢。奶油津白同埋紅油抄手就一般啦。呢排做緊匯豐信用卡優惠有折，兩個人食夾埋400蚊有找，都算性價比高。

@crystaljadehk 二人餐 $378 （星一至四$338😳😳）任何滙豐信用卡都用到，前菜揀咗三款：▶️陳醋西芹黑木耳，超好味😋陳醋又唔太酸▶️宮延醬茄子🍆個宮延醬似豉油汁咁▶️雞絲粉皮，正三鮮海皇羹（兩盅）有少少瑤柱，少少蝦肉咁，清清地都OK瑤柱賽螃蟹🦀原來係蛋白扮蟹，我都係第一次知😜😜要呃下自己既味覺先覺得似食緊蟹肉鮮肉鍋貼（可以揀小籠包，我地另外叫咗籠）新鮮整起好熱辣辣，男朋友食到咇哂D湯汁落枱面😂😂😂飲品（揀兩款）：▶️熱檸檬薏米水🍋去下濕▶️桂花酒釀丸子🍡呢個就當個甜品咁食，又係小丸子野啱我，男朋友就話太甜📍 翡翠拉麵小籠包 (元朗)元朗元龍街9號形點一期2樓2045號舖

平日夜晚六點幾七點搵野食，老人家想食上海菜，原先係另一間等緊位，突然記起仲有呢間，即刻過嚟睇睇，見到唔使排隊就揀左入去食。地方好大，坐位都寬敞。食物上菜速度好快。小籠包皮薄，入面好多湯汁，味道啱啱好，又夠熱，唔錯。炒飯都炒得好乾身，粒粒分明。而個素鵝的外皮煎得好酥脆，餡內有菇好濃滑，好好味，下次一定會再食呢個。

呢幾日食物太多煎炸肥膩嘢，所以今晚想食番多啲菜，同埋少鹽少糖啲。家人同時又想食上海菜，咁我就揾咗位於翡翠拉麵小籠包，而且外賣平台亦有做緊折扣優惠，咁當然就要送埋啦。宮廷醬茄子，醬汁香口而茄子亦都煮得恰當，好味。瑤柱賽螃蟹，呢道菜相對味道真係太淡，食落無咗本身應該有的味道，好一般。金銀蛋浸時蔬，蔬菜烹調時間掌握得幾好，唔會太咸，夠清新。鮮肉鍋貼，鍋貼底煎得夠脆，而咬落亦有小小汁，幾好食上海炒年糕，雖然份量睇落唔算多，不過年糕的口感唔錯，唔會太韌。整體5道菜的味道及質素都好，會繼續幫襯。提提大家，翡翠拉麵小籠包為少鹽少糖的餐廳，所以整體的口味或者會稍為較淡，但當然會較為健康。

嗰日去行街，行到攰。於是乎5:30pm就入座，意料之內咁完全唔使等位😆😆😆 四喜烤麩($58)，比起一般其他嘅舖頭，我略嫌佢整得有啲太甜。 四川酸辣湯($52)，辣到飲唔到ಠ_ಠ，結果我飲咗兩啖就由我朋友包辦晒！不過食到辣嘅佢，都話覺得係有啲太辣。不過佢都有讚個酸辣湯好足料。 上海小籠包($43)，普普通通啦，小籠包留得到啲肉汁，冇話一拎起佢就穿，咁樣係好重要‼️ 百步香葱油餅($36)，還可以，略嫌佢唔夠鬆化。 鮮肉鍋貼($48)，唔知係咪食得太多肉，嗰日我食呢幾隻鍋貼，完全係好唔想食。不過我又講唔出佢有乜嘢問題。 不過不失，埋單$291.5

返工前午飯，揀左呢間上海海菜，去到唔使等位，坐大堂中央卡位，在玻璃天花下，很光亮，樓底又高，無壓迫感，卡位很大，手機自助落單，午餐選擇都幾多，落單後很快上菜午餐$130.9（連服務費）涼拌溫室小黃瓜：很青爽，爽脆又唔會太鹹！好食灼津白（半份）太太太油膩，我食唔到（個人口味接受唔到）熱豆漿：唔會過甜，熱度夠，有淡淡荳味，ok酸辣湯拉麵：幼麵微彈，掛湯不錯，但酸辣湯較浠（唔知係比淥麵嘅水溝浠左/本來煮得較浠）荀絲、豬紅絲等材料也不算多，有點失望，湯底味道也較淡，獨立飲是夠味的，但一連埋麵一起食就變得淡，失望店員有禮斯文，中間主動加茶，加茶收碟前會問一句先做，服務幾舒服以咁嘅價錢，食物水準是失望的

吃過最難吃的上海菜，沒有之一點了一個上海粗炒麵，一個排骨拉麵，一個回鍋肉配薄餅，一個金銀蒜子浸時蔬菜一，上海粗炒麵，不是現炒的，裡面的菜已經完全軟了，像是微波爐加熱出來的二，排骨拉麵 依然是沒有鹽，沒味道。不是少鹽，是沒鹽。三，回鍋肉配薄餅，也不像現炒的，回鍋肉有腥味，切的太大，難吞四，金銀蒜子時蔬菜，那個時蔬是菜市場最便宜的娃娃菜，口感差，湯也沒味道。吃過最難吃的浸時蔬價格也貴，兩個人吃了400，都很難吃

疫情關係六點前冇堂食今日下午4:45分嚟到元朗形點翡翠拉麵小籠包。一行三人，點了信用卡優惠二人套餐。二人套餐有前菜三小碟，排骨麵，紅油炒手，主食豬頸肉，糖水酒釀丸子，飲品薏米水，湯，另外加點了火腿烤雙方，上海小籠包，四喜烤夫，梁溪脆鱔。所有食品有水準。價錢合理。分量足夠。有驚喜。三小碟茄子，甜醋黑木耳，熏魚，紅油炒手有點辣但好味。薏米水相當多薏米。酒釀丸子桂花多丸子夠煙靭，梁溪鱔魚好鬆脆。四喜烤夫味道亦不錯。服務也很好。不過有點趕

見今日冬至，出去食一個比較好啲嘅午餐，結果令人失望。叫咗三個菜，醃青瓜基本上冇乜問題；叫咗個酸辣湯龍鬚麵，冇諗過龍鬚面係一餅餅咁放喺啲酸辣湯上面，雖然味道冇乜大問題，但係龍鬚麵, 一餅餅咁又凍放落啲湯度，揚散個麵餅都唔做；再叫咗一個菊花魚，$198條魚比一隻匙羹還小，麵粉好厚，總之就將條魚盡量發大。原則上我都幫佢搵咗個好好藉口，因為鋪租貴所以細細的魚將佢發到盡量最大以配合呢個價錢。最唔能夠接受嘅就係服務方面，隔離枱有一個長者入嚟食飯，呢位長者識得用安心出行其實已經好叻㗎啦，但係翡翠拉麵要求佢用QR code再落單，而長者表示佢唔識，一位經理嘅男士，走來同長者講有冇WeChat啊、有冇QR code Scanner啊，用呢啲軟件去落單啦，長者一再強調佢會冇呢啲APP, 亦都唔知點樣去做，居然個所謂經理掉頭走咗，當時係2:30下晝，係已經冇人排隊冇新客，係咁嘅情況底下，點解翡翠要堅持一個長者用QR code再落單呢？係咪翡翠拉麵要堅持用QR code落單啦？係咪連幫個老人家都唔可以呢？ ！結果長者好無奈咁樣行返出去，唯有唔食，應該係話你都冇得食！身為一個女兒，依家終於明白點解我父母，喺我唔

試左佢2個少鹽少糖的菜式一清炒河蝦仁同瑤柱賽螃蟹，本身以為好淡 會冇乜味。但個瑤柱賽螃蟹食起上㴝都好夠味，唔似少鹽左，仲好香瑤柱味。整體健康得㴝又幾好食。個清炒河蝦仁好足料，D蝦都幾新鮮。

食物偏凍（鍋貼嚟到已凍晒），又漏單（叫左兩份小籠包等到走都唔見），麵又碎（嫩雞煨麵變左嫩雞碎麵），超失敗！員工又不足，想點菜等了超過10分鐘，有員工望到當睇唔到，但最可笑係未坐定已講明交枱時間，既然想顧客配合，但餐廳又唔幫客人落單，非常矛盾！員工們只顧執枱迎接新一台食客，莫非是公指引？是去過幾間不同地點此品牌感覺最差的一間！呢間一定不會再去，亦會叫朋友考慮清楚先去光顧！其他分店都要考慮再去的可能，此品牌正在下滑中？失望！

響OpenRice訂位預買套餐仲有得減$30(滿$200或以上)好抵食餐廳會收返套餐原價加一服務費其實份量唔少兩人食真係好飽平日夜晚嚟食比較舒服因為唔會咁多人不過佢都係收10點所以都唔會留喺度太耐費事阻住同事收工

間中都會去食，而家好多人，等位越等越長時間，不過附近冇乜上海菜，所以會間中食！不過近排就越嚟越差，加一服務但無服務嘅，埋單居然要我自己去櫃檯比錢，加水要叫幾次，食物剛剛黎齊食食下佢就想我埋單走，當時由我座低到食緊都未夠30分鐘小龍包 $42每次都叫山東手抓餅必食推介雞𢇁粉皮ok雞火炒飯幾好味蟹粉拌毛細麵蟹粉少得可憐，全部係蔥京蔥爆牛肉不過不失上海炒粗麵order 完3 分鐘內上抬，一早整定嘅，唔係暖而係完全凍！整定唔緊要但最少係咪要幫我叮翻熱佢？！全熱呀唔該！