翡翠拉麵小籠包 (已結業)

#Flashback 難得一家人聚會，趁仲可以六個人食飯時，咁就一齊去食個中餐團下。靚媽鍾意食上海菜，尤其係小籠包，喺銅鑼灣想坐得好啲，價錢又唔貴， 又要一次過可以食多款上海菜，又唔會趕人走，咁就揀咗世貿呢一間翡翠拉麵小籠包，貪佢夠隔涉🤣我哋叫咗好多嘢，食完真係好飽，好滿足😊前菜：- 陳醋西芹黑木耳 ： 酸酸地，又唔太酸，開胃- 口水雞： 得個樣，唔太入味🙃- 蘿蔔酥餅：外殼係幾脆嘅、但餡料少咗啲- 上海小籠包：一食一咬，入面充滿汁- 山東手抓餅：好香蔥味，夠脆主食：- 例湯 ： 都多料嘅正常- 雪菜蝦仁炒飯：清淡之選、味道偏淡- 上海粗炒：對比起炒飯，呢一個濃味好多👍🏻- 蟹粉豆腐：味道唔錯- 京蔥爆牛肉：夠火喉，但肉少咗啲，得面個d甜品：- 鴛鴦高力豆沙：呢個又幾特別喎，平時係食開原味，今次有新芝麻味，感覺都唔差- 仲有個唔記得咩名，普通only 整體來講：食物中規中矩，唔會話太差，但又唔會話好impressive。不過上菜時間慢咗啲。

昨日午餐去了世貿翡翠拉麵本想去食日本嘢，但無位前晚在錦麗食滿＄100，商場送＄30 cash coupon, 唔可以在錦麗用唔怪得呢間有位，收加一仲要收茶錢＄9我覺得午市唔抵但濶落，過海景午市套餐有小籠包，我鐘意食呢間的小籠包回鍋肉的肉麻麻我加了中湯，太甜，應落好多糖

堂食午市至晚市，精選有半價我最愛的上海粗炒，有份呀!好大碟，多料，夠穫氣，夠熱我食唔晒，加上在sogo買了章魚小丸子。同事介紹，唔錯，大粒，粉夠滑，只是唔夠脆。我唯有打包做明日午餐。今日我有帶飯，慳番外賣盒茶用膠杯，仲有蓋，夠晒衛生經理勁sell我中湯，$18，算啦，經濟低迷，我叫了一碗。質素算唔錯，是甜了少少上海粗炒半價$44，茶錢$9，再加一，好抵，加上坐得舒服。

今日早上考試完，朋友來接我食午餐。由於星期六關係，大約早上11時，好多食店都未開鋪。我和朋友一直在銅鑼灣找食店醫肚，直至行到世貿中心四樓，發現翡翠拉麵小籠包剛開門，而且店內人流不多 ，可以讓我們坐耐啲，所以決定揀呢間醫肚。剛入去，店員立即看到我們，好有禮貌招呼我們入座，而且為我們倒熱茶。我和朋友都有選擇困難症，看左餐牌好耐都未決定到食什麼，店員並無怪我們坐左咁耐仍未點餐。最終，我們決定㨂左上海小龍包、干炒牛河和雞絲粉皮。上海小籠包是這間店的招牌菜，所以一定要試，一籠有四個（約$40），食時最好揾湯匙扶住小籠包，因為入面湯汁會流出黎，味道得有豬肉味；而干炒牛河和雞絲粉皮比想像中油膩，所以對於我們本身不太肚餓的情況下，不能完全吃光，感覺有點浪費🙈。但雞絲粉皮這款要讚一讚，表面用來裝飾的綠色條狀（忘記名字😂），食落口很爽甜，而且雞絲加了花生醬，不錯不錯👍。最後結帳兩人約二百元多。

翡翠拉麵小籠包銅鑼灣告士打道280號世貿中心4樓P416-418號舖今日同女朋友出黎銅鑼灣，大家都唔想食太飽，唸住食碗麵就算啦，而我本身都好鐘意食上海嘢，所以最後揀左<翡翠拉麵小籠包>餐廳喺世貿中心嘅四樓，其實位置唔算太起眼，好彩另一半知道呢到有分店，所以先至搵到淨係拉麵都有拾幾款選擇雞湯拉麵好鮮味，真材實料擔擔拉麵好濃郁，湯底都要飲埋除左食拉麵，再叫多份小食就岩岩好啦

以前來銅鑼灣食上海野，週不時都會來翡翠拉麵小籠包，因為價格吾貴，食物質素亦吾錯，成日都大排長龍，今次再來，竟然吾洗排隊等位，仲要人客少左好多。不過少人有少人既好，可以直入吾洗等位。小籠包同以往一樣，一籠4隻，熱辣辣上枱，外皮又滑又薄，入面既肉汁算多，成隻小籠包size剛好，非常好味。蔥油乾撈拉麵 (配剪麵)剪麵係比較粗身少少既上海拉麵，入口算彈牙，呢個撈麵係配合一些比較乾身同炸過既蔥絲撈埋來食既，帶點點蔥油既味道，感覺非常普通，可以不試。百頁結烤肉呢個烤肉非常惹味，用五花腩煮既，百頁結係一d腐皮卷成一個一個結甘，d腐皮吸收曬五花腩既濃郁肉汁味，非常好食，值得一試!~

今日突然好想食上海野，就去咗銅鑼灣西貿既翡翠拉麵小籠包食午餐，當然一去到等唔夠5分鐘就入到去，人流唔太多，好快就有位。睇下個餐牌，叫咗個招，四川擔擔麵，個湯底酸酸辣辣，麵質彈牙，我仲飲咗半碗湯，湯味濃，完全啱哂我胃口。當然要叫埋個上海小籠包（四隻），係小籠包頂部用筷子桔一下，倒入醋及薑絲先再食，包內湯汁多又燙，但要小心唔好一口咬落去，咪就好容易燙親條脷。因為仲係有啲餓，所以我叫多一條炸銀絲卷，炸到金黄色，好脆口，點埋個練奶就更加好食。

嗯 其實佢係美心集團旗下既但因為有藍色既朋友同埋老人家 無計 都要食咁你話佢好唔好食 其實都唔係差不過 佢 服務 好慢咁少人黎食既時候 都咁慢唔怪得愈黎愈少人食我叫左個最近推介既墨汁蟹粉蔥油拌麵做得主打 我催左佢三次先上到佢話要即時搓 ok我明白你翡翠拉麵 本身就係sell依樣野我食左頭輪野食 你未黎 我地催左你話因為要搓之後叫你加茶 又搓 你都仲話搓緊⋯erm 不如下次話係釣緊墨魚？我其實嬲嬲地既原因 係因為我地走個陣見到另一枱都叫左我地就諗 會唔會係想夾埋先一次過做呢？點解我地咁心急呢？因為有老人家只可以食麵類 唔食得其他野⋯好彩叫左兩種麵 如果淨叫左依個 個老人家咪餓死⋯個麵其實係幾出色 好味既 但真係等得太耐耐到我地想唔要走 佢又話就上得⋯講番野食 依個脆鱔係我少數會食既鱔好脆 好似零食咁 好開胃 依個生煎小籠包 細得可憐 唔好嗌醉雞 正常 無咩特別金銀蛋莧菜 清 岩一家大細食份量都唔錯蟹粉小籠包 味道正常 唔難食 依個酸菜牛肉（其實係牛展）好味 牛展好淋又幾大碟本身怕佢會好韌 但完全無仲有毛豆百頁 清炒津白 同埋 雲吞雞麵都食哂 同埋 大部分味道都唔錯 合大家口味係人手太唔足

同朋友食晚飯 食好嘢之餘梗係想吹下水 依家要搵間坐得既餐廳就好難 今次就俾我係旺區搵到 黎到餐廳 我哋唔係晚市第一台客 但係 餐廳都安排我哋坐窗口位 望住個海景 夏天嘅煩躁即刻沖走晒好好彩撞正翡翠拉麵小籠包開業18周年優惠 惠顧任何食品都可以用$18換購一種美食 選擇都唔少 而我就揀咗賽螃蟹 而上海野點少得小籠包生煎包同埋菜肉雲吞拉麵先 今次兩個人就叫住禁多先 賽螃蟹蛋白香滑有蟹味 每啖都有蟹肉 撈飯必選 小籠包 皮薄湯甜 上海菜必食 生煎包就叫咗新出嘅拇指生煎包 一口一個係香脆版嘅小籠包 仲要鐵板上 大家記得唔好襯熱食 嘴巴受傷㗎 菜肉雲吞皮薄餡鮮 拉麵睇得出係手打 好Q彈 高質素我地由6點坐到7點半 餐廳唔趕人走 仲要積極斟茶 埋單都係220 銅鑼灣海景90分鐘 性價比超高

個師傅冇漾開個麵，d麵痴實唒😒而且同menu 張相落差很大。呢個餸一睇就知不了。無言⋯平時食都ok... 今次揀錯餸，令成餐飯都食得好唔開心。竟然連招牌的拉麵都唔識煮，真係好失望。

每次黎翡翠拉麵小籠包都會叫擔擔麵，湯底濃郁，辣度可以隨自己喜好叫小辣或是中辣🥳又係我最鍾意既糖醋排骨，酸酸甜甜非常開胃大人細路都鍾意👍🏻👍🏻雞火炒飯成日都俾我叫成火雞炒飯😂個炒飯粒粒分明而且不會乾身好味道🥰乾扁四季豆都係每次會叫既餸，配白飯或者係炒飯都食飯夾架🥰🥰

Restaurant staff was promoting the Crystal Jade Membership by downloading the App and to spend a certain amount in 60 days to enjoy more bbenefits.   The staff said that the QR code on the receipt to record the transaction will be valid for 7 days and this was also what stated on the receipt as shown.  However, when I tried to  record the transaction on May 27, which was supposed to be the last validity date, it says that the code is no longer valid.  I wrote to the office and the reply was that

星期六晚母親節前一日，竟然可以walkin 有位，都擔心係咪唔好食，但原來唔係wor ，好開心！酸辣湯：足料，唔係食生粉水，不過太辣啦，蓋過曬酸味。排骨麵：澄兄食曬一整條排骨，所以2應該幾好食！小籠包：好味！皮唔厚（雖然都唔算簿）,湯足夠，肉嘅肥瘦適中啦青瓜：有驚喜！估唔到看似2簡單嘅青瓜皮咁爽脆同開胃❤️

翡翠小籠包我食過n次啦，最記得第一次十年前係機場食，果時我覺得佢嘅小籠包真係無敵，係爆好食！隨住越黎越多上海食肆開店，依家嘅翡翠小籠包已經冇以前咁旺場，不過佢咁多分店，有時為求方便唔想諗食咩都會幫襯涼拌海蜇每條都好肥美，爽口，可能因為佢哋推行少鹽少油，略嫌味道淡左d花雕醉雞雞肉好濃酒香味，可惜肉質比較霉炸銀絲卷似炸饅頭多d，沒有絲毫油膩感，但個人比較喜歡外皮炸得再香脆d上海小籠包曾經係我心目中第一位嘅小籠包，雖然而家食都好食，但冇咗以前果種驚艷感，皮應該冇以前做得咁薄，但佢嘅湯汁依然好鮮甜好味雞火炒飯望落平平無奇，食落又幾香口喎，飯粒炒得夠乾身，加上少少鹹雞粒，好食韭王炒鱔糊依碟同行有三個人都覺得麻麻，一個覺得好食。同行三個人包括我都中意稍稍炸過嘅鱔肉，呢碟應該就冇啦，有少許滑潺潺我係唔食皮蛋咖，今次係我首次食呢味菜，冇皮蛋陣怪味，唔知對食皮蛋嘅人是好是壞，對我黎講就好好食，有好多鹹蛋粒，菠菜好夠味，惹味道啱啱好，全晚最好食就係呢碟

今日返工行大運咁，去完一個地方再去另一個地方勁趕急，其中一站去左銅鑼灣，中間可以攝少少時間填飽個肚，唯有揾間快靚正醫肚。去到世貿得翡翠拉麵小龍包唔多人，我地兩個人好快就有位。招牌菜式：小龍包，皮薄餡靚，裡面湯汁好juicy生煎包，肉餡雖然同小龍包差不多，但煎香左個包又係另一口感酸辣湯拉麵，非常足料，酸辣程度剛剛好菜肉雲吞拉麵，唔好以為個湯好啖口，實際個湯好清香入味，菜肉雲吞亦好皮薄重點係出菜快，但又唔似煮定番熱，值得讚。