翰騰閣 (已結業)

打死我都唔會去第二次, 貴唔在講, 人又迫, 最慘係四個人去食SET DINNER, 要食三個幾鐘頭先走得, 每個隔成半個鐘有多至肯O黎, 如果唔催佢, 都唔知幾耐先有得食, 仲係都係咁樣喎, 都唔知點樣做生意.各位記住, 如果真係唔好彩要等咁耐, 記住要佢O地俾停車場COUPON, 得GA...

蝦蛟k啦.....普通...素鵝:.......都ok既...但對我黎講太油了x燒包.....:唉........................好差下......(潮江春好味好多)牛腸:.................不知所謂既.......太厚了.........芒果米茲:一般囉......不過不失，都幾好味而d荼，龍井就幾好(最緊要係....成間野係得出面靚....d)

飲茶就多,食飯都係第一次點了個$590的四人餐(聲稱是半價了的套餐)蟹籽沙律-ok兩小碟-估計係蜜汁燒豬頸肉和涼拌蔬菜(唔識係什麼菜)-幾好食翅-都算幾多翅花枝帶子炒翠肉瓜-炒得幾好鮑汁生菜-唔睇menu都唔知有鮑汁脆皮三黃雞-在家食慣嘉美雞,覺得食肆的雞好肥不過這個菜其實幾好味甜品:美點雙輝及椰汁海底椰如果係正價,就唔會食因為唔抵

入座前聲明要非吸煙區，但侍應竟然帶我們到吸煙區，當我再三提出要求，她淡然的說'現在非吸煙區沒有吉檯，不如先坐下來。' 我對此回應惟之愕然，而且有點氣憤。如此有規模的食肆，服務質數竟由如茶餐廳。如果非吸煙區沒有檯，應該事先在門口詢問我們的意願，絕對不應先斬後奏，迫客人就範。食物方面就不過不失，Citibank 有套餐優惠，叫了四人餐。其中一味芝蔴鹽焗雞，等了45分鐘以上，三催四請才上檯，幸好味道唔錯。

2:00p.m 4人有位。叫左2碟腸粉,煎南瓜餅,X燒酥,棉花雞,蝦餃,小籠包,山竹牛肉,椒魷魚,菜芯腸粉有X燒+牛肉:媽媽話d腸粉好滑好薄...總之好食。牛肉好食d南瓜餅:外面好油,餡好香pumpkin,甜甜地,都好食。X燒酥:X燒冇乜味..可能呢到dX燒唔得呀蝦餃:應該係鮮蝦...冇乜artificial0既脆...重要有5粒,但係特點...成$30一籠小籠包:好一般...唔算出色菜芯:媽媽話落左梘水,所以脆口。都過得去喇其他:冇食整体唔錯。媽媽食得高興

母親節大日子家人預訂了一桌酒席, 大節日期間酒樓亦只有套餐供應, 不用多選擇的點了一個十人套餐, 其中包括了九個菜式, 上菜的速度亦比想像中快, 沒有試盡每一個菜式但記憶中比較深刻的有, 金豬大併盆, 併盆包括了海蜤, 乳豬件, 燒鴨脾, 雞翼, 燻蹄牛展, 味道一般但份量好像有點欺場; 燕窩蟹肉冬茸魚翅, 味道偏輕清魚翅份量偏小; 清蒸大海班, 肉質好像老了一點, 最尚餘下半條無人問津; 芝士焗蝦球伊麵, 蝦球像炸過一般蝦味不太突出, 伊麵偏腍和濕; 鮮蝦荷葉飯是比較討好的一味, 用料十足但飯身帶油和偏向重味; 楊技甘露, 好像欠缺了西柚成份像是芒果西米露多一點; 萬壽子母桃, 賣相差了一點味道不過不失. 整晚菜式水準一般, 價錢亦偏貴, 環境亦比較迫夾但服務比想像中好得多, 而且酒樓亦很有氣氛, 為每張餐桌的母親送上鮮花和拍一張全家福留念, 十分有心思.母親節套餐:金豬大併盆燕窩蟹肉冬茸魚翅,彩虹花姿玉帶子清蒸大海班花菇鮑片小棠菜芝士焗蝦球伊麵鮮蝦荷葉飯楊技甘露萬壽子母桃

我絕對同意Annie.C 和MiMi的說法，一D都無誇張!!我上個月二十號去飲，遇到的情況就同Annie.C 和MiMi一樣!主人家還擺二十多圍，可想而知情況多麼惡劣!!整晚聽到的只有迫迫迫有無攪錯!食物又差，好似大排檔張D食物炒埋一碟，真離譜!不過是否那裏的價錢平，所以咁差都仲吸引人去那裏擺酒呢?因為我聽見D賓客說見到主人家擺的那圍酒與門口的菜單一樣都只係三千多四千元左右。或者可以去新婚生活易提醒D準婚人士。

正如之前的食評所講, 這間食肆真是好離譜! 昨晚我在這裡參加婚宴, 真替主人家覺得尷尬!這間食肆十分斂財，將場地分成兩邊,讓兩對新人擺酒,令到兩面場地都非常擠逼，我去飲的經驗都唔少，從未試過咁逼！1.場地樓底矮,又細,令人心煩2. 場地細,打麻將的人屈在一邊, 旁邊企滿等開席的人.3. 所有都是”十人”, 令我們與旁邊的人是椅貼著椅坐, 起身離席要爬出去!4. 主人家擺18圍,已不算少,不應受虧待,但場地細,放得很密,每圍竟是客人椅背貼住隔離的椅背!5.侍應的質素好差,又煩躁,令我們也覺受氣!總之: 在這裡擺酒會超級後悔!!!另: 有無一些新婚情報網站可以提醒D 準婚人士不要在此擺酒, 以免更多人後悔!

我地一班同事今日去食晏,晨早已經book 左位,重早左到 o個個知客小姐又話未有位,等到夠鐘又未有位,個知客既態度極差,其他客問佢要等幾耐,佢又話唔知.訂左檯都要等,重要等咁耐,有無攪錯呀.

中午飲茶時段。食物質素不錯，但服務奇差。等了差不多一個小時食物才上檯。其間三催四請服務員都敷衍了事。最後更發現"落錯單"。

昨天, 我去參加一個朋友的婚宴, 她擺了十六圍酒席, 其實當我收到請帖時已心知不妙, 因為之前已在這裡飲過, 印象已經很差, 但今次就更惡劣. 當我和另一位朋友踏進主場, 她第一句便說:"咁迫架", 事實上, 這個間出來的"主場"最多只可以擺十一,二圍, 但酒樓竟可以在這小小空間擺了十六圍酒席, 由於太擠迫關係, 我們背貼背, 動彈不得. 而主家席亦要貼著"Backdrop", 所以連"Stage"也沒有. 最慘便是這些侍應又唔"Pro", 個個趕住收工, 鬼咁快就過來收食物, 有一道菜我們連夾都沒有開始, 他就過來問我們邊位還要, 我便說我們全圍都沒有開始夾, 但他也不理, 照樣"分".

真希望這店的老闆有看到這兒的食評.1) 等位-門口那位知客, 很多時都不答別人的查詢. 我想即使有時d客問得好奇怪, 如"幾時有位?" 又真係幾難答, 但唔知都要答"唔知",那位知客只會膯大眼望著到個客人唔出聲為止, 真離譜!2) 座位-裡面中間個d檯, 真係迫到手肘貼著隔離張檯,高級食府???3) 服務-所有樓面都好努力, 但係唔知點解, 叫埋單好困難, 有人望到你叫埋單當睇唔到, 有人對眼只向下看, 又係睇你唔到. 黎呢間飲茶,如趕時間, 記得預早10-15分鐘叫埋單!4) 食物-Okay但沒有驚喜!5) 價錢-貴, 和食物及服務不成正比!這間店可以有生意, 是因為這位置, 近火車站及有戲院, 溜冰場, 而飲茶只有這間和彩蝶軒. 不過,我下次都會去鑽石山飲完茶先再黎又一城行街.

我都試過好似你咁訂左位都要等，重係要等好耐，好離譜！但因為搞到太遲，附近的酒樓餐廳都好多人，唯有局住等！如果冇位就米鬼接受訂位，搞到人失晒預算，以後都唔會幫襯！

好耐前食過一次,無服務無味道但中高價兩年多後重臨個知客既態度已經先發趕走左我地幾個人訂左檯都要等,發神經

今日兩點鐘o黎飲茶，唔駛等位，第一次o黎飲茶，因為樓底矮，所以感覺好焗束。講番d點心價錢唔平，但係味道一般，最好食係碟油菜(走油)，無豉油同蠔油都覺得好甜。