翰騰閣 (已結業)

又嚟family gathering...又係食咗無數咁多嘢，多到數唔清...蒜泥白肉、魷魚鬚、蝦餃、各式腸粉、蛋撻仔、小籠包、蘿蔔糕、燒腩仔、柚皮排骨、牛肉、鮮竹卷、皮蛋瘦肉粥、荷葉飯....太多太多...味道? 食完後都冇乜太大記憶...淨係好似一隻填鴨咁，不斷吃，不斷食...罪過罪過...

今朝睇完戲想飲茶，咪試下呢間啦，見咁多人排隊，一入到去又迫又噪，好彩我地坐左入房，價錢貴唔係問題，叫左雞絲粉卷、沙律蝦角、蟹肉煎鍋貼、帶子筧菜蛟＆賽螃蟹炆面.雞絲粉卷- 同屋村酒樓差不多沙律蝦角- 用廣東雲吞皮包蟹肉煎鍋貼- 唔凍唔熱，似放左一陣帶子筧菜蛟- 一般賽螃蟹炆面- 將賽螃蟹放在粗面上整體上，竹園邨既新花酒樓原來係好好食架！講真架！

老世話行山前要食飽D:我地3個遲來,老世成家人已食左5成飽.我試左:脆皮牛腩-好攪鬼,名符其實,味道也不錯大包-仲大過一般既大包,有素翅呀,雞呀...好多涵.味道也不錯牛肉腸粉-ok菠蘿炒飯-用新鮮菠蘿,炒得幾乾身,味道唔錯皮旦瘦肉粥-ok炸素菜腐皮卷-好味,炸過都不太油膩,好!手撕雞-唔係手撕既...,一小盆沙律咁.不過味道唔差咸水角-大大只,味道唔錯蒸魷魚-味道唔錯冇乜野係叫唔好食.服務唔差.唔知幾$.

星期日一家人在此店食晚飯, 因方便叫了套餐.可惜上菜次序慢+ 混亂, 乳豬全體好像唔見左一忽...叫係好差, 不過收得有咁上下貴, 又位處又一城, 顧客當然有所期望.味道方面, 好一般

跟大學同僚飲茶，唔想嚟嚟去去都响campus附近，就走遠少少嚟又一城飲...之前嚟過飲幾次茶，亦試過响度飲過喜酒。感覺上係價錢頗貴，食物質素就還可以...今次都唔例外--- 燒腩仔皮脆肉嫩、豆苗餃夠足料、腸粉皮薄尚算滑、鯪魚球炸得香且肉夠彈牙...整體質素算係咁，但確實貴咗DD...不過，係kowloon tong就係Ｄ咁上吓la...

上星期來飲婚宴,起初都懷期望不高的心情,因有上年來飲過,太迫,食物唔好食,但出呼意料之外,地方很靚,比不上酒店寬敞,但一d唔迫,食物好味,可能換大或經理,要重新評分呀.

酒店的月餅今年都算吃不少，但酒樓的還未吃過，今次終於有機會試試。一盒翰騰閣的六式月餅，什麼是六式?原來是一盒有六個，六款都是不同口味。好像是有淨蓮蓉、淨白蓮蓉、單黃、雙黃、伍仁，仲有唔記得係咩。我對淨蓮蓉、淨白蓮蓉、單黃以至伍仁都沒有興趣，因我喜歡食蛋黃，所以我只食了雙黃的那件。味道很普通，和一般美心等的月餅的味道像完全沒有分別。有所不同的是皮很厚，而且較乾食，不是太好。

六人套餐有﹕1.龍蝦沙律2.火腿雞湯3.海鮮炒豆4.小鮑魚6隻5.蟹肉西蘭花6.脆皮雞7.甜品8.鮮橙汁9.糖水埋單﹕$1400 環境舒適，食物好味，值得一試。

老豆忽然話想去又一城, 又想食海鮮, 走唔甩0黎呢度.訂0左檯, 屋企人去攞位先, 我遲0左大約15 分鐘到入去, 竟然發覺我係無櫈坐的, 仲要係叫0左好耐走有人attend to 我0地. Service 點, 已經心知不妙.4 個人叫0左:- 上湯焗龍蝦1 隻(伊麵底)- 蒜蓉粉絲蒸扇貝(6 隻)- 砵酒焗生蠔- 竹笙豆腐- 燒乳鴿1 隻- 千層芝麻糕(一客4 件)個人覺得最好食係乳鴿同豆腐-_- d 龍蝦肉幾硬, 又唔算好鮮味, 都幾不濟... 伊麵無吸收龍蝦0既味, 不過好在唔會黐笠笠; 扇貝味道幾唔錯, 不過似乎蒸過龍, 幾硬; 生蠔應該係炸完再焗, 唔油膩, 味道幾好不過唔特別; 芝麻糕唔知點解有d 酸酸澀澀咁味, 唔好食.其實各方面都唔係好差, 不過咁0既quality 咁0既價錢($6xx for 4), 實在唔ok.

七個朋友食飯。由於朋友R對上次飲過的例湯(木瓜海底椰煲雞腳)念念不忘, 於是在出埠公幹三個月前的這一頓, 特意重臨翰騰閣。19:30－－落單, 除了例湯, 還叫了一個荷葉飯和另外六個菜。19:50－－等了20分鐘, 最先來的是味部的豬頸肉和風沙雞。20:10－－再等多20分鐘, 來了荷葉飯和其中一個菜。(天啊, 還有三菜一湯)找來侍應一問, 竟發覺例湯明明有落單, 但做漏了, 而此時例湯已經沽清! (如果我們不追單, 恐怕這不負責任的侍應還不打算告訴我們)20:30－－再等.....終於再等多20分鐘, 亦即是20:30, 所有菜都到來了－－當然, 沽清的例湯仍是欠奉, 真抱歉, 令朋友R遠赴瑞士前的這一頓有個遺憾。輾輾轉轉, 侍應只是送來了一客八件的紅豆桂花糕作補償, 但多等的時間、歡聚的雅興, 又豈能補償?結帳時, 朋友以Citibank咭結帳(有八八折)。侍應一口氣將帳單和簽咭單據送來, 我們卻發現明明是七人, 竟被收了八位茶錢, 於是要重新出單和void了舊的簽咭單據－－又是一個無知的做法, 明明我們未check單, 未核實銀碼, 就匆匆碌咭, 這做法是不是太兒戲? 也太麻煩

訂左2圍~親友們一齊食飯~要左間房有牌打~每圍$3980~(小小貴咁啦~但難得一齊食飯~)食物普遍冇乜邊樣差~雖然唔算上等好味~但係我主要係想講下d service~龍蝦E面幫我地分晒~好~唔洗爭~唔洗煩~'針'茶技術也不錯~禮貌就緊係好啦~總之覺得安排上都做得唔錯~

很多人都說難食,但我卻覺得是近年少見的好食她的北京填鴨很有鴨味和豐富的鴨油，雖極肥但個人覺得是必需。自從在北京吃過全聚德的北京填鴨後就再未吃過類似這般好吃的東西。另外，她的蟹皇翅令人吃完想吃曬全煲，蝦球肥膩而不具雪藏味，蒸魚異常滑及甜美，真的想像味皇一樣大叫好吃。價錢是超貴，但真的很好味，此酒樓的翅非常出名及足料，真的值得一試。其他食評如此劣可能是因點心部功\夫不夠小菜部吧!

開工大吉, boss請飲茶, 一行四位ladies, 去呢度食lunch。招呼平平, 人氣就唔差, 好彩有訂位(我地12:35pm到), 否則有排等。嗌左幾個點心(實數唔記得, 大約6~7), 每個份量都好細。仲叫左一個「鮮蝦荷葉飯」, 呢個勁呀~~等左25分鐘先到, 都好大下, 打開荷葉, 嘩, 入面大約有六碗飯的大小, 表面鋪左六隻蝦, 飯本身係一個普通的炒飯, 有肉粒同菇粒之類......飯多"食送"少.......盛惠98蚊!雖則係老細請飲茶....咁樣四個人就食左三百七十幾......肉赤也!!!

第二十一回——廣東菜菜色尚宜人惜份量太少去之前都略知道這裡的負面評語比較多﹐但朋友說想去又一城吃飯﹐我在電話另一頭﹐只能想到Zen和翰騰閣﹐我覺得Zen似乎還要差﹐便說去翰騰閣好了。之前來過幾次飲茶和晚飯﹐好像裝修又改了一點﹐最奇怪的是椅子﹐靠背是活動伸縮的﹐我坐下去時以為是壞的﹐叫女侍應換掉﹐她用非常差的語氣說﹕我地呢度所有凳都係咁既﹗四個人先點了四個菜﹐琵琶豆腐、西檸雞、中式牛柳、清炒小白菜﹐最後加一個香草煎羊鞍。各樣食物味道都甚佳﹐只是非常細碟﹐例如西檸雞上檯﹐朋友馬上說每人只得兩件。香草煎羊鞍更只有三件﹐好在侍應一早說了﹐而其中一位朋友又不吃羊﹐便剛好夠分。先說琵琶豆腐﹐豆腐做成球形﹐碟邊圍上菜心﹐用上唔少的瑤柱﹐味道宜人﹐西檸雞與一般酒樓有些不同﹐外皮沒有蘸滿杰撻撻的檸檬醬汁﹐只是灑上花生碎﹐底部才有些少醬汁。中式牛柳只有六塊﹐下面鋪了洋蔥﹐調味恰好﹐清炒小白菜用油不多﹐可惜菜比較骸口。香草煎羊鞍小小的共三件﹐煎約八成煮﹐肉質很好﹐上面灑些香草很惹味﹐餐牌寫98元﹐如果是西式餐廳﹐這個價錢算是便宜的了。酒樓的侍應不足﹐幾次叫他們拿餐牌都沒有。價錢比想象中便宜﹐每人只是130多

差不多個個星期日都黎飲早茶雖然有陣時有d少問題(例如:漏單,埋單要好耐)上幾星期,才發生加水加到唔見左個茶壺今個星期更加離譜點心單亂左七彩先係叫炸叉燒包,黎左生煎包跟住食完炸叉燒包,又上多碟好彩小心check單,真係計左2碟加水,茶壺完全失蹤,要重新開了2次茶btw,廚部小食由38加到48,加幅係26.32% !!!!唔好去搶!!!老媽子話去采碟軒飲茶好過