老三火鍋 (已結業)

嘩...真係要試下呀~有好多出面食唔到o架~例如牛胸爽肉、烏魚扣、醉雞丸、鮑片、豬肺...值得一試嗜牛既梗係要叫手切牛、安格斯牛啦~牛味重又抵食~至於海鮮~d蝦同生蠔真係好肥美~服務又好~環境乾淨寬敞~幾部大電視睇波至過隱~最緊要係材料新鮮唔貴丫嘛~果日十一個人過去聚舊~一人唔使百五蚊就攬住個肚走喇~超值呀!!!

睇到報紙介紹有間新火煱,我係打邊爐狂熱分子立刻約朋友去試試,浩浩蕩蕩十一人,先叫了報章介紹個鴨湯鍋,加多個菜乾豬肺鍋,叫嘢食啦.我有牛必食.肥牛.牛心椗.牛利托.牛骨髓,好 少火煱店有得食嫁牛胸爽肉都有,朋友叫了泥鯭,墨魚刺身......一枱都係.食啦.哪一餐好滿意.待應好好態度,洗手間清潔.食物good good good下星期再去.

打邊爐最緊要是什麼? 當然是材料要夠新鮮! 因為不用大廚, 不知廚藝如何, 當然是靠材料.第二當然是靠服務. 如果2間店舖的食物差不多, 而其中一間serve都你好周到, 你下次都再去啦.老三的材料很新鮮. 又可以雙併, 人少少都可以吃很多不同食物. 伙記又會時不時幫你 "不" 走面頭的泡沫, 又加湯底, 又加啤酒, 又不會趕你走, 真是十分享受.

日日出街食飯, 都唔知食乜好...見openrice.com有新野介紹啊不防試試啦其實火鍋都無乜特別, 來來去去都係o個D野一去到, 服務員就問我地有無訂枱, 下...要訂枱?哦, 原來有些熟客會預訂枱, 怕多人.我地話無, 好彩等左一陣就有位一坐底, 服務員就介紹我地食老鴨湯做湯底, 就試試啦我地最鐘意就係肥牛, 又點會放過呢.職員介紹左好幾樣新野, 我地都未食過, 我地只得三位, 又叫唔得多野, 但因來加$10就可以雙併啊, 真開心, 湯底到, 快D落野食先, 等等, 職員叫我地唔好落野食住,飲左湯先. 咁得意, 就試試啦, 嘩...個湯好夠味啊, 哈!我地將D湯飲晒.職員跟住就加湯, 加乜湯? 哦, 原來加猪骨湯打邊爐.首先當然係肥牛啦, 勁新蘚, 再來個乜乜醉雞丸(唔記得左個名)好香酒味, 仲有魚子蝦滑卷丶炸魚片頭(即食)丶牛胸爽丶等等食食下想叫D海蘚, woo no賣晒, 算啦, 食多碟肥牛啦, 又賣晒又無咁好賣呀???職員話, 好多時都會咁樣, 因為d食物要新蘚, 所以唔會太多.算啦, 其實都飽, 但係打邊爐邊小得公仔麵架.職員話公仔不如鳥冬啦, 又彈牙, 又唔會整到d湯差