老三火鍋 (已結業)

聽朋友介紹, 話老三好好食, 擇日一齊去食, 食左好多野, comment 如下:1) 叫左個老鴨湯, 好濃味, 飲第一啖覺得幾堅幾有料, 但越食越口渴.... , 但算做得幾特色2) 手切肥牛, 咁嘅價錢來講叫幾大碟, 但牛味唔濃, 我都係like 合興肥牛多d3) 肥鵝腸, 無之前d ching講得咁好食, 我食到有d酸味.... 4) 魚春: 第一次打邊爐食呢d, 幾得意, 我本身唔抗拒食魚春, 呢個ok, 但食太多會滯5) 苟菜餃, 朋友話好得, 我自己一搬6) 蟶子: 大大隻, 一人一隻, 幾好味7) 水魷: 我無食, 但都ok大碟8) 滑牛, ok9) 牛丸豬肉丸, 都幾實, 唔彈牙, 比個dislike佢10) 雞丸, 中間有酒心, 好熱燙口的, 我麻麻地, 男人們話幾好11) 雲吞, ok12) 粉腸, 普普通通啦, 都新鮮嘅13) 鱔: 食左一舊, ok14) 15).... 唔記得仲有咩lu, 食左都無印象, 有幾出色你地自己話啦總括來講, 我就覺得唔係唔好食, 只係可能對佢期望太高啫平心而論, 佢個湯底係唔錯的 (除左食左好口渴之外)另外見佢有好多特色湯底, 再去

老三，幫襯了兩年，經歷了她們的壯大，由一間舖到現在三間舖，順寧道本身不太方便，揸車泊位也有點困難，如果不是質素好，又怎會無論熱天冷天都高朋滿坐，我試過三天前也訂不到位，火鍋店啫，又不是五星酒店！怨還怨，還是不停幫襯！人日當日，咁啱外母和老婆新舊曆一同生日，兩個火鍋愛好者，指定老三，我奉旨行事！一行五人，準時開餐！鴨湯出場，鮮甜味美，五人一飲而盡，真係正! 我相信，有得𢵧，才是老闆，所以我一口氣叫了，鱆魚剌身，兩食，頭尾椒鹽趣炸，魚肉鮮甜味美！一共叫了十三個火鍋料，如果要俾分，我會給鵝腸行先，我試過好多間火鍋店，還是老三的鵝腸最有油脂香味！全部埋單七佰幾蚊，沒有象抜蚌，及其他貴嘢，但巳是無限滿足！

本人一向認為打邊邊係無水準之飲食, 烚野無技巧可言,加上又熱氣, 但今次朋友介紹呢間, 真係又幾正,都令我有改觀首先叫左個老鴨湯底, 原來係可以先飲湯, 飲完之後成個人暖哂,加上一些餐前小食, 佢地個碟仔野:係爽脆既菜,好似係通心菜,不呂過唔肯定, 總之好好食之後既安格斯牛肉完無無渣,好野~!花甲好好味, 無沙又甜~美d 丸亦都唔錯~牛骨髓係我飛佛~!總之就係正,仲推介俾朋友~!我決定下星期再去~

距離第一次光顧已經兩個多月了, 早想寫下食評表揚一下, 但總因為種種疲倦宿醉懶惰而一再推遲其間已經再多次重臨, 味道水準依然保持穩定從前比較少來深水埗長沙灣一帶覓食, 但自從友人搬進這區後, 便開始於附近大街小巷到處發現新食店, 實在是香港其中一處的美食天堂這家老三火鍋, 第一次是被他的老鴨湯底而吸引過來的, 果然不負眾望$108的原隻老鴨湯底剛端上餐桌, 濃濃的鴨香夾雜著藥材的味已經不斷湧入鼻腔直奔入腦, 熱騰騰深啡色的湯水, 令人食指大動這個湯底其實主要是給客人喝的, 並不用來作火鍋湯, 有謂"先飲靚湯, 後打邊爐"(每一次帶新朋友來品嚐總要有人挑戰為什麼這鴨湯不能直接作湯底, 首先如此精心製作的靚湯如果夾雜著大量不知名的食物味道, 實在浪費, 再者此湯味已非常濃郁, 再加上火鍋配料反覆互煎的話恐怕太重口味吧)怱怱地盛上一大碗的鴨湯, 再灑上少許蔥花, 火鍋前有如此好湯醒胃實在太滿足了雖廚房應是一大鍋的去餚製, 但每一鍋都包含原整的老鴨在內是相當的足料唯一覺得有點畫蛇添足的是湯中的素翅, 既不珍貴亦無提味作用, 跟老火二字更扯不上絲毫關係, 真是奇怪鴨湯可以選擇喝個清光或留少許作火

上星期食完~ 感覺尚算ok!!食完之後好想寫篇食評~ 但係呢個星期太忙而家先寫返出黎首先先評論下店面~ 都算幾光淨~7點幾去到開始冇乜位剩!!一坐底當然係叫左半隻鴨既湯底先啦!!4個人半隻其實好夠食!!然後拎起將配料紙...打*既唔可以雙併~其他就可以 但係問題黎...雙併既就寫 【1/2】 結果我成張可以雙併既配料9成都劃左但係邊樣同邊樣雙併呢 係咪佢地選最貴同最平果兩樣合併呢 呢樣係一個問題~ 不過算~ 出黎食飯唔計得咁多 湯底黎到~ 滾滾佢先 得閒既時間又到了 叫啤酒時間到!!咁岩有個著到好似藍X啤酒制服既啤酒妹行過 諗都唔諗就扮型叫左兩支藍X....點知啤酒妹話自己 sale 生x清啤 問下咩價先...清啤就22蚊...但生x原裝果隻就18蚊 有冇搞錯,清啤仲貴過原裝果隻 叫支睇下咩料...飲落都係好似水咁...好難飲.... 之後叫燕x 算~ 14蚊支仲抵飲 湯底滾了~ 待應生都好好招呼~ 每人一碗湯 飲落真係好清~ 好藥材味,完全冇味精可言 正飲完一碗想飲多碗~ 但係啤酒阻住我飲湯既動力...下次都係飲完湯先 叫啤酒飲 配料開始黎~一次過黎哂十六碟~ 好采張台都夠大

早兩星期係黑食會的第三擊, 是次係由串爆揸莊! 串爆為左呢黑食會, 特意揀左一間較為冷門嘅食店, 仲預留左特別菜式, 四大食團諗住當晚去隊鑊勁; 點知當天早上收到個不幸消息, 就係肥鄧遇襲中伏, 需要在家好好休養! 四大欠一似乎唔太似樣, 所以同串爆密針後, 決定將原先嘅黑食會改期, 好等肥鄧復完後再一齊去!但由於大聲, 串爆同吹雞都預留左時間比黑食會, 為免失手勢決定臨時搵個地方聚下, 黑食會嘅聚會款式和地點當然首推打邊爐, 冇個爐點似樣, 於是吹雞決定帶埋大聲同串爆, 齊齊去搵老三聚舊! 最重要係大聲同串爆之前都未認識老三, 於是拿拿聲打比老三, 佢一聽到係吹雞打黎當然知定, 自動自覺幫手留番張枱!話時話都好耐冇搵過老三, 唔知有冇失手勢呢? 於是同串爆準時去到, 坐底後就睇下有咩好食, 要咩湯底咁啦; 其實黎得搵老三, 招牌鴨湯做湯底都應該走唔甩, 加上大聲同串爆從未試過, 所以當然都要一試, 三個人揀左半隻鴨做湯底, 再慢慢揀定其仔食物, 等埋大聲一到, 就可以即刻開餐!由於大聲未到, 所以就決定揀款小食咬住等, 串爆揀左孜然牛肉! 孜然牛肉嘅牛肉就好鬆身, 第一啖入口覺得香料

尋晚兩個人黎試下，無訂位七點幾鐘都有位唔使等，地方唔算大，但叫做企理，坐低先叫左個木瓜豬骨湯底，火鍋料就叫以下咁多款，整體食物質素普通，只係湯底同鵝腸有驚喜，兩個人埋單五百幾，唔算平，但無樓下各位講得咁好，試過就算啦。

已經第二次嚟呢度打邊邊, 但係就第一次寫呢間火煱店嘅食評。其實我應該一早就寫, 但係因為實在生活逼人, 呢度打邊邊有一個我非常欣賞嘅地方, 就係火煱料可以雙拼! 唔好睇小呢點, 如果兩個人去打邊邊嘅話, 呢一大賣點可以令到食物方面多咗好多選擇, 唔駛兩個人只係食得三、四樣嘢咁少!!!上次就試咗呢度出名嘅老鴨湯底, 實在非常正, 真頭可以當湯飲, 但係由於今次想食多啲海鮮, 所以就叫咗個什箘湯底, 貪佢夠清唔會搶咗啲海鮮嘅鮮味。1)本地手切肥牛---打邊邊又點少得牛肉呢?! 我個人認為牛肉係呢度比較弱嘅一環, 因為無其他地方咁有少少肥膏, 所以偏靭, 而且亦唔太夠牛肉味!2)鷄子拼鵝腸---呢個就只係得我一個人食, 好在呢度有雙拼, 有得止下痕而又價錢實惠!!!3)烏魚扣拼魚唇---前者爽口, 後者食落似花膠, 幾得意!4)大蜆----價錢唔貴而又幾新鮮好味!有啲似貴妃蚌咁好味!5)海中蝦---用竹籤篤咗後成30分鐘都仲係喺度彈彈下, 可見非常新鮮生猛!!!食落就一定彈牙啦!!!6)醉鷄丸---呢度嘅招牌菜之一, 一定要涼咗先食, 如果唔係嘅話一定會熱親條脷!!! 真係好正同好特別又好食

上次去了舊舖，環境較擠迫。今次再去舊舖，店員告知我們訂的是街頭那一間新舖，於是往前走了數分鐘。噢，原來同一條街有兩間老三火鍋 ，新的比較寬敞，冷氣強，坐得更舒服，好！我們吃了～秘製老鴨湯鍋：壹隻要$118，半隻則是$78。我們都不知道如何選擇，所以請教店員兩者的分別，原來半隻也可以夠七人分享，但想喝多些湯最好還是要壹隻。嘩，一打開煲蓋已嗅到陣陣藥材味，一整隻鴨躺在湯中央，真材實料。我連喝了三碗，感覺有助血液循環，人亦頓時渾身發熱。朋友都擔心鴨肉會很老，沒想到不算嚡口，也不會韌，有少許藥材味，正！必食之丸：芝士包心丸、忌廉包心丸都是我的最愛，前者在不少火鍋店都可以吃到，但忌廉包心丸是我們第一次品嚐的，丸內有些像忌廉蘑菇湯的餡料，好味道！牛柳粒：細細粒，常常放到鍋內卻忘了吃，煮了很久仍不會變老，好！日本黑豚肉：第一輪落單已點了，可是姍姍來遲，向侍應查問後終於送來了！看似很肥，但一入口便覺得是優質豚肉，非常軟滑。炸魚皮：香脆、新鮮。四寶餃：一碟有四款，每款三顆，手快有、手慢冇，人多切忌只點一碟。醉雞丸：酒味甚濃，雞肉很滑。朋友們相繼被熱騰騰的酒心燙傷嘴唇或濺污，吃的時候要小心。牛心椗：我第一

火鍋...一年四季也難不到我家，老三評價高，一定要試老鴨湯(半隻) - 鴨肉當然如柴皮，只吃了少少。鴨皮給仔女"消化"！牛骨髓 - 沒有滑潺潺，又沒有梳打味炸魚皮 - 仔仔放湯又食，不放湯又食，好唔好味醉雞丸 - 阿囡不怎食丸類，機乎全碟由她食哂鵝腸 - 最估唔到，看似雪鵝腸，居然有鵝腸味鵝粉腸 - 更估唔到，看似好好味，居然冇味還有少少沙魚扣 - 必吃推介，爽脆手切肥牛 - 這個見仁見智，我覺得一般...和九龙城厚福館比，完全冇得比，當然厚福館比較貴少少魚雲 -太太和女全吃清，湯也不覺"seng"桶蠔(生蠔賣哂) - 女兒說少少"seng"，仔仔說好好味牛喉(天梯) - 如果是麻辣湯底就PERFECT牛舌 - 後加的....快過即食麵，不用3分鐘"消化哂"出前一丁 - 最後...最後order....麵一熟，即食清光忘記影相...要爭取時間食嘢，回想全家有啲似蝗蟲當天沒有鱔片、象拔蚌刺身、大蜆...有点失望，必定再來2渣蘆薈 + 2礶汽水共$780....抵

一行六人到了深水埗的老三火鍋,原先BOOK了舊店(後來得知順寧道原來有2間分店,新店在樂年花園對面) ,因為想大家坐得舒服一點,最後還是選了在新店用餐.而之前BOOK了位,所以一到達就立刻可以入座了.招牌的老鴨湯: 服務員細心地先盛湯給我們喝,因為是頭湯,所以略咸,但鴨肉非常嫩滑必食手切肥牛:厚薄剛好,油花均勻蠔:超大隻蟹籽墨魚滑拚蝦滑:稍為遜色,不過不失大花甲:肥大肉厚,而且沒有沙註:很多食物都可以選擇雙併的,但要額外加10元,所以如果比較多人的話可以選擇不雙併比較划算環境及服務:環境 :如果你們想跟朋友打打火鍋,聊聊天的話,這裡可是不太適合的.因為人很多,非常非常的吵!!!吵到我跟旁邊的朋友聊天都有一點難度服務 :必須要讚揚一下他們的服務:非常有禮貌及笑容, 超細心

近日天氣乍暖還寒,週末氣温又下降到14度打邊爐自然係驅寒暖胃的最佳法門.本來屬意大角咀的力奇,忽然醒起家姐推介深水埗老三,話佢哋啲牛肉正到無倫上來OP查吓,竟然拎到32好評對0負評咁靚嘅成績表,即刻book位試吓!訂了7:30的枱,因為下午去南生圍踩單車,所以遲了點返回市區想改8:00但呀姐話最多幫我留15分鐘,唯有盡趕去到又無想像中咁多人,比起力奇或方榮記呢啲人氣火鍋店,老三直頭係客少,可能係地理位置關係吧!老三所在地好少公共交通可以去到門口,但其實搭車去青山道或元州街,再行5分鐘就可以找到湯底的種類非常多,而且都不是普通的清湯,沙嗲,芫荽皮蛋等...最出名的是招牌老鴨湯,也有花膠筒豬骨湯和鯊魚骨湯等十數款湯底是晚我哋揀咗鯊魚骨湯,貪其清清哋無咁肥膩湯鍋來到,服務員會先問問客人要不要先喝一碗,似乎對自己的湯底信心十足湯內有沙蔘玉竹北芪等藥材,但喝下味道倒不是太濃,而且飲得出有下味精本身對味精是很包容的,但火鍋需要滾著來吃,MSG是不適合長時間煮的,希望老三可以改善.老三的火鍋料是很新鮮的,當晚點了:手切肥牛肉-很嫩滑軟熟,而且牛肉味十足,肥膏的分佈十分好.單以牛肉而論,絕對是香港火鍋

朋友生日,他的一班同事為他慶祝,地點是他老婆選擇的,地方都好寬大,他們話這裡是新店.大家又熱熱鬧鬧各自選擇食物,湯底我們要了老鴨湯,要全隻但分開兩個煲上,好快個老鴨湯就上枱了,有個男人走過來話,這個鴨湯要先飲湯,後打邊爐,他還逐一親自幫我們裝湯,真係幾服侍周到,不過我們大部份人都覺得普通,好在沒有太大的藥材味,因為並不是人人都喜歡飲藥材湯,湯有些過咸,而鴨肉唔夠淋.今晚都點了好多食物,而且有幾款都要雙份,印象中有手切肥牛~~~牛丸~~~黃沙豬潤~~~豬腰~~~豬紅~~~牛柏葉~~~花枝片~~~桶蠔~~~象拔蚌~~~蟶子皇~~~包心芝士丸~~~花膠~~~蝦滑~~~鮮鮑魚~~~熟鮑魚片木耳~~~豆腐~~~炸魚片頭~~~鵝腸~~~鯇魚片~~~什菌併盤~~~西洋菜~~~生菜~~~鮮腐竹~~~~~~~後有朋友B&T再選了一個沙魚骨湯底,這個湯底非常鮮甜,我們有幾個人都讚不絕口不斷飲湯,連平時唔飲魚湯的弟弟,都話好飲,可能今晚飲得最多的是他.除了沙魚骨湯值得讚之外~~~花枝片又爽又鮮甜鮮鮑魚好爽滑,但鮮味不足~~~桶蠔好肥美鵝腸好爽口,平時不太喜好的我,都忍不住食多幾條蟶子皇爽口但又是不夠鮮味~~

老三火鍋，在區內薄有名氣，很多時搭小巴，都會聽見司機大佬說要來老三烚吓烚吓。既然能得到司機大佬的歡心，環境必定是「街坊」一點，不會拘謹。是晚多得食家朋友幫手留了檯，才可以放工施施然走過去。否則自己「盲盅盅」咁走上去，肯定會換來一句明天請早。調味醬料只有四款，比起現時坊間流行的十多款選擇，是欠缺了一點驚喜。不過，我都說過，打邊爐的調味，只要有蒜泥和豉油，就可以滿足我，簡簡單單才是最美味的。打邊爐最好的地方，就是可以邊食邊等遲到的朋友，這晚也不例外，食先。一致通過湯底就要呢度既招牌鍋老鴨湯，由於人數不多，半隻鴨便足夠了。眼見的材料有老鴨、蘿蔔片、仿翅、杞子等，都算豐富既。未烚之前，可先加點蔥花喝一小碗湯，是有點鴨香味，但似乎也有MSG成份在內。吃火鍋總要有牛，是次要手切肥牛，輕輕的燙一燙便可以食，牛肉是不韌，但牛味完全欠奉，必需要自行調味才吃；另外也點了牛脷，較為薄身，吃起來稍嫌不夠爽口。日本黑豚肉，上檯時大家都說太肥了，但我就是喜歡這個樣子。其實灼好之後，肥的地方口感爽脆，只要夾著少許的瘦肉，已經好吃。呢度既丸子係手打既，而且見到什麼全港首創醉雞丸，所以才會點。與其都要叫，直頭叫個雙拼，

如果無訂座，都食唔到．人氣店子，旺到你唔信很久沒有邊邊了，就連對上一次邊邊在甚麼時候也忘掉了．但我好喜歡邊邊呀看到點菜紙，老天！好在不用我下單！這麼多選擇，而且也蠻不錯的，待吃便好了．啲食物係咁不停嚟，都食到影唔切啦！是晚我們的食物清單：招牌老鴨湯，正！很濃的鴨湯，藥材味也重，但相信味精也不少．喝過湯後，店員往鍋中加入豬骨湯，作為今晚邊邊的湯底．火鍋的料子有：吃火鍋必備的手切靚肥牛 ，好鮮美的安格斯肥牛牛柳粒 ，新鮮至愛白鱔片 ，勁好食美顏花膠筒，最新鮮珊瑚蚌 ，鮮甜的澳洲帶子，好爽滑的花枝片 ，鮮雞件好吃．海膽包心丸，芝士包心丸 ，台灣貢丸 ，四寶丸，手打牛丸，是正常貨色．好吃，但不特別．特別的選擇：蟹子墨魚滑 ＜－－好特別的吃法，像生魚滑般要自己分開佢．鮑汁螺片（一般．．．）＜－－－這個原來不是要來下鍋的，但因為打邊邊太開心，一送到這個涼小吃我我我便急不及待的把它們往鍋裡送．害得眾人要即時打撈！另外還要了：我至愛的魚皮餃，有肉汁又美味！殺死人芝士腸，皮脆脆肉彈彈，一貫的美味．竹笙好新觧呢．滑一滑山水豆腐應該是用百福的吧，真的很滑．惹味炸魚皮也不錯，炸得香酥脆．什菜拼盤的菜也新鮮翠綠