老三火鍋 (已結業)

噚日約左friend特登試吓老三火鍋，睇吓係咪真係咁正，放工接埋friend去到深水埗未夠7點，去到目的地門口泊滿車，在附近搵咪表位可以安心食野。去到門口烏燈黑口火好似未開咁，有D遲疑準備走入去，門口伙計已經問有冇訂位，冇喎(我地回答)，兩個伙伴異口同聲話冇曬位，心想唔係呀門都未開就冇位，伙計解釋門口位都訂曬，7點左右已經full曬，跟住兩個伙計諗咗諗問我地後卷介唔介意，於是走去睇吓環境，OK喎好乾淨，冇問題於是即刻ORDER最想試的老鴨湯先，好快已經來了滾了一會伙計已經幫我們裝湯，喝第一啖已經喝到好濃的鴨湯，朋友都話正。將湯喝完就加豬骨湯打邊爐，ORDER咗:駱駝峰、肥鵝腸、手切肥牛(大)、手打牛丸、鮮淮山、四寶餃、鮮滑腐皮、脆骨腩、菜。飲品就半打啤酒同烏梅汁，大家認同最鍾意手切肥牛very good份量夠。脆骨腩好似唔夠脆，可能係3個人已經食到好飽(食之前每人飲咗2-3碗湯，我重食埋隻鴨脾驚死浪費)。整體非常滿意，伙計服務好，埋單$560唔駛加一。抵.....3人異口同聲，會再來不過想試朋友記住訂位。

朋友介紹, 上黎睇過都覺得唔錯, 所以去試下~前一日已經book左位, 但因為book 8點, 所以佢地都話可能要坐門口位. 到左當日既下午, 佢地有人打黎同我講..如果我地遲少少8點半到, 應該可以比到入面我地坐, 不過我都話...我地照約左8點, 到時邊度有位就坐邊度, 無問題的!8點去到, 真係要等一陣, 不過因為我地book左位, 入面一有人埋單就即刻比我地, 所以我地都只係等左一陣o者!出名老鴨湯, 當然要試啦, 我地6個人叫左一隻鴨. 個湯黎到, 佢話煲多5分鐘後裝比我地飲, 5分鐘後佢地真係過黎裝湯, 其中2個朋友未黎到, 佢地都裝起碗湯後幫我地搵個碟仔蓋住保暖, 好細心呢~~~ 講番個湯, 好味!! 入面有d我以為係大頭菜既野咬下, 原來係酸蘿蔔! 個湯好濃好香, d鴨肉都好林, 我有d朋友都飲完再飲! 哈~ 通常打邊爐d人係打完邊爐先飲湯, 今次係飲晒湯先打邊爐, 幾得意~~~打邊爐途中, 因為好多食物都肥膩, 煲都個湯底都"肥林林", 佢地都會走黎幫我地"片"走湯面既油, 呢點真係要讚!!!至於食物, 排名不分先後, 比較特別的我寫低啦, 嘻嘻!!駱駝峰: 好爽好味

本身抱住好奇心態去嘗試(因為果果都寫好)，到了首先喝個湯（因為有人幫手盛湯），ok好飲，之後係試招牌餃，如果係用老三個招牌就肯定拆左佢招牌，因為普通過普通還不如雲吞、魚皮餃好食。個手切雪花肥牛可能D雪花返哂大陸啦！如果唔係同普通炒牛肉無分別，不過值得讚係花膠筒，真係好ok！可能今晚好多人啦，叫了好耐都拎唔齊料要同老板對單先知！如果係好奇個鴨湯底就一次就夠！

I went to this restaurant on last week coz I read the comment is quite good.I got to say 老鴨湯 is fantastic, it is so delicious and not oily at all. Two thumbs up!!Also the camel meet and 牛爽肉is so good as well.The waitress is so nice, they refill the soup base so quickly.

早前看過食評，念念不忙，本想一大班朋友去試， 但今日老婆大人卒之忍唔住拉我去吃 --- 老三 這個老鴨湯真的很好喝，喝過湯才打邊爐，又幾得意。食物新鮮，服務態度好，仲有專人定時來加湯同除去浮面的油。 我o地叫o左鵝腸、招牌餃、手打牛丸、駱駝峰、稻亭烏冬。 除o左鵝腸洗得太乾淨之外，其他都好得，烏梅汁及稻亭烏冬更是頂瓜瓜。 而頂級手切肥牛(限量供應)更是鬆．化．味．美，搞到忍唔住要encore多一碟。 兩人埋單都唔平，不過非常滿足，睇黎要跑返20Km消耗一下。

為食同事嘗過後推介的一間火鍋店不過她之前試的是麻辣鍋我今次則先來試試這兒的招牌鴨湯 首先說地點可能友人們全部對這兒附近環境都不大熟悉所以覺得很難找甚至覺得深水埗站離這店似乎更接近 / 易找 友人未到齊前已經忍不住口渴先叫了一 jar 烏梅汁該是酸梅湯的朋友吧味道很濃很好 如果可以再冰凍一些就更 perfect 兩小碟前菜很好吃如果可以多要些就好了….呵呵 (其實兩小碟主要都是我 KO 的)菜單上有一些很特別的名字: 如千層峰 (餐前小食, 原來是豬耳), 爽魚皮 (是炸魚皮的另一版本嗎?), 駱駝峰 (沒有人夠膽嘗試 *.*), 牛利心托 (完全參透不到這是甚麼)…等等 然後對著 “鵝粉腸” 和 “肥鵝腸”大伙兒都問號著: 到底哪一款才是平日較常吃到, 爽爽的, 沒有一堆肥膏黏著的?為免下錯主意, 叫來老板娘一問我們: 請問哪種才是爽的?老板娘: 2 款都是爽的我們: 吓??? 那麼平日較常用來打邊爐的是哪一個? 沒有一堆脂肪黏著的…老板娘: 唔…你們平常見到的是粉粉的, 還是…我們: ?????!!!!! 粉….粉的? (心目中的 2 款都不是粉粉的耶…)(下刪來來回回郤只是不斷增加

食神嫂嘅好友大圈牛一, 相約飯局來賀壽, 師傅亦有幸成為坐上客, 實屬榮幸; 要知道大圈嘅口味其實一d都唔難, 皆因師傅同大圈食飯唔多過六次, 就已經同佢打過兩次邊爐, 所以再細問食神嫂後, 大圈果然又係揀打邊爐! 於是師傅同食神嫂齊齊諗下, 有咩好地方, 最後師傅搵到呢間食店, 發覺口碑好到不得了, 十二個食評, 十二個笑臉, 平均分達四點一分, 真係唔講得笑, 所以點都要試試, 於是訂左五位!遲左少少先去到, 皆因唔係太識路所以要搵下, 當然唔使好耐就搵到啦! 入到去店內唔算好大, 而安排嘅座位亦甚好, 單邊靠牆, 冇咁易撞黎撞去, 正呀; 一坐底大家就開始睇下有咩好食啦, 最後壽星大圈提議招牌鴨湯做湯底, 大家都讚成, 於是又係到抉擇要一隻鴨定半隻鴨; 其實一隻同半隻都係差三十蚊, 加上師傅覺得鴨身唔會太大隻, 所以就話要一隻, 點知呢個大圈唔知係驚食唔晒定係其他, 話要半隻, 擾攘左一陣都係唔理大圈, 照叫一隻鴨穩陣d! 揀完湯底當然係到揀食物啦, 最後揀左手切肥牛, 招牌餃, 魚扣, 筒蠔, 鱔片, 酒釀雞丸, 魚皮餃, 豬皮, 午餐肉, 龍蝦丸, 鵝腸, 油墨菜同唐生菜!

因為同事食過之後讚不絶口, 所以收工後一班同事嚟咗宵夜要咗招牌鴨湯做湯底, 嘢食未到, 先飲湯待應姐姐好好服待, 埋嚟遂個幫我地裝湯個湯好深色, 不過可能因為同事讚得太厲害, 我自已飲落又唔覺得好surprise, 不過啖湯係好飲o既, 鴨味唔算好重, 飲到有微微果皮味間嘢都幾多嘢食, 有啲甚至係未聽過, 如牛心定 (個音好似係咁)重點推介有帶子, 係切好一片片上, 份量都ok多, 極鮮味, 勁帶子另一驚喜係稻亭烏冬, 個樣同普通烏冬差唔多, 但原來熟咗好有彈性, 索埋啲湯一流佢仲有拉麵供應, 不過呢個可以唔駛試, 同壽桃牌奶油麵差唔多招牌餃都好味, 個皮好薄, 魚皮餃我好鐘意, 呢度賣o既係新鮮o既魚皮餃, 白雪雪好有魚味, 又大粒, 同出面食嗰啲四海出品冇得比朋友好推介啲丸, 呢度啲丸係手打, 而且好有特色, 我地要咗蟹子墨魚丸同醉雞丸我自己覺得一般, 醉雞丸唔重雞味, 但幾有特色, 一試冇妨最後當然唔可以唔提手切肥牛, $128一碟, 份量ok, 真係一啲都唔 "un"安格斯有牛味, 但我都係prefer手切牛, 雪藏同新鮮, 梗係點都係新鮮好啲啦

感覺上好像近來都有不少人生了BB…是日就跟了朋友去探望他友人剛出世一個月的小女兒…看到BB女精靈可愛…本來很肚餓的我也忘掉了肚餓….只是一踏出她家門…立即就餓昏了…兩人先分吃一碗水餃和一碟韮菜花頂頂肚…然後由千里迢迢的由西環搭巴士到深水埗...嚐一嚐這家老三火鍋….雖然這家店是主打老鴨湯底…可以先喝湯再打邊爐…只是今晚我們都想吃辣的…所以就選了麻辣鍋呢….其實這樣也有雙併選擇…不過就要另加三十元…~既然一心想吃辣也毋須要再要另一款湯底…反正通常都會被麻辣鍋”污染”…..兩個人吃火鍋其實不能吃太多的…幸好這兒有半份的選擇…幾乎所有東西都可以要半份…同價錢的就可以雙併…最適合人少少但又想試多幾款火鍋料的人….~在安格斯牛和手切牛肉中間…選了$128較貴的手切牛肉…不過只要了半份…另外還點選了蝦丸併墨魚丸…蟹柳併午餐肉...金菇菜…和蔬菜併盤…菜就只得油麥菜…菜心和生菜…~醬油配料選擇不多…除了基本的豉油外…就只有炸蒜蓉…蒜蓉…葱粒和辣掓粒…不過其實只要湯底和配料好的話…只點豉油已經很好吃了…..~餐前小食有一碟貢菜…貢菜爽脆而且微辣…是不錯的開胃前菜…~我看到老闆娘有一個透明大盒子裝著的…

Duck soup was great! I drank half a bowl even I'd never drink hotpot soup. Oyster was creamy and big as palm. Reasonable price. The best thing was able to park your car outside. Recommended!

今次係第一次寫食評,寫得唔好嘅話請各位唔好見怪,之前睇過多個討論區好多網友都推介,於是星期日同bf兩人走去試下,7點幾去到已差不多全滿,好彩仲有張細枱啫,兩個人叫左個老鴨湯底半隻$68,鮑魚例$48有4隻,日本豚肉$68,蟹子蝦滑拼墨魚滑$58,白鱔片$3x,炸芋頭$2x,什菜藍$28及稻庭面$38,本來要左蝦同生蠔架,但係星期六打風冇貨返,激死人!先黎湯底,一睇就知好濃,我同bf飲左碗先淥野食,佢d火鍋全部都好新鮮,最正係蟹子蝦滑拼墨魚滑,好滑好有鮮味,裡面仲有d蝦粒同墨魚粒,日本豚肉就普通左d,白鱔片就好新鮮,最細心係佢地將鱔背中間條鯕起左,咁大個女都係第一次食鱔片唔洗吐骨,好開心好驚喜呀,最後加個稻庭面落去索湯,滑滑嘅稻庭面再加上濃濃嘅鴨湯,真係十分滋味,食完面仲飲晒成煲湯,好滿足呀!而且價錢唔貴,兩個人埋單$39x,連埋貼士$400,正!一定會再黎

突然同班同事好想打邊邊, 但去開幾間都食到厭厭地~ 呢個時候就openrice 搵搵邊度有好地方, 結果就搵左呢間 ----- 老三火鍋點解會簡呢間呢? 最主要原因都係佢個鴨湯湯底, 可以飲完湯再打邊爐, 都幾新奇~老實講, 呢間火鍋店位置都幾僻, 唔識行都幾難搵到~ 亦可能係咁, 我地去到時都冇咩人!廢話少講, 即刻講下我地點左咩食先~鴨湯湯底 (半隻) : 我地4個入叫左半隻鴨湯底, 初以都諗住未必夠, 但黎到又真係幾大鍋, 每人應該可以飲到2碗湯先開波~~ 個湯底好重鴨味, 好香, 不過咸左少少, 但都可以接受!飲完湯後, waiter姐姐幫我地加返d豬骨湯落去, 就開始打邊邊啦!! 我地當晚叫左 :安格斯肥牛 : 好肥好有雪花好大碟, 完全同佢個價錢($98)唔成比例!! 入只鬆軟, 脂肪味濃, 但牛味就少d, 可能始終係雪藏掛~~ 不過我都覺得好好食啦, 比起出面賣$1xx的有過之而無不及!手切肥牛 : 同安格斯一樣咁大碟, 不過牛肉就少d肥o既部份, 但入口出奇地唔"un"仲好有牛味~ 我覺得正過安格斯呀! 價錢又係好抵 ($128)醉雞丸 : 聽講係招牌料之一, 諗住冇死

在街上接到宣傳單張, 單張上寫"先飲鴨湯, 後打邊爐", 都幾得意喎, 所以拉隊去試. 原來開業已有半年, 由於係後街, 雖然住附近唔知佢開左.點了鴨湯底, 先飲湯食鴨肉, 好好味, 鴨肉都唔"鞋", 飲完飽左一半, 跟住就添湯開始打邊爐.點了鱔片, 四寶丸, 魚鰾, 雜菜籃,田雞, 肥牛, 骨髓, 稻亭麵... 用料超新鮮, 稻亭麵, 四寶丸&鱔片最好味. 田雞上枱時D肉仲跳跳下, 都幾嚇人, $48一碟, 兩隻田雞唔算大隻, 係呢碟唯一覺得無咁抵食.鴨湯底一路用到尾, 都唔會有平時打邊爐用耐左D湯既怪怪味, 鴨湯依然好正.一行5人, 7點食到11點, 食飽飽, 繼續睇電視飲啤酒, 老板娘仲俾碟花生我地剥下. 雖然一般裝修, 但員工個個都好好招呼, 服務態度好好. 仲無加一收費, 食得好開心.

今天坐了60元的士去我這在雜誌看到的老三鍋鴨湯火煱, 真的好好味, 那湯的鴨汁味十分濃, 手切肥牛很鮮, 菜很甜, 帶子也很好味, 招呼好, 價錢不貴, 兩人食了$420, 還打包了兩盒.唯一不好是交通不便, 唔知有咩車可以去, 如果有車既人便宜得去.

成日心思思想打邊爐，本來諗住買返屋企打，點知去到旺角街市搵隻帶子睇下先無。出街打，去邊度好？老坑好嘛？上前食左又唔sure今次去到有無煲仔飯(老爸想食煲仔飯呀嘛！)見到雜誌介紹老三，雖然位置比較隔涉，不過都去試下啦。去到叫左老鴨湯底，手切肥牛，招牌餃，四寶丸，醉雞丸，雜菇。想叫海鮮又唔知叫咩好，因為我最愛既帶子佢又無價錢>.<結果姐姐介紹左我地食"青島刀貝"，都好喎，反正未試過！另外仲送左碟雜菜添首先梗係飲湯先啦，有人幫我地筆湯，又問我地食唔食蔥，我地話食就即刻幫我地筆埋D蔥花落去齊齊飲，佢話香好多喎。個湯味道都唔錯，不過以我呢個唔飲湯既人，真係唔識點評佢係咪好湯啦！刀貝超新鮮同好乾淨，就算開晒殼都見到D刀貝係咁郁，個樣有D似肉色既北寄貝咁囉。見到咁新鮮，都知係好野！牛肉都算几大碟，又淋又滑，不過肉味只算一般，未算濃四寶丸都夠彈牙，不錯！醉雞丸又係呢度既另一招牌食物，一場黎到，梗係要試下啦。通常打邊爐既丸都不外乎豬牛魚蝦墨魚，手打雞丸？真係未試過！聽聞為左令雞丸比較彈牙，係加左蝦膠落去一齊打呢，至於個心就係花雕酒！wow~~~ 期待呀！未淥既時候老闆已經提醒我地食得要小