老上海餛飩舖 (已結業)

🇭🇰老上海餛飩舖·因為我又好想食餃子類既野啦 醒起之前食lunch經過見到呢一間都幾多人食 所以我哋就嚟咗😌佢啲餛飩都OK嘅 但係其他嘢食就真係好麻麻地🙊·抵食套餐$48呢個套餐包括10粒大餛飩 1個小食同埋1個嘢飲 超級豐富 之後我哋再加多$15要咗一個燉湯😈佢餛飩個樣係好似魚皮餃咁嘅 之後佢個餡同平時啲餃子餡有少少唔同 調味係多啲嘅 好似一個迷你肉餅咁 都幾好味😋之後小食我哋揀咗秘製海帶絲個調味好大陸 但係口感都唔錯既😂😂最後個燉湯就超級奇怪 佢啲肉係好雪同埋好騷 之後個湯個味都好怪 完全唔燉湯 大家記住唔好加錢嗌🤭·薺菜鮮肉小餛飩(15隻)$35呢個超得意 真係好細粒 佢個皮好滑 食落都唔錯 不過個餡就真係少左啲 係真係一細啖就無曬😂所以我自己覺得先食左啲皮再食個餡會開心啲🤣🤣·#rbyeat#rby港式#rby灣仔 #rby上環 #rby香港仔 #rby觀塘 #rby尖沙咀 #rby荃灣 #rby元朗·📍灣仔灣仔道148號地舖📍上環禧利街16號地下📍香港仔東勝道9號地舖📍觀塘協和街133號地下📍尖沙咀加拿分道19號地舖📍荃灣路德圍34號地下📍元朗裕景坊27-31號金倫大廈地下1

話說Fatbrown 好鍾意食面，真係食極都唔厭個個國家都有唔同嘅拿手麵類，好似日本到要食拉麵，韓國就要食炸醬麵，越南就要食Pho 咁天氣熱辣辣真係唔知食乜好，今日經過一間老上海雲吞麵，見到有得食中國大陸牌炸醬麵，見冇乜胃口唔算特別肚餓就入去整返碗先<炸醬麵$28>一碗炸醬麵先$28，真係平到爛見到店員操呢個普通話口音，心諗應該好正宗啦掛結果又真係幾好食嘅麵條好煙un，雖然唔知係咪手打嘅，不過係好食嘅炸醬有啲似台灣嘅肉燥，個汁都幾好食店員姐姐都幾熱情，食到平嘢，味道又唔錯，心情都幾好

今日收工約左班朋友去灣仔修頓睇波，咁睇之前就各自各醫左個肚先。我去完太原街望下d玩具之後，睇玩具睇耐左，發覺時間唔係好夠，咁就食個快啦，見到有間餛飩麵店，好啦，入去啦！睇完個menu, 叫左個金牌雜醬麵再加5隻大餛飩，再加多杯凍檸檬茶。麵好快就黎啦！麵同埋大餛飩係分開上呀！麵幾彈牙，係幼嘅上海麵，最欣赏佢嘅雜醬，幾香口，開胃。到餛飩啦，餛飩係用上紫菜湯，好正，另外餛飩都好足料，皮薄多餡，好快就食完了，下次睇波都會再黎幫襯。

今日晏晝路經灣仔，見到呢間食上海雲吞嘅麵舖就走咗入去試。叫咗一個原味鮮肉小雲吞麵，仲加咗杯熱奶茶，一共$39，非常之抵食。雲吞細細隻，皮薄餡靚，肉質鮮嫩多汁，幾好食。至於個麵就係我鍾意嘅口感，軟硬適中，唔錯，會再嚟。

每日晏晝都要諗食乜，今日諗起巴士途經見到有間新開既上海雲吞鋪，於是就去試試話就話新開，但我記得都見到間鋪頭好耐，冇諗過去到見到仲有個「試業中」既牌喺門口叫咗︰原味鮮肉大餛飩 (10隻) $45 (+$1 外賣盒)點知叫完找完錢後，聽到樓面喺度講個電腦好似突然壞咗，出唔到單，諗住應該冇事...啩跟住就係漫長既等待時間，眼見堂食既食客好多都等咗好耐，有啲遲嚟先上岸(應該係因為後尾個電腦好返，後面啲單出先既關係)，我個心都怯一怯，究竟我張單有冇出現過喺廚房...其實樓面既哥哥姐姐都好唔好意思咁幫我追既，但追極都要等左成25分鐘先見到我個外賣出現見到佢地咁，同埋知佢地電腦壞咗，係明白佢地既困難，但最令我失望既係返到去公司，打開個盒蓋發現裡面得8！隻！雲！吞！(仰天長嘯)明明個menu寫明10隻，都冇8隻既option，做乜呃咗我兩隻....anyways，唔知今日夠唔夠飽呢....? 講埋味道，不過不失，沒有驚喜，沒大失望。但因為等待時間加少咗兩隻，我應該暫時唔會返去幫襯依間住架啦....

跟太太撑枱腳，繼續灣仔尋美食，在灣仔道街角這間中式的餛飩舖。先試小餛飩，芹菜鮮肉小餛飩 $45/ 20隻，芹菜口味很重，太太喜歡，而我就不，小餛飩皮薄。再試大餛飩，套餐，花生醬拌麵，原味大餛飩8隻，共$55。大餛飩皮厚，肉可以。花生醬拌麵，份量很多，很飽肚。凍豆漿 $7跟太太撑枱腳，不需要高級美食，平淡的餛飩便可以。

見到呢間新開嘅餛飩鋪，好似都幾吸引，平時lunch時間經過嘅時候，都好多人去食。佢門口貼住張下午茶由三點起，原本果日想食旺記，但旺記清潔冇開到，所以決定黎試下。下午茶送豆漿，叫左個韭菜鮮肉小餛飩15隻試下。見到姐姐佢地係到包餛飩，係自己人手包既。聽到廚房對話都係用普通話，唔通真係咁正宗。韭菜鮮肉小餛飩，皮薄但因為係小餛飩嘅關係，包嘅份量都唔係太多。湯都有少少既配料，有花生粒都幾香。最後，環境一般，但服務態度真心麻麻，唔只我一個受氣，對其他顧客都係咁。

我一向好喜歡上海菜，上海麵，餛飩，餃子，尤最喜愛。可惜坊間上海店買少見少，而且能夠食到好好味既餛飩，更難以尋覓。機緣巧合之下，來到老上海餛飩店，點了一碗小餛飩15隻，湯底清香，小餛飩皮又薄又滑，透明清澈可見餡料，值得向大家推介

我好鍾意食上海野，今日食午餐, 經過灣仔有間叫做「老上海餛飩」，聽到個侍應都係講唔純正嘅廣東話，應該都會幾正宗 環境就係一般小店既格局, 枱都拍得幾埋款式都係餃子、粉麵同雲吞等，都有選擇！芥菜鮮肉大雲吞10隻($45): 雲吞大大隻，又多餡，口感豐富，芥菜同豬肉非常配合，好好味啊！另外叫咗碗牛腩面($48):牛腩肥瘦適中，牛味濃郁，加埋佢嘅秘製辣醬，立即更加開胃！價錢合理，味道又不錯！大家經過既時候可以一試！

超中伏‼️‼️‼️第一次難食到試左一啖就走🤮1️⃣蒸餃睇個樣好似好靚，咬落個皮又厚又硬2️⃣大/小餛飩兩款餛飩- 湯水多油而且無味，餛飩咬開外皮，內裡的餛飩肉呈現一個四邊形，跟人手製作的餛飩不相同，以一間用餛飩為招牌菜的食店來說-這道菜實在令人大失所望‼️3️⃣炸醬麵同poster的樣子完全不同，油超多，變成了油浸麵，麵條勁粉那埋一舊。

環境3分：一眼睇哂，正常餛飩舖格局，拍得埋嘅枱加櫈仔，不過熱天就唔夠冷氣，新開畀佢三分。衛生4分：外賣包裝算好乾淨，又用D高級又堅硬Ｄ嘅環保外賣盒，就連個匙羮都穩陣Ｄ，可以畀佢四分。服務5分： 後生嘅收銀員身兼帶位生一職，見到年紀大Ｄ嘅顧客會帶佢坐Ｄ闊落Ｄ嘅位，態度十分之良好，畀佢五分。味道4分：一碗薺菜鮮肉大餛飩有十隻，粒粒大細差不多，話明係上海餛當然預左佢層皮會厚。因為佢新鮮煮，冇浸到淋，所以Ｄ皮呢都冇話散曬，可以加佢一分。餛飩個餡好足料，Ｄ薺菜鮮肉都好濃味，唔肥夠健康，但個湯個味就淡左Ｄ。抵食3分：四十蚊碗餛飩都幾飽肚，正常價位畀三分。

同老公行完街想食餃子，見係老字號餃子店就試下，我既至愛就係韮菜餃，最好就係煎既，咁叫左個套餐一碗原味湯餃(只得豬肉餡)，我好花生醬既所以叫花生醬拌麵，以為乾爭爭啦…碗底都有少少湯汁可以撈均勻食，味道都ok既，不過如果有青瓜絲拌仲正，老公叫炸醬麵，我唔食得辣既，食落剛有d辣既味道而已唔錯啦，韮菜煎餡呢，個皮都煎得香口唔硬，幾有咬口幾好味(再多d韮菜仲好)，原味小餛飩我同老公都食左3粒，食唔晒拎走，原本都無打算叫飲品，不過見餐牌好似刪去左咁，只問店員要杯水飲啫，食物平均算廉價啦！