老街 (彌敦道)

營業中

休息中

新年過後又未到復活節，無得去旅行既人就只好留港消費。行過油麻地見有間台灣餐廳，裝潢複古有玩味，門口餐牌價錢都合理就入左去食。主食較為突出搶眼既有滷肉飯、便當系列、牛肉麵等；而小食方面更是包羅萬有！跟你去了台灣夜巿掃街差不多，還不用不用站著吃哈哈！______________________________🔸紅燒牛肉麵 $60紅燒湯底味道濃郁，不會辣。麵條口感紮實，牛肉肉質非常軟腍。份量不少，下午茶黎計十分足夠。🔸鐵路雞扒滷肉飯 $58除了有滷肉飯外，還有雞扒和三款配菜，十分豐富。雞排有足足一整塊，外皮燒至微脆不會乾。
滷肉飯肉汁充足，大大提高了食慾。🔸酥炸花枝丸 $28一客四粒，熱辣辣新鮮炸起。皮薄夠脆，咬落夠彈牙。🔸夜市小香腸 $30擺盤比我預期中來得特別同有心思！將一係香腸片開薄片，更易與朋友分享。味道香，偏向乾身。送麵送飯食都好OK。🔸荔枝QQ紅茶 / 荔枝QQ紅茶 +$12 (跟餐價) 比起一般水果紅茶，它的糖度不算高，還可接受。所謂QQ紅茶，原來已經有珍珠及椰果。2款不同的配料，有著不同口感，尚算特別。．by VIN環境分數: 7/10食物分數: 7/10

成日行彌敦道嘅我都真係唔知有間台灣餐廳，今日唔知食咩好，見到個menu都幾唔錯就走入去。三寶肉燥新竹米粉 $60本身其實唔係配新竹米粉，但因為我都想台灣出名新竹米粉，所以我就+$3試試。我幾鍾意台式米粉嘅口感，佢比香港米粉更幼身，夾起嚟都算易夾，所以都幾鍾意。相信日後食親台灣麵類都會揀返新竹米粉。鹽燒雞肉乾拌麵 $55鹽燒雞鹽的份量相信係剛剛好，食落絕對唔會太鹼，雞肉份量蠻多。乾拌麵唔算十分乾身，加上叫咗杯珍珠奶茶，咁嘅配搭尤如自己係台灣一樣。香芋奶茶(熱) $15對香芋情有獨鍾嘅我每次去台灣餐廳有香芋食品都會點，但今次略厭有D細杯，同埋珍珠量適中。酥炸花枝丸 $28花枝丸都係我係台灣必食item，今次覺得老街嘅花皮丸上枱唔夠熱，加上炸得一般唔算脆口，但味道還可以。夜市小香腸 $30見到menu覺得佢個樣有D似臘腸，切得真係蠻似臘腸，味道非常可以，雖然表面唔覺落咗D咩調味料，但食落真係幾唔錯。🍽8/10🔎 老街 (油麻地)油麻地彌敦道530號永僑大廈地下6號舖

餐廳裝修雅致，由牆上taiwanese裝飾點綴，到天花垂落嘅燈，都富有濃厚藝術色彩，新年後開市，當然唔少得臺灣字油畫等等嘅飾物，到達餐廳時，已經有唔少人光顧，現場有大圓枱又有卡位，無論三五知己，抑或一家老少，都適合光顧餐廳主打taiwan菜，午餐時段更有不同午餐，點餐紙上有嘅食物，都可以任點任食，茹素還是喜歡吃肉人士絕對可以盡情大快朵頤舅父最鍾意佢哋嘅涼拌小黃瓜。小黃瓜好有得食。配上特有的芡汁。出邊食唔到。

同老公行完現時點，就去醫肚，見到招牌係台灣風味，又叫老街，不禁令人想起淡水那一條老街，就咁望入去係台灣的舊風貌，加上老公想食鹵肉飯，於是決定約埋飯腳一齊入去食除有台或懷舊佈置，入口位仲放咗隻玫瑰花熊仔，雖然已經過咗情人節，但用嚟打咭影相呃下like都唔錯好多臺灣風土場景，就如店名，置身老街食物種類都幾多，湯麵丶拌麵丶便當丶小食一應俱全叫咗個細滷肉飯埋小食花枝丸，滷肉的味道同臺灣有九成相似，而花枝丸炸到脆卜卜，入面仲有粒粒墨魚肉，兩個味道都地道，沒有欺場香芋奶茶丶杯芽奶茶同珍珠奶茶，味道👌，不算太甜，但珍珠有D硬。炸豆腐拼鹽酥雞同小香腸拼鹽酥雞，大大粒鹽酥雞，炸得香脆，小香腸就切好一片片，方便食又避免左爆汁嘅情況，而個炸豆腐買相有D似台灣臭豆腐，但無臭味之餘，仲外脆內嫩，仲有木魚放喺面添香酥肉操排骨湯麵，炸排骨係另上，唔會放喺D湯度浸淋晒，排骨炸得香酥，不會乾爭爭，個湯頭就偏甜。滿漢大塊牛肉麵，好多料的一碗麵，有花枝丸丸、貢丸、牛筋丶牛肉同牛腩，而且個湯帶有藥材味，係藥膳湯底紅燒牛肉乾伴麵，顧名思義呢個面係無湯嘅，將D汁撈好後就食得，個紅燒牛肉煮得好淋好入味，但又不會一夾即散

搭車成日經過見到呢間老街～今次去開嗰邊買Figure就順便去埋試吓～入面裝修到十足台灣咁～係影相打卡好地方～打開menu見到滷肉飯，朋友就二話不說咁要一碗～滷肉飯揀咗細碗嘅～我無試到味道～見到有啲肥膏喺度即刻唔敢食～朋友話呢啲先係精髓，所以佢食晒～我諗應該好食嘅～再嚟一碗滿漢大牛肉麵～樣樣都有，湯夠濃，似台灣藥膳湯味，十足台灣嘅牛肉麵～我揀咗有星星推介嘅紅燒牛肉乾拌麵～紅燒牛肉好入味，好林好正～拌麵比較淡，但麵質幾好～另外叫咗啲小食～有酥炸花枝丸～四大粒，熱辣辣食～好香好脆，咬落去仲有一粒粒墨魚～小香腸拼鹽酥雞～最愛台灣小香腸～有埋鹽酥雞一齊食～感覺置身於台灣啊～珍珠奶茶～比較甜，不過台灣珍奶就係甜為主～反而珍珠硬咗啲～整體嚟講都幾好食～掛住台灣可以去試～

2019年2月15日。晴。油麻地。呢日都係喺油麻地做嘢早幾日已經見到呢間餐廳Lunch時段大排長龍呢日早咗食飯，見門口唔係太多人即管試下喇～門口有餐牌，等位嘅時候可以揀定食乜雖然得一丁友，但係都要等成十分鐘先有位仲要係一早入去就見到個位冇人坐即係其實係可以唔洗等位，攞飛嘅時候已經可以即刻坐低根據觀察所得，餐廳要大排長龍完全係因為人手唔夠造成個位喺正門口，侍應會不斷喺你耳邊大叫冧巴而唔係選擇行落去餐廳門口度叫（餐廳要上幾級樓級），等位嘅人就緊係聽唔到喇然後竟然又會話番人冇聽嗌冧巴服務態度惡劣就連落單嘅時候都係，餐廳係填紙仔落單嘅先唔講揮手揮咗幾分鐘都冇人理畫咗飲品，但冇圈到熱定凍，侍應就一手掟番張紙仔落枱，即刻走開圈完又再等幾分鐘等人接番張紙仔（接單嘅仲要係帶住手套嘅廚房姐姐，好明顯人手極度短缺，連廚房姐姐都要做埋樓面）未食已經成肚氣胚芽奶茶，$0跟餐揀咗胚芽奶茶點知一飲除咗甜耶耶之外，發覺仲有陣勁奇怪嘅up味，估計係啲所謂嘅胚芽出事飲咗一啖唔敢再飲鹽酥雞肉燥飯便當，$41成個餐用木托盤上枱，賣相幾靚但細心睇發現個盤好污糟。。。先試肉燥飯，肉燥飯嘅特點應該係個汁鹹得來又帶啲甜，咁先正宗但

識我嘅朋友都知我好鍾意去台灣又好鍾意食台灣菜，其實想試呢間叫老師台灣餐廳好耐，咁啱嗰日約舊同事吃飯，諗唔到食咩不如就試吓佢啦！我至愛嘅滷肉飯😍我黎啦！入到去環境走懷舊路線，餐牌嘅食物唔算多選擇，主要都係湯麵，乾撈麵，小食同埋我至愛嘅滷肉飯。因為一行四人嘅關係就可以帶多啲嘢食，咁我哋就點左唔同嘅食物一齊share！😝😝最先嚟嘅呢就係我至愛的滷肉飯，我地點左兩個大碗($40/碗)嘅一齊分享，佢嘅滷肉飯都算幾好幾正宗，肥瘦均勻，份量同白飯嘅比例又啱啱好，高分之作！😝不過都係果句啦，香港食滷肉飯太貴啦！台灣真係$40台幣食到。跟住就係佢必食嘅紅燒牛肉麵($60)🍜佢一共有四五條牛筋腩條，每條牛筋腩條都炆得入味，唔會覺得好柴，啲麵條做得有咬勁，粗幼均勻，湯底方面牛肉味甚濃，應該用咗好多牛骨熬制👍都做得幾正宗，不錯吃！另外我哋叫咗個麻辣豬軟骨面($58),佢嘅麻辣唔算特別出色，基本上食唔到好麻嘅感覺，辣嘅味道就有少少，豬軟骨比較細塊，正所謂有比較有傷害，比較我就覺得紅燒牛肉麵大件夾抵食啲。主食方面我哋仲點咗香酥排骨肉燥乾拌麵，香酥排骨即係炸豬扒炸得都幾juicy，唔算好厚粉，反而個肉燥拌麵味道淡左

今日忽然想食台灣嘢，行過油麻地，見到依間老街台灣料理，好似幾乾淨企理，立即衝入去試吓。其實我地一家人係台北住過一年，對台灣菜和台灣食材尚算熟悉，好唔好食一試便知，握我唔到。入到舖頭，見到小店係有心機佈置的，有老台北照片，有靚靚台灣風裝飾，便知老闆係有心機之人。先來一個香腸鹽酥雞小吃熱身，用正宗台灣香腸，而且有高粱味，便知厨師絕對有要求。鹽酥雞香酥，個皮做得相當好，而且不會油膩，整個拼盤我認為可比台灣夜市的風味，如果香腸可以配番生蒜片我便給100分。另外加點了酸菜，不咸，很鮮，有台北車站劉山東的水準，好吃。最衰下午冇理由飲啤酒，如果唔係飲兩杯，送吓酸菜都咪話唔過癮。點了一個麻辣豬軟骨面，豬軟骨其實台灣唔流行，但我覺得配麻辣應該會唔錯。來了，先喝湯頭，唔。。。係台灣式的麻辣味，絕對唔係大陸果隻，我覺得個湯好似台北麻膳堂嘅味，麻膳堂的麻辣面非常出名，而且好食。老街的麻辣豬軟骨我俾高分!同枱點了鹵肉飯配香酥排骨，鹵肉飯油香，肥而不膩，肥肉目測有最少5層肥瘦相間，香糯汁甜，白飯掃清。小吃再來一個五味茄子，好食，不過我認為做法可以更甜，這樣會更台灣。兩個人再點兩杯飲品，一杯桂花酸梅，一杯肧芽奶茶，

夜晚經過呢間餐廳見到裝修幾有台灣feel，而且見到幾多人，所以入去試下台灣牛肉麵麵條有口感，湯底都頗濃郁，加6蚊要左碟酸菜，但原來牛肉麵本身已經有滷肉飯30蚊一碗，不算大，但足夠飽肚木魚炸豆腐上有甜酸汁，好開胃肉燥青菜都係30蚊，份量唔算少，但略顯不夠多肉燥呢叫左食物加12蚊可以轉台式特飲，巨峰QQ綠茶葡萄味濃郁，加上底部的椰果一齊食好唔錯另外叫左杯珍珠奶茶，味道非常台灣，奶味比起茶味濃郁許多，珍珠都有咬口

行完現時點想食d野，見到呢間平時好多人食就試下啦，因為難得今日唔使排隊。一入到去見到好多宅男，地方狹窄坐得唔舒服。 明明間舖冇咩人都唔畀我坐卡位，話要同人搭枱，我明明拎住個大袋都唔比我坐闊d，而且一直冇人入嚟，所以覺得很不快。好啦點完嘢食，嚟到啲侍應粗魯放落枱面，完全服務態度惡劣。食物賣相麻麻，好多油，牛肉麵啲牛肉好淡色，食落去冇味又肥膏多。 不過面同湯都叫正常既，但係啲肉太差實在大打折扣。然後滷肉飯啲鹵肉真係好硬 ,呢啲肥膏唔係入口即溶,好似格硬食落口好難食呀。叫咗碟油菜要30蚊碟，細到不得了。另外加咗12蚊特飲飲品，還算可以啦。呢餐之後我終於明白宅男真係對食物冇乜要求。

今日同兩個朋友去開油麻地, 四圍都係人, 又唔想食譚仔, 有人提意去食台灣野~ 我突然醒起係窩打老道有一間新開叫"老街"既台式料理店~ 今晚就一於去試下~ 星期五晚9點~ 去到老街, 都幾FULL~ 8成入座, 好好彩我地WALK IN 都有2人位~ 實在係太好了~ 坐底睇下個餐牌又唔貴喎~ 我地叫咗兩個招牌牛筋牛腩麵$60 (好扺)加12蚊可以配珍珠奶茶(非常十分扺), 哩個價錢係旺角真係好難得, 首先講下佢個珍珠奶茶, 好耐都無飲過真係手搖出黎既珍珠奶茶(睇面頭D奶泡) 係真係香滑D, 珍珠有咬口, 好飲過出面個D啦~ 又有得坐下~ 招牌牛筋牛腩麵--- 牛腩好厚, 麵我唔識講~ 好似係手幹面, 好煙UN~ 湯底好濃, 有少少肉骨茶~ 整體成碗面都好高分~~ 正~~~ 全部食物都好好味~ 值得推介~ GOOD~

之前旺角間老街覺得幾好味，原來搬左黎油麻地，所以專登行遠少少過黎幫襯一下。餐廳地方大左好多，裝修好有特色，台灣古早風格。台灣地道小吃，台式飲品，便當，選擇真系多。仲超級抵食，加配飲品，加配小吃，都只系加幾蚊。尤其喜歡呢杯胚芽奶茶，十分濃郁，加胚芽仲好健康。紅燒牛肉面依舊保持水準，湯底好甜，好香牛肉味。麵條好Q，牛肉好冧好入味。份量滿足。最愛佢麵身夠勁道！朋友食紅燒牛筋腩便當，米飯同牛筋腩分開放，牛筋腩好入味，比冧，口感非常好。加配小食系台灣小香腸，好正宗的味道，皮脆肉香，至岩食肉獸的我們。

當日跟嫲嫲去食lunch, 佢話好耐冇食臺灣美食,於是去yaumatei著腳。涼拌小黃瓜他們的小黃瓜比較特別，尤其是調味料的運用。選擇的辣椒也是篩選過，簡單的一個餸菜，可以做到色香味俱全。臺灣牛肉燥便當裏面混雜牛筋牛腩及牛肉，牛筋有口感，牛腩鬆軟，牛肉有牛肉味，配上珍珠飯及滷水汁，各樣感覺非常匹配。這餐廳無論裝修以及服務態度,我同屋企人都睇出都很有誠意。而且近地鐵站衹要兩分鐘就到。老人家都覺得比較方便。😊

之前喺旺角豉油街都食開呢間台式食店老街， 原來而家搬咗過嚟油麻地😳😳😳新裝修靚咗好多，入面嘅卡位都好寬敞，坐得舒服🤗🤗我哋兩個人嗌咗一飯一麵，兩份小食，同埋兩杯飲品🍹🍹鐵路雞扒滷肉飯 🐖🐖🐖雞扒非常厚身，外邊煎得好香脆，內肉質鮮嫩🐔🐔不過最精粹都係個滷肉飯，滷肉肥瘦均勻，肉質軟綿，加上醬汁撈埋黎食，啖啖都係大滿足😋😋紅燒牛腩牛筋麵🐂🐂🐂一上枱當然先試下個湯😍濃郁惹味而且帶肉香🍲🍲牛腩牛筋肉軟爛入味，配埋口感紮實的麵條，勁高質!!!!!😎😎炸豆腐拼鹽酥雞 -- 炸豆腐係將外圍嘅木魚炸香 ， 入面的豆腐依然嫩滑，加上少少辣醬，又幾夾喎😆😆😆 鹽酥雞大大件如果可以加辣味就好啦😝黃金脆薯(小) -- 我哋揀咗配梅子粉🍒雖然係炸物但係唔油膩，趁熱食更好食👍台式飲品跟餐嗌都只係十幾蚊😋😋😋正!!!

同女朋友行完街諗住搵野食見之前旺角果間幾好食，又系油麻地開左間新既諗住去帶佢去試下啦點知入到去店員又無招呼叫落單果陣間，個女職員又叫寫紙，大佬啊，枱面張點菜紙就得午餐同下午茶，我想叫大餐牌內既點寫咩啊，講低一句之後就走人，單都吾落之後點左個排骨乾拌麵，牛筋牛腩麵，同兩個小食，咁啲野都算出得比較快，拌麵同排骨分開上的，到啲野食食哂之後排骨麵未到，吾問都吾知系漏單定系咩，全個場啲店員都吾知去左邊，無人的，咁就收你$166食物質素差左都吾止，又無服務又漏單，無下次！