老鍋台式火鍋 (京都廣場) (已結業)

最近終於轉凍。又係打邊爐嘅季節。happy friday約朋友食飯話想打邊爐，我二話不說就book左呢間，老鍋變左我打邊爐飯堂，原因好簡單，就係食物質素超好。最吸引我係佢嘅椰青雞湯，侍應會係你面前將原個椰青倒落煲。再刮肉落去，跟住將雞件同花膠放埋落去一齊煲，個湯清甜指數爆曬燈，百飲不厭，每次尼都必叫嘅湯底，強烈推介大家要試試。2個人飲完湯基本叫多一碟肉一碟菜同蟹子墨魚滑已經好夠食，不過呢間價錢屬中價，次次埋單人均消費都4至5百。

天氣凍凍地，假期就同左朋友去銅鑼灣打邊爐，餐廳一入到去就有好多天燈，可以玩遊戲許下願，感覺特別有趣，仲可以打卡午市二人火鍋套餐$299美人鍋有麻辣鍋、酸菜白肉鍋、美人鍋、養生鍋，四款湯底選擇，想暖一暖胃，就選左美人鍋底，首先飲啖湯先，湯底裏面有杞子、桃膠、栗米、烏雞等材料，味道清甜又滋補，而且烏雞肉質嫩滑，口感豐富肉類有肥牛、豬肉、雞肉，三款肉類選擇，朋友係牛魔王，所以就選左雪花肥牛，食落油花分佈平均，肉質香濃柔軟丸餃拼盤有墨魚丸、貢丸、魚皮餃、台灣蛋餃，四款丸餃類，感覺唔會太單調，墨魚丸食落爽口彈牙五彩鮮蔬盤有金菇、娃娃菜、生菜、油麥菜及冬菇，種類都好多，份量亦十足米線最後米線吸哂湯底精華加上醬料調味，味道更加提升，而且食落口感順滑

天氣凍冰冰本來諗住宅係屋企，個friend話出嚟shopping之後直落打邊爐啦！又好喎一於奉陪，佢搵咗間係銅鑼灣嘅火鍋店，行完街咁攰要去烚一烚補充體力手切安格斯牛小排 > 牛肉入口柔軟唔多渣，有油花酥香牛味濃，牛魔朋友大讚石斑 > 石斑亦係女士恩物，膠原蛋白豐富。呢度啲石斑魚幾新鮮，滾幾滾啲魚片鮮甜美味彈牙唔易散開，我咁鍾意食魚呢款啱晒新鮮海蝦 > 啲蝦幾大隻又新鮮，烚熟鮮甜爽脆食得好過癮骨膠原蛋白美人鍋 > 女人唔補點得？呢個鍋材料養顏滋潤，有整隻烏雞、烚熟咗啲雞肉口感keep到軟腍，另有明目杞子、補血南棗、桃膠又能補充膠原蛋白，湯底愈滾愈甜

天氣轉涼又係打邊爐嘅季節！我地叫咗個酸菜鍋拼麻辣鍋麻辣鍋可以揀小中大辣，配以多種香料及藥，超級用心，入面仲加咗鴨血及凍豆腐，味道濃而不膩，又辣又好食！！追加鴨血或凍豆腐每份 $30酸菜鍋用咗秘方醃制東方大白菜同極品豬王花腩，夾埋寬粉條，風味好獨特，又酸又醒胃霜降牛$388牛肉味好濃～油花分佈都好平均，勁好食！炸午餐肉$68 唔會好乾幾好食！極品黑毛豬$158唔會好un 同有蘇味！唔錯！三秒響鈴卷半份$52 響鈴卷上檯仲係脆卜卜！落鍋3秒食仲係有少少脆！推介！台灣萵筍$62吸曬湯底嘅味勁好食！

天氣轉涼又想打邊爐，星期日午餐去左銅鑼灣老鍋台式火鍋。老鍋台式火鍋係由30年台灣經驗廚師主理，首創美人鍋 ，賣點係新鮮湯料同食材天然味道，醬料精髓提鮮而唔影響原有風味。 落單用二維碼。今日叫左個午市二人火鍋套餐，價錢$299。包以下食物：老鍋有四款精選湯底，分別係麻辣鍋，美人鍋，養生鍋同酸菜白肉鍋。「美人鍋」係女仕養顏至寶，材料有桃膠，原隻烏雞一開二，金華火腿，又有杞子，南棗，淮山，黨參，龍眼肉等藥材，仲有冬菇，粟米同香蔥等蔬菜。上枱時桃膠特登放喺烏雞上面。烏雞吸咗個湯味道超好，雞肉又嫰滑。個湯係老火肴制湯底，味道少少鹹香，好飲。美國梅花豬肉 肉類可選肥牛，雞肉或者豬肉。美國梅花豬肉一客10片，捲得靚靚上枱，切得夠厚身，質感好好，外圍係脂肪邊，帶少少咬口又有少少彈牙。豬味濃，好好食。丸餃拼盤丸餃拼盤有墨魚丸，香菇貢丸，蛋餃，同魚皮餃各兩粒。魚皮餃好肥美，墨魚丸彈牙，蛋餃既蛋皮好簿又滑。五彩鮮蔬雜菌盤五彩鮮蔬雜菌盤有油墨菜，生菜，娃娃菜，金菇，食材新鮮。米線跟餐可以選飯或者米線，我地揀咗米線。米線超大碗，好淋，攤凍食都有少少煙韌，可以加芫荽同蔥一齊淥。自助調料吧有辣椒，莞茜，蔥，豉油，炸

今日去左銅鑼灣打邊爐🍲 啲野食幾高質🤩🤩#老鍋台式火鍋.#膠原蛋白美人鍋拼尚膳養生鍋 👅9/10 $238裡面有好多桃膠😍 有好多豐富膠原蛋白 好正 可以補下🥰🥰 仲有原隻烏雞 超大隻 媽咪都話可以滋陰同埋補下覷勞 仲有勁多唔同藥材 杞子、南棗 仲有金華火腿老火淆出黎嘅湯底🤩 超香🥰🥰 同埋好岩我地呢嘅女人養下顏🧘🏻‍♀️.綜合手工丸拼盤 👅8/10 $118勁癲 好多種特別嘅丸 仲要唔係款款都可以喺出面食到😍墨魚丸👉🏻👉🏻爽口 蝦丸👉🏻👉🏻爽口 香蝦味流心感蛋黃豬肉丸👉🏻👉🏻中意蛋香嘅人必食🤣🤣啲豬肉都好香 梅菜豬肉丸👉🏻👉🏻呢個第一次食 之前直頭聽過😵‍💫 好似食緊阿媽整嘅梅菜豬肉餅🤣芝士牛肉丸👉🏻👉🏻芝士味同牛肉都好香🧀🤩.霜降牛 👅8/10 $388第一次食呢種牛 🥰油脂分布得好好 我覺得真係好似雪花❄️肉質好好 而且好嫰滑🤣 .鹽酥雞 👅7.5/10 $68好正 我一向都好鍾意食鹽酥雞 🐓 呢度嘅鹽酥雞炸到脆卜卜😍😍 裡面嘅雞肉都唔會鞋 調味亦都地香🤪.台灣直送粒粒芒果丁 👅9/10 $28食完嘢想叫返份小小地嘅生果🥭好甜呀🤩🤩 仲要凍凍地 爽爆🥰

同友人到銅鑼灣lunch，終於有機會輪到上來。一入門意想不到周圍都佈滿好多台灣天燈佈置，門口還有個電子屏幕，可以玩個遊戲，放天燈~ 許個願 ~🔹2人套餐 ($299)🌱湯底其實有4款可以選擇 (麻辣鍋, 酸菜白肉, 美人鍋, 養生鍋)，我們就選擇了美人鍋。白美人鍋中有一整大大隻開邊的烏雞，另外入面配料有黨參、杞子、粟米、南棗、淮山、龍眼肉，同埋非常多的桃膠。用料十足。我和友人合力把烏雞全吃掉~ 其實都已經感覺到半飽了 🌱肉類是3選1 (雪花肥牛, 梅花豬肉, 嘉美雞肉)，我們就選擇了肥牛。肥牛精緻卷好上碟上枱，油脂平均分佈，打卡一流~ 牛肉味濃且油脂滿佈，用「下鍋涮3秒」技巧，完全能吃到汁多味美的頂級口感🌱丸餃拼盤 (各2)有墨魚丸、貢丸、魚皮餃和非常有台灣味道的蛋餃，兩個人可以每人試一件。墨魚丸和貢丸非常似是自家手打製的，味道非常濃郁，好味🌱蔬菜盤對2人來說，份量非常多。友人非常喜愛，有金菇，冬菇，粟米，油墨菜，生菜，娃娃菜🌱澱粉質白飯和米線。米線比較軟身，好快就已經全熟。我們連湯汁一起吃，非常美味🌱醬料是無限供應的自助區，而且選擇非常多。

一下子凍咗咁多，大佬表示不如收工約齊人打個邊爐，6:00彈閘即走～ 無辣不歡嘅大佬就揀咗呢度嘅秘製麻辣鍋🤤辣嘅程度就分大中小，煲滾之後就聞到香料同埋唔同嘅藥材味道，有邊有鴨血同埋凍豆腐，中辣嘅～ 我覺得啱啱好，味道有層次之餘，又唔會剩係得個辣字，鴨血同埋凍豆腐唔夠食都可以加錢再追加～ 火鍋料就揀咗手切安格斯牛小排｜油花分布均勻，唔使淥太耐就食得，入口食到啖啖喎嘅油香，肉質偏腍～象拔蚌｜都係輕輕放入湯一陣就可以食嘅海鮮類，入口爽口彈牙有鮮甜三秒響鈴卷｜即叫即炸，放入湯3秒就食得，面頭嘅腐皮吸晒湯汁，入邊仲保持到酥脆涮鍋小羊肉片｜呢個係食麻辣必備嘅！羊肉獨有嘅羶味同麻辣湯係最夾嘅另外佢哋除咗火鍋之外，仲有一啲唔同嘅台式小食，鹽酥雞都脆卜卜幾好食，呢間已經mark低咗再凍啲會嚟encore嘅！

彷如身處〔台灣十分〕的火鍋出去唔到住香港住，唯有去下彷如身處〔台灣十分〕的〔老鍋台式火鍋〕先，餐廳內有好多不同天燈，感覺好似去左台灣咁，環境好乾淨，空間好夠，唔會座到好迫，食物屬於高檔質素，平日黎計都算多人。湯底全部都好有特色同好養生，火鍋配料有好多種，仲有台灣小食供應，抵讚！自助調料吧都有好多野揀，岩哂我呢d混醬怪，而且係自家製(夠健康)！今晚同閨蜜叫左：(鴛鴦鍋)老鍋秘製麻辣鍋 / 老饕酸菜白肉鍋 $168：老饕酸菜白肉鍋係我想試，因為我太中意食酸菜，酸菜白肉鍋係台灣特色，湯底料有酸菜、玉米、娃娃菜、蕃茄、腩肉片，湯底十足，好濃味，湯底酸度比例啱啱好，令人十分開胃，令外，老鍋秘製麻辣鍋就係閨蜜想試，佢叫小辣，麻辣鍋入面，鴨血同埋蜂巢豆腐，仲有好豐富既香料同藥材，雖然辣，但唔會辣到蓋過藥膳湯味，閨蜜話鍋入面豆腐同鴨血吸收晒湯嘅精華，好鬼正。霜降牛 $388店員介紹霜我地試下霜降牛，霜降牛又稱翼板肉，係牛的肩胛部位。霜降牛油花分布均勻，有大理石紋，肉色呈粉紅，相賣商當靚仔，入口好香牛味，而且咬落無筋，肉質非常滑嫩。正！石斑 (時價)︰至於石斑係時價，魚質非常嫩滑。我地仲叫左小小食，整體

老鍋台式火鍋 (京都廣場)地址: 銅鑼灣駱克道491-499號京都廣場2樓秋天最啱打邊爐，今日星期日放假，就約埋老公係銅鑼灣打邊爐。餐廳係間台式火鍋店，設計好有台式風格，啱曬打卡。特特係天花板，有好多天燈，好似去咗轉台灣咁～餐廳仲提供好多醬料選擇，分別有辣椒、蔥、芫茜、炸蒜、香醋、沙茶醬等等，選擇多元化。午市二人火鍋套餐$299美人鍋：今次鍋底揀咗美人鍋，湯底大大鍋，材料豐富。材料有烏雞， 粟米，冬菇，紅棗，黨參，北芪，杞子和桃膠。烏雞嫩滑，更令湯底味道充滿濃郁的雞味。粟米香甜。另外，湯底仲有好多補品，加上桃膠，非常滋補養顏。丸餃拼盤：拼盤有齊墨魚丸、貢丸、魚皮餃同蛋餃，一次過可以試晒，非常好！墨魚丸彈牙，有鮮味。蛋餃幾特別，外面有一層蛋皮，食落較健康。五彩鮮蔬盤：蔬菜盤好豐富，有齊油麥菜、生菜、娃娃菜同冬菇。蔬菜新鮮，生菜仲吸曬湯底嘅汁，yummy!雪花肥牛： 廚師將肥牛捲起，而且整齊地擺放在碟上， 肥牛唔太肥， 色澤鮮紅， 紋理分明，吃起來嫰滑可口， 有牛味，份量夠。米線：主食仲有米線，配美人鍋非常美味！

老公休息，出去食飯，順道看看傢俬！天氣涼成日都好想打邊爐，所以又去烚吓烚吓🤣🤣這間印象食過兩次，品質和環境舒服，平日午餐有米線食，不過今日我們主打火鍋，還見到有好多天燈裝飾，仲可以玩，好有趣！人均：$450.尚膳養生鍋眼見多款藥材及人蔘，杞子、紅棗、鮮冬菇、蜂巢凍豆腐，又以火腿、老雞及豬肉熬製而成的湯底，湯滾先飲一口湯，好濃郁的人蔘味，食到尾，湯依然好濃！.手切牛肩肉牛肩肉肥瘦適中，不用點醬已經好好食，肉味重，有厚度，食得爽！.是日精選丸餃拼有新鮮海蝦、墨魚丸，魚皮餃，海蝦好鮮甜！丸餃正常。.是日蔬菜雜菌拼盤（小）蔬菜是需要叫的，好豐富的雜菜盤，有油麥菜、生菜、娃娃菜、金菇、白色菇、南瓜、粟米，冬菇，今頓邊爐十分均衡營養。.三秒響鈴卷即叫即炸，食落有陣陣魚皮味，幾有趣！.千張豆葉紙第一次食，就似豆腐皮一樣，食落質感都似，又像紙一樣薄，幾秒就食得！.飲品杞子杭菊露、冷泡白桃烏龍茶

有一陣子沒有光顧啦，菜式仍然出色，叫左一鍋養顏美容 - 美人鍋湯底勁有質素，足料都爆，成隻烏雞分咗一半係到連埋藥材係到煲，湯好濃好好飲，未食其他已經覺得今餐超正牛肩肉，淺粉紅色嘅雪花紋勁吸晴，薄薄一片一滾即熟，肉味香濃油脂爆香可口！必食！爽脆既即炸響鈴, 可以拌醬料或打邊爐實在令人回味, 餐廳的服務令人讚賞心,食材質素新鮮,餐廳的店員服務態度非常之好,入坐會主動介紹食物,詢問客人的需要。

開始秋涼，時候走進養生系火鍋店經開銅鑼灣，天氣凍凍地，又係時候邊爐，暖下身子。入到去老鍋，叫咗個膠原蛋白美容鍋（$228），入邊浸住一大隻烏雞，仲有一大舊桃膠、黑棗、北芪、黨參、淮山，滋陰補腎，修補返平日嘅辛勞，仲有最最最重要的是，烏雞肉質還非常嫩滑，湯亦都很清甜，所以記住再落食物之前一定要飲啖湯。叫咗手切牛肩肉、蔬菜雜菌拼盤、丸餃拼盤、千張豆葉子，仲有叫咗杞子杭菊露同冷泡白桃烏龍茶來解解油膩。手切牛肩肉：10分有肉味，脂肪分布均勻，咬口質感不錯，牛肉味濃郁。墨魚丸和魚皮餃，驚喜的是墨魚丸有原粒墨魚肉，質感彈牙有鮮味，另外魚皮餃肉質亦相當鮮甜，有肉質鮮蝦方面，兩個字新鮮，而且亦夠大隻。蔬菜籃新鮮爽甜，有粟米冬菇娃娃菜、唐生菜、南瓜等，夠足料。而我今次第一次食嘅，可算是千張豆葉子，質感好得意， 落水一兩秒就可以食得，有輕輕嘅豆味，喺第二度真係未試過呢個菜式，如果大家來開值得一試。同埋最欣賞呢度裝修方面，非常着重客人的私隱，所有枱都有高牆內分隔，呢一點亦都見到餐廳對客人嘅用心。

前晚同兩個朋友諗住食餐便飯，唔想食放題坐得耐啲同希望食物質素會好啲啲啦。點知，食完之後埋單一睇，嘩！大佬！三人份量的晚餐要$2000 落樓，每人成$700 幾蚊，都已經唔食得多種類，貴絕銅鑼灣，心諗放題每人最多頂盡咪$300 幾仲要食到飽，但而家食完只係啱啱好咋。我想講個麻辣鍋勁攻鼻，但又唔辣喎，唔知落咗啲咩，勁多油，食完之後柯咗五六次，真係開曬花架。走去食個龍蝦伊面都無咁貴，完全唔知佢憑咩收呢個價錢。

風球過後，天氣陰涼令不禁想打邊爐🍲暖身，見到老鍋有火鍋lunch set就馬上用Openrice book去試吓。同朋友大約12pm入座後，感覺環境寬敞舒適，店員友善地向我地說明如何點餐及指示火鍋醬料的自助區。首先，掃QR code睇menu點餐，睇到有單點既野食、特飲、米線/飯既lunch set & 午市火鍋套餐。二話不說，我哋就㨂左二人火鍋套餐。 湯底就㨂左多人讚好既美人鍋，入面當歸、杞子、桃膠、成隻烏雞。店員會主動幫你加湯，湯底有啲越滾越咸。食完估唔到係會咁飽既，好在冇衝動額外加點配菜/小食。總括然而😋性價比評高