老鍋台式火鍋 (京都廣場) (已結業)

🙂呢D天氣約人食飯諗唔到食乜？一律建議打邊爐呀！港式火鍋食得多不如轉轉新口味啪個台式邊邊老饕酸菜白肉鍋 + 尚膳養生鍋$238老饕酸菜白肉鍋足料，入邊有醃大白菜、腩肉仲寬粉，湯式微微酸醒胃尚膳養生鍋上枱已經有陣陣藥材味，滋補之選綜合手工丸拼盤$118 拼盤就齊晒五款手打手工丸：墨魚丸、蝦丸、流心咸蛋黃豬肉丸、梅菜豬肉丸同芝士牛肉丸墨魚丸同蝦丸彈牙，咸蛋黃豬肉丸個黃流心架🤣入口要小心。台灣直送花枝丸$68台灣名物😚彈彈彈又多花技綜合餃類拼盤$118有餃子、雲吞同魚皮餃等等，貪心寶寶表示開心，因為唔駛揀可以試晒鹹蛋黃炸魚皮78即炸脆卜卜，即食就咸香，浸一浸湯又另一種風味仲叫咗雪花分佈均勻嘅手切安格斯牛小排，即炸脆響鈴。一餐高質happy火鍋

同朋友黎到銅鑼灣肚餓見到京都廣場入面有得打邊爐咁就上左去呢間餐廳度食啦,餐廳門口掛左好多天燈,入面座位好闊落,仲有好多唔同意思願望既天燈掛左響每張檯上面好靚既效果,另外餐廳仲有QR CODE俾客人玩如果客人想放天燈可以用QR CODE既天燈許願APP放天燈遊戲許下願玩下,我地叫左個二人SET 火鍋湯底可以自選,選左美人火鍋入面有好多桃膠淮山等等既藥材組成既一個湯底組合,養顏同養生既健康湯底入面仲有一整隻烏雞,雞肉好嫩滑,我地加左米線煮完D米線入晒湯汁D味個湯好濃郁,雪花肥牛小編推介肉既雪花分佈好平均,煮完好淋牛肉味濃,另外蔬菜藍都非常豐富,有勁多蔬菜,仲有其他丸類同餃子都好好味。

👩🏻‍❤️‍👩🏻難得四個女仔臨時約到聚一聚 有兩個朋友仔話一直好想食呢間既養生火鍋所以即興去左銅鑼灣買外賣自取返去齊齊happy 我地一打開外賣紙袋盒嘩一聲😱 個湯底浸住隻原隻烏雞啊再加埋有桃膠 等配料 呢個養生火鍋就岩晒我哋四個女仔啦😍🔸膠原蛋白美人鍋（$168）嘩😍個湯底好足料 有成隻烏雞 滋陰又補覷勞忍不住夾d烏雞食吓 肉質又林又滑嘩！ 隻烏雞等於免費送左個餸比我地咁湯底有桃膠 含豐富膠原蛋白 完全岩晒我地食啦再配以杞子 南棗 金華火腿老火淆制既湯底湯底好濃超甜 真係真材實料 岩晒女仕又養顏🥰🔸手切安格斯牛小排（$368）牛小排鮮紅色的 高質牛肉 有雪花紋好靚 油脂比例同厚度適中 肉質嫩口有肉感 牛味濃 🔸美國梅花豬（$128）梅花豬一片片好新鮮 放落去滾1-2分鐘就熟透豬肉味濃 肉片又薄又滑 口感一流🔸 三秒響鈴卷（$72）係自家制即叫即炸食品 好新鮮 放落湯淥三秒 口感十分鬆脆真係超級好食 唔夠喉囉😆🔸鹹蛋黃炸魚皮（$78）我地專登唔放落湯 就咁食魚皮非常之香脆可口 超多鹹蛋黃好正 鹹蛋黃控既必食之一🔸梅菜豬肉丸（$92）好少食到梅菜豬肉丸 真既好特別入口有甜梅菜 加嫩滑

台式邊爐全港世一 配料同湯底都高質！好耐無食過一間咁高質嘅邊爐啦，嚟到銅鑼灣SOGO 附近嘅京都廣場「老鍋台式火鍋」，呢間之前都食過，真係勁好食！趁住朋友聚會，我就要求大家陪我再食多次！生猛龍蝦同新鮮大沙巴(時價)本人係好喜歡係海鮮，尤其係龍蝦同沙巴，想講呢度嘅海鮮超級新鮮，龍蝦好厚肉同埋色澤都好靚🤤食落彈牙啖啖肉！肉質超鮮嫩，入口好鮮甜呀！！ 酸菜白肉拼秘製麻辣鍋$168湯底我地就揀咗「老鍋秘製麻辣鍋」同「 老饕酸菜白肉鍋 」，台式邊爐一定要食麻辣鍋同酸菜湯底，我覺得個湯底仲好食過去台灣旅行時食到嘅湯底！我揀咗小辣，個湯底一上枱就聞到好香，佢係配以多種香料及藥材所製成嘅湯頭，非常用心，入面仲有鴨血同凍豆腐，辣而不膩！酸菜湯底非常好飲，佢係用上秘方醃制東方大白菜，入面仲有極品豬王花腩，配上寬粉條，食落有股酸香，口味食落好開胃，清清地，兩種口味配合起嚟好夾，提升邊爐層次。鮮甜北寄貝 (時價)打邊爐....食物同海鮮最緊要新鮮！呢到北寄貝，非常新鮮呀！！食落去肉質彈牙，好甜！三秒響鈴卷 $72食火鍋一定一定要食響鈴，呢到仲要係即炸，好脆好香豆味，如果一間火鍋店無即炸響鈴卷我係唔會幫襯嘅，而

天氣凍，最鐘意就係打邊爐😍呢日過嚟銅鑼灣整啲嘢，見到老鍋呢個一人台式養生火鍋好吸引呀🤤食台式火鍋最鐘意就係佢嘅養生湯底呢間老鍋之前都有嚟食過幾次，座位闊落，坐得舒服養生一人鍋 食材都幾豐富，分別有安格斯牛肉、豆皮、娃娃菜、蓮藕、粟米、冬菇、南瓜、蕃茄及寛粉條湯底我就揀咗尚膳養生鍋，用咗火腿、老雞及豬肉配上原條人蔘、杞子、紅棗、圓肉等多種藥材熬製而成嘅湯底，香噴噴😍湯滾先飲一口湯，好濃郁的人蔘味，感覺養生又滋補，啲食材吸曬啲湯汁真係好正😋一個人食火鍋都可以好盡興，滿足

天氣咁凍最好就約打邊爐爐，呢間台式火鍋店我幾鍾意去🤣因為湯底好正，每次都會叫佢地秘製麻辣鍋，夠哂辣，同埋加左好多香料及藥材調製，幾有誠意，仲有我最愛既鴨血同凍豆腐，好有台灣味道，辣得黎幾過癮💯手切安格斯牛小排 $368 厚切又大片，口感唔錯，軟嫩肉質，同時又有油脂香👍🏻.手打墨魚丸 $92 手打關係，所以粒粒形狀有點不同，但未影響味道，咬到有粒粒墨魚肉🤤爽彈口感.黃金咸蛋黃豬肉丸 $102 出面好少見有呢款丸🙈應該都係餐廳自製，肉丸加埋咸蛋黃真係冇得輸，咸咸香香，幾特別.美國梅花豬 $128梅花豬唔算好肥，質感細嫩柔軟，就算煮熟左都唔覺韌

朋友話想食台式火鍋  佢之前已經嚟過呢間老鍋台式火鍋 不過我就冇食過 佢就話帶我去試吓 由於我哋唔係超級肚餓所以諗住叫個二人餐share 點知都係食到好飽......膠原蛋白美人鍋呢個二人餐嘅主菜就係呢個膠原蛋白美人鍋 成個鍋非常之香 見到咁多藥材 最初以為好大浸中藥嘅味道哈哈哈 不過發現原來唔會而且超級香 仲有成隻竹絲雞喺裏面 非常足料食完啲嘢之後仲可以食埋隻雞 隻雞預先斬開咗一半 同朋友可以一人一半 初頭我哋都係懶係有儀態咁樣食 後尾食食吓已經直接用手食 隻雞比想像中更加滑 開頭以為浸咗咁耐會好似啲煲湯嘅雞肉咁樣鞋颯颯 不過食落都真係幾好食 好香雞油味 但隻雞同時又唔會超肥另外呢個鍋裏面超級多桃膠 同埋紅棗等等 非常之滋陰養顏雪花肥牛個餐仲包咗一碟雪花肥牛 肥牛睇落幾靚仔 而且好大塊 牛味都幾香丸餃拼盤裏面有齊墨魚丸 台式蛋餃 魚皮餃 同貢丸 兩個人食可以每人一款一粒 咁就樣樣都試到 平時如果去食打邊爐放題會攞好多丸 不過好老實講有時真係未必食得晒 而家咁樣 少少哋其實幾好 而且魚皮餃好好食 台式蛋餃都唔係周圍有得錫到五彩鮮蔬盤裏面包括 金菇、鮮菇、生菜、娃娃菜、 唐蒿 樣樣都有

今次又食番上次介紹過嘅台式火鍋  不過因為今次唔係超肚餓 所以我地就冇上次食得咁豐富～ 不過冇諗過二人餐都可以食到超飽.🐷膠原蛋白美人鍋 👅9/10 $299呢個餐嘅主角就係膠原蛋白美人鍋 有原隻竹絲雞喺鍋裡面 開頭以為隻雞會鞋 因為喺個鍋到浸左一陣 但原來佢嘅肉質都真係幾滑 同朋友一人食左半隻雞 勁正除此之外 呢個鍋裡面仲有好多桃膠 真係食到最尾都仲有 不停撈到啲桃膠上黎 啲人話桃膠係平民燕窩 可以排毒又可以美顏 加上真係幾好咬 所以我地好中意食 .🐷雪花肥牛👅8/10呢個係二人餐裡面包埋架 啲肥牛賣相好靚 啲紋一睇就知係好野哈哈哈！！！ 牛味好濃 塊塊都幾大塊下 絕對唔似平時炒飯嗰啲勁細塊嘅肥牛‼️‼️.🐷丸餃拼盤👅8/10呢碟丸唔係啲好普通嘅丸 有墨魚丸同貢丸 仲有台式蛋餃同魚皮餃 兩個人可以一人一粒 款款都可以試下 好少喺香港可以食到台式蛋餃 佢個魚皮餃仲要係超好食！！！ 個皮係煙韌嘅.🐷五彩鮮蔬盤（細）👅8/10唔好睇碟菜好似細細盤 其實都幾夠食架！ 有好多唔同款嘅菜 金菇、娃娃菜、鮮菇、生菜 加上啲菜好新鮮.🐷米線 👅8.5/10個米線幾好食 份量仲要都真係幾多下 仲要勁貼心

天氣凍冰冰，約埋班friend打邊爐就岩哂！今晚收工約埋同事一齊撐枱腳😋揀咗呢間喺銅鑼灣嘅老鍋台式火鍋，位於京都廣場，地鐵站一出就係，地點夠晒方便～見到老鍋秘製麻辣鍋好吸引！不過同事唔食得辣，最後揀咗老饕酸菜白肉鍋，$168一鍋，上枱賣相超吸引！大大鍋，勁足料，有齊秘方醃制東方大白菜🥬極品豬王花腩🥓再配寬粉條，酸咪咪，風味獨特，味道酸香醒胃，正❗推介極品黑毛豬梅肉$158，入口嫩滑又多汁，夾雜適量油花特別爽口😍鹽酥一口豆腐炸得金黃香脆，外脆內滑夠晒惹味😋手打墨魚丸好新鮮，爽滑又彈牙！手切安格斯牛小排肉質鮮嫩，肌理分明，油花豐富，口感極佳😋

邊爐狂熱者係可以日日打邊爐最勁係連午餐都打邊爐🙈/早兩日同同事講起大家都想午餐快打個邊爐暖暖身於是就搵到呢度啦/午市四人火鍋套餐 $458揀左酸菜白肉鍋湯底入面都幾足料最正係有我最愛既寬粉不過記住唔好煮太耐唔係會搵唔返佢地😂/套餐包左兩款肉我地揀梅花豬肉我主要食豬肉質都幾嫩朋友話肥牛既質素都唔錯！另外仲包括左墨魚丸、香菇貢丸、魚皮餃、台灣蛋餃每款四粒仲有勁大盆菜🥒🌽🥦/仲可以揀白飯或者米線！我第一次係出面咁樣配打邊爐，又幾暖胃！/每人$100多小小過下口癮都算不錯唔會飽到上心口😂

天氣凍凍地，同老公係銅鑼灣竟然發現一間好食的火鍋店。店內設計以中式為主，有些大紅燈籠高高掛，座位闊落，唔洗坐到逼逼夾，絕對適合三五知己飯局。火鍋湯底選擇都幾多，秘製麻辣鍋、尚膳養生鍋、膠原蛋白美人鍋、花膠椰青三黃雞鍋……，而我哋就㨂左香濃美顏蜜瓜響螺花膠鍋。香濃美顏蜜瓜響螺花膠鍋 - 個湯底味道濃厚，十分滋潤，差啲想成個湯底飲哂。豚牛雙拼 - 黑毛豬梅肉 + 安格斯牛小排，黑毛豬肉質鮮嫩，十分可口！牛小排的肉汁豐富，浸完響螺花膠湯底也絲毫無損牛肉的質素，忍不住食完一塊又一塊。綜合手工丸拼盤 - 拼盤最抵叫，有墨魚丸、流心咸蛋黃豬肉丸、蝦丸、梅菜豬肉丸同芝士牛肉丸，每款都好食。千紙牛柏葉 & 魚皮餃 - 牛柏葉好爽口，魚皮餃皮薄，內裡的餡料味道很不錯。手拍小青瓜 - 除了火鍋外，還有數款小食可以選擇，我哋就order左小青瓜。

🥘銅鑼灣抵食台式火鍋🥘-呢排咁凍 晚晚瞓覺前都睇住台灣YouTuber食佢地當地嘅火鍋 攪到我哋都心思思想食下酸菜白肉鍋 所以就去咗呢間專門食台式火鍋 仲有好多天燈嘅餐廳打邊爐🤤-👭二人套餐 $299精明嘅我哋 當然會㨂最抵食嘅套餐啦 包咗鍋底 肉類 丸餃拼盤 同蔬菜拼盤😛-🥘老饕酸菜白肉鍋湯底幾足料 係用咗台式泡菜加豬腩肉片煮成 酸酸鹹鹹好開胃 但係又唔會好似酸辣湯底咁油膩 除咗酸菜白肉 佢仲放咗好多菜同好多薯粉😋-🥩雪花肥牛肥牛有成十大塊 仲要係厚切 所以肉味比較濃 雖然要煮耐啲 但我就prefer呢款多過平時啲薄片啦😉-🥟丸餃拼盤打邊爐點可以冇丸類 呢個拼盤就有成四款 包括蛋餃 牛肉丸 雲吞同墨魚丸 每款各兩粒 自己同friend就唔使讓嚟讓去😂-🥦五彩鮮蔬盤打邊爐一定要記住食番啲菜 佢啲菜都幾多款 同埋都算新鮮 煮完幾清甜-🍜米線跟餐仲會有得揀米線或飯 不過真係太飽嘅關係 我哋揀咗米線 跟個湯底一齊碌 唔錯🤣-📍老鍋台式火鍋 (京都廣場) (銅鑼灣)銅鑼灣駱克道491-499號京都廣場2樓

天氣咁凍，又係到左食火鍋既時間，有時返工Lunch都想食好少少，就揀左去老鍋食😆午市客人唔太多，等左一陣就入得，侍應見我拎左好多野，好好咁比左卡位我坐。原來午市可以揀一人火鍋，材料都幾豐富，有牛肉、娃娃菜、寛粉條、金針菇、松葉蟹棒&鮮豆皮，夾埋先$78，幾抵食。湯底揀左麻辣湯底，好辣好過癮，牛肉切得好薄好快就淥熟，脂肪分佈均勻，牛肉味濃；松葉蟹棒有兩條，食落幾有鮮味；鴨血係跟埋湯底的，口感軟腍又夠滑嫩；金針菇+娃娃菜夠哂新鮮，打邊爐必備菜式；寛粉吸哂湯底既精華，食落滑溜又惹味。整體用餐體驗都幾好，決定下次帶埋朋友黎試下邊爐先。

天氣凍凍地，最啱同朋友去打邊爐😋😋今次黎到銅鑼灣呢間台式火鍋店🇹🇼 — 「老鍋台式火鍋」～～餐廳環境乾淨，空間感十足！食物質素都唔錯👍🏻👍🏻-🍲香濃美顏蜜瓜響螺花膠鍋 $368✨呢個係佢地既特色湯底，限量供應❤️❤️裡面有蜜瓜、美國大響螺頭、精選花膠筒、鮮雞、雞腳等食材，好足料！！湯底熬製超過6小時，味道濃郁鮮甜！仲有滋潤養顏等功效，女生們必試🤩🤩🍲午市一人鍋 $78✨另外叫左個一人鍋試試～～望落都好豐富，有牛肉、冬菇、粟米等～食完都好飽肚👍🏻👍🏻-🐮特級美國安格斯雪花肥牛 $218✨望落紋理好靚，油脂分佈平均！！輕輕淥一淥就食得，仲要入口即溶！牛味濃郁～好正🤤🤤-🐷美國梅花豬肉 $128✨豬肉片偏薄身，肉質嫩滑～～口感好爽脆，索哂湯底精華好入味！唔錯❤️❤️-🍹老鍋手功濃滑奶茶 $38✨入口順滑，每啖飲到好濃既茶香同奶香～～而且係每日人手新鮮調配，用心之作呢😍😍

好好食，好抵食，極力推介！第一次嚟食有驚喜，秘製麻辣湯底，唔會太辣又好香，米線硬度適中，唔會太冧，午市超抵食，嘢飲要加$8，午市餐牌選擇都算多，也有二人火鍋，大家不妨試吓！