聚寶廚坊 (已結業)

大家好，今天我要跟大家分享一道非常特別的炒飯——咸魚雞粒炒飯。這道菜可謂是濃郁的中國味，吃起來非常過癮，但是它的來歷卻非常有趣。故事發生在一個小巷子裡的小餐館，這家餐館的老闆是一個非常有才華的廚師，他經常會把不同的食材融合在一起，做出一些非常特別的菜餚。有一天，他發現剩下的米飯和雞肉已經很久沒有賣出去了，於是他開始想著要怎麼處理這些食材。就在他苦想之際，他突然想起了他的家鄉菜——咸魚炒飯。於是他決定把這兩樣食材融合在一起，做出一道新的菜餚——咸魚雞粒炒飯。他把剩下的米飯和雞肉切成小粒，加上一些咸魚、青豆、紅蘿蔔和蛋花，用中火慢慢翻炒，直到每一粒米飯都沾滿了咸魚和雞肉的味道。最後，他將這道菜端到了我的面前，讓我一口咬下去，只覺得這種味道非常奇妙，咸魚的鮮味和雞肉的香氣完美結合，讓我一口接一口地吃下去。不過要注意，這道菜較鹹，建議搭配清爽的蔬菜一起食用，讓口感更加豐富。總之，咸魚雞粒炒飯這道菜非常值得一試，它的故事和味道都非常有趣，吃起來更是非常美味。如果你想嚐試一下不一樣的中國菜，那麼這道菜絕對不會讓你失望。如果你喜歡這篇文章，別忘了分享給你的朋友們，一起來品嘗這道美食！

今日食晏黎到聚寶廚坊，睇到有招牌套餐，所以就點左佢個招牌海南雞飯試下囉！試過覺得一般，正常發揮，唔覺得有乜特別好嘅感覺，價錢亦係正常價。下次可以試一下其他嘅套餐！

紅磡區海南雞飯愈來愈多聚寶係開得比較內的，一間茶餐廳黎無骨海南雞， d肉好嫩囗，雞皮又滑配上蘿白絲同花生唔錯油飯就普普通通當然海南雞飯依家紅磡有幾間，聚寶係其中一個選擇， 重點食物種類多，一班人食飯時多選擇

Lunch去食，叫咗個沙薑雞，個沙薑雞好似煲完湯撈起嘅湯渣咁😂最後飲咗杯檸茶同例湯，同食咗兩啖飯，盛惠$58其他未食過，雖然近公司，但應該下次都唔會再食了，哈哈

聚寶廚坊(19/7) 星期二 晚上6:30特色：都係個句，近屋企，所以已經當左佢係飯堂，諗唔到食咩就諗起佢d雞煲，方便又抵食。食物：今日得兩個人食，所以只係叫個半隻雞煲餐，加支大啤，咁又一餐。雞煲 - 雞煲叫小辣，真係少少都唔辣，不過就啱晒同行者完全唔食得辣，d雞就一定唔係雪藏雞，因為食到佢斬雞斬到有碎骨，味道正常，雞亦都入味嫩滑。安格斯肥牛 - 正常，始終唔好預佢係咩高檔野，但對得住個價錢，唔好淥太耐就唔會un。脆炸響鈴卷 - 唔係自家制，都應該係正常街買到個d，建議係個雞煲未加水之前，用佢個濃雞煲汁淥嚟食就最正。蔬菜籃 - 正常生菜，無特別。飲品 - 飲品有普通汽水/啤酒之類，正常操作。環境：舖頭唔算大，但平日夜晚時間都一定有位，有卡位或大枱，唔算太乾淨，但又未到反感，坐得都算舒服。服務：樓面態度好，尤其有個樓面哥哥，好有善又好傾，用好friendly既態度去對每一枱客。價錢：食個半隻雞煲餐加支啤酒埋單324，兩個人份量啱啱好，都屬終正常價錢。總結：如唔住附近，又唔係太高要求，又唔想同人迫去食返個正正常常既雞煲，呢間都係一個幾好既選擇。

聚寶廚坊(20/5) 星期五 晚上7點左右特式：因為我本身住得近，又加上星期五既晚上，周圍都爆場或好難book位既情況下，又想食雞煲，就會諗起佢而揀佢。食物：叫左個中雞煲餐，雞煲份量有半隻雞，包一碟牛肉，一碟萵筍，一盆菜，一碟蟹柳棒，兩個烏冬。(個餐$3xx) 佢個雞煲雖然味道好普通，但都做得唔差，起碼對得住個價錢；牛肉都唔差，起碼好過酒樓個d任食火鍋牛肉好多；菜類都正常新鮮；蟹柳棒就係類似X寶好少少個d。飲品：叫左幾支Hoegaarden，2x蚊支唔算貴。環境：舖頭唔算大，但星期五晚都仲有幾多位，有卡位或大枱，唔算太乾淨，但又未到反感，坐得都算舒服。服務：樓面態度ok，會主動同你睇下個雞煲熟未，亦會主動睇下你洗唔洗加啤酒同收碗碟。價錢：兩條友去食，以上既野都食到飽晒，埋單都係400左右，真心唔算貴，三兩知已聚一聚都係一個唔錯既地方。

今日剛好在附近參加比賽 午餐都未解決 已經到達下午茶時間 等候巴士🚌時發覺這裡嘅海南雞飯 下午茶時段超抵 那就解決咗先坐車回家算數 一入門口發覺全嗰餐廳只有一位客人 超級恐怖 我進來時其實無人理我 員工都係忙碌地工作和清潔 我差啲以為佢哋落場 但我坐落時佢哋又走過來問我點咩 我問佢哋有冇下午茶 佢哋話星期六、日都有下午茶餐只需$38 凍飲加兩蚊 這個海南雞飯有酸瓜和花生🥜好特別有酸瓜唔出奇 上次試西環海南都有沙律菜伴碟 但有花生🥜就真係驚喜 那些花生好香口 曾經炒過 真心可以伴飯食 老實講那些海南雞其實麻麻 唔算好正 但佢哋嘅油飯就真係有驚喜 油香超勁 三種醬都合格 當然都係有改善空間 可以再在味道上加強一點 這個飯只能說係港式海南雞 唔係泰式和新加坡 不過對普通市民其實應該滿足那杯凍檸茶 茶味都幾討好 我要求少甜 甜度都算滿意 Size係幾足 大大杯 在我走時才有多幾個客 可能這裡比較多食店 所以競爭較大 但我都會支持這些街坊店不過我應該唔會試其他 真心覺得海南雞係最抵

-{紅磡海南雞飯🍚}紅磡海南雞飯之一😂食咗個lunch🤤海南雞飯🤤 ($49)雞皮底層有啫喱 食落彈牙 全部去骨😎不過有啲部位係嚡口啲 口感唔同 值得一讚個飯好香😙比海南雞更出色😎👖褲評: 7/10呢間好似茶記咁 不過海南雞飯就最出名 不過熱飲定凍飲都要再加錢😌性價比: 8/10服務: 7/10環境: 6.5/10🚩 聚寶廚坊 🚩地址: 紅磡馬頭圍道70號地舖 #fuudjai #fuudjai土瓜灣 #fuudjai東南亞菜 #fuudjai黃埔 #fuudjai紅磡

六個同事食飯 食過一次再嚟食 覺得惹味選擇多 就再次黎~位置喺紅磡街市隔離~招呼好好👍🏻一嚟就有湯飲 再飲啤酒同埋飲品我哋先上半隻海南雞 再配上地道嘅醬汁 好食👍🏻推薦再黎三大指定菜式😌椒鹽鮮魷 鮮炸脆口 配上少少醬汁 基本上係必食牛仔骨同咕嚕肉 質感一般腐乳炒通菜 勝在小店即炒 好食推薦👍🏻紅燒乳鴿 出爐新鮮唔錯 加少少鹽 有少少肉汁 不錯之選😍最正就係酸菜魚 肉質鮮美 辣度可以 而且入味 記得要食粉 推薦👍🏻基本上我地齋食餸冇叫飯 上司俾錢豐富食一餐☺️

因為疫情,太久沒有出街食飯了,趁住母親節,老友記們就聚一聚。也沒有提前訂位,行過這間餐廳睇到有位咪入去了。就係屋企附近,之前也食過幾次,相信也不會太差。我們叫了酸菜魚,還有豆腐、娃娃菜、芝士腸、鴨血、莴笋.....酸菜魚的出品很快,如我預期味道不過不失。反而娃娃菜和鴨血、莴笋,等到我們吃完了也沒有上來,因朋友小孩要回家溫書，我們便叫了買單，也告訴小姐姐我們的菜品沒上齊，怕她收錯錢了。那個小姐姐卻惡狠狠的說貨物出門不退換，那幾個菜馬上就到,錢她也會照收,我們只可以打包。天吶,打包個鴨血和娃娃菜回家煮嗎？太可笑了.....擾攘了20分鐘她才肯買單,真是食咗一肚子氣！香港人這服務真係好趕客,無論有多美味,也不想再帮襯了....

上openrice見到呢間餐廳最好食係海南雞，專程黎試一試，52蚊價錢，有湯有凍飲，最重要d雞全部都係熟吾會好生有血同埋重點係d雞肉好滑，吾鞋口平面價錢，有中上質素，算係咁

地點吊腳，不近地鐵站，特意行去試試。環境比較暗不光猛，週末2點前無咩人，阿叔企定定等落單…奇怪叫了海南雞飯，質素可以，係飯比較淋，豉油是好甜的豉油，不是醬油。份量可以，男人就會覺得少餸了…扣肉有肥有瘦，不太咸，不乾。

聚寶廚坊(10/9) 星期五 晚上8點左右特式：本身唔係諗住食呢間，但星期五既晚上，又唔book位既情況下，好多地方都爆場，經過聚寶見有位就揀佢啦，平時都有食開lunch，同外賣佢d晚餐小菜，佢d海南雞都還可以，小菜都係正常茶餐廳水平。但今次係試下佢d雞煲。食物：叫左個雞煲餐，雞煲份量有一隻雞，包一碟牛肉，一碟萵筍，一盆菜，一份墨魚滑，一碟蟹柳棒，兩個烏冬。(個餐$5xx) 另外叫左個一斤既酸菜魚 (百幾蚊）雞煲味道好普通，自己係屋企都整到，仲分分鐘好味過佢；牛肉正常普通野，係好過酒樓個d任食火鍋牛肉；菜類都正常新鮮；墨魚滑就幾好食，有好多墨魚粒，有咬口；蟹柳棒就係類似X寶好少少個d。飲品：叫左6~7 Hoegaarden，2x蚊支唔算貴。環境：舖頭唔算大，但星期五晚都仲有幾多位，有卡位或大枱，唔算太乾淨，但又未到反感，坐得都算舒服。服務：樓面態度ok，但因為佢收10點，所以9:45左右就係咁幫你收野，但都明白既，收工緊要。價錢：三個麻甩佬去食，以上既野都食到飽晒，埋單900，每人300唔算貴，但同價仲有超多選擇，如果你有時間預早book位既話。

經過紅磡剛好午飯時間🍽️， 要搵地方醫肚， 就試下聚寶廚坊。 兩點半後可以點下午茶餐， 見到有海南雞飯和豬髀飯好吸引，招牌去骨海南雞飯$36、 紅燒豬髀飯配滷水蛋$36、茶走$2、 凍奶茶$3。 海南雞飯唔錯， 肉質滑去骨容易吃。 豬髀飯芡汁多但味道好淡， 豬肶炆得腍， 但以價錢講都很抵吃。 茶走好味， 煉奶味好香濃。三十幾蚊就可以吃到下午茶， 價錢相宜， 但衛生有待改善， 因為筷子和匙羹都有點油膩感。😉聚寶廚坊地址: 紅磡馬頭圍道70號地舖

熱辣辣 超級足料的老火湯每次坐低食嘢都忘記將這碗湯拍照📷因為次次坐低都好快比我飲晒今次飲咗幾啖之後終於記得幫佢影相啦但係今次呢兩碗湯就冇俾肉同埋豬骨俾我哋因為佢啲豬骨都好林 好好食㗎佢次次煲湯都係唔一樣嘅湯 或者有陣時會相同我都冇特別留意我淨係知道好好飲我諗應該係紅蘿蔔🥕 煲豬骨 或者西洋菜煲豬骨，有時候有雞肉又有雞殼每位客人坐低職員問咗幾位之後就會即刻攞咁多碗湯過嚟，如果貪心想飲多碗都可以問吓佢可唔可以比多碗🤣🤣 對於平時成日喺街食飯冇乜湯水落肚嘅人真係一流，飲得出佢哋冇落味精，更加不會飲完口渴，今次我一樣都係叫海南雞飯，中間嗰個醬汁完全係令到呢個雞係有靈魂超級無敵好吃 酸酸甜甜凍檸茶都好好飲～ 唔會有茶嘅苦澀味乾炒牛河都好好食㗎咁多位，仲有酸菜魚撈飯，佢幾個午市套餐其實已經好多選擇的～會繼續幫襯