聰嫂私房甜品 (已結業)

熱椰汁芋頭西米露，芋頭好粉好香，但椰汁味可再加強，座位較迫，不過都係一個方便既聚腳點。夜晚外面有少量車位，都有好多人叫外賣，有時候我都會買比家人食下，係夜宵唔錯的選擇。

地點方便,環境舒適,甜品款式多、味道一絕、本人尢愛楊枝甘露豆腐花，豆腐花夠白滑、豆味沒有被楊枝甘露味遮蓋，買相一流。第二推介綠茶杏仁豆腐花，杏仁味濃郁，綠茶味足夠。

想吃榴槤不過又不想自己開，最好的選擇當然是去甜品店品嚐榴槤的產品。 與友人點了兩個''榴槤水晶珠''，一次過點兩個就知道這個不會中伏的。 榴槤水晶珠($25)，底部是一些雪花冰，表面鋪上一層厚厚的榴槤肉，有種豐滿的感覺。甜品充滿榴槤獨有的香味，整個甜品都是以純白色為主，給人一種冰雪的感覺，味道方面濃郁的榴槤味在口腔中瀰漫。 再帶有為數不少的水晶珠，水晶珠除了裝飾漂亮之外，本身沒有味道的，混合榴槤和雪花冰，令到它們有種爽脆的咬感。 雪花冰也充滿榴槤味，好像吃著榴槤味的雪糕一般，即使吃到底部都有濃郁的榴槤味，並不會變得淡而無味，值得推介。甜品評分:7/10

呢頭開咗好幾間糖水鋪，而聰嫂嘅甜品水準比較穩定，繁忙時間預咗要等位，同埋會少少迫。呢晚食咗：椰汁芒果西米露：椰汁味好香濃，西米入口有彈性，芒果肉少少酸唔夠甜。薑汁芒果豆腐花：薑汁香味撲鼻，略帶微辣。賣相幾討好，用料好足，芒果啫喱咬落煙韌震騰騰，豆腐花好滑亦帶豆香，同時用上甜豆漿做底汁，仲配上咬落會爆開好得意嘅水晶珠，係芒果肉同芒果冰蓉少少酸（如果甜會更perfect)。

寶琳開過不少糖水舖 但必選呢間 正常正路 想食甜 想滋潤 想暖胃 都係呢間平時食開士多西米露今晚要滋潤下 男友選擇了綠豆沙 我則選了自己熱食之選 南瓜西米露 推介的男友是綠豆沙控 佢話最緊要多豆 呢道絕對滿足要求 又唔太甜 至於我呢但南瓜西米露 足料到啖啖南瓜容 椰香奶滑 我最愛 中西甜品呢度都有 正 !

呢排好鍾意食湯丸, 又唔想自己煮 ! 今日入左黎呢度試 見佢比其他甜品店平好多, 只係十五蚊有交易, 叫大個薑汁湯丸,  薑汁落口係有辣咽喉的 但薑的份量啱啱好, 甜度又唔算太甜  上枱夠熱. ! 湯丸比其他甜品店好吃.  個皮薄的 好滑的,但咬口不林反而有少少煙un似西皮口感. , 流心黑芝麻  。 其實黑芝麻唔係我喜歡. 但食左呢個就愛上. 剛剛個段時間六點幾, 仲未有多人. 阿姐招呼好好. 有笑容!  上枱都算快. 

來將軍澳無無聊聊的逛街，一直吃著零食都不太想吃晚餐。在我心目中，每個地方都和食店聯在一起，而將軍澳我只聯想起聰嫂甜品。晚上九點，我們還是不吃晚餐直接去吃甜品。店子滿滿的人但不用等位，裝修簡約但明亮乾淨，很多侍應。看餐牌上款式不多，很快可以下決澤。芒果椰果冰，$25是一款芒果沙冰配上芒果粒，揶果和西米的甜品。芒果沙冰沒有假味，非常清新，像吃著己經放到梅花點了的香甜冰凍芒果。沙冰質感像泥，可以用匙羹任意反來反去定形寫字，冰凍得吃到最尾也不會變成一灘水。蜜瓜涼粉黑珍珠，$23蜜瓜沙冰的質感如芒果沙冰，而蜜瓜要發出如此甜度和果香的，相信店家對蜜瓜品種和成熟程序也十分熟悉。唯一就是那些賣相恐怖的黑珍珠佔據太多頂層位置，如果放回大部份黑珍珠到蜜瓜冰底會更靚。涼粉也嘗到甘草味，雖然也非常的好吃，但還是建議吃集中沙冰類的款式。吃完再逛一會便駕車離開將軍澳。車子經過聰嫂甜品，見有五六十人在等位，我們真是非常幸運。回想起甜品只須廿多元，真是十分十分十分便宜！

星期日，六點幾不用等位。聰嫂親自坐陣，好有禮貌地招呼客人。芒果奶昔燉雙皮奶，必食 今次表面有些雖然有些不平滑，但味道一樣好味。榴槤pancake唔會只得忌廉，有足夠的榴槤肉 鮮雜果水晶珠係好抵食，面頭有芒果，同香蕉，裡面有西瓜，哈蜜瓜，蜜瓜，當然有時水果甜唔甜要睇運氣喇。今次西瓜同哈蜜瓜都好淡，唯有配芒果汁 總結，食無數次都有一定水準。

係附近食完燒肉，好想食D冰凍既甜品消膩，朋友強烈推薦聰嫂於是決定一試。遠望已見長長既人龍，大約等30分鐘就有位。士多啤梨豆腐花豆腐花上鋪有香甜的士多啤梨冰，與豆腐花出奇地配，士多啤梨冰口感綿滑而豆腐花又好香豆味，酸酸甜甜，做飯後甜品一流。 

以前補習總會經過呢間聰嫂，每次都會食龍眼冰😋因為價錢合理，又真材實料，夏日炎炎透心涼！唯一就係…龍眼冰好快就會賣晒😣所以要食就要早啲去啦。佢上面有椰果同一粒粒既透明珠，啲冰唔好以為白濛濛就冇味，其實佢係將啲龍眼肉打碎左，混埋入去！所以每食一啖，都會有好清甜既龍眼肉同冰一齊！一萬個真心推介🙈朋友既蜜瓜西米露：聰嫂既蜜瓜西米露同士多啤梨乳酪西米，都係西米同果蓉整成既冰分開上，等客人可以自己調配岩既份量。可以得閒就淨係食下啲果蓉冰，得閒又加啲西米落去咁！總結：如果冇記錯既話，上面推介既呢兩款都係20$幾蚊，比起出面既糖水鋪，價錢相宜👍🏼以前就好似得將軍澳一帶有，依家聽講開左分店係銅鑼灣，唔知質素係咪一樣呢😝真係要搵日去試試先。呀，順帶一提，佢既班戟都好出名，家母最愛佢既榴連班戟，話出面食唔到咁真材實料既味道，不過亦都係好快賣晒既熱門，下次幫襯不妨又食又拎（外賣），做個孝子🙆🏼

聰嫂係將軍澳區一早就出哂名係一間好正既甜品鋪 所以今次特登同FD黎食食佢一入到去就叫左個龍眼椰果冰同楊枝金露 因為我聽人講呢個龍眼椰果冰係聰嫂既王道招牌甜品 而我自己本新亦都好鍾意食芒果既甜品 等左幾分鐘到就有一碗睇落就正聞落又勁香既楊枝金露上檯 第一啖食落口 啲芒果超級鮮甜 果然無叫錯 唔似得其他鋪頭咁啲芒果唔甜反而酸 一流! 而個龍眼又幾口啱我口味 做到好似有冰沙既感覺 價錢方面又唔算好貴 食過番尋味

今天在將軍澳新都城行完街看完戲,有少少肚餓, 但晚上唔想食咁多.朋友建議行去一期食甜品.以前曾經試過來呢間消夜, 當時可能新開, 好多人等位.幸好這是地鋪, 店門向馬路, 等位人龍可靠向行人路.現在才6點多, 尚未到黃金時段,眼見店內還有一張吉枱, 一行4人馬上入去了.最後每人各點一個楊枝金露豆腐花HKD25 –無食到碗的底部已有豆腐花, 上面淋上楊枝金露:芒果花奶之類芝麻合桃露HKD20- 無食到芒果布甸HKD18 花奶另上- 無食到我的選擇 : 薑汁鮮奶燉蛋白HKD25這几天悶熱, 街道及商場的溫差大, 有少少作感冒頭痛想食有薑的甜品, 驅風呀!最後選了: 薑汁鮮奶燉蛋白職員表示: 上層是薑汁鮮奶, 燉蛋白藏在碗的底部,舀一羹, 果真是雪白的燉蛋白薑汁鮮奶很夠薑味 ~ 那種薑獨有的辛辣味食到一半時, 發現液體形狀的薑汁鮮奶, 上浮了一層黃色的油.同行朋友表示 : 這就是薑的揮發油,薑粉是通常没有這麼多的薑揮發油, 只有新鮮薑先可以釋出這種油.薑的驅風驅寒的功效, 就是來自這物質了.不過真係好辣, 好辛苦方能完成這個甜品.老薑真係好驅風

一直以來去寶琳食飯都要搵飯後甜品食，因為一出地鐵站就有好多甜品店！ 但係夜晚食完飯通常都會好多人排隊，成日都要外賣！今日早左食嘢，見難得少啲人就去坐低慢慢食！ 我哋今次叫咗榴槤水晶珠，芒果班戟同芋頭西米露。自從有次食過水晶珠就去親聰嫂都必食嘅，尤其呢排咁熱要食返啲冰既！ 榴槤水晶珠都依舊好好食，d冰好濃郁既榴槤味，上面仲有幾多榴槤，又唔會太漏，呢個真係榴槤迷必食！之後嘅芋頭西米露都很不錯，芋頭夠多且軟糯，都足料，惟個椰汁覺得有啲太甜！芒果班戟就普通水準，芒果夠甜又多汁，但可以大舊返小小！整體黎講咁多年都keep到水準！一直都可以咁多人排隊都不無理由，雖然附近多左對手，但聰嫂都可説有取代唔到既地方！

上次系銅鑼灣見到聰嫂已經好想試..但由於太多人等位亦趕時間..所以有緣無份擦身而過...甘岩行完街想搵甜品食發現將軍澳有分店不得不去試....最愛的芒果所以叫左芒果豆腐花..芒果十分甜...估吾到甘夾

食完飯緊係去食番個糖水先夠啦! 今次去左聰嫂，好彩我地夠早先一去到就有位唔洗等。 我地order 左龍眼冰同蜜瓜西米冰黎食。龍眼冰就啖啖都好重龍眼味，好香，咬落又有粒粒龍眼肉，好正!! 而蜜瓜西米冰呢就少左個口感，但勝在夠香又靚!