聰嫂私房甜品 (已結業)

大班人黎食糖水，驚住要等好耐，好在等半個鍾就有位。龍眼椰果冰：味道好清甜，但我唔鍾意隻味。紅豆蓉豆腐花：紅豆蓉甜度適中，豆腐花嫩滑。榴槤黑糯米：榴槤加黑糯米食完 “濟濟地”。榴槤水晶珠：比起黑糯米，水晶珠更配合榴槤，口感一流。係的既至愛。杏仁茶燉蛋白：蛋白滑，杏仁味香。開心樂園：咩都有得食，食完好滿足。咖啡紅豆涼粉：咖啡冰球又香又冰涼，食完好爽。蜜瓜西米露：特別在蜜瓜和西米係分開上的，味道一般般啦。樣樣野都可以試下，真係開心。

今晚一行7人晚飯後，太太提議去食糖水，被安排坐收銀旁的4人枱，當時不是太多人，坐低後發覺根本連進食都無位，剛巧隔離有人離去，我便拉一張二人枱拍回自己的4人枱，點知收銀女士便大聲喝住話「唔可以郁呢張枱」，我就問佢:「又無人等位，我7個人點坐4人枱呀阿姐，你將心比己，點坐呢?」，阿姐答:「你坐嘅4人枱成日都坐7個，迫小小咪得囉。」，我堅拒之後就換張6人枱比我，仲話：「總之唔可以郁枱」，我見佢即時有枱安排，就唔同佢嘈。點完食物之後，送上枱有先有後，先到嘅人就食完先，有兩個話去商場厠所，我哋後到嘅就食到一半，居然有個服務員帶兩個客到我張枱坐低，大佬，我食到一半都未食完，同行嘅去咗厠所又未返，你問都唔問即係趕我走，我就大聲同服務員講：「呢兩個位有人，佢哋去緊厠所就返，我就食到一半，你問都唔問，咁係咪要我而家走先?」，佢即係粒聲唔出帶兩個客走去第二度坐。之後都無心情再坐，我又唔係有乜過份要求，只係希望一個人坐╴個位安安樂樂食糖水，又唔係7個人叫1個糖水，又唔係食完賴死唔走，發記滿記嘅服務都無咁差，以後肯定唔會再幫襯。

$18這款糖水有特色，芝麻溝豆漿本來就很夾得來雖然白果芯不且多吃，成本關係所以白果數量不會多，只作點綴而已，白果煮腍加在芝麻與豆槳之間完全無反對甜道完全適可而止南北杏木瓜燉雪耳$18一年西季都可吃得到的糖水，而且十分清潤不過略嫌糖水與木瓜、雪耳等未夠溶合，到底是燉煮時間未夠耐還是水過多呢則要待店主解答了而且雪耳質素有別，有時口感是軟腍腍的有時則是爽脆的

今日放假,所以專誠帶媽咪去食甜品,之前成日經過聰嫂,不過收工時間多數好多人,所以冇機會試. 叫左個豆腐花,不過感覺似係出面百福0既味道囉,唔係自家制0既咩??咁去七仔買都得啦,仲要平好多TIM.跟住試媽咪的合桃露,我試左幾啖,但覺得唔夠合桃香,同埋再熱D會好D.冇試其他野,但呢次經驗令我未必再黎幫襯.

Good quality of mango sago and Longan ice. Better than Moon Kee. Tho its a bit crowded at night. The Longan ice was sold out the last three times I went there. Finally I get the chance to try that. It's something u can find elsewhere.

杏仁核桃露$18杏仁香味員只少許，核桃又不夠味，但為要試杏仁又想試核桃，兩溝最啱，不過不知效果如何太稀了，雖然甜品名為‘露’，但不至於這麼稀吧，希望老闆能改善這一點而且不如圖中的有圓形花紋薑汁鮮奶燉蛋白$22這款甜品應該是奶白色，再加上有蛋白應該更白才是，但帶微黃色味道則沒有鮮奶味及蛋白香味，而有少許薑汁辛辣味甜度中度，不會很甜的品似乎不像甜品了是秋冬天的最佳甜品之一環境梳化位坐幾舒服，而且就近地鐵站，若過了晚飯時段，門口等的人有十多二十人等候服務這方面有待改善

mango leung funwell, they give alot of mango cubes which is very yellow in colour and sweet in taste~also they are very juicy and lots of mango juice with leung fun~leung fun is very 爽口 and not very sweet, they dun need to add syrup since the mango already sweet~it's cold enough for the whole dish~the size of the shop is small and if u go at night then need to wait....shopkeeper is nice since they will upsell other products~

薑汁鮮奶燉蛋 $18每當要食甜品時會想起一間在西貢區出名的甜品店不過近兩三年轉移到聰嫂私房甜品，雖然這店並非全部甜品稱心只有部份熱食甜品吸引其中要說是薑汁鮮奶燉蛋，薑汁可以加濃薑令味雷充滿薑辣味薑汁半碗液體狀的薑汁，但薑汁不濃，下次可以叫加薑汁鮮黃燉蛋微微蛋香，啖啖滑的燉蛋鮮奶欠奉，我覺得不是鮮奶燉製，因為成本不會這麼高價錢更不會這麼低，向店員證實後確實不是用鮮奶製南北杏木瓜燉雪耳 $18天氣轉涼最適宜食這款糖水，味道清甜木瓜腍但不甜，但夠清潤

一直都想試下聰嫂甜品但每次經過寶琳分店佢都未開門今晚o係坑口食完晚飯發現原來厚德都有分店於是拉了 O 先生入去本小姐點了熱芝麻合桃露, 夠熱同埋都幾香滑. O 先生試了幾口都覺得OK佢要了紅豆蓉西米露, 好凍, 我吃了兩口只覺得咬緊冰咁...O 先生鍾意椰汁, 佢問我呢個紅豆蓉西米露有冇椰汁?(因餐牌上其他西米露都寫明係椰汁芒果西米露、椰汁XX西米露等... 唯獨係呢個紅豆蓉冇寫)出於好奇我問落單個阿姐呢個紅豆蓉西米露有冇椰汁佢話唔知... =.=但都幾好人咁話幫我問下廚房點知轉頭答我話.. "廚房都唔知..." (吓咁其實個甜品係咪你地整架??)另外... 剛坐低就有一班學生走入黎嘈到拆天, 全場所有食客都望向佢地, 但佢地一於好少理, 大聲講大聲笑... 救命..

昨晚一行十四人慕名去到聰嫂甜品, 我地有d住係荃灣, 有d住係屯門我就最近住北角, 大家為既就係佢既龍眼椰果冰.....點知去到.....無晒.....................................大家都好失望唯有食下其他啦......我都係依舊食返我最喜愛既楊枝金露雖然食唔到龍眼椰果冰, 但呢度既楊枝金露俾到我驚喜裏面好多芒果肉, 全部都好甜好甜, 整體上好好食! 我仲食左兩碗總有一天我會食到佢既龍眼椰果冰!!

中秋假, 太早食完晚飯, 唔夠飽, 打算食個糖水, 平日都好怕等位, 但今晚7點幾去, 完全唔洗等~老公叫左個芝麻糊, 我就叫左個薑汁鮮奶燉蛋芝麻糊, 我冇食, 不過睇樣幾ok~薑汁鮮奶燉蛋, 等左都好耐下, 不過如果即製都尚可接受, 一放上檯, 已經唔對路, 水汪汪的, 一心諗燉蛋係固體的, 我好客氣問一個staff, 燉蛋係唔係咁架, 佢就走黎用我個匙搞左幾下,就叫個收銀亞嬸黎睇, 我一粒聲都冇出, 個亞嬸睇都唔睇即刻不停鬧我, 話燉蛋係咁架播, 你而家唔係用鮮奶燉架嘛, 鮮奶還鮮奶, 底個d先係燉蛋, 但好明顯成碗野都係水狀, 就算如佢所講燉蛋係液體既, 都唔洗咁大聲不停咁鬧個客下馬, 仲要鬧足成分鐘都唔肯收口, 連隔離個客都話, 成碗都係水wor......直到埋單, 我老公同個收銀亞嬸講多次, 個亞嬸仲死撐話燉蛋係液體, 驚死我地唔肯比錢咁, 我真係忍唔住同佢講, 我而家唔係唔比錢, 係你太過份, 就算個燉蛋真係咁既, 你都冇理由咁樣鬧d客下馬~絕對唔會有下一次~我會叫埋d街坊唔好幫襯~

吃多時吃甜品，不為味道，只為未完的話題找另一個空間而已。串燒之後，與壹周飲食編輯朋友及憶萬富豪家廚吃甜品，雖然對著雪花蜜瓜冰邊吃邊罵，味道假又化學，吃過笑過，聽到大廚做肉餅的心得，有趣。更多的有趣故事分享＠http://hk.myblog.yahoo.com/yahitemboy

等位較麻煩、必定要齊人先入得...搞到我連去廁所都吾敢坐到埋位、落左單先...同佢講要芒果涼粉、結果佢黎錯三次！仲要吾認錯！第一次、佢黎左涼粉豆腐花...同佢講吾岩...換過~第二次、佢黎左芒果涼粉豆腐花...跟住同佢講...我吾要豆腐花牙！結果佢又拎返出黎話...「乜你吾岩食咩？你岩岩話芒果涼粉豆腐花牙麻!~」同佢講：我話吾要豆腐花牙！第三次、佢黎左芒果豆腐花....仲要吾認錯...死口話自己聽到芒果豆腐花...結果終於到第四次先黎岩、我所有fd都食完佢先黎

我點了開心樂園材料豐富,有黑珍珠,椰汁,涼粉,椰子味果凍,芒果味果凍,綠茶味果凍,果凍唔會好甜口感爽爽~芒果好甜又夠凍!好味~大食友人點了椰汁柚子果凍內有椰汁,柚子味果凍同西米~本身果凍的質感比jelly硬,少甜中帶有柚子味的苦,不錯~但如果加埋椰汁一齊食既話個味就會好怪,椰汁同柚子根本一d都唔match!結果大食友人搶我個碗泥食而唔係點食自己碗...過份!ps本身諗住食凍野消暑,點知d冷氣好勁,食到我地兩個震曬咁...下次個冷氣可唔可以細d?!

After the dinner at Saikung, we drove to Hang Hau for dessert. After Aunt Chung opened her branch store in here, I used to come here a lot back when I was still in Uni. I love their sago a lot, so tonight was a good time to pay a visit.We arrived just in time, so we did not need to wait for a seating. The restaurant was squashed and noisy as usual. After seated for a minute, the waitress approached and asked what we want already! I still hadn't had my menu opened!I ordered Strawberry Nata de coc