聰嫂私房甜品 (已結業)

湯圓配薑汁絕對係冬天最佳既選擇 薑汁充滿濃郁薑味 而且有埋蕃薯都只係十五蚊 好抵食另外好特別既士多啤梨椰果冰 雖然士多啤梨味吾濃 但沙冰吾怕酸 而且最特別在於西米露 西米露處於沙冰上 會變成長硬身 有另類口感 另外價錢又算貴 係食甜品既好選擇

好耐之前已經聽好多人講聰嫂好好味, 終於都有機會約到個FD一齊試下啦!!!店舖位置都幾方便, 係地鐵站附近~~又唔駛等位~聽人講龍眼冰好好食, 但我同個FD都對龍眼冇咩興趣, 所以就叫左芒果西米冰同草莓西米冰SHARE食!!芒果西米冰同草莓西米冰都好正!特別係草莓西米冰好驚喜草莓西米冰既西米會分開用碟上, 目的係等你一路食一路落落去, 而冰凍既草莓冰會令到D西米變硬, 食得去感覺好得意~不過記得唔好一次過落曬D西米落去呀!!會搞到成碗D西米都硬曬就唔好食嫁啦

龍眼椰果冰，啲冰好鬆脆，味道好清甜，食得到既龍眼肉，仲有椰果肉同埋水晶珠，好好味！廿多元一個甜品好抵食。蜜瓜西米冰，西米是另上的沒有咩特別因為無味既，蜜瓜冰好綿密，味道像蜜瓜糖果。

由於我（奴）係住住附近居民，所以外出食完晚飯都一定黎呢度食龍眼冰作為一日完美句號！佢既龍眼冰係好食到我少有地放工都會外賣返屋企嘆既LV！係其他地方食過類似甜品，根本就係凍椰奶加幾粒罐頭龍眼就算⋯失敗！呢度既龍眼冰堅過石堅之處就係佢真係冰黎！就算外賣拎到返屋企都係十分完整而唔會變成半水狀況！！！ （當時天氣是4月，回家路程15分鐘）賣相方面，我同朋友都稱為「白飯」～因為成碗白雪雪真係好似白飯⋯其貌不揚令佢作為甜品可能少了一份姿色，不過做人要講求內在味道！一入口，佢係啖啖龍眼＋椰王水的香！而且有一粒粒的龍眼肉粒，感覺是在食冰凍的新鮮龍眼！ 就算在晚飯飽肚的情況下食都唔會覺得滯！就算係冬天，都見到有好多人叫（我係其中之一）呢間野有另一個好處就係收好夜，突然凌晨12點心癮起都可以落去外賣碗食～服務方面⋯嘛多人時一定會又迫又嘈又趕人架啦，你去邊間唔係咁架？！想搵地方吹水去24小時M記啦，你吹到瞓埋係度都冇人趕你。

每次黎食都一定係叫龍眼椰果冰,無論冬天或夏天,而家甘熱更加岩食,朋友叫左個士多啤梨椰果冰,雖然都係好好味,但我此終都係鍾意龍眼多d,因為真係有d龍眼肉碎,所以好有口感,仲有d好似西米但大粒d野,好好o趙,再叫多個芒果pancake share,芒果好甜, d cream唔會好流, 幾好味

每次到聰嫂, 必定叫龍眼冰, 好少會點其他甜品。整個冰都充滿清甜龍眼味，中間夾雜著龍眼肉. 用料新鮮。食完唔會覺得自己係食緊甜品, 似食緊啖啖龍眼肉(呢家睇番張相都好想食多碗)老公就試咗碗水蜜桃仙子, 我試咗一啖, 味道有點怪怪的, 唔知點形容 =.="。真慶幸屋企附近有間好味既甜品鋪

飯後來到聰嫂食糖水這一款甜品好岩鍾意食生果既朋友，好大碗，而且水果都好新鮮，水晶珠既好感好特別，咬落去好爽脆，會有「卜」的一聲，個底係芒果冰，芒果冰好濃芒果味龍眼冰算係招牌甜品之一，面頭有水晶珠同椰果，而每一啖龍眼冰都有好清新既感覺，入口有好清甜既龍眼味，而且每一啖都食到一絲絲既龍眼肉，仲帶有少少既奶味

今晚我來到了坑口，經朋友介紹來到了聰嫂私房甜品。到達的時候，眼見門口都有數十人等候，真的有點卻步，但最後都是等。我們一行三人等了又等，等到有位之後，點了「生磨杏仁茶」、「芒果奶昔雙皮奶」和「鮮什果水晶珠」。它們的外表沒有特別吸引，但我第一次食它的「芒果奶昔雙皮奶」，就感覺到自己好像是一名井底之蛙似的，因為我一食就已對它的「芒果奶昔雙皮奶」，一食鍾情。芒果大小剛剛好，而且又甜又好吃。凍凍的奶昔與雙皮奶一起，甜而不流，奶香可口，真的想叫多一個。而朋友食的中式「生磨杏仁茶」和色彩豐富的「鮮什果水晶珠」都不錯。Hope to see you soon

晚飯後到了聰嫂食甜品今次試左一個之前未食過既甜品芒果奶昔燉雙皮奶甜品一上枱就見到啲芒果帶有黑色，我諗係啲芒果就黎熟到爛咁既款已經大打折扣啦不過啲芒果的確係甜既而個奶昔味道不錯好濃滑但係底層個雙皮奶凍到結左少少冰，口感有啲怪，我個甜品都唔係冰，點解會有冰架呢？下次都係食返啲例牌算了

I love having cold desserts on a cold day because Hong Kong is not cold enough.This time I chose the melon tofu dessert because it has icy melon slush and I had the durian pancake as well so that I could compare it to the one at Honeymoon dessert.★☆★☆★☆★☆★☆★☆★☆★☆★☆★Durian pancake:The size is smaller than the one at Honeymoon dessert and the colour of the pancake was a light lime which is not as artificial as Honeymoon's green.But according to their menu, it seems that the colour of the pancake s

首先想講既係，衝入去先知就收鋪，姐姐好快幫我地落單，後來價番先知原來佢公司唔包收工時間，即係日日都要蝕比公司，咁樣其實好易影響服務，因為打工仔一定會趕人落單趕人走。希望聰嫂可以公平D。(好彩呢幾個阿姐都算客氣，難得)講番食物，兩人食了上圖的。推介右邊的薑汁荔枝果凍，夠味又不會過甜 OR 過淡。左邊的鮮什果水晶珠都好味，但算細 and 價錢可以平D。比較過其他甜品點，總覺得聰嫂最好，其他有D太大份，太貴，太普通，OR 太唔識都亂整既感覺。希望聰嫂會Keep 住咁好，加油!

今天晚上跟E先生在APM吃過晚飯後，突然想吃甜品，又不想到西貢去，於是E先生就帶我來到將軍澳吃聰嫂私房甜品。我們22:00左右到達，門外已有大約二十多人在排隊，於是我們唯有買外賣，但原來店舖的另一邊還有一堆人是在等候外賣的，可見聰嫂果然非常人氣。等了15分鐘，終於叫到我們的號碼了，今次先嚐一下聰嫂的班戟。榴槤班戟 $20 (左) & 芒果班戟 $18 (右)班戟size較小，而且只得2件，但味道可是令我讚不絕口，外皮又薄又滑，幼滑忌廉不甜膩，榴槤果肉味道香濃，芒果則清甜美味，各有特色。

大概從Ocamp起，科大生就已開始拜見聰嫂，一來地點就近，二來中式甜品口味創新玩Fusion但又不失味美，價格相宜，科大生又有九折，聰嫂可說是自Chur同學們的充電站。一直放在嘴邊的聰嫂，終於有機會帶親友來嚐嚐，小妹而不知為何地為自己作為西貢﹑坑口的常客而感到自豪，雀躍得被親友笑說我好像持有該店股份似的，哈哈。鍾愛薑汁鮮奶燉蛋白的我，每次看見同學們點的芒果奶昔雙皮奶那金黃燦爛的顏色時總是十分心動，是天就為自己點來一份。芒果奶昔雙皮奶($28)賣相依然吸引，四大片厚肉多汁的芒果躺在冷凍的奶昔上，底層是雙皮奶，雙皮奶味道不太甜，口感細滑，奶香較鮮奶燉蛋白濃重，質感亦較為結實，但不如滿記新出的芒果鮮奶樂($27)奶味濃，絶不搶過那香芒的風頭，奶昔芒味亦濃，難怪這道甜品總是芒果發燒友的首選。不過，小妹這個不太喜甜的啊嬤還是忠情於嫩滑的薑汁/杏仁茶燉蛋白($24)，不太heavy，簡單美味。臭臭水果並非人人愛，不過小妹「冇有怕」，不然必會錯過很多美食。爸爸點的榴槤水晶珠($28)，是店方把榴槤雪藏至冰凍再打成原汁原味榴槤雪糕，不用加奶加忌廉質地已相當細滑，再配以甜美的新鮮榴槤果肉和卜卜脆的水晶珠

杏仁茶燉蛋白 $24杏仁味不會很濃, 不太喜杏仁味的也可以一試, 甜度也適中, 蛋白滑滑的入口香甜質感軟滑推介夏日適宜甜品薑汁鮮奶燉蛋 $20如果可以選擇薑汁的濃度就最好, 或者可以問問, 鮮奶與燉蛋的口感不算很滑個人吃出其鮮奶應該不是數日限期的新鮮鮮奶如果薑汁可以濃一些更好光顧了無數次, 晚飯後人流最多香港人都是喜歡飯後甜品我個人隨時也想吃甜品, 中式甜品這間水準尚可以可是服務這方面就沒有了

今日嘅天氣十分之熱,剛巧係將軍澳行完街,就想搵間甜品店食個冰涼嘅甜品,第一時間就諗起聰嫂由將軍澳行過去坑口,唔算好遠,但已經足以令我地出哂汗今次叫左一個士多啤梨豆腐花同埋雜果涼粉,雖然我冇試到個涼粉,但見到D水果種類都幾豐富,而且數量都唔算少而士多啤梨豆腐花亦都好特別,因為豆腐花頂層係酸酸甜甜嘅士多啤梨冰,當豆花一送上台,本人第一時間就係將士多啤梨冰大大啖咁擺入口,悶熱嘅感覺實在立即消退唔少,似乎比起用新鮮嘅原粒士多啤梨做更加吸引聰嫂,的確唔錯而且發覺樓面姐姐好快手,因為當時得佢一個負責樓面兼收銀,客人亦唔少,但佢依然搞得掂另外,仲有幾種唔同味道嘅冰未食過,期待下次再逐一試試